గోవాలో దారుణమైన ఘటన చోటుచేసుకుంది. పెర్ఫ్యూమ్ రీసెర్చర్, 'ఫస్ట్ లేడీ ఆఫ్ స్మెల్' గా పేరు పొందిన మోనికా గూర్డె దారుణ హత్యకు గురైంది. పోలీసులు తెలిపిన వివరాల ప్రకారం.. సుంగంధ ద్రవ్యాల వ్యాపారం చేసే మోనికాను 'ఫస్ట్ లేడీ ఆఫ్ స్మెల్' అని పిలుస్తుంటారు. ఆమె గోవాలోని సంగోల్డాలో ఉన్న రెంటెడ్ ఫ్లాట్ లో ఉంటుంది. అయితే ఎప్పటిలాగే ఆమె పనిమనిషి మోనికా ఉదయం 9 గంటలకు ఇంటికి వెళ్లగా.. ఎంతసేపు తలుపు కొట్టినా తీయకపోవడంతో  పొరుగు వారి సహాయంతో మోనికా సోదరుడు ఆనంద్ కు ఫోన్ చేయించింది. ఆమె సోదరుడు, పొరుగువారి సహాయంతో తలుపులు బద్దలుకొట్టి లోపలికి వెళ్లి చూడగా.. ఆమె చనిపోయిఉండటం చూసి షాకయ్యారు. ఆమె ఒంటి మీద నూలు పోగు కూడా లేదు. చేతులు కట్టేసి ఉన్నాయి. వెంటనే వారు పోలీసులకు ఫిర్యాదు చేశారు. దీంతో పోలీసులు అక్కడి వచ్చి కేసు నమోదు చేసుకున్నారు. ఆమెపై అత్యాచారం చేసి దిండు సాయంతో ఊపిరి ఆడకుండా హత్య చేసి ఉంటారనే నిర్ణయానికి పోలీసులు వచ్చారు.