ఆంధ్రా మాల్యా..గోల్డ్‌స్టోన్ ప్రసాద్..!

Publish Date:Jun 1, 2017

Advertisement

హైదరాబాద్ శివార్లలో వెలుగులోకి వచ్చిన భారీ భూకుంభకోణం ప్రభుత్వవర్గాల్లోనూ..అధికారుల్లోనూ తీవ్ర అలజడి రేపుతోంది. సుమారు రూ.10 వేల కోట్ల విలువైన భూమిని అక్రమ రిజిస్ట్రేషన్ల ద్వారా పక్కదారి పట్టించినట్లు దర్యాప్తులో తేలింది. ఈ భూముల మళ్లింపు ద్వారా ప్రభుత్వానికి రూ.587.11 కోట్ల నష్టం వాటిల్లినట్లు అధికారులు పేర్కొన్నారు. వీటి విలువ బహిరంగ మార్కెట్లో రూ.10 వేల కోట్లు ఉంటుందని అంచనా. ఈ కుంభకోణం వెనుక దాగిఉన్న పెద్ద తలకాయలు ఎవరా అన్నది చర్చానీయాంశంగా మారింది. పలువురు రియల్టర్లు, గతంలో ఎమ్మెల్యేలుగా పనిచేసిన వారు కలిసి రిజిస్ట్రేషన్ శాఖ అధికారులతో కుమ్మక్కై ఈ కుంభకోణానికి తెర లేపినట్లు సమాచారం. ప్రభుత్వ సేవలను ప్రజలకు మరింత చేరువ చేయాలనే ఉద్దేశ్యంతో ప్రవేశపెట్టిన ఎనీవేర్ రిజిస్ట్రేషన్ విధానాన్ని తమకు అనుకూలంగా మలుచుకున్న అక్రమార్కులు..తమ బండారం బయటపడకుండా జాగ్రత్త పడ్డారు. దీంతో ఇందులో పాత్రధారులతో పాటు తెర వెనుక సూత్ర ధారులను పట్టుకునేందుకు పోలీసులు వేట ప్రారంభించారు. ఈ వ్యవహారాన్ని గుట్టు చప్పుడు కాకుండా నడిపించిన వ్యక్తి గోల్డ్ స్టోన్ ప్రసాద్‌ ఆచూకీ కోసం పోలీసులు 8 ప్రత్యేక బృందాలను ఏర్పాటు చేసి దేశం మొత్తం గాలిస్తున్నారు.

 

అసలు ఎవరీ గోల్డ్‌స్టోన్ ప్రసాద్..?

ఇప్పటి వరకు పోలీసులు చేసిన దర్యాప్తులో ప్రసాద్ చీకటి కోణాలు వెలుగులోకి వచ్చాయి. ఇతని పూర్తి పేరు పొన్నాపుల సంజీవ ప్రసాద్ అలియాస్ పిఎస్ ప్రసాద్ అలియాస్ గోల్డ్‌స్టోన్ ప్రసాద్. గోల్డ్ స్టోన్ గ్రూప్ ఛైర్మన్‌గా, మానసిక వైద్యుడిగా చలామణి అవుతూ దాని వెనుకే కబ్జాలు, సెటిల్‌మెంట్లతో భూదందా సాగిస్తున్న అతని నిజస్వరూపం వెలుగులోకి వస్తోంది.  అతని ప్రస్థానం అనేక చీకటి కోణాల మయం. ఏకంగా అమెరికాలోని ఫైనాన్షియల్ సంస్థలకు టోకరా వేసి ఘనత వహించిన అమెరికా దర్యాప్తు సంస్థలనే ముప్పుతిప్పలు పెట్టిన ఘనుడు. లేని ఆస్తులను ఉన్నట్లు చూపించి బీసీసీఐ బ్యాంక్ నుంచి 16.8 మిలియన్ డాలర్లు, 1.4 మిలియన్ డాలర్లు స్టేట్ బ్యాంక్ ఆఫ్ ఇండియా నుంచి, 1.5 మిలియన్ డాలర్లు బ్యాంక్ ఆఫ్ ఒమన్ నుంచి, బ్రాంచ్ బ్యాంక్ అండ్ ట్రస్ట్ కంపెనీ ఆఫ్ నార్త్ కరోలినా నుంచి 2.5 మిలియన్ డాలర్లు , ఇలా మొత్తం 27 మిలియన్ డాలర్ల లోన్‌ను మంజూరు చేయించుకున్నారు.

