టీఆర్ఎస్ నాయకులు ఇతర పార్టీల నాయకుల మీద మాటలతో దాడులు చేస్తుంటే, ఇతర పార్టీల నాయకులు టీఆర్ఎస్ నాయకుల మీద కత్తులతో దాడులు చేస్తున్నారు. గద్వాల మండలం అనంతపురం గ్రామం నుంచి ఎంపీటీసీ అభ్యర్థిగా పోటీ చేస్తున్న జలీల్ మీద ఆయన రాజకీయ ప్రత్యర్థులు కత్తులతో దాడి చేసి నరికారు. జలీల్‌ని ఆస్పత్రికి తరలించారు. ఆయన పరిస్థితి విషమించిందని వైద్యులు అంటున్నారు. ఇదిలా వుంటే, కర్నూలు జిల్లా డోన్ మండలం వికట నాయిని పల్లిలో కాంగ్రెస్ - టీడీపీ కార్యకర్తల మధ్య ఘర్షణ జరిగింది. కర్రలు, కత్తులతో రెండు పార్టీలకు చెందిన నాయకులు విచ్చలవిడిగా కొట్టుకుని, పొడుచుకున్నారు. పదిమంది వ్యక్తులు తీవ్రంగా గాయపడ్డారు. టీడీపీ నాయకుల వాహనం ధ్వంసమైంది.
      దేశానికి, తెలుగు ప్రజలకు కేంద్రమంత్రి కావూరి సాంబశివరావు రూపంలో పట్టిన దరిద్రం వదిలిందని సీమాంధ్ర ప్రజలు భావిస్తున్నారు. గురువారం ఆయన మంత్రి పదవికి రాజీనామా చేయడంతో సీమాంధ్ర ప్రాంతంలో ఆనందోత్సాలు వ్యక్తమవుతున్నాయి. సీమాంధ్ర ప్రాంతానికి కేసీఆర్ కూడా చేయనంత ద్రోహాన్ని చేసిన కావూరి సాంబశివరావు రాజీనామాని అక్కడ అందరూ స్వాగతిస్తున్నారు. ఏ మంత్రి పదవి కోసమైతే సీమాంధ్ర ప్రజలకు కావూరి వెన్నుపోటు పొడిచాడో ఇప్పుడా మంత్రి పదవికి రాజీనామా చేయడం శుభ పరిణామమని వారు అంటున్నారు. పదవి లేకపోతే బతకలేని కావూరి ఇప్పుడు కాంగ్రెస్‌లో వుంటే తాను ఎంపీగా గెలవలేనన్న ఉద్దేశంతో కాంగ్రెస్ పార్టీకి దూరమవుతున్నాడు. బీజేపీలో చేరాలని ప్లాన్ వేస్తున్నాడు. అయితే కావూరి ఏ పార్టీలో చేరినా, ఏ నియోజకవర్గం నుంచి పోటీ చేసినా ఓడించడం ఖాయమని సీమాంధ్ర ప్రజలు అంటున్నారు. కావూరి లాంటి పదవీ వ్యామోహం వున్న వ్యక్తికి తగిన గుణపాఠం చెప్పడానికి తామంతా సిద్ధంగా వున్నామన్నారు. కేవలం కావూరికి మాత్రమే కాకుండా కావూరిని చేర్చుకునే పార్టీకి కూడా బుద్ధి చెప్పడం ఖాయమని వారు వార్నింగ్ ఇస్తున్నారు.
  కేంద్రమంత్రి పదవి కోసం కొల్లేరు సమస్యలను, సమైక్యాంధ్ర నినాదం అడ్డుపెట్టుకొని కాంగ్రెస్ అధిష్టానాన్ని బ్లాక్ మెయిల్ చేయడానికి సైతం వెనుకాడని కావూరి సాంబశివరావు, పదవి వచ్చిన తరువాత ఆ సమస్యల గురించి మరిచిపోయి అధిష్టానం భజన మొదలుపెట్టేసారు. కానీ విభజన వ్యవహారం ఒక కొలిక్కి వచ్చేసరికి సీమాంద్రాలో అకస్మాత్తుగా మారిన రాజకీయ వాతావరణం చూసి, కాంగ్రెస్ పార్టీకి గుడ్ బై చెప్పి తెదేపాలో చేరాలని నిశ్చయించుకొన్నాక, చాలా నాటకీయంగా “తనకు దిశా నిర్దేశం చేయమని కోరుతూ తన నియోజక వర్గ ప్రజలకు, తన అనుచరులకు ఆయన ఒక బహిరంగ లేఖ వ్రాసారు. కానీ దానికి ప్రజల నుండి ఎటువంటి స్పందన రాకపోయినా, స్థానిక తెదేపా నేతల నుండి మాత్రం “దయచేసి మీరు మా పార్టీలోకి రావద్దు మహాప్రభో” అంటూ మంచి స్పందన రావడంతో చేసేదేమీలేక కమలం చేతబట్టుకొనేందుకు సిద్దమయిపోయి డిల్లీలో వాలిపోయారు. కానీ బీజేపీ నుండి కూడా ఇంతవరకు ఎటువంటి సానుకూల స్పందన లేకపోయినప్పటికీ, వారిని బలవంతంగా ఒప్పించేసయినా సరే ఆ పార్టీలో చేరిపోవాలని ఫిక్స్ అయిపోయారు.   కానీ బీజేపీ-తెదేపాల మధ్య ఎన్నికల పొత్తులు కుదిరి, వారిరువురూ అన్ని సీట్లు సర్దేసుకొన్నాక తను ఎంత పెద్ద ఖర్చీఫ్ పట్టుకొని వెళ్ళినా వేసేందుకు అక్కడ సీటు ఖాళీ ఉండదని, ఇంకా ఆలస్యంచేస్తే మొదటికే మోసం వస్తుందని గ్రహించిన కావూరి, నెలరోజుల్లో ఊడిపోయే తన కేంద్రమంత్రి పదవిని, మునిపోయే కాంగ్రెస్ పార్టీని కూడా వదిలిపెట్టేసి, పనిలోపనిగా అదే దారిలో ఉన్న బీజేపీ కార్యాలయానికి వెళ్లి కాషాయ కండువా కప్పుకొని వచ్చేద్దామని ఈరోజే డిల్లీ బయలుదేరుతున్నారు. కానీ ఒకవేళ కాంగ్రెస్ పార్టీకి రాజీనామా చేసిన తరువాత బీజేపీలో ఎంట్రీ-టికెట్ దొరక్కపోతే ఏ పార్టీలో చేరాలో చెప్పమని మళ్ళీ ప్రజలకు బహిరంగ లేఖ వ్రాస్తారేమో. అందువల్ల ప్రజలూ.. మీరు కూడా ఆయనకు జవాబిచ్చేందుకు సిద్దంగా ఉండాలి మరి!
  గత ఆరేడు నెలలుగా వెలువడుతున్న సర్వే నివేదికలన్నీ మోడీ నేతృత్వంలో బీజేపీ కేంద్రంలో అధికారం చేపడుతుందని ఘోషిస్తున్నప్పటికీ అవ్వన్నీ కూడా ఒట్టి గాలి కబుర్లేనని కాంగ్రెస్ నేతలు కొట్టిపడేస్తున్నారు. అయితే, గత పదిహేనేళ్ళుగా ఆ పార్టీతో కలిసి కాపురం చేస్తూ, కేంద్రమంత్రి పదవుల రాజభోగం కూడా అనుభవిస్తున్న మహారాష్ట్రకు చెందిన నేషనల్ కాంగ్రెస్ పార్టీ అధినేత శరద్ పవార్, ఈసారి ఎన్నికల తరువాత బీజేపీ అత్యధిక మెజార్టీ ఉన్న ఏకైక అతిపెద్ద పార్టీగా మొదటి స్థానంలో నిలుస్తుందని, కాంగ్రెస్ పార్టీ రెండో స్థానంతో సరిబెట్టుకోవలసి ఉంటుందని ప్రకటించేసి కాంగ్రెస్ అధిష్టానానికి షాక్ ఇచ్చేరు. తమ పార్టీ దీనపరిస్థితి గురించి తెలిసినప్పటికీ పైకి మాత్రం మేకపోతు గాంభీర్యం ప్రదర్శిస్తూ ఎన్నికల ప్రచారం చేసుకొంటున్న కాంగ్రెస్ అధిష్టానం, ఆయన సరిగ్గా ఎన్నికలు ముంచుకొస్తున్న ఈ కీలక తరుణంలో ఉన్న మాటను కుండ బ్రద్దలు కొట్టినట్లు చెప్పేసరికి ఉలిక్కిపడింది.   కొన్ని నెలల క్రితమే ఆయన మోడీని, బీజేపీని వెనకేసుకు వచ్చిన సంగతి గుర్తుకు వచ్చిన కాంగ్రెస్ పార్టీ, ఇప్పుడు ఆయన కూడా బీజేపీ వైపు దూకేసి ఎన్నికల తరువాత ఎన్డీయే గూట్లో చేరిపోతారేమోనని ఆందోళన పడుతోంది. అయితే శరద్ పవార్ తన తుది శ్వాస వరకు కూడా కేంద్రమంత్రిగా అధికారం చలాయించాలని చాలా బలమయిన కోరిక ఉన్నపటికీ వృద్దాప్యం, ఆరోగ్యసమస్యల కారణంగా ఆయన ఈసారి ఎన్నికలలో పోటీ చేయడం లేదు. కానీ తన కుమార్తె సుప్రియా పాటక్ ను తన స్థానంలో సెటిల్ చేసేసిన తరువాతనే రాజకీయాల నుండి తప్పుకోవాలని భావిస్తున్నారు. అందువలననే ఈసారి విజవకాశాలు అధికంగా కనిపిస్తున్న బీజేపీని, మోడీని ఇప్పటి నుండే మంచి చేసుకొనే ప్రయత్నాలు చేస్తూ ఎన్నికలకు ముందో తరువాతో ఎన్డీయే గూట్లో తన కుమార్తెను చేర్చి రాజకీయాల నుండి తప్పుకోవచ్చును. ఒకవేళ ఆయన కూడా హస్తం పార్టీకి హస్తం చూపించినట్లయితే, ఇప్పటికే గెలుపు ఆశలు సన్నగిల్లుతున్న కాంగ్రెస్ పార్టీకి ఆ అవకాశాలు మరింత సన్నగిల్లవచ్చును.
      తెహల్కా డాట్‌కామ్ స్ట్రింగ్ ఆపరేషన్ల ద్వారా దేశవ్యాప్తంగా సంచలనం సృష్టించిన తరుణ్ తేజ్‌పాల్ మదర్ సెంటిమెంట్‌ని గోవా కోర్టు గౌరవించింది. ప్రస్తుతం జైల్లో వున్న తరుణ్ తేజ్‌పాల్ గురువారం గోవా సమీపంలో ఒక గ్రామంలో వున్న తన తల్లిని చూసి రావడానికి అనుమతి ఇచ్చింది. తరుణ్ తేజ్‌పాల్ తల్లి గత కొంతకాలంగా బ్రెయిన్ ట్యూమర్‌తో బాధపడుతోంది. ఆమెని చూడాలని తరుణ్ తేజ్‌పాల్ గత కొంతకాలంగా తపిస్తున్నాడు. మార్చి 13వ తేదీన కోర్టు ఒకసారి తరుణ్ తేజ్‌పాల్‌కి తన తల్లిని చూసి రావడానికి అనుమతి ఇచ్చింది. ఇరవై రోజులు తిరక్కుండానే మరోసారి తరుణ్ తన తల్లిని చూడటానికి తనకి అవకాశం ఇవ్వాలని కోర్టును కోరాడు. అవసాన దశలో వున్న తల్లిని చూసే అవకాశం ఇవ్వాలంటూ రిక్వెస్ట్ చేశాడు. తరుణ్ సెంటిమెంట్‌ని అర్థం చేసుకున్న కోర్టు ఆయనకి మరోసారి అనుమతి ఇచ్చింది.
      మళ్ళీ ఎలాగైనా అధికారంలోకి రావాలన్న ఉద్దేశంతో వున్న కాంగ్రెస్ పార్టీ సిగ్గును పూర్తిగా వదిలేసిన లక్షణాలు కనిపిస్తున్నాయి. తెలంగాణ ఇస్తే తెరాసని కాంగ్రెస్‌లో విలీనం చేస్తానని మాట ఇచ్చిన కేసీఆర్ ఆ మాట తప్పినా కాంగ్రెస్‌కి బుద్ధి రాలేదు. గత కొంతకాలంగా కాంగ్రెస్, తెరాస నాయకులు ఒకరినొకరు బండబూతులు తిట్టుకుంటున్నారు. కేసీఆర్ ప్రెస్ మీట్లలో, మీటింగ్స్ లో కాంగ్రెస్ పార్టీని తిట్ల దండకంతో కడిగేస్తున్నాడు. లేటెస్ట్ గా మెదక్ జిల్లాలో జరిగిన మీటింగ్‌లో కూడా కేసీఆర్ కాంగ్రెస్ పార్టీని నానా మాటలతో తిట్టిన తిట్టు తిట్టకుండా తిట్టాడు. కేసీఆర్ తిట్లకి ప్రతీకారంగా తెలంగాణ కాంగ్రెస్ అధ్యక్షుడు పొన్నాల లక్ష్మయ్య కూడా కేసీఆర్‌ మీద మాటల దాడి చేశాడు. ఇదంతా ఓకే.. ప్రెస్ మీట్ పెట్టి కేసీఆర్‌ని రకరకాలుగా విమర్శించిన పొన్నాల ఆ తర్వాత తెరాసతో పొత్తుకు కాంగ్రెస్ పార్టీ సిద్ధంగా వుందని, కేసీఆర్ ఒప్పుకుంటే రెండు పార్టీలు జట్టు కట్టి తెలంగాణని ఉద్ధరించేద్దామని అన్నాడు. ఒకవైపు కేసీఆర్ ఛీ పో అంటున్నా తెరాసతో పొత్తు కోసం పాకులాడుతున్న కాంగ్రెస్ పార్టీలో ‘సిగ్గు’ అనే పదార్ధం లేనట్టే కదా!
