Home » పిల్లల కోసం » నిజాయితీ



Facebook Twitter Google
నిజాయితీ

 

నిజాయితీ

 

 

రాజు, వాళ్లమ్మ ఒక రోజున దుకాణానికి వెళ్లారు.
బిల్లు కట్టే కౌంటరు దగ్గర్లో మూత లేని ఓ సీసా కనబడింది రాజుకు. ఆ సీసాలో సగానికి పైగా చాక్లెట్లున్నాయి.

 

 

రాజుకు వాటిని చూస్తే నోరూరింది.
అటూ ఇటూ చూసాడు. అక్కడ ఎవ్వరూ లేరు. వెంటనే రాజు అందులోంచి మూడు చాక్లెట్లు తీసి జేబులో వేసుకున్నాడు.

 

ఇంటికి రాగానే వాళ్లమ్మకు చూపించాడు వాటిని. "ఇవెక్కడివి? నేను కొనలేదే?" అని ఆశ్చర్యపోయింది రాజు వాళ్లమ్మ.
"నేనే తీశాను- వాటిని తినాలనిపించింది!" అన్నాడు రాజు అమాయకంగా.

 


రాజు వాళ్లమ్మకు కోపం వచ్చింది. అట్లా ఎవరికీ చెప్పకుండా ఎందుకు తీసావు? అది దొంగతనం అవుతుంది! అట్లా చేయకూడదు! ఇతరుల వస్తువులను దొంగలించకూడదు! అది ఎంత అసహ్యపు పనో తెలుసా?" అని బాధ పడింది అమ్మ. రాజు చేసిన పనికి ఆమె కళ్లలో నీళ్ళు తిరిగాయి.

 


రాజు వెంటనే తన తప్పు తెలుసుకున్నాడు. "ఇంకెప్పుడూ ఇట్లా చేయనమ్మా! అడగకుండా తీసుకుంటే పాపం, వాళ్ళకు నిజంగా కష్టమే" అన్నాడు. రాజు వాళ్ల అమ్మ నవ్వి, రాజును ముద్దు పెట్టుకున్నది. "వెంటనే పో. ఆ దుకాణం యజమానికి నువ్వు తెచ్చిన మూడు చాక్లెట్లూ ఇచ్చేసి- ఇంకెప్పుడూ ఇట్లా చేయనని చెప్పి రా!" అని పంపించింది.

 


దుకాణపు యజమాని రాజు నిజాయితీని మెచ్చుకున్నాడు. "అవును బాబూ! అడక్కుండా‌ తీసుకోకూడదు. అయితే నువ్విప్పుడు మంచివాడివైపోయావు కదా, అందుకని నీకు ఇదిగో, బహుమతి!" అని వాటికి మరో మూడు చాక్లెట్లు కలిపి ఇచ్చి పంపాడు!!

Courtesy..
kottapalli.in

 

అనగనగా ఓ చిట్టి సీతాకోక చిలుక ఉండేది.
May 15, 2018
అనగనగా ఓ హంస. ఆ హంస ఒకసారి ఓ చక్కని చెరువులో ఈత కొడుతూ తిరుగుతున్నది
May 11, 2018
అనగనగా ఒక అడవిలో ఇద్దరు మిత్రులు ఉండేవి. ఒకటేమో పంది, రెండవదేమో నక్క.
May 3, 2018
అనగనగా ఒక అడవిలో ఒక చీమ, మిడత, పేడపురుగు ఉండేవి. చీమ, మిడత ప్రతిరోజూ కలిసి తిరిగేవి, వానాకాలం కోసం
Mar 30, 2018
పెద్దల మాట
Mar 26, 2018
అనగనగా ఓ రైతు దగ్గర ఒక ఆవు, ఒక గుర్రం ఉండేవి. రోజూ అవి రెండూ ఊరవతల ఉన్న అడవికి వెళ్ళి మేసి వచ్చేవి.
Mar 13, 2018
కాకీ కాకీ రావా
Feb 22, 2018
అనగనగా ఒక అడవిలో ఒక కాకి, పావురం ఉండేవి. పావురమేమో నీలంగా ఆకాశం రంగులో మెరుస్తూ ఉండేది.
Feb 12, 2018
ఒక మేకల కాపరికి చాలా మేకలున్నాయి. అతను రోజూ ఆ మేకలన్నిటినీ అడవికి తీసుకెళ్తూ ఉండేవాడు. 
Feb 8, 2018
ఒక చేతిలో కర్ర, మరో చేత సంచీ పట్టుకొని ఒక మనిషి అడవిలోకి ప్రవేశించాడు. అటూ యిటూ చూస్తూ, పాటలు పాడుకొంటూ పోతున్నాడు.
Jan 24, 2018
TeluguOne For Your Business
About TeluguOne