TeluguOne Services
Copyright © 2000 - , TeluguOne Sahityam - All rights reserved.
నీ 'చరణం' నాదే
ఒక్క సారిగా కాలమాగినట్లులేదూ..
ఏం జాలమేసావో
కనుల కలయిక ఎంత మధురమో
తెలియడానికి
విరహాల ఉప్పెన ఆగి
సరసాల ఊయలలో
మది ఇంతలా ఊగుతుందా!
ఎక్కడి నువ్వు?
ఎక్కడ నేను!
మిరుమిట్లు గొలిపినట్లు
హృదయాంతరాళంలో ఎదో మెరుపు
మెరిసినట్లు,
ఆద్యంతం నీ ప్రత్యక్షం
నా పరోక్షాన్ని పరిక్షిస్తున్నట్లుంది.
.
.
ఇక కాలానిదేముంది
అదెప్పుడు విందని నా మాట
నీ బాటలోకి నేనొచ్చాక!
నీ చెక్కిళ్లపై
చేరిన నా చేతులకింత కలవరింత?
కావ్యమని ప్రత్యేకంగా రాయాలా?
శ్రావ్యమైన గానమేదో
మౌనరాగమై కనుల వెంట కురుస్తుంటే!
పల్లవి నీవే
చరణం నాదే!
ప్రణయ గేయానికి
నీ 'చరణం' నాదే!!!!
.jpg)
---- Raghu Alla
క్రొత్త పాత కోరికల్ని కలబోసి మస్తిష్కపు బస్తాల్లో ఉబ్బేట్టుగా నింపి చిరుకోర్కెనైనా విడువనిష్టపడక బలమైన ఆశలబంధంతో కుట్లువేసి కాలం రథమ్మీద ప్రయాణిస్తూ శోభకృత్ పొలిమేర దాటుకుంటూ క్రోధి గ్రామం చేరుకుంటూ సగటు ఓటరు మహాశయులు!
Apr 8, 2024
శిశిరంలో చలిపులి గజదొంగగారు నిత్యంతనువంతా తీవ్రంగా తడిమేస్తూ సిరిసంపదలేం దోచుకోబోయారో దౌర్జన్యాల దాష్టికాలేంజేయబోయారో!
Apr 6, 2024
|
|