  ఆంధ్రప్రదేశ్ పీసీసీ అధ్యక్షుడు రఘువీరా రెడ్డి మీడియాతో మాట్లాడుతూ “కాంగ్రెస్ పార్టీలో పదవులు, హోదా అన్నీ అనుభవించి, ఇబ్బడిముబ్బడిగా డబ్బు, ఆస్తులు అన్నీ సంపాదించుకొని చివరికి పార్టీకి ద్రోహం చేసి బయటకు వెళ్లిపోయిన వారందరికీ ప్రజలు కసితో, చాలా కసితో బుద్ది చెప్పాలని పిలుపునిచ్చారు. లక్షలాది ప్రజలు, ఉద్యోగులు, విద్యార్ధులు అందరూ కూడా రోడ్ల మీదకు వచ్చి రెండున్నర నెలల పాటు ఏకధాటిగా రాష్ట్ర విభజనను వ్యతిరేఖిస్తూ ఉద్యమాలు చేసినప్పటికీ, వారి పట్ల కనీసం మానవతా దృక్పధంతోనయినా స్పందన చూపకపోగా, డిల్లీలో ఏసీ గదుల్లో కూర్చొని వారి ఉద్యమాలను అవహేళన చేసి, ప్రజలను ఘోరంగా అవమానించారు కాంగ్రెస్ నేతలు.   ప్రజాభీష్టానికి వ్యతిరేఖంగా పార్లమెంటు పరువు మంటగలిపి మరీ రాష్ట్ర విభజన చేసిన కాంగ్రెస్ పార్టీ నుండి దానికి చెందిన కొందరు నేతలు బయటకి వెళ్ళిపోతే దానివల్ల ప్రజలకు ఏమి నష్టం? వారిని కసితో ఓడించాల్సిన అవసరం ప్రజలకేముంది? స్వంత పార్టీ నేతలనే కాంగ్రెస్ పార్టీ మోసం చేస్తే, సదరు నేతలది కూడా స్వచ్చమయిన కాంగ్రెస్ డీ.యన్.ఏ. కనుకనే వారు కూడా పార్టీని మోసం చేసి వెళ్ళిపోయారు. పైగా వారందరూ పార్టీలో ఉంటూ ఇబ్బడి ముబ్బడిగా డబ్బు, ఆస్తులు కూడబెట్టుకొన్నారని స్వయంగా రఘువీర రెడ్డి చెప్పడం చూస్తే కాంగ్రెస్ నేతలందరూ కలిసి ఇంతకాలంగా వెలగబెడుతున్న గొప్ప ఘనకార్యం ఏమిటో ఆయనే స్వయంగా ప్రకటించుకొన్నట్లుంది. అటువంటి కాంగ్రెస్ పార్టీ కోసం, దానిని విడిచిపోతున్న నేతల కోసం ప్రజలెందుకు ఆలోచించాలి?   కానీ పీసీసీ అధ్యక్షుడు అంతటి వాడే స్వయంగా తమ కాంగ్రెస్ పార్టీ నేతలందరినీ ఓడించమని పిలుపునిస్తుంటే ప్రజలు ఆయన ముచ్చట మాత్రం ఎందుకు కాదనాలి ప్రజలు కూడా అందుకే ఎదురు చూస్తున్నారు గనుక కాంగ్రెస్ పార్టీని, కండువాలు మార్చి ప్రజలను ఏమార్చడానికి వస్తున్న సదరు కాంగ్రెస్ నేతలందరినీ ఏ పార్టీ కలుగుల్లో ఎలుకల్లా దాకొన్నాకూడా వారిని ప్రజలు గుర్తుపెట్టుకొని మరీ ఓడించిననాడే వారు మళ్ళీ ఇటువంటి దుస్సాహసం చేసేందుకు కూడా ఎప్పుడు ఆలోచన చేయరు. అలాకాదని పార్టీల జెండాలను, సదరు అధినేతల మాటలను, వారి కులాలాను చూసి మళ్ళీ కాంగ్రెస్ నేతలకే ప్రజలు ఓటేస్తే వారు ఏదో ఒకరోజు మళ్ళీ కాంగ్రెస్ గూటికే చేరుకొని మళ్ళీ తమను గుడ్డిగా నమ్మిఓటేసిన ప్రజలను అపహాస్యం చేయడం తధ్యం. అందువల్ల రఘువీర రెడ్డి కోరినట్లే ప్రజలందరూ కూడా కాంగ్రెస్ పార్టీ నేతలందరినీ వారు ఏ పార్టీలో ఉన్నపటికీ ఓడించి ఋణం తీర్చుకోవలసి ఉంది.
      టీఆర్ఎస్ అధ్యక్షుడు కేసీఆర్ మీద తెలంగాణ పీసీసీ అధ్యక్షుడు పొన్నాల లక్ష్మయ్య ఫైర్ అయ్యాడు. కేసీఆర్ నిన్న మెదక్ జిల్లాలో జరిగిన ఎన్నిక ప్రచార సభలో కాంగ్రెస్ పార్టీని తిట్టిపోశాడు. దానికి కౌంటర్‌గా పొన్నాల స్పందించాడు. కాంగ్రెస్ పాలనలో ఆంధ్రప్రదేశ్ బోలెడంత అభివృద్ధి చెందిందని, కేసీఆర్ ఆంధ్రప్రదేశ్ అభివృద్ధి చెందలేదంటూ దుష్ప్రచారం చేస్తున్నాడని విమర్శించాడు.   వంద సంవత్సరాలకు పైబడిన కాంగ్రెస్ పార్టీని తెరాస లాంటి చిన్నా చితక పార్టీలు ఏమీ చేయలేవని ఆయన అన్నారు. మాట తప్పే వ్యక్తి కేసీఆర్ అని, ఇచ్చిన మాట మీద నిలబడే పార్టీ కాంగ్రెస్ అని పొన్నాల అన్నాడు. ఉట్టికి ఎగరలేనమ్మ స్వర్గానికి ఎగురుతానన్నట్టుగా మాటమీద నిలబడలేని వ్యక్తి తెలంగాణని అభివృద్ధి చేస్తానని ప్రగల్భాలు పలుకుతున్నాడని దుయ్యబట్టాడు. ఇన్నేళ్ళుగా రాజకీయాల్లో వున్న కేసీఆర్ మెదక్ జిల్లా కోసం ఏం చేశాడో చెప్పాలని నిలదీశాడు. అభివృద్ధి అనేది కాంగ్రెస్ పార్టీకే సాధ్యమని నొక్కి వక్కాణించాడు. కేసీఆర్ తెలంగాణ అభివృద్ధికి అడ్డుపడుతున్న ప్రధాన వ్యక్తి అంటూ, చరిత్రలో కేసీఆర్ అభివృద్ధి నిరోధకుడిగా మిగిలిపోతాడని శాపనార్థాలు పెట్టాడు.
      తెలంగాణ ప్రాంతంలో ఎన్నికల నిర్వహణకు నోటిఫికేషన్ విడుదలైంది. ఈ ఎన్నికల ప్రక్రియ మొత్తాన్ని అంకెల్లో చూసుకుంటే..... ఏప్రిల్ 2న నోటిఫికేషన్ విడుదల. ఈనెల 9వ తేదీ వరకు ఉదయం 11 గంటల నుంచి 3 గంటల వరకు నామినేషన్లు స్వీకరిస్తారు. 12వ తేదీన నామినేషన్ల ఉపసంహరణకు అవకాశం వుంటుంది. ఈ ఎన్నికలకు 336 మంది పరిశీలకులను నియమించారు. 138 వ్యయ పరిశీలకులుగా వ్యవహరిస్తారు. పార్లమెంట్‌కి పోటీ చేసే అభ్యర్థి 25 వేలు డిపాజిట్‌గా చెల్లించాలి. శాసనసభకు పోటీ చేసే అభ్యర్థి 10 వేలు డిపాజిట్‌గా చెల్లించాలి. ఎస్సీ, ఎస్టీ అభ్యర్థులు ఇందులో సగమే చెల్లించాలి. పార్లమెంట్‌కి పోటీ చేసే అభ్యర్థి 70 లక్షల వరకు, అసెంబ్లీకి పోటీ చేసే అభ్యర్థి 28 లక్షల వరకు ఎన్నికల ఖర్చు చేయొచ్చు. 10 జిల్లాల్లోని 119 అసెంబ్లీ స్థానాల్లో, 17 పార్లమెంట్ స్థానాలకు ఎన్నిక జరుగుతుంది. ఏప్రిల్ 30న ఎన్నికలు జరగనున్నాయి. మే 16న ఫలితాలు విడుదలవుతాయి. తెలంగాణలో మొత్తం 2,71,54,339 ఓటర్లున్నారు.
      బాలీవుడ్ సూపర్ హాట్ గర్ల్, కాంట్రవర్సీకి కేరాఫ్ అడ్రస్‌గా నిలిచిన రాఖీ సావంత్ ఈ ఎలక్షన్స్ లో వాయవ్య ముంబై లోక్ సభ స్థానం నుంచి పోటీచేస్తోంది. ఈ ఎన్నికలలో పోటీ చేయడం కోసం ‘రాష్ట్రీయ ఆమ్ పార్టీ’ (రేప్)ని స్థాపించింది. హాట్ గర్ల్ అయిన తన ఎన్నికల గుర్తు కూడా హాట్ హాట్‌గా వుండాలన్న ఉద్దేశంతో తనకి పచ్చి మిరపకాయని గుర్తుగా కేటాయించాలని ఎలక్షన్ కమిషన్‌కి దరఖాస్తు చేసుకుంది. ఇదిలా వుంటే, ఎలక్షన్లలో పోటీ చేసేవారు తమ ఆస్తులను బహిర్గతం చేయాలన్న ఎన్నికల కమిషన్ నిబంధనల ప్రకారం రాఖీ సావంత్ తన ఆస్తులను బయటపెట్టింది.   రాఖీ సావంత్ ఆస్తి మొత్తం 14 కోట్ల 69 లక్షలు. వీటిలో 3 కోట్ల 57 లక్షలు చరాస్తులు, 11 కోట్లు 12 లక్షలు స్థిరాస్తులు. ఆమె దగ్గర ప్రస్తుతం చేతిలో వున్న డబ్బు 96,427 రూపాయలు. 39 లక్షలు ఫిక్స్ డ్ డిపాజిట్ల రూపంలో వున్నాయి. 61 లక్షలు బాండ్స్, షేర్స్ రూపంలో వున్నాయి. 2 కోట్ల 12 లక్షలు ఇన్సూరెన్స్, పోస్టల్ సేవింగ్స్ వున్నాయి. 21 లక్షల విలువైన ఫోర్డ్ ఎండీవర్ కారు వుంది. ముంబైలో ఒక ఫ్లాట్ వుంది. ఆస్తుల వివరాలు ఇలా వుంటే, ఈ అమ్మడి మీద ఒక ఛీటింగ్ కేసు కూడా వుంది. అందాలు ఆరబోయడం ద్వారానే ఇన్ని కోట్లు సంపాదించిన రాఖీ సావంత్ అస్సలు చదువుకోలేదట. ఎన్నికల డిక్లరేషన్‌లో తాను నిరక్ష్యరాస్యురాలినని రాఖీ సావంత్ పేర్కొంది.  
      రాయబరేలి పార్లమెంట్ నియోజకవర్గం నుంచి కాంగ్రెస్ అధినేత్రి సోనియాగాంధీ నామినేషన్ దాఖలు చేశారు. తన తనయుడు రాహుల్ గాంధీతో కలసి జిల్లా కలెక్టర్ కార్యాలయానికి వచ్చిన సోనియాగాంధీ కాంగ్రెస్ కార్యకర్తల హర్షధ్వానాల మధ్య అట్టహాసంగా నామినేషన్ దాఖలు చేశారు. 2004, 2009 ఎన్నికలలో రాయబరేలీ నుంచి ఎన్నికలలో పోటీ చేసిన సోనియా భారీ మెజారిటీతో విజయం సాధించారు. ముచ్చటగా మూడోసారి విజయం సాధించాలని ఉవ్విళ్ళూరుతున్న సోనియాగాంధీ ఆశల మీద నీళ్ళు జల్లాలని భారతీయ జనతాపార్టీ తీవ్రంగా ప్రయత్నిస్తోంది. ఆర్ఎస్ఎస్ కార్యకర్త కుమారుడు, సుప్రీంకోర్టు నాయవాది అగర్వాల్‌ని సోనియా గాంధీ మీద పోటికి నిలబెట్టింది. ఈనెల 30న ఈ నియోజకవర్గంలో పోలింగ్ జరగబోతోంది.

