భర్త కోసం దీపిక ప్రత్యేక గీతం
on Feb 20, 2021
రణ్ వీర్ సింగ్, దీపికా పదుకొణే.. ఆన్ స్క్రీన్, ఆఫ్ స్క్రీన్ సూపర్ జోడీ. పెళ్ళయ్యాక ఈ ఇద్దరూ కలసి నటించిన తొలి చిత్రం `83`. జూన్ 4న ఈ స్పోర్ట్స్ డ్రామా తెరపైకి రానుంది. ఇందులో కపిల్ దేవ్ పాత్రలో రణ్ వీర్ నటించగా.. కపిల్ శ్రీమతి రోమీ భాటియాగా దీపిక దర్శనమివ్వనుంది. కాగా, `83` విడుదలయ్యేలోపే.. రణ్ వీర్ తో మరోసారి స్క్రీన్ షేర్ చేసుకోబోతుందట దీపిక.
ఆ వివరాల్లోకి వెళితే.. రణ్ వీర్ ద్విపాత్రాభినయంలో సక్సెస్ ఫుల్ డైరెక్టర్ రోహిత్ శెట్టి `సర్కస్` పేరుతో ఓ భారీ బడ్జెట్ మూవీని తెరకెక్కిస్తున్నారు. ఇందులో రణ్ వీర్ కి జోడీగా పూజా హెగ్డే, జాక్వలైన్ ఫెర్నాండేజ్ నటిస్తున్నారు. కాగా, ఇందులో ఓ ప్రత్యేక గీతానికి కూడా స్థానముందని.. అందులో దీపిక చిందులేయనుందని బాలీవుడ్ ఖబర్. మరి.. భర్త కోసం దీపిక చేయనున్న ఈ ప్రత్యేక గీతం సినిమాకి ఏ మేరకు ప్లస్ అవుతుందో చూడాలి.
ఇదిలా ఉంటే.. దీపిక ప్రస్తుతం శకున్ బత్రా దర్శకత్వంలో రూపొందుతున్న పేరు నిర్ణయించని చిత్రంలోనూ, బాలీవుడ్ బాద్ షా షారుఖ్ ఖాన్ `పఠాన్`లోనూ నాయికగా నటిస్తోంది.