 

బీసీసీఐ బ్యాంక్‌ నుంచి రుణాన్ని మంజూరు చేయించుకునేందుకు గాను బ్యాంక్ ఛైర్మన్‌కు 2.50 లక్షల డాలర్లు, చీఫ్ క్రెడిట్ మేనేజర్‌కు లక్ష డాలర్లు లంచం ఇచ్చినట్లు గోల్డ్‌స్టోన్‌ ప్రసాద్‌పై అభియోగాలున్నాయి. ఇచ్చిన రుణం వెనక్కు రాకపోవడం..తదితర కారణాలతో అనతి కాలంలోనే బీసీసీఐ బ్యాంక్ దివాళా తీసింది. ఉన్నపళంగా ఈ బ్యాంక్ దివాళాకు కారణమేంటో తెలుసుకోవాలని ఫెడరల్ రిజర్వ్ బ్యాంక్ ఒక దర్యాప్తు కమిటీని నియమించింది. ఇక్కడే ఉంటే తన బాగోతం బయటపడుతుందని భావించిన ప్రసాద్ అమెరికా నుంచి మెల్లగా జారుకున్నాడు. ఈ కేసుతో అతనికి world's most wanted fugitiveగా పేరు వచ్చింది. భారత్‌కు తిరిగివచ్చిన తన పలుకుబడితో మళ్లీ కంపెనీలు ప్రారంభించాడు..అప్పట్లో ఓ మాజీ ప్రధాని, ఇతర ప్రముఖులతో ఉన్న సాన్నిహిత్యం ఉండటంతో ఇతను ఆడింది ఆట, పాడింది పాటగా సాగింది. మాజీ ప్రధానికి అత్యంత సన్నిహితులుగా ముద్రపడ్డ సతీశ్ శర్మ అతని సోదరుడు గ్యారీ శర్మ గోల్డ్‌స్టోన్ కంపెనీలో పెట్టుబడులు పెట్టారు.

 

హైదరాబాద్‌ను తన కార్యకలాపాలకు కేంద్ర స్థానంగా మార్చిన ప్రసాద్‌కు ఉమ్మడి ఏపీకి పీసీసీ చీఫ్‌గా పనిచేసి ప్రస్తుతం టీఆర్ఎస్‌లో కీలకపాత్ర పోషిస్తున్న నేత బాగా దగ్గరయ్యాడు. ఇంకేముంది రాష్ట్రంలోనూ, కేంద్రంలోనూ ఒకే పార్టీ అధికారంలో ఉండటంతో తనలోని కబ్జాదారుడిని మెల్కొలిపాడు. సాధారణ ప్రజల భూముల నుంచి ప్రభుత్వ భూములను హామ్ ఫట్ చేస్తూ అతని దందా సాగింది..ప్రసాద్ కబ్జాల గురించి శివారు ప్రాంతాల ప్రజలు కథలు, కథలుగా చెప్పుకుంటారు. నిజాం కుటుంబానికి చెందిన అత్యంత విలువైన భూములను కూడా అక్రమంగా ప్రసాద్ అనుచరులు రాయించుకున్నట్లు ఫిర్యాదులున్నాయి. ఖుర్షీద్ జాహి ఎస్టేట్‌కు చెందిన రూ.40 వేల కోట్ల రూపాయల విలువైన భూమిని అక్రమంగా స్వాధీనం చేసుకున్నారని హామీద్ ఉన్నీసాబేగం గతంలో ముఖ్యమంత్రులను కలిసి ఫిర్యాదు చేసినా ఫలితం లేదు.

 

తాను ఏం చేసినా అడిగేవారు లేరని ఇప్పుడు ఏకంగా అతిపెద్ద భూకుంభకోణానికే తెరదీశాడు. అప్పుడు బీసీసీఐ బ్యాంక్ అధికారులు సహకరించినట్లుగానే ఇప్పుడు సబ్ రిజిస్ట్రార్ రాచకోండ శ్రీనివాస్, అధికారులు, బడా రాజకీయ నేతలు ప్రసాద్‌ పనిలో తలో చేయ్యి వేసి ప్రభుత్వానికి వందల కోట్లు నష్టం చేకూర్చారు. అడ్డూ అదుపు లేకుండా పెద్ద ఎత్తున భూకబ్జాలు, లావాదేవీలు జరుపుతున్నా ఇంతవరకు ఆయన పేరు గానీ..ఆయన పై ఫిర్యాదు కానీ నమోదు కాలేదంటే ఎంతటి బలమైన వ్యక్తులు ప్రసాద్ వెనుకున్నారో అర్థం చేసుకోవచ్చు. కానీ పాపం పండినప్పుడు ఎంతటి పలుకుబడి ఉన్నా..ఎవరున్నా తప్పించుకోలేరు..