అమాయకుల సంఖ్య!

Publish Date:Apr 2, 2014

      సీమాంధ్ర కాంగ్రెస్ పార్టీలో అమాయకులు ఎంతమంది ఉన్నారో చెప్పగలరా అనే ప్రశ్నకు నిన్నటి వరకూ ఎవరూ సమాధానం చెప్పలేకపోయేవారు. కానీ ఈరోజు మాత్రం ఈ ప్రశ్నకు సులభంగా సమాధానం చెప్పొచ్చు. అమాయకత్వం పర్సెంటేజ్ ఎంతమందిలో ఎక్కువ వుంది.. ఎంతమందిలో తక్కువ వుందనే విషయాన్ని కూడా క్లియర్‌గా చెప్పేయొచ్చు. టోటల్‌గా సీమాంధ్ర కాంగ్రెస్ పార్టీలో మొత్తం అమాయకుల సంఖ్య ఎంతంటే, 1335. అవును.. అక్షరాలా పదమూడు వందల ముప్పయి ఐదు. ఈ సంఖ్య నీకెలా తెలుసని ప్రశ్నిస్తే దానికీ సమాధానం వుంది.   ఈ సంఖ్యని సీమాంధ్ర కాంగ్రెస్ పార్టీ అధ్యక్షుడు రఘువీరారెడ్డే స్వయంగా ప్రకటించాడు. సీమాంధ్రలో కాంగ్రెస్ పార్టీ టిక్కెట్‌తో ఎన్నికలలో పోటీ చేయడానికి మొత్తం 1335 మంది దరఖాస్తు చేసుకున్నారని రఘువీరా ప్రకటించారు. సీమాంధ్రలో కాంగ్రెస్ పార్టీ నేలమట్టమైపోయిన ప్రస్తుత పరిస్థితుల్లో కాంగ్రెస్ పార్టీ టిక్కెట్ కావాలని కోరుకునేవాళ్ళు అమాయకులే కదా మరి! ఈ అమాయకులలో ఓ మోస్తరు అమాయకుల సంఖ్య 1160. ఎందుకంటే వీళ్ళు అసెంబ్లీకి పోటీ చేయాలని అనుకుంటున్నారు. మరీ ముదిరిపోయిన అమాయకుల సంఖ్య 175. ఎందుకంటే వీళ్ళు పార్లమెంట్‌కి పోటీ చేయాలని అనుకుంటున్నారు. ఈ అమాయకులను కాంగ్రెస్ పార్టీ ఎలాగూ కాపాడలేదు.. కాంగ్రెస్ పార్టీ తరఫున పోటీ చేయాలన్న నిర్ణయాన్ని మార్చుకుంటే వాళ్ళని వాళ్ళు కాపాడుకున్నవాళ్ళు అవుతారు.  
      మాజీ మెగాస్టార్, అభిమానుల పాలిట దగాస్టార్ చిరంజీవికి నీ అభిమాని రాస్తున్న ఉత్తరం. ప్రజారాజ్యం పార్టీ పెట్టి, దాన్ని కాంగ్రెస్ పార్టీలో విలీనం చేసి, ఆ తర్వాత దగ్గరుండి రాష్ట్ర విభజన చేసి నువ్వు మా హృదయాలను ఇప్పటికే చాలాసార్లు గాయపరిచావు. నువ్వు చేసిన గాయాలు మాన్పుకునే పనిలో వున్నాం. అలాంటి మమ్మల్ని ప్రశాంతంగా ఉండనీయకుండా నిన్న ప్రత్యేకంగా మీటింగ్ ఏర్పాటు చేశావ్. మమ్మల్నందర్నీ పిలిచి మాట్లాడావ్. నువ్వు కలవటం మాత్రమే కాకుండా కాంగ్రెస్ పార్టీ సీమాంధ్ర అధ్యక్షుడు రఘువీరారెడ్డితో కూడా మీటింగ్ ఏర్పాటు చేశావ్. అంతా అయిన తర్వాత చిరంజీవి ఫ్యాన్స్ కి కూడా ఈ ఎన్నికలలో టిక్కెట్లు ఇస్తామని రఘువీరా చేత ప్రకటింపజేశావ్? ఇదంతా చూశాక మాకు అర్థమైంది ఏంటంటే, నువ్వు మారలేదన్నయ్యా.. నువ్వు మారతావన్న నమ్మకం కూడా నిన్నటి మీటింగ్‌తో  పోయిందన్నయ్యా. నువ్వు మామీద ప్రేమతో మీటింగ్‌కి పిలిచావని, మామీద అభిమానంతో కాంగ్రెస్ పార్టీ టిక్కెట్లు ఇస్తానని అనిపించావని మేమేమీ అనుకోవడం లేదు. నీ అపరిపక్వ రాజకీయాల్లో భాగంగానే ఈ మీటింగ్ ఏర్పాటు చేశావని మాకు తెలుసన్నయ్యా. మేమందరం ఎక్కడ పవన్  కళ్యాణ్ తమ్ముడికి చేరువైపోతామోనని భయపడి నువ్వు మాతో మీటింగ్ ఏర్పాటు చేశావని మాకు తెలుసు. ఈ ఎన్నికలలో సీమాంధ్ర నుంచి కాంగ్రెస్ టిక్కెట్లు తీసుకోవడానికి మేమేమైనా పిచ్చోళ్ళలాగా కనిపిస్తున్నామా? మీ పార్టీ నుంచి సీమాంధ్రలో పోటీచేసేవాళ్ళు ఎవరూ లేరు కాబట్టే మాకు టిక్కెట్లు ఇస్తామంటున్నారు. మా అభిమానుల్లో ఇద్దరికో ముగ్గురికో టిక్కెట్లు ఇచ్చి, ఆ నెపంతో మా అభిమానులందరి చేతా కాంగ్రెస్ పార్టీకి అరవచాకిరీ చేయించాలనేదే నీ ప్లాన్ అనేది మాకు అర్థమైపోయింది చిరు అన్నయ్యా. వద్దన్నయ్యా.. మమ్మల్ని నీ రాజకీయాల్లోకి లాగి మా బుర్రలు తినే ప్రయత్నం చేయొద్దు. నీ రాజకీయా పుణ్యమా అని రాష్ట్రంలో ఇప్పటికే మా పరువు పూర్తిగా పోయింది. ఇంకా మమ్మల్ని హింసించకు. మా మానాన మమ్మల్ని బతకనీ. నీకూ, నీ రాజకీయాలకీ ఓ దణ్ణం.
      భారతీయ జనతాపార్టీకి, తెలుగుదేశం పార్టీకి మధ్య ఎన్నికల పొత్తు కుదరబోతోందన్న వార్తలు కాంగ్రెస్ దగ్గర్నుంచి సీపీఐ వరకూ అన్ని పార్టీల గుండెల్లో రైళ్ళు పరిగెత్తేలా చేస్తున్నాయి. ఈ పొత్తు కుదరకూడదు దేవుడా అని దేవుణ్ణి నమ్మని కమ్యూనిస్టులు కూడా దణ్ణాలు పెట్టేసుకుంటున్నారు. పొత్తు చెడగొట్టడానికి తమకు సాధ్యమైనట్టుగా ప్రయత్నాలు చేస్తున్నారు.   బీజేపీ, టీడీపీ మధ్య పొత్తులు, సర్దుబాట్లు,  సీట్ల సంఖ్య విషయంలో కొద్దిగా ప్రతిష్టంభన ఏర్పడటంతో ఇక పొత్తు కుదరనట్టే అని వైపీసీ ఇంటి పత్రిక, ఛానెల్ పనికట్టుకుని ప్రచారం మొదలుపెట్టేసింది. రెండు పార్టీల మధ్య పొత్తు కుదరకుండా వుండాలని సైంధవుడిలా శాయశక్తులా కృషి చేస్తున్న కిషన్‌రెడ్డి బిహేవియర్ కూడా పొత్తును ఇష్టపడని పార్టీలకు ఆయుధంలాగా దొరికింది. అయితే ఎవరెన్ని ప్రయత్నాలు చేసినా టీడీపీ, బీజేపీ మధ్య పొత్తు కుదరకుండా దేవుడు కూడా ఆపలేడని స్పష్టం కావడంతో ఇప్పుడు సదరు పార్టీలన్నీ ఏడుపు మొదలుపెట్టాయి. కాంగ్రెస్ నాయకులయితే టీడీపీ, బీజేపీ పొత్తు ఏదో ఘోరమన్నట్టుగా మాట్లాడుతున్నాయి. జగన్ మీడియా ఇప్పటికీ తనవంతు కృషి చేస్తూనే వుంది. ఇక తాజాగా కాంగ్రెస్‌తో పొత్తు పెట్టుకున్న సీపీఐ కూడా అల్లాడిపోతోంది. ఆ పార్టీ ప్రధాన కార్యదర్శి నారాయణ అయితే బోలెడంత వెటకారంగా మాట్లాడుతున్నాడు. బీజేపీతో పొత్తు పెట్టుకోవద్దంటూ తెలుగుదేశం పార్టీకి ఒక విజ్ఞప్తి కూడా చేసేశాడు. టీడీపీ, బీజేపీ పొత్తు ఈ పార్టీల బొచ్చెలో రాయి వేసే అవకాశాలున్నాయి. అందుకే ఇంతలా ఏడుస్తున్నారని రాజకీయ పరిశీలకులు అంటున్నారు.
