లెజెండ్ కోసం కొట్టేసుకున్నారు
on Apr 11, 2014
బాలకృష్ణ నటించిన "లెజెండ్" సినిమా ఇటీవలే విడుదలై మంచి విజయం సాధించి, కలెక్షన్ల వర్షం కురిపిస్తుంది. ఇటీవలే విజయ యాత్ర ముగించుకొని వచ్చింది. నిన్న విజయోత్సవాన్ని హైదరాబాదులో నిర్వహించారు. ఈ కార్యక్రమంలో చిత్ర యూనిట్ సభ్యులందరూ పాల్గొన్నారు. చిత్ర బృందానికి బాలకృష్ణ జ్ఞాపికలను అందజేసారు. అనంతరం బాలకృష్ణ మాట్లాడుతూ...'ఉగాది సంబరాలను రెట్టింపు చేసిన సినిమా ఇది. "సింహ" తర్వాత మా కాంబినేషన్ లో వస్తున్న సినిమా కాబట్టి ఓ సవాలుగా తీసుకున్నాం. మన పరిశ్రమలో నిజమైన హిట్ వచ్చి చాలా కాలమైంది. అందుకే పరిశ్రమ కూడా మా చిత్రం విజయం సాధించాలని కోరుకుంది. సినిమాకు "లెజెండ్" అనే పేరు పెట్టడమే పెద్ద సవాలు. చాలా మందికి లెజెండ్ అనే పదానికి అర్థం తెలియలేదు. కొంతకాలం క్రితం దీనిపై వివాదం కూడా రేగింది. లెజెండ్ ఎవరూ అంటూ కొట్టుకొని ఈ పదానికి ప్రాచుర్యం పెంచారు. కానీ నిజమైన లెజెండ్ అంటే ఏమిటో... ఎలా ఉంటాడో మా సినిమాలో చూపించాము" అని అన్నారు.