ఆ పాపాన్ని బీ ఫారంతో కడిగేసుకుంటారా?
Publish Date:Mar 1, 2021
Advertisement
హైదరాబాద్ , రంగారెడ్డి, మహబూబ్ నగర్ పట్టభద్రుల నియోజకవర్గం నుంచి పోటీ చేస్తున్న తెరాస, బీజేపీ ఎమ్మెల్సీఅభ్యర్ధులు ప్రధానంగా బ్రాహ్మణ ఓటర్లపై దృష్టిని కేంద్రేకరించారు. బ్రాహ్మణ ఓటర్లు ఎటు మొగ్గుచూపితే అటే విజయం నడిచి వెళుతుందని పార్టీల విశ్వాసం. అందుకే ముఖ్యమంత్రి కేసీఆర్ వ్యూహాత్మకంగా పీవీ కుమార్తె వాణీ దేవిని చివరి నిముషంలో బరిలో దించారు. తెరాస నాయకులు ప్రత్యేకంగా బ్రాహ్మణ పట్టభద్రులు, ఉద్యోగుల సమావేశాలను ఏర్పాటు చేస్తున్నారు. బ్రాహ్మణ సామాజిక వర్గానికి చెందిన న్యాయవాది వామన రావు దంపతుల హత్య వెనక తెరాస నాయకుల హస్తమున్నట్లు ఆరోపణలు వస్తున్న నేపధ్యంలో బ్రాహ్మణ ఓటర్లు కొంత ఆగ్రహంతో ఉన్నారు. బీజీపీ సీనియర్ నాయకురాలు, విజయ్ శాంతి, వామన రావు దంపతుల హంతకులపై ఎలాంటి చర్యలు తీసుకుననరో చెప్పకుండా బ్రాహ్మణ సామజిక వర్గం ఓట్లు అడిగే హక్కు తెరాసకు లేదని మండి పడ్డారు. 'కరీంనగర్ జిల్లా బ్రాహ్మణ హత్యల పాపాన్ని కౌన్సిల్ బీ ఫారంతో కడిగేసుకుందామన్న కుట్ర చెల్లుతుందా? వామనరావు దంపతులపై బ్రహ్మ హత్యా పాతకానికి పాల్పడి వాణీదేవికి ఎమ్మెల్సీ టికెట్ ఇస్తే ప్రాయశ్చిత్తం అవుతుందా?' అని ఆమె ప్రశ్నించారు. 'కేసీఆర్ గారి చర్యలను.... ఆవేదనతో రగిలిపోతున్న బ్రాహ్మణులు అంతర్గత సమావేశాలలో ఆత్మసాక్షిగా ప్రశ్నించుకుంటున్నట్లు సర్వత్రా వినిపిస్తోంది. మంథనిలో చేసిన పాపానికి మల్కాజిగిరితో పాటు మూడు ప్రాంతాలకు చెందిన బ్రాహ్మణ ఓటర్లతో ప్రక్షాళన చేసుకోవాలని సీఎం దొరగారు చేస్తున్న కపట ప్రయత్నాలను అర్థం చేసుకోలేని అమాయక స్థితిలో బ్రాహ్మణ సామాజిక వర్గం లేదు' అని విజయశాంతి పేర్కొన్నారు. 'బ్రాహ్మణ ఓటర్లను ఆకట్టుకునేందుకు పీవీ గారి బిడ్డ వాణీదేవిని బరిలోకి దించిన కేసీఆర్ గారు వామనరావు దంపతుల హత్యకు కారకులైనవారిపై ఎలాంటి చర్యలు తీసుకున్నారో... చెబితే తప్ప, ఓట్లు అడిగే నైతిక హక్కు ఉండదన్న స్పష్టమైన వైఖరితో బ్రాహ్మణ సమాజం ఉన్నట్లు కనిపిస్తోంది' అని విజయశాంతి ట్వీట్ చేశారు.పీవీ గారి కుమార్తెకు టికెట్ కేటాయించానని ప్రచారం చేసుకుంటున్న గులాబీ బాస్... బీజేపీ అభ్యర్థిగా బరిలోకి దిగుతున్న రామచందర్ రావు గారికి పడే బ్రాహ్మణ ఓట్లను చీల్చడానికి కుట్ర చేస్తున్నారనేది వాస్తవమన్నది మొత్తం తెలంగాణ సమాజపు అభిప్రాయం' అని విజయశాంతి పేర్కొన్నారు.
http://www.teluguone.com/news/content/bjp-leader-vijay-shanthi-hot-comments-on-kcr-mlcelection-39-110915.html