      ఆంధ్రప్రదేశ్‌ రాష్ట్రంలో తెలుగుదేశం పార్టీ ప్రాంతాలకతీతంగా జోరుమీద వుందని ఇప్పటికే ఎన్నో సర్వేలు స్పష్టం చేశాయి. తాజాగా జరిగిన మరో సర్వేలో తెలుగుదేశం పార్టీకి ఓటర్లు అగ్ర తాంబూలం ఇస్తారని స్పష్టమైంది. సీఎన్ఎన్ – ఐబీఎన్ – సీఎస్‌డీఎస్ – లోక్‌నీతి సంస్థలు సంయుక్తంగా నిర్వహించిన సర్వేలో తెలుగుదేశం పార్టీకి ఉత్సాహాన్ని పెంచే విధంగా ఫలితాలు వచ్చాయి.   ఈ సర్వే ప్రధానంగా లోక్‌సభ స్థానాల మీద దృష్టిని కేంద్రీకరించింది. తెలుగుదేశం పార్టీకి అటు సీమాంధ్రలో, ఇటు తెలంగాణలో మంచి ఆదరణ లభించబోతున్నట్టు వెల్లడి అయింది. రెండు ప్రాంతాల్లో తెలుగుదేశం పార్టీకి 13 నుంచి 19 లోక్‌సభ స్థానాలు వచ్చే అవకాశం వుందని సర్వే వెల్లడించింది. ఓట్ల శాతాన్ని పరిశీలిస్తే రెండు ప్రాంతాలలో కలిసి తెలుగుదేశం పార్టీకి 29 శాతం ఓట్లు వచ్చే అవకాశం వుంది. సీమాంధ్ర ప్రాంతంలో అయితే 39 శాతం, తెలంగాణ ప్రాంతంలో 13 శాతం ఓట్లు తెలుగుదేశం పార్టీకి దక్కనున్నాయి. తెలుగుదేశం – బీజేపీ పొత్తు కుదిరిన తర్వాత ఇప్పటి సర్వేలో వచ్చిన సీట్లు, ఓట్ల శాతంలో భారీ పెరుగదల ఉండే అవకాశం వుండొచ్చు.
  ఒక్క కాంగ్రెస్ పార్టీ తప్ప రాష్ట్రంలో దాదాపు అన్ని పార్టీలకు ఈసారి ఎన్నికలు అతిముఖ్యమయినవి. తెరాస, వైకాపాలు మొట్ట మొదటిసారిగా ప్రభుత్వ పగ్గాలు చేజిక్కించుకొనేందుకు తహతలాడుతుంటే, తెదేపా ఈ ఎన్నికలలో గెలవకపోతే తన ఉనికే ప్రమాదం గనుక విజయమో వీర స్వర్గమో అన్నట్లు పోరాడేందుకు సిద్దం అవుతోంది. ఇక రాష్ట్ర విభజన చేసిన కాంగ్రెస్, అందుకు సహకరించిన బీజేపీలు మాత్రం ఈ రేసులో అందరి కంటే వెనుకబడిపోవడం చాలా ఆశ్చర్యకరంగా ఉంది. కానీ, బీజేపీ-తెదేపాల మద్య ఎన్నికల పొత్తులు కుదిరితే బీజేపీ కూడా బలపడే అవకాశం ఉంటుంది. కానీ, తెరాస హ్యాండివ్వడంతో తెలంగాణాలో, పార్టీ దాదాపు ఖాళీ అయిపోయిన కారణంగా సీమాంద్రాలో కూడా కాంగ్రెస్ ఘోరంగా దెబ్బ తినబోతోంది.   రాష్ట్రంలో కాంగ్రెస్ పార్టీ పరిస్థితి బాగోలేకపోయినా, కనీసం దేశంలో మిగిలిన రాష్ట్రాలలోనయినా విజవకాశాలు ఉండి ఉంటే, ఎన్నికల తరువాత ఆంధ్ర, తెలంగాణాలలో ఎన్నికయిన పార్టీలు తప్పనిసరిగా కాంగ్రెస్ పార్టీకి మద్దతు ఇచ్చి కేంద్రంలో అధికారంలోకి వచ్చేందుకు తోడ్పడి ఉండేవి. కానీ, దేశంలో వివిధ రాష్ట్రాలలో కూడా ప్రాంతీయ పార్టీలదే పూర్తి రాజ్యం నడుస్తోంది గనుక కాంగ్రెస్ పార్టీ ఏవో రెండు మూడు ఈశాన్య రాష్ట్రాలలో, దక్షిణాన్న కర్ణాటకలో తప్ప మరెక్కడా గెలిచే అవకాశాలు కనబడటం లేదు. కనీసం దాని మిత్రపక్షాలయినా గెలిస్తే కొంతలో కొంత ఊరట లభిస్తుంది. కానీ మోడీ మాయలో పడి వారు కూడా ఎన్డీయే కూటమికి జంపైపోతే ఇక కాంగ్రెస్ ముచ్చటగా మూడోసారి కేంద్రంలో అధికారంలోకి రావాలనే కల పగటికలగానే మిగిలిపోతుంది. ఇదంతా కాంగ్రెస్ స్వయంకృతాపరాధమేనని చెప్పక తప్పదు.   కాంగ్రెస్ అధిష్టానం చాలా దురాలోచన చేసి దక్షిణాదిన తనకు కంచుకోట వంటి ఆంధ్ర ప్రదేశ్ రాష్ట్రాన్నితన హస్తాలతో తానే స్వయంగా బ్రద్దలు కొట్టుకొని, కన్నకొడుకుల వంటి స్వంత పార్టీ నేతలను కాదని, వేరెవరి చేతికో అధికారం అప్పజేప్పెందుకు  సిద్దం అయ్యింది. తత్ఫలితంగా ఈసారి కేంద్రంలో కూడా అధికారంలోకి వచ్చే అవకాశాలు సన్నగిల్లిపోయాయి. అందువల్ల కాంగ్రెస్ పార్టీ ఈ ఎన్నికలలో కేంద్రంలో ప్రభుత్వం ఏర్పాటు చేయగలంత మెజార్టీ సాధిస్తే తప్ప, రాష్ట్రం నుండి ఎవరి మద్దతు దొరకదు. సోనియా గాంధీ తన ముద్దుల కొడుకు రాహుల్ గాంధీని ఎలాగయినా ప్రధాన మంత్రి కుర్చీలో కూర్చోబెట్టాలని ఇంత రిస్క్ తీసుకొని కధ నడిపిస్తే చివరికి అదే కారణంగా రాహుల్ గాంధీ శాశ్వితంగా ప్రధాని పదవికి దూరం అయ్యేలా ఉన్నారు.   కాంగ్రెస్ నిసహ్హాయ స్థితి, రాహుల్ గాంధీ భవిష్యత్తు తలచుకొంటే పాపం జాలేస్తుంది.
      రాష్ట్రంలో సార్వత్రిక ఎన్నికల సందడి మొదలైంది. తెలంగాణాలో తొలివిడత అసెంబ్లీ, లోక్ సభ ఎన్నికలకు ఈ రోజు నుంచి నామినేషన్లు స్వీకరిస్తారు. ఈ నేపథ్యంలో నామినేషన్ల దాఖలు లో తీసుకోవాల్సిన ప్రత్యేక జాగ్రత్తలను రాష్ట్ర ఎన్నికల ప్రధానాధికారి భన్వర్‌లాల్ వెల్లడించారు. స్థానికంగా ఉన్న ఆస్తులతోపాటు విదేశాల్లోని ఆస్తులు, అప్పుల వివరాలను, పోలీసు కేసులుంటే ఆ వివరాలూ అఫిడవిట్‌లో పొందుపరచాలి. ఏ ఒక్క సమాచారం లేకపోయినా నామినేషన్లను తిరస్కరిస్తామని చెప్పారు. నామినేషన్ జారీ తేదీ నుంచి ఈ నెల తొమ్మిదో తేదీ వరకు ఉదయం 11 గంటల నుంచి మూడు గంటల వరకు నామినేషన్లు స్వీకరిస్తామని, పదో తేదీన పరిశీలించి, 12న నామినేషన్ల ఉపసంహరణకు అవకాశం ఇస్తామని, అదే రోజు గుర్తులు కేటాయిస్తామని చెప్పారు.   అభ్యర్థి నామినేషన్ దాఖలు చేయనున్న నియోజకవర్గం పరిధిలోని పది మంది ఓటర్లు ఆయన పేరును ప్రతిపాదించాలి. గుర్తింపు పొందిన పార్టీ అభ్యర్థి అయితే ఒక్కరు చాలు. పార్లమెంటుకు పోటీ చేసే అభ్యర్థి రూ. 25వేలను డిపాజిట్టుగా చెల్లించాలి. శాసనసభకు పోటీచేసే అభ్యర్థి రూ.10 వేలను డిపాజిట్లుగా చెల్లించాలి.ఎస్సీ, ఎస్టీ అభ్యర్థులు అందులో సగం చెల్లించాలి.పార్లమెంటు అభ్యర్థి రూ. 70లక్షల వరకు ప్రచారానికి ఖర్చు చేయవచ్చు. అసెంబ్లీ అభ్యర్థి రూ. 28 లక్షల వరకు ఖర్చు చేయవచ్చు.

