Home » కథలు » అనుకున్నదొకటి



Facebook Twitter Google
అనుకున్నదొకటి

అనుకున్నదొకటి!

 

 

అనగనగా ఒక కుక్క ఉండేది. అది చాలా తుంటరిది. ఒకనాడు ఆ కుక్క ఒక తోకను చూసింది. అది ఆ తోకను ’ఎలుక తోక’ అనుకుంది. అనుకోవటం ఆలస్యం, వెళ్ళి ఆ తోకను పట్టుకోబోయింది; కానీ దాని అడుగుల శబ్దం విని ఎలుక తొర్ర లోపలికి పారిపోయింది.

 

కొన్నిరోజులకు ఆ కుక్కకు ఇంకో తోక కనబడింది. అది ఒక ఉడతది. కుక్కకు నోరూరింది. ఉడత తోక కోసం పైకెగిరింది. అమ్మా! ఉడత అంత సులువుగా దొరికేదేనా? -అది కూడా తప్పించుకుంది. చేసేదిలేక కుక్క ఊరుకున్నది.

 

ఒకసారి కుక్క ఊరి బయటికి పోయింది. అక్కడున్న పొదలలో దానికి ఇంకొక తోక కనిపించింది! కుక్క మెల్లగా నక్కి నక్కి వెళ్ళి ఆ తోకను పట్టుకోబోయింది. కొంచెంగా పట్టుకున్నది కూడాను. కానీ పొదలో ఉన్న నక్క శక్తి కొద్దీ తోకను వెనక్కి లాక్కుని పారిపోయింది. నోటచిక్కిన తోకను కోల్పోయినట్లయింది కుక్కకు. కానీ పాపం, ఏం చేయగలదు? అక్కడినుండి మెల్లగా వెనుదిరిగింది.

 

మరొకనాడు కుక్క ఒక అడవికి పోయింది. అక్కడకూడా, కుక్కకు ఒక తోక కనబడింది-రెండు రాళ్ల సందున. ఆసరికి తోకల వేట అలవాటయింది కుక్కకు. ఈసారైనా తోకను వదలకూడదనుకున్నది. ఒక్క ఉదుటున ఎగిరి తోకను నోట చిక్కించుకున్నది. తన తోక ఎక్కడుందో, ఏమైపోతోందో అర్థం కాలేదు, గాఢ నిద్రనుండి అకస్మాత్తుగా మేలుకున్న పులికి. అది వెంటనే అడవంతా దద్దరిల్లేలా గర్జించింది.

 

ఊహించని పరిణామానికి ఉలిక్కిపడిన కుక్క, తోకను వదిలి, వెనక్కుచూడకుండా,...... ఏం చేసిందంటారు?......ఆ ..కరెక్టే... సరిగ్గా అదే చేసింది- తోక ముడుచుకొని పరుగెత్తింది! 

 

కొత్తపల్లి.ఇన్ వారి సౌజన్యంతో

 

 


శివపురంలో అంజన్న, శివన్న అనే ఇద్దరు మిత్రులు ఉండేవాళ్ళు....
Jul 20, 2018
అనగనగా ధర్మారం ఆనే ఊరిలో రామయ్య-భీమయ్య అనే ఇద్దరు మిత్రులు ఉండేవారు.
Jul 9, 2018
ఒక ఊళ్ళో రామయ్య, శివయ్య అనే ఇద్దరు స్నేహితులు ఉండేవాళ్ళు. ఇద్దరూ చక్కగా కలిసి మెలసి ఉండేవాళ్ళు....
Jul 6, 2018
ఒక ఊళ్లో ఓ పిసినారి పుల్లయ్య ఉండేవాడు.....
Jul 4, 2018
అనగనగా శ్రీశైల క్షేత్రానికి దగ్గరలోని ఒక కుగ్రామంలో లింగయ్య అనే రైతు ఒకడు ఉండేవాడు.
Jul 2, 2018
రంగాపురంలో యాదయ్య అనే బిచ్చగాడు ఒకడు ఉండేవాడు.
Jun 29, 2018
శ్రీపతికి భక్తి ఎక్కువ ఆశకూడా ఎక్కువే. ఏదో ఒక రోజు తన అదృష్టం తన్నుకొని వస్తుందని ఎదురు చూస్తూ ఉండేవాడతను
Jun 27, 2018
పావని కష్టాలు అన్నీ ఇన్నీ కావు. చిన్నప్పుడే తల్లిని పోగొట్టుకొని సవతి తల్లి చేతిలో యమ యాతనలు అనుభవించింది.
Jun 23, 2018
అనగనగా ఒక ముసలాయన ఉండేవాడు. అతని దగ్గర ఒక ఆవు ఉండేది.
Jun 14, 2018
అనగా అనగా ఒక చీమ ఉండేది. వాళ్ల అమ్మను అది రోజూ అడుగుతూ ఉండేది- "అమ్మా, పిన్నమ్మ వాళ్ళ ఇల్లు ఎంత దూరం?"అని.
Jun 13, 2018
TeluguOne For Your Business
About TeluguOne