By
en-us Political News

  
ఇద్దరు అధికారులు దివంగత వై ఎస్ రాజశేఖరరెడ్డి ముఖ్యమంత్రిగా ఉన్నప్పుడు కీలకమైన శాఖలు నిర్వహించిన వారు. ప్రస్తుత ముఖ్యమంత్రి జగన్ చేతిలో వీరిద్దరూ తీరని అవమానాలకు గురౌతున్నారు.
భారతీయ జనతా పార్టీ దిగుమతుల విభాగం నుంచి డంప్ అయిన జి వి ఎల్ నరసింహారావు , అలాగే తెలుగు దేశం నుంచి బీ జె పి లోకి దిగుమతి అయిన సుజనా చౌదరి, సి ఎం రమేష్, టీ జీ వెంకటేష్...
సినిమాలలో ఎన్నో క్రైమ్ స్టోరీలు, ఎన్నో కిడ్నాప్ సీన్లు చూసుంటారు. అయితే.. కాకినాడలో జరిగిన ఈ రియల్ స్టోరీ ముందు ఆ రీల్ స్టోరీలన్నీ చిన్నబోతాయి. పేరున్న రాజకీయ నాయకులు, పలుకుబడి ఉన్న అధికారులు.. ఇలా భారీ తారాగణం నటించిన..
తెలంగాణ నుంచి రెండు రాజ్యసభ సీట్ల కోసం అధికార టీఆర్ఎస్‌లో  పోటాపోటీ నెలకొంది. షెడ్యూల్‌ ప్రకారం రాజ్యసభ ద్వైవార్షిక ఎన్నికల నోటిఫికేషన్‌ మార్చి 6న జారీ కానుంది. 13వ తేదీ వరకు నామినేషన్ల దాఖలుకు అవకాశం ఉంది.
రాజకీయాల్లో ఓడలు బళ్లు అవుతాయి. బళ్లు ఓడలవుతాయి. ప్రజాస్వామ్యంలో ఇది సాధారణమే. ప్రస్తుతం దేశంలోనూ, అనేక రాష్ట్రాల్లోనూ ఇదే జరుగుతోంది. నిన్నమొన్నటివరకు దేశంలోనూ, ఆయా రాష్ట్రాల్లో చక్రం తిప్పినవారంతా...
అమావాస్య రోజు చందమామని చూడాలనుకోవడం, రాజకీయాలలో విలువలు గురించి మాట్లాడాలనుకోవడం ఒకటే అంటుంటారు. అవును ఈ తరం రాజకీయాలను చూస్తే నిజమే అనిపిస్తుంది...
ఆంధ్రప్రదేశ్ లో సొంతంగానే బలపడతాం అని ప్రతి రోజూ ప్రకటనలు గుప్పిస్తున్న భారతీయ జనతా పార్టీ అందుకు ఎలాంటి వ్యూహాలు రచిస్తోంది అంటే? భలే ప్రశ్న అడిగారండి, ఆ విషయం ఆ పార్టీ నాయకులకే తెలియడం లేదు...
60వ దశకంలో ఉమ్మడి ఆంధ్రప్రదేశ్ రాష్ట్రంలో 'విశాఖ ఉక్కు- ఆంధ్రుల హక్కు' నినాదం మార్మోగింది. కుల,మత, ప్రాంతాలకు అతీతంగా ప్రజలు విశాఖలో ఉక్కు కర్మాగారం కోసం ఉద్యమించి భారీ ఉద్యమం చేసి దాన్ని సాధించుకున్నారు.
ఉమ్మడి ఆంధ్రప్రదేశ్ కు రెండు సార్లు ముఖ్యమంత్రి, నవ్యాంధ్రప్రదేశ్ తొలి ముఖ్యమంత్రి చంద్రబాబు నోరు తెరిస్తే హైదరాబాద్ ను ప్రపంచ పటంలో పెట్టింది నేనే. సైబరాబాద్ నిర్మాతను నేను. అని చెప్తూ ఉంటారు.
ఆంధ్రప్రదేశ్ రాష్ట్ర ప్రభుత్వం గడిచిన ఐదు ఆర్ధిక సంవత్సరాల్లో మొత్తం 47,682.87 కోట్ల రూపాయల ఓవర్ డ్రాఫ్ట్ సౌకర్యాన్ని పొందింది. దేశం మొత్తం మీద ఓవర్ డ్రాఫ్ట్ (ఓ.డి.) అత్యధిక మొత్తం పొందిన రాష్ట్రాల్లో ఆంధ్రప్రదేశ్ తొలి స్థానంలో నిలవటంతో...
ఇద్దరు నేతలు...వారి వ్యవహార శైలి.. ...ప్రస్తుతం రాష్ట్రం లో నలుగుతున్న చర్చ ఇదే. ఒకరు సంక్షోభాల నుంచి అవకాశాలను సృష్టించే ఫిలాసఫి నిర్మాతలైతే, మరొకరు..పైన దేవుడున్నాడు... నాన్న చూస్తున్నాడు...
రాష్ట్ర మాజీ ముఖ్యమంత్రి చంద్రబాబు నాయుడు అప్పటి వ్యక్తిగత కార్యదర్శి పెండ్యాల శ్రీనివాస్ దాదాపు గా అప్రూవర్ గా మారబోతున్నట్టు సమాచారం. ఈ సంగతి తెలుగుదేశాధినేతకు శరాఘాత సమానమైన విషయమైనప్పటికీ...
ఇది మరో సంక్షోభం... మొన్న జాస్తి కృష్ణ కిషోర్... ఈ రోజు ఏ.బి. వెంకటేశ్వర రావు. కేంద్రంతో కయ్యానికి కాలు దువ్వితే, కేంద్ర సిబ్బంది వ్యవహారాలు, శిక్షణ మంత్రిత్వ శాఖ ఏ రకంగా స్పందించిందో ఇప్పటికే అనుభవైనప్పటికీ...
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.