బెంజ్ కారు ఎంతపని చేసింది?.. ఇప్పుడు జగన్ సర్కారు ఏం చేస్తుందో మరి!!

గత ప్రభుత్వ హయాంలో వేలు, లక్షల కోట్లు అవినీతి జరిగిందని ఆరోపించిన వైసీపీ సర్కార్.. చివరికి ఈఎస్ఐ స్కామ్ ను తెరమీదకు తీసుకొచ్చి టీడీపీ సీనియర్ నేత, మాజీ మంత్రి అచ్చెన్నాయుడుని అరెస్ట్ చేసింది. మొదట 150 కోట్ల అవినీతి జరిగింది అన్నారు. తరువాత మూడు కోట్లు అన్నారు. చివరికి అసలు అచ్చెన్నకు డబ్బు అందినట్టు ఎలాంటి ఆధారాలు లేవు అన్నారు. అంటే ఆధారాలు లేకుండానే అరెస్ట్ చేశారు. కేవలం ఆయన ఒక కంపెనీని పరిశీలించండని ఇచ్చిన లేఖ ఆధారంగా.. అర్థరాత్రి గోడలు దూకి మరీ అరెస్ట్ చేశారు. శస్త్రచికిత్స జరిగిందని చెప్పినా వినకుండా వందల కిలోమీటర్లు కారులో తిప్పారు. దీంతో అచ్చెన్నకు రెండోసారి శస్త్రచికిత్స చేయాల్సి వచ్చింది. ఆసుపత్రిలో చికిత్స పొందుతున్న సమయంలో ఆయన కరోనా బారిన కూడా పడ్డారు. దాదాపు 80 రోజుల తరువాత అచ్చెన్న బెయిల్ పై విడుదల అయ్యారు. ప్రతిపక్షంలోని బలమైన గొంతుని నొక్కాలన్న ఉద్దేశంతోనే అచ్చెన్నను అక్రమంగా అరెస్ట్ చేసి కక్ష సాధింపులకు దిగుతున్నారని టీడీపీ ఆరోపించింది. ఇదిలా ఉంటే.. అసలు ఆధారాలు లేకుండానే ఈఎస్ఐ స్కామ్ పేరుతో అచ్చెన్నను 80 రోజులు నిర్బంధించిన జగన్ సర్కార్.. ఇప్పుడు సాక్షాత్తు కార్మిక శాఖా మంత్రి మీదే ఆరోపణలు వస్తున్నాయి. మరి ఇప్పుడేం చేస్తుంది జగన్ సర్కార్?.   ఏపీ కార్మిక శాఖ మంత్రి గుమ్మనూరు జయరాం కుమారుడు ఈశ్వర్‌కు.. పుట్టినరోజు సందర్భంగా ఈఎస్ఐ స్కాములో అరెస్ట్ అయిన ఏ-14 కార్తీక్ ఖరీదైన బెంజ్ కారు గిఫ్ట్ గా ఇచ్చారు. అయితే, ఇది గిఫ్ట్ కాదని మంత్రికి ఇచ్చిన లంచం అని టీడీపీ ఆరోపిస్తోంది. మంత్రి మాత్రం అబ్బే తన కుమారుడు కారుతో ఫోటో మాత్రమే దిగాడని, తన కుమారుడు చేతుల మీదుగా వాళ్ళు కారు తీసుకున్నారని, ఆ కారు తనదని రుజువు చేస్తే రాజీనామా చేస్తానని సవాల్ చేశారు.    అయితే మంత్రి ఆ కారు తమ పేరు మీద లేదని చెప్తున్నప్పటికీ.. దీనిపై పలు అనుమానాలు వ్యక్తమవుతున్నాయి. ఆ కారు మంత్రి కుమారుడిది కాకపోతే ఆయన ఆ కారులో ఎందుకు తిరుగుతున్నట్టు?. మంత్రి కుమారుడు ఈశ్వర్ ఆ కారులో తిరుగుతున్న ఫోటోలు, వీడియోలు చాలా సోషల్ మీడియాలో ఉన్నాయి. ఎవరైనా ఒకటి రెండు సార్లు ఫొటోస్ దిగుతారు. అంతేకాని, ఏడాది పొడవునా తమ దగ్గరే కారు ఉంచుకొని ఫొటోస్, వీడియో తీస్తూ తిరుగుతుంటారా. అంటే ఆ కారు ఎవరు పేరు మీదున్నా.. ఆ కారు మాత్రం మంత్రి కుమారుడిదే అని అర్థమవుతుంది.   అసలు ఈఎస్ఐ స్కాములో ఏ-14 ఉన్న కార్తీక్ మంత్రి కుమారుడుకి అంత ఖరీదైన కారు ఎందుకు ఇచ్చాడు. కోట్ల విలువైన గిఫ్ట్ లు ఇచ్చే అంత రిలేషన్ ఏంటి వాళ్ళకి?. అతను ఏ లబ్ది పొందకుండానే అంత ఖరీదైన కారు గిఫ్ట్ ఇచ్చాడా?. ఒకసారి మంత్రి ఈ కార్తీక్ ని దత్త పుత్రుడిగా ప్రకటించారట. అంతేకాదు, ఈఎస్ఐ స్కాములో అరెస్ట్ అయిన అచ్చెన్నకు బెయిల్ రావడానికి 80 రోజులు పట్టింది. కానీ, ఏ-14 కార్తీక్ కి మాత్రం వెంటనే బెయిల్ వచ్చింది. అదెలా సాద్యమైంది? మంత్రి అండదండలు లేకుండానే ఇదంతా జరుగుతుందా?.   ఇంకో విషయం ఏంటనే..మంత్రి కుమారుడు వీడియోస్ లో మరి కొన్ని ఖరీదైన కార్లు కూడా కనిపిస్తున్నాయి. అంతంత ఖరీదైన కార్లు ఎక్కడి నుండి వచ్చాయి?. అంతేకాదు మంత్రి కుమారుడి వివాహ వేడుక సినీస్టార్స్ వెడ్డింగ్ అంత రిచ్ గా జరిగింది. ఇన్నిన్ని డబ్బులు ఎక్కడివి?. గత ఎన్నికల అఫిడవిట్ లో మంత్రి ఇచ్చిన ఆస్తుల విలువ ఎంతో తెలుసా?. చరాస్తులు స్థిరాస్తులు మొత్తం కలిపి 80 లక్షలు. కేవలం 80 లక్షల ఆస్తి కలిగిన కుటుంబం అంత ఖర్చు ఎలా పెడుతుంది? కోట్ల ఖరీదైన కార్లు ఎలా వాడుతుంది. అయితే కొని ఉండాలి లేదా ఎవరైనా ఇచ్చి ఉండాలి. ఒకవేళ కొని ఉంటే.. మంత్రి అఫిడవిట్ లో తప్పుడు వివరాలు ఇచ్చినట్టు లెక్క. అంటే అసలు ఆయన ఎన్నికే చెల్లదు. పోనీ గిఫ్ట్ ఇచ్చారనుకుందాం. ఏ లబ్ది పొందకుండా ఎవరైనా ఎందుకు గిఫ్ట్ ఇస్తారు. అది కూడా ఈఎస్ఐ స్కాములో ఏ-14 ఉన్న వ్యక్తి గిఫ్ట్ ఇవ్వడం వెనక ఉద్దేశం ఏంటి?. దీని వెనుకున్న నిజాలు బయటపడాలి. సీఎం అయిన దగ్గర నుండి అవినీతి రహిత పాలన అందించడమే లక్ష్యం అని చెప్తున్న జగన్.. మంత్రిపై చర్యలు తీసుకుంటారా? లేక మా పార్టీలో ఉన్నోళ్లు అంతా కడిగిన ముత్యాలు అంటూ అవినీతి మరకలతోనే ముందుకు సాగుతారో చూడాలి.   మంత్రి జయరాం మీద ఆరోపణలు కొత్తకాదు. ఈ ఏడాది కాలంలోనే ఆయనపైనా, ఆయన సన్నిహితులపైనా ఎన్నో ఆరోపణలు వచ్చాయి. ఆయన సమీప బంధువు పేకాట స్థావరాలు నిర్వహిస్తూ పట్టుబడ్డారు. ఆయన అనుచరులు అక్రమంగా ఇసుక, మద్యం రవాణా చేస్తారన్న ఆరోపణలు ఉన్నాయి. అంతేకాదు ఆయనపై భూకబ్జా ఆరోపణలు కూడా ఉన్నాయి. ఇప్పుడు కొత్తగా బెంజ్ కార్ల లంచం ఆరోపణలు. అసలు ఒక మంత్రి పై ఇన్ని ఆరోపణలా. కారు తమ పేరు మీద ఉంటే రాజీనామా చేస్తానంటున్న మంత్రి.. తనపై వచ్చిన ఈ ఆరోపణలన్నీ అబద్దమని నిరూపిస్తారా?. నిరూపించలేకపోతే రాజీనామా చేస్తారా?.

