బాలయ్య 'డిక్టేటర్' ఆలస్యానికి కారణం?
on Jul 4, 2015
నందమూరి నటసింహం బాలకృష్ణ 'డిక్టేటర్' ఎప్పుడు మొదలౌతుంది? సినిమా క్లాప్ కొట్టిన తరువాత కూడా బాలయ్య సినిమా సెట్స్ పైకి ఎందుకు వెళ్ళడం లేదు? ఇవి బాలయ్య అభిమానులలో మొదలవుతున్న అనుమానాలు. కానీ డిక్టేటర్ సినిమా సెట్స్ పైకి వెళ్ళకుండా ఆలస్యం కావడానికి కారణం బాలయ్యనేనట.
బాలకృష్ణ 'డిక్టేటర్' కథను అందించిన కోన వెంకట్ అండ్ కో సినిమా సెట్స్ పైకి వెళ్ళిన తరువాత కొన్ని మార్పులు చేర్పులు చేసే అలవాటు వుంది. కానీ బాలయ్య కు అది నచ్చదట. సినిమా స్క్రిప్ట్ మొత్తం పక్కాగా రెడీ అయిన తరువాత షూటింగ్ మొదలుపెడతాడట. ఎధైనా అవసరమైతే తప్ప స్క్రిప్ట్ లో మార్పులు చేయడానికి ఒప్పుకొడట. ఇప్పుడు ఈ రెండింటికి సింక్రనైజ్ కాకనే జాప్యం జరుగుతోందని టాక్ వినిపిస్తోంది.
అందుకని కోన వెంకట్ అండ్ కో పూర్తి స్క్రిప్ట్ పక్కాగా రెడీ చేయడానికి బాలయ్య బాబును కొంచెం సమయం ఆడినట్టు తెలుస్తోంది. ఎంత సమయం తీసుకున్న ఫైనల్ బౌండ్ స్క్రిప్ట్ తో వచ్చిన తరువాతే సెట్స్ పైకి వెళ్ళాదామని బాలయ్య చెప్పారట. సో బాలయ్య అభిమానులు మరి కొద్ది రోజులు ఓపిక పట్టాల్సిందే.