Home >>Pickles >>How To Make Palli Chutney

 

 


పల్లి చట్నీ , కాస్త కొత్తగా

 

 

పల్లీలు తక్కువుగా వున్నప్పుడు , ఇడ్లి , దోస లలోకి చట్నీ చేయాల్సి వచ్చినప్పుడు ఈ చట్నీ ట్రై చేయండి . టేస్ట్ డిఫరెంట్ గా వుంటుంది.

కావలసిన పదార్ధాలు:-
పల్లీలు                                             - 5 చెమ్చాలు 
మినపప్పు                                        - 1 చెమ్చ
శనగ పప్పు                                       - 1 చెమ్చ
ఆవాలు                                            - అర చెమ్చ 
జీలకర్ర                                            - పావు చెమ్చ 
ఎండు మిర్చి                                    - 6
పచ్చి మిర్చి                                      - 4
ఉల్లిపాయలు చిన్నవి                       - 2 
టమాటో చిన్నది                               - 1 
వెల్లుల్లి  రెబ్బలు                               - 3 
నూనె                                                - పోపుకి సరిపోయేటంత 
ఉప్పు                                                - రుచికి తగినంత 
పసుపు                                              - చిటికడు

తయారీ విధానం:-

ముందుగా బాణలిలో నూనె వేసి , పోపు సామానంత వేయాలి . వాటితో పాటు పల్లీలు ఎండు మిర్చి, పచ్చి మిర్చి కూడా వేసి వేయించాలి. అవి కొంచం వేగాక సన్నగా తరిగిన ఉల్లిపాయలు వేసి ఒక 5 నిముషాలు వేయించి , ఆ తర్వాత టమాటో చేర్చాలి. ఇంకో 5 నిముషాలు వేయించి దించే ముందు వెల్లులి వేయాలి. ఉల్లిపాయ , టమాటో పచ్చి వాసన పోతే చాలు. బాగా మగ్గక్కర లెద్దు. చల్లారాక ఉప్పు, పసుపు వేసి మెత్తగా గ్రైండ్ చేయాలి. అవసరానికి తగ్గ నీరు పోసి రుబ్బితే చట్నీసిద్దం అయిపోతుంది.

టిప్ : * టమాటో అందుబాటులో లేక పోతే చట్నీ తయారయ్యాక కొంచం నిమ్మరసం కలిపి చూడండి .

         * అలాగే ఉల్లిపాయ లేక పోతే టమాటో తో పాటు పుట్నాలు పప్పు కొంచం వేసి రుబ్బుకుంటే బావుంటుంది .

         * అలాగే కాబేజీ తరుగు వేసి వేయించి చేసినా కూడా చట్నీ టేస్టీ గా వుంటుంది .

- రమ

Related Recipes