అధ్య‌క్షా.. నాకు సెల‌వు కావాలి!

పార్ల‌మెంటు మొద‌లై ప‌ట్టుమ‌ని మూడు రోజులు కూడా కాలేదు. ఆదిలోనే హంస‌పాదు ఎదుర‌వుతున్న‌ది. ఎంపీల్లో చాలామంది పార్ల‌మెంటుకి హాజ‌ర‌య్యేందుకు బొత్తిగా ఇష్ట‌ప‌డ‌టం లేదు. క‌రోనా వైర‌స్ ఏమాత్రం జాలి లేకుండా త‌న మానాన తాను దూకుడుగా ఎగిరి గంతేస్తున్న ఈ త‌రుణంలో ఎవ‌రికి వారు మేక‌పోతు గాంభీర్యం ప్ర‌ద‌ర్శిస్తూ పార్ల‌మెంటుకి వ‌స్తున్న‌ట్టు అనిపిస్తున్న‌ది. బుధ‌వారం మాజీ ప్ర‌ధాన‌మంత్రి మ‌న్మోహ‌న్ సింగ్, మాజీ ఆర్ధిక మంత్రి చిదంబ‌రంతో స‌హా డ‌జ‌నుకు పైగా ఎంపీలు సెల‌వు చీటీలు స‌మ‌ర్పించారు. వ‌యోభారం వ‌ల్ల స‌మావేశాల‌కు రాలేక‌పోతున్నారా అంటే అదేమీ కాదు. క‌రోనా కార‌ణంగా ముందు జాగ్ర‌త్త చ‌ర్య‌ల‌తోనే వారీ నిర్ణ‌యానికొచ్చారు. మ‌న్మోహ‌న్ సింగ్ వ‌య‌స్సు 87 ఏళ్లు. అందువ‌ల్ల ఆయ‌న అవ‌స్ధ‌ని అర్ధం చేసుకోవ‌చ్చు. ఎక్కువ వ‌య‌స్సున్న వాళ్ల‌ని క‌రోనా అతి సునాయాసంగా ఆక‌ర్షిస్తున్న‌ద‌న్న వైద్యుల అప్ర‌మ‌త్త‌త నేప‌థ్యంలో మ‌న్మోహ‌న్ సింగ్ సెల‌వు పెట్ట‌డాన్ని పెద్ద‌గా అభ్యంత‌ర‌పెట్ట‌లేము. ఇక చిదంబ‌రం. ఆయ‌నకు 75 ఏళ్లు. కాబ‌ట్టి చిదంబ‌రానికీ మిన‌హాయింపు ఇవ్వొచ్చు. ఇలాంటి పెద్ద‌లు ఈ స‌మావేశాల చివ‌రి దాకా సెల‌వు అడిగారు. వీళ్లే కాదు. వైకాపా త‌ర‌పున రాజ్య‌స‌భ‌కు ఎన్నికైన పిర‌మ‌ల్ న‌త్వానీ కూడా సెల‌వు పెట్టారు. ఇలా మొత్తంమీద ప‌ద‌మూడు మంది దాకా సెల‌వు బాట‌లో ఉన్నారు. రాజ్య‌స‌భ చైర్మ‌న్ వెంక‌య్య నాయుడు వీరంద‌రికీ సెల‌వు మంజూరు చేశారు. మ‌రి రేప‌ట్నుంచి ఇంకా ఎంత‌మంది ఇదే బాట‌లో ప‌య‌నిస్తారో తెలీదు.    ఇటు రాజ్య‌స‌భ‌, అటు లోక్‌స‌భ ఇలా సెల‌వుల ప‌ర్వంలో ఉంటే స‌మావేశాలు స‌జావుగా సాగుతాయా అన్న సందేహాలున్నాయి. అయితే ప్ర‌స్తుతం ఉభ‌య స‌భ‌లు అటు సంఖ్యాప‌రంగానే కుదించుకున్నాయి. పూర్తి స్ధాయిలో స‌భ్యులు హాజ‌రు కావ‌డం లేదు. అలాగే ప్ర‌శ్నోత్త‌రాలు ఎత్తేశారు. ఇలా కీల‌క‌మైన స‌భా కార్య‌క్ర‌మాల‌నే కుదించాల్సి వ‌చ్చింది. మ‌రి రాజ్యాంగ నియ‌మాల ప్ర‌కారం పార్ల‌మెంటు జ‌ర‌పాలి. పెండింగ్ బిల్లులు ఉంటాయి. వాటిని ఆమోదించి చ‌ట్ట‌రూపం తేవాలి. అవి నిజానికి చాలా ముఖ్యమైన‌విగా ఉంటాయి. కాని అవ‌త‌ల క‌రోనా ప‌రిస్థితి అలా ఉన్న‌ప్పుడు ప్ర‌భుత్వం కూడా మ‌మ అనే ప‌ద్ద‌తిలోనే స‌భ‌ను సాగిస్తున్న‌ది. అందువ‌ల్ల ఎంత‌మంది స‌భ్యులు సెల‌వులు పెట్టినా స‌భ‌లో పూర్తి చేయాల్సిన ప్ర‌భుత్వ‌ప‌ర‌మైన కార్య‌క్ర‌మాలు పూర్తి చేయ‌డానికి పెద్ద‌గా అడ్డంకులు ఏవీ ఉండ‌క‌పోవ‌చ్చు. ఎటొచ్చీ స‌మావేశాల చివ‌రిదాకా ఎంత‌మంది స‌భ‌లో నిలుస్తార‌న్న‌దే ప్ర‌శ్న‌. తామెవ్వ‌రం లేకుండా బిల్లులు ఆమోదించ‌డానికి వీల్లేద‌ని ఎంత‌మంది అడ‌గ‌గ‌ల‌రు? అడిగితే ప్ర‌భుత్వం మిన్న‌కుంటుందా? అవ్వా కావాలి..బువ్వా కావాలి అంటే కుద‌ర‌దు..అవ‌త‌ల క‌రోనాకి లీవూ మీరే అడుగుతారు..మ‌ళ్లీ బిల్లుల మీద చ‌ర్చ‌లో మీరే ఉండాల‌ని అడుగుతారా అంటూ ఎదురుదాడి చెయ్య‌దా? -రాజా రామ్మోహ‌న్ రాయ్‌

జ‌యా బ‌చ్చ‌న్‌ అగ్గిమీద‌ గుగ్గిలం!

