Home » కథలు » చీమ - అగ్గిపుల్ల



Facebook Twitter Google
చీమ - అగ్గిపుల్ల

చీమ - అగ్గిపుల్ల

 

 

అనగా అనగా ఒక చీమ ఉండేది. వాళ్ల అమ్మను అది రోజూ అడుగుతూ ఉండేది- "అమ్మా, పిన్నమ్మ వాళ్ళ ఇల్లు ఎంత దూరం?"అని. అడిగితే, వాళ్ళ అమ్మ "చాలా దూరం" అనింది. "మరి, తాత వాళ్ళ ఇల్లు ఎంత దూరం?" అని అడిగితే "చాలా దూరంరా, కన్నా!" అని అమ్మ చీమ బదులిచ్చింది.  "ఓహో! మరి సూర్యుడు ఎంత దూరం అమ్మా?" అని అడిగితే అమ్మ చీమ అన్నది- "చాలా చాలా దూరంరా బుజ్జీ!" అని అనింది. అయితే 'చాలా దూరం' అంటే ఎంతో చిన్నారి చీమకు అర్థం కాలేదు. 'చాలా చాలా దూరం' అంటే ఇంక ఏమాత్రమూ అర్థం కాలేదు. కానీ అర్థం చేసుకోవాలని గట్టిగా అనుకుంది అది. 

అప్పుడు ఇంక చిన్నారి చీమ ఒక అగ్గి పుల్లను తీసుకుంది. దాంతో కొలుచుకుంటూ వాళ్ళ పిన్నమ్మ ఇంటికి వెళ్ళింది. దాంతో 'చాలా దూరం' అంటే ఏంటో కొంచెం కొంచెం అర్థం అయింది దానికి.  చాలా నడిచింది కదా, దానికి బాగా కాళ్ళు నొప్పులు పుట్టాయి. పిన్నమ్మ పెట్టింది తిని, కొంచెం సేపు విశ్రాంతి తీసుకొని, అక్కడి నుండి మళ్ళీ అగ్గిపుల్లలతో కొలుచుకుంటూ‌ తాత వాళ్ళ ఇంటికి వెళ్ళింది.  తాత ఇల్లు చేరుకునేసరికి చిన్నారి చీమకు 'చాలా దూరం ' అంటే ఏమిటో బాగా అర్థమైపోయింది. 

 

తన ఇంటి నుండి పిన్నమ్మ ఇంటికి '9 అగ్గిపుల్లల దూరం' అని, అక్కడినుండి తాత ఇల్లు '13 పుల్లల దూరం' అని తేల్చింది.  'చాలా దూరం' అంటే దానికి బాగా అర్థమయ్యేసరికి, 'చాలా చాలా దూరం' అంటే ఏంటో సులభంగా ఊహించుకోగలిగింది అది. సొంత ప్రయత్నంతో చిన్న విషయాల్ని బాగా అర్థం చేసుకుంటే, పెద్ద విషయాలుకూడా సులభంగా తెలుస్తాయని చిన్నారి చీమకు బాగా వంటపట్టింది

- కొత్తపల్లి.ఇన్ వారి సౌజన్యంతో


ఒక ఊరికి వరదలు వచ్చాయి. అందరూ హడావిడిగా ఇళ్ళు వదిలేసి వెళ్ళాల్సిన...
Sep 18, 2018
అనగనగా ఒక పెద్ద రాజ్యం. ఆ రాజ్యానికి ఒక రాజు ఉండేవాడు...
Sep 11, 2018
దొండపాడు గ్రామంలో రాజు అనే పిల్లవాడొకడు ఉండేవాడు. వాడికి చదువు అంతగా రాదు.
Sep 10, 2018
బాంబే, ఒక హైటెక్ సిటీ. అందులో పేరుమోసిన సర్కస్ ఒకటి ఉంది.
Sep 7, 2018
అనగనగా ఒక అడవిలో ఒక కాకి, ఒక కోయిల ఉండేవి...
Sep 4, 2018
రామాపురం అనే ఊళ్ళో పుల్లమ్మ, పుల్లయ్య అనే పేద బ్రాహ్మణ దంపతులు ఉండేవాళ్ళు.
Sep 1, 2018
నువ్వు యెన్నయినా చెప్పు సురేష్ బాబు, వాడి గతం తెలిసినవారెవరికి వాడిపై ప్రేమ, అభిమానం ఉన్నట్టుండి పుడుతాయా...
Aug 27, 2018
అనగనగా ఒక రాజుగారికి ఒక ఏనుగు ఉండేది...
Aug 22, 2018
అనగనగా ఒక ఊళ్లో ఒక బిచ్చగాడు ఉండేవాడు. అతని పేరు పుల్లప్ప.
Jul 26, 2018
మామిళ్ళపల్లిలో పెద్ద మర్రి చెట్టు ఒకటి ఉండేది. ఆ చెట్టు తొర్రలో ఒక పిట్ట, దాని పిల్ల నివసిస్తూ ఉండేవి.
Jul 25, 2018
TeluguOne For Your Business
About TeluguOne