జ‌యాబ‌చ్చ‌న్‌..డెబ్బ‌య్ రెండేళ్ల రాజ్య‌స‌భ స‌భ్యురాలు..అంటే పెద్ద‌ల స‌భ‌లో స‌భ్యురాల‌న్న మాట‌. అంటే ఆమె ఏమి చెప్పినా పెద్ద‌రికంతో చెప్పిన‌ట్ట‌న్న‌మాట‌! పెద్ద‌రికంతో చెప్పాలి కాబ‌ట్టి..క‌నీసం అలా చెప్పిన‌ట్ట‌యినా అనిపించాలి కాబ‌ట్టేమో ఆమె ఆచితూచి మాట్లాడుతుంటారు. ఆమాట‌కొస్తే ఆచితూచే స‌భ‌కూ వ‌స్తుంటారు. ఇంకా స్ప‌ష్టంగా చెప్పాలంటే ఏదైనా చెప్పాల‌నుకున్న‌ప్పుడే స‌భ‌కు వ‌స్తుంటార‌ని అనుకునేవాళ్లూ ఉన్నారు! అలానే మంగ‌ళ‌వారం నాడు స‌భ‌కి వ‌చ్చారు. ఆమె వ‌చ్చారంటే ఏదో పెద్ద విష‌య‌మే ఆమె మాట్లాడ‌తార‌ని అనుకోవ‌చ్చు. అలాగే ఒక పెద్ద విష‌య‌మే లేవ‌నెత్తారు. ఏదో కొంద‌రి కార‌ణంగా సినిమా ప‌రిశ్ర‌మ మొత్తాన్ని భ్ర‌ష్టు ప‌ట్టిస్తున్నార‌ని ఆమె ఆక్రోశించారు. ముఖ్యంగా బీజేపీ ఎంపీ,భోజ్‌పురి న‌టుడు ర‌వి కిష‌న్ మీద అగ్గిగుగ్గిల‌మే అయ్యారు. సినీ ప‌రిశ్ర‌మ అన‌గానే సోష‌ల్ మీడియా ఒంటికాలికి మీదికి లేస్తుంద‌ని, ప్ర‌భుత్వం సినీ ప‌రిశ్ర‌మ‌కు వీస‌మెత్తు మ‌ద్ద‌తుగా నిల‌వ‌డం లేద‌ని ఆమె దుయ్య‌బ‌ట్టారు.   బాలీవుడ్‌లో డ్ర‌గ్స్ క‌ల‌క‌లం చెల‌రేగి సంచ‌ల‌నంగా మారిన నేప‌థ్యంలో ఆమె ఆవేశం క‌ట్ట‌లు తెంచుకుంటున్న‌ది. మాద‌క ద్ర‌వ్యాల‌ను ఎవ‌రో కొంద‌రు వాడుతున్నంత మాత్రాన మొత్తం ప‌రిశ్ర‌మ‌నే వేలెత్తి చూపుతారా అన్న‌ది ఆమె ప్ర‌శ్న‌. అంత సీనియ‌ర్ స‌భ్యురాలు స‌భ‌లో ఈ అంశాన్ని ఈ కోణంలో ప్ర‌స్తావించ‌డాన్ని సినీ అభిమానులు ఏమాత్రం జీర్ణం చేసుకోలేక‌పోతున్నారు. సినీ ప‌రిశ్ర‌మ‌లోని డ్ర‌గ్స్ మాఫియా భ‌ర‌తం ప‌ట్టాల‌ని ఆమె డిమాండ్ చేసి ఉంటే యావ‌త్ ప్ర‌జానీకం సంతోషించి ఉండేవారు. సుశాంత్ లాంటి యువ‌త‌రాన్ని బ‌ల‌గొంటున్న డ్ర‌గ్స్ మాఫియా ఊసెత్త‌కుండా దాన్ని ఎవ‌రో కొంద‌రికే ప‌రిమిత‌మైన అంశంగా ఆమె భావించ‌డం రాజ్య‌స‌భ స‌భ్యురాలిగా ఆమె స్ధాయికి త‌గిన‌ట్టుగా లేద‌న్న భావ‌న వ్య‌క్త‌మ‌వుతున్న‌ది. మ‌రో న‌టి కంగ‌నా ర‌నౌత్ ఇప్ప‌టికే కొంద‌రి పేర్లు ప్ర‌స్తావించి, వారు ర‌క్త‌ప‌రీక్ష‌లు చేయించుకుని అంద‌రికీ ఆద‌ర్శంగా ఉండాల‌ని ఇచ్చిన పిలుపికి జ‌యాబ‌చ్చ‌న్ ఏమాత్రం స్పందించ‌క‌పోవ‌డం ఇక్క‌డ గుర్తించాల్సిన అంశం. కంగ‌నా ర‌నౌత్ బ‌హిరంగంగా పేర్లు ప్ర‌స్తావించిన‌ప్పుడు యావ‌త్ బాలీవుడ్ మౌన‌మే వ‌హించింది. అంటే దాన‌ర్ధం ఏమిటి? ఆ పెద్ద‌వాళ్ల గొడ‌వ‌లో వేలు పెట్ట‌డం ఇష్టం లేద‌నా? లేక కంగ‌నా లేవ‌నెత్తిన అంశంలో వాస్త‌వం ఉంద‌నా? ఇంకా చెప్పాలంటే సినీప‌రిశ్ర‌మ‌లో డ్ర‌గ్స్ మాఫియా గురించి కంగ‌నాయే ధైర్యంగా నోరెత్తింది. ఆమెకి త‌గినంత మ‌ద్ద‌తు రాలేదు.    ఇంక మ‌రో విష‌యం. కంగ‌నా ర‌నౌత్ ముంబాయి ఆఫీసు వివాదాస్ప‌ద‌మై ఇర‌వై నాలుగ్గంట‌ల్లో ముంబాయ్ మున్సిప‌ల్ కార్పొరేష‌న్ అధికారులు ఆమె ఆఫీసు భ‌వ‌నంలో కొంత భాగాన్ని ఆగ‌మేఘాల మీద కూల్చివేసిన‌ప్పుడూ జ‌యాబ‌చ్చ‌న్ నోరు మెద‌ప‌లేదు. మ‌రి కంగ‌నా ర‌నౌత్ కూడా సినీ ప‌రిశ్ర‌మ‌లోని ప్ర‌ముఖ న‌టి, ద‌ర్శ‌కురాలు, నిర్మాత‌గా ఎదిగింది. త‌న‌కంటూ సొంత వ్య‌క్తిత్వంతో బాలీవుడ్‌లో నిల‌బ‌డింది. అటువంటి న‌టికి సంఘీభావంగా నిల‌బ‌డాల్సిన స్ధాయిలో ఉండి కూడా జ‌యాబ‌చ్చ‌న్ అస‌లా అంశం త‌న‌కు సంబంధించ‌నిదిగానే వ్య‌వ‌హ‌రించారు. కంగ‌నా ర‌నౌత్ మ‌హ‌రాష్ట్ర ప్ర‌భుత్వంతోనే యుద్దానికి త‌ల‌ప‌డ్డారు. ముఖ్య‌మంత్రి ఉద్ద‌వ్ థాక్రే కుమారడు ఆదిత్య థాక్రేకు మాద‌క ద్ర‌వ్యాల మాఫియాతో లింకులు న్నాయ‌ని ఆమె నేరుగా ఆరోపించారు. అయితే అది ప్ర‌భుత్వంతో ముడిప‌డి ఉన్న అంశం అయినందున జ‌యాబ‌చ్చ‌న్ ఆ విష‌యం జోలికి వెళ్ల‌లేదు. నిజానికి రాజ్య‌స‌భ‌లో ఆమె ఈ అంశాన్ని కూడా ప్ర‌స్తావించి ఉండాల్సింది. ద‌ర్యాప్తుకి డిమాండ్ చేసి ఉండొచ్చు. కంగ‌నా ర‌నౌత్ మీద రాజ‌కీయ ప్ర‌తీకార చ‌ర్య‌ల్ని నిలువ‌రించాల‌ని గొంతెత్తి ఉండాల్సింది. కాని ఇవేమీ జ‌ర‌గ‌లేదు. సినీ ప‌రిశ్ర‌మ గురించి ఒక సినీ న‌టుడే అలా మాట్లాడ‌టం శోచ‌నీయం అంటూ ర‌వి కిష‌న్ వ్యాఖ్య‌ల గురించి ప్ర‌స్తావించారు. బాలీవుడ్‌లో డ్ర‌గ్స్ తీవ్ర‌త గురించి ఎప్ప‌టిక‌ప్పుడు జ‌రుగుతున్న ప‌రిణామాల గురించి ప్ర‌సారం చేస్తున్న ప్ర‌సార మాధ్య‌మాల‌ను ఆమె త‌ప్పుబ‌డుతున్నారు.    జ‌రుగుతున్న వాస్త‌వాల‌ను అర‌చెయ్యి అడ్డుపెట్టా ఆపాల‌ని ఆమె భావిస్తున్న‌ట్టు అనిపిస్తున్న‌ది. సుశాంత్ మ‌ర‌ణం కేసు ఎన్నెన్ని మ‌లుపులు తిరుగుతున్న‌దో ఆమెకి తెలీద‌ని అనుకోలేము. అలా మ‌లుపులు తిర‌గ‌డంలోని ఉచితానుచితాల గురించీ ఆమెకు ప్రాథ‌మిక స‌మాచారమైనా తెలీద‌నీ భావించ‌లేము. సుశాంత్ కేసులో అది హ‌త్యా? ఆత్మ‌హ‌త్యా? అని తేల్చాల్సిన త‌రుణంలో కేసు ఆ ప‌రిధిని ఎప్పుడో దాటిపోయిన‌ట్టు అనిపిస్తున్న‌ది. ఎందుక‌లా జ‌రిగిందో ఎవ్వ‌రూ అడ‌గ‌డం లేదు. ఇప్పుడ‌ది మాద‌క ద్ర‌వ్యాల వాడ‌కం ద‌గ్గ‌ర‌కొచ్చి రియాను, ఆమె సోద‌రుణ్ని అరెస్టు ఘ‌ట్టం ద‌గ్గ‌ర‌కి తీసుకెళ్లి ఆపింది. ఇన్ని మ‌లుపుల నేప‌థ్యంలో జ‌యాబ‌చ్చ‌న్ సినీప‌రిశ్ర‌మ ద‌య‌నీయ‌ప‌రిస్థితి గురించి ఆందోళ‌న ప‌డ‌టం క‌న్నా, నిజానిజాల వెలికితీత‌కు ప‌ట్టుబ‌ట్టి ఉండాల్సింది! -రాజా రామ్మోహ‌న్ రాయ్‌

అఖిల్ మ‌ళ్లీ ప్రేమ‌లో ప‌డ్డాడా?

  నాగార్జున చిన్న‌కొడుకు అఖిల్ మ‌రోసారి ప్రేమ‌లో ప‌డ్డాడా? అవునంటూ సోష‌ల్ మీడియా కోడై కూస్తోంది. గ‌తంలో ఒక‌సారి శ్రేయా భూపాల్‌తో ప్రేమ‌లోప‌డి, ఎంగేజ్‌మెంట్ కూడా చేసుకొని, త‌ర్వాత దాన్ని ర‌ద్దు చేసుకున్న విష‌యం తెలిసిందే. అది జ‌రిగి మూడేళ్ల‌యిపోయింది. ఆ త‌ర్వాత శ్రేయ మ‌రొక‌రితో ఏడ‌డుగులు న‌డిచింది. ఆ ఉదంతం త‌ర్వాత అఖిల్ ప్రొఫెష‌న‌ల్ కెరీర్‌పై ఫోక‌స్ పెట్టాడు. మూడు సినిమాలు చేసినా ఇంత‌వ‌ర‌కూ హిట్ కొట్ట‌లేక‌పోయిన అత‌డు, ఎలాగైనా హీరోగా త‌న‌దైన ముద్ర‌ను వేయాల‌నే త‌ప‌న‌తో స్క్రిప్టుల విష‌యంలో మ‌రింత శ్ర‌ద్ధ చూపిస్తున్నాడు. ప్ర‌స్తుతం బొమ్మ‌రిల్లు భాస్క‌ర్ డైరెక్ష‌న్‌లో మోస్ట్ ఎలిజిబుల్ బ్యాచ్‌ల‌ర్ సినిమా చేస్తున్న అత‌ను, అది విడుద‌ల కాక‌ముందే సురేంద‌ర్ రెడ్డి డైరెక్ష‌న్‌లో సినిమా చేస్తున్న‌ట్లు అనౌన్స్ చేశాడు. ప్రొఫెష‌న‌ల్‌గా అఖిల్ ప‌రిస్థితి అలా ఉండ‌గా, ఇప్పుడు మ‌రోసారి అత‌ని వ్య‌క్తిగ‌త జీవితం గురించి ఆన్‌లైన్‌లో మ‌రోసారి ప్ర‌చారం మొద‌లైంది. లాక్‌డౌన్ పీరియ‌డ్‌లో అఖిల్ ఓ వ్యాపార‌వేత్త కుమార్తెతో ల‌వ్‌లో ప‌డ్డాడ‌నేది ఆ ప్ర‌చార సారాంశం. కామ‌న్ ఫ్రెండ్స్ ద్వారా ప‌ర‌స్ప‌రం ప‌రిచ‌య‌మైన వాళ్లిద్ద‌రూ ఈ కాలంలో అప్పుడ‌ప్పుడు క‌లుసుకుంటూ, ఒక‌రి అభిరుచులు, అభిప్రాయాలు మ‌రొక‌రు పంచుకుంటూ వ‌స్తున్నార‌ని చెప్పుకుంటున్నారు. త్వ‌ర‌లోనే వారి ఎంగేజ్‌మెంట్ జ‌ర‌గ‌నుంద‌నీ, సురేంద‌ర్ రెడ్డి డైరెక్ష‌న్‌లో చేసే సినిమా పూర్త‌య్యాక వివాహం చేసుకుంటాడ‌నీ ప్ర‌చారం జ‌రుగుతోంది. అయితే అక్కినేని ఖాన్‌దాన్ నుంచి ఈ ప్ర‌చారంపై ఎలాంటి స్పంద‌నా రాలేదు. ఈ ప్ర‌చారం ఉత్త రూమ‌రేనా, లేక నిజ‌మ‌ని తేలుతుందా.. చూడాలి.

న‌ష్ట‌ప‌రిహారానికి కంగ‌న అర్హురాలు కాదు.. బీఎంసీ అఫిడ‌విట్‌!

  ముంబైలోని త‌న ఆఫీస్‌ను కూల‌గొట్ట‌డాన్ని స‌వాలు చేస్తూ, బీఎంసీ నుంచి న‌ష్టప‌రిహారంగా రూ. 2 కోట్లు ఇప్పించాల‌ని కోరుతూ కోర్టులో కంగ‌నా ర‌నౌత్ వేసిన పిటిష‌న్‌కు స‌మాధానంగా బృహ‌న్ముంబై మునిసిప‌ల్ కార్పొరేష‌న్ (బీఎంసీ) అఫిడ‌విట్ దాఖ‌లు చేసింది. ఆ అఫిడ‌విట్‌లో "పిటిష‌న‌ర్‌ (కంగ‌న‌) అప‌రిశుభ్ర చేతుల‌తో కోర్టును ఆశ్ర‌యించారు. నిజాల‌ను తొక్కిపెడుతున్నారు.. ఎలాంటి ప‌రిహారానికి ఆమె అర్హురాలు కారు" అని బీఎంసీ పేర్కొంది. సెప్టెంబ‌ర్ 8న కంగ‌న‌కు "స్టాప్ వ‌ర్క్" నోటీస్‌ను జారీ చేసిన బీఎంసీ అందులో ఆమె ఆఫీస్ మ‌ణిక‌ర్ణిక ఫిలిమ్స్‌లోని అన్ని అన‌ధికార మార్పుల జాబితాను పేర్కొంది. స‌మాధానం కోసం 24 గంట‌ల గ‌డువు ఇచ్చారు. సెప్టెంబ‌ర్ 9న కూల్చివేత ప‌నులు మొద‌లుపెట్టారు. బాంబే హైకోర్టు స్టే విధించ‌డంతో కూల్చివేత‌ను నిలిపివేశారు. కంగ‌న ర‌నౌత్‌కు మ‌ద్ద‌తు ప్ర‌క‌టించిన‌ ఇండియ‌న్ మోష‌న్ పిక్చ‌ర్ ప్రొడ్యూస‌ర్స్ అసోసియేష‌న్ అక్ర‌మ మార్పులంటూ ఆమె ఆఫీస్‌ను బీఎంసీ కూల్చివేయ‌డాన్ని ఖండించింది. సోష‌ల్ మీడియాలో ప‌లువురు సైతం బీఎంసీ చ‌ర్య‌ను ఖండించారు.

'రంగీలా' ఊర్మిళ ఎవ‌రిని ఎలా పెళ్లిచేసుకుందో తెలుసా?

  రామ్‌గోపాల్ వ‌ర్మ మూవీ 'రంగీలా'లో హీరోయిన్‌గా న‌టించి దేశ‌వ్యాప్తంగా కుర్ర‌కారు క‌ల‌ల రాణిగా మారిన అందాల తార ఊర్మిళా మ‌తోంద్క‌ర్‌. తెలుగులోనూ 'గాయం', 'అన‌గ‌న‌గా ఒక‌రోజు' వంటి చిత్రాల్లో న‌టించి అల‌రించింది. తొమ్మిదో ద‌శ‌కంలో త‌న రూప‌లావ‌ణ్యాలు, క్యూట్ ప‌ర్ఫార్మెన్స్‌తో ప్రేక్ష‌కుల్ని ఉర్రూత‌లూగించింది. ఇటీవ‌ల ఆమె వార్త‌ల్లో నిలవ‌డం తెలిసిందే. జ‌యా బ‌చ్చ‌న్‌పై కంగ‌న చేసిన కామెంట్స్‌పై స్పందించిన ఊర్మిళ‌ను, సాఫ్ట్ పోర్న్ యాక్ట్రెస్ అనీ, ఆమెకు న‌ట‌న తెలీద‌నీ కంగ‌న వ్యాఖ్యానించ‌డం ఒక‌ సంచ‌ల‌నం. అయితే రామ్‌గోపాల్ వ‌ర్మ సీన్‌లోకి వ‌చ్చిన ఊర్మిళ వెర్స‌టైల్ యాక్ట్రెస్ అని కితాబివ్వ‌డం ఆమెకు ఊర‌ట‌నిచ్చే ఉంటుంది. ఊర్మిళ ప‌ర్స‌న‌ల్ విష‌యాలు చాలామందికి తెలీవు. ఆమె 2016 మార్చి 3న క‌శ్మీరీ బాయ్‌ఫ్రెండ్ మీర్ మొహ్‌సిన్ అఖ్త‌ర్‌ను చ‌డీచ‌ప్పుడు లేకుండా వివాహం చేసుకుంది. ఆ త‌ర్వాతే ఆ విష‌యాన్ని ప్రపంచానికి తెలియ‌జేసింది. అఖ్త‌ర్‌ది వ్యాపార‌వేత్త‌ల కుంటుంబం. మోడ‌లింగ్‌లో త‌న ల‌క్‌ను చూసుకోవాల‌నే ఉద్దేశంతో 21 ఏళ్ల వ‌య‌సులోనే త‌న కుటుంబాన్ని వ‌దిలిపెట్టాడు. 2007లో మిస్ట‌ర్ ఇండియా కాంపిటిష‌న్‌లో సెకండ్ ర‌న్న‌ర‌ప్‌గా నిలిచాడు. అంతేకాదు.. ఇట్స్ ఎ మ్యాన్స్ వ‌ర‌ల్డ్‌, ముంబై మ‌స్త్ క‌ళంద‌ర్‌, ల‌క్కీ బై చాన్స్ లాంటి బాలీవుడ్ సినిమాల్లో న‌టించాడు. వ‌య‌సులో ఊర్మిళ కంటే ఏడెనిమిదేళ్లు చిన్న‌వాడు. 2014లో ఫేమ‌స్‌ డిజైన‌ర్ మ‌నీష్ మ‌ల్హోత్రా మేన‌కోడ‌లు రిద్ధి మ‌ల్హోత్రా పెళ్లిలో ఊర్మిళ‌, అఖ్త‌ర్ తొలిసారి క‌లుసుకున్నారు. తొలి ప‌రిచ‌యంలోనే ఊర్మిళ‌తో గాఢ‌మైన ప్రేమ‌లో ప‌డిపోయాడు అఖ్త‌ర్‌. ఏడాది పాటు ఆమె ప్రేమ పొంద‌డం కోసం త‌హ‌త‌హ‌లాడాడు. ఎట్ట‌కేల‌కు ఆమె నుంచి గ్రీన్ సిగ్న‌ల్ పొందాడు. 2016 మార్చి 3న బాంద్రాలోని ట‌ర్న‌ర్ రోడ్‌లో ఉన్న ఊర్మిళ ఇంట్లో పూర్తి ప్రైవేట్‌గా జ‌రిగిన వేడుక‌లో ఆ ఇద్ద‌రూ పెళ్లి చేసుకున్నారు. కేవ‌లం ఇరువురి కుటుంబ స‌భ్యులు, క్లోజ్ ఫ్రెండ్స్ మాత్ర‌మే ఆ వివాహానికి హాజ‌ర‌య్యారు. మొద‌ట హిందూ వివాహ ప‌ద్ధ‌తిలో ఒక్క‌టైన ఆ జంట ఆ త‌ర్వాత ముస్లిం సంప్ర‌దాయం ప్ర‌కారం నిఖా చేసుకున్నారు. ప్ర‌స్తుతం చాలా హ్యాపీగా వైవాహిక జీవితాన్ని ఆస్వాదిస్తోంది ఊర్మిళ‌.

నేనిప్ప‌టికీ క‌ల్యాణిని ప్రేమిస్తున్నా.. సూర్య‌కిర‌ణ్ భావోద్వేగం!

  ఒక‌ప్పుడు టాలీవుడ్‌లో క‌ల్యాణి పాపుల‌ర్ హీరోయిన్‌. రాజ‌శేఖ‌ర్ స‌ర‌స‌న న‌టించిన 'శేషు' సినిమా ద్వారా టాలీవుడ్‌కు ప‌రిచ‌య‌మై, తొలి చిత్రంతోనే త‌న న‌ట‌న‌తో ఆక‌ట్టుకున్న ఆమె త‌న రెండో తెలుగు సినిమా 'ఔను.. వాళ్లిద్ద‌రు ఇష్ట‌ప‌డ్డారు'లో న‌ట‌న‌కు గాను ఉత్త‌మ న‌టిగా నంది అవార్డును అందుకుంది. వ‌సంతం, క‌బ‌డ్డీ క‌బ‌డ్డీ, దొంగోడు, పెద‌బాబు, పందెం, ఆప‌రేష‌న్ దుర్యోధ‌న వంటి హిట్ సినిమాల్లో న‌టించింది. టాలీవుడ్‌లో సుమంత్ హీరోగా న‌టించిన 'స‌త్యం'తో డైరెక్ట‌ర్‌గా ప‌రిచ‌య‌మైన‌ సూర్య‌కిర‌ణ్‌తో ఏర్ప‌డిన ప‌రిచ‌యం ప్రేమ‌గా మార‌డంతో, ఆ ఇద్ద‌రూ 2010లో పెళ్లి చేసుకున్నారు. సంద‌ర్భ‌వ‌శాత్తూ ఇద్ద‌రూ మ‌ల‌యాళీలే. 'ప‌సివాడి ప్రాణం'లో ప‌సివాడిగా న‌టించిన సుజిత‌కు సూర్య‌కిర‌ణ్ స్వ‌యానా సోద‌రుడు. సూర్య‌కిర‌ణ్‌, క‌ల్యాణి దంప‌తుల‌కు ఇద్ద‌రు పిల్ల‌లు. ఆ త‌ర్వాత పొర‌పొచ్చాలు రావ‌డంతో విడాకులు తీసుకున్నారు. కానీ ఈ విష‌యాన్ని ఇద్ద‌రిలో ఎవ‌రూ బ‌హిర్గ‌తం చెయ్య‌లేదు. ఇండ‌స్ట్రీలోని వారికి మాత్రం తెలుసు. బిగ్ బాస్ 4లో తొలివారం ఎలిమినేట్ అయిన కంటెస్టెంట్‌గా నిలిచిన సూర్య‌కిర‌ణ్‌.. తాజాగా ఇచ్చిన ఇంట‌ర్వ్యూలో క‌ల్యాణి, తాను విడాకులు తీసుకున్న విష‌యాన్ని వెల్ల‌డించాడు. క‌ల్యాణితో విడిపోవాల్సి వ‌చ్చిన విష‌యంపై మాట్లాడాల్సి వ‌చ్చిన‌ప్పుడు భావోద్వేగానికి గుర‌య్యాడు సూర్య‌కిర‌ణ్‌. "నేనింకా ఆమెను ప్రేమిస్తున్నా. విడిపోవాల‌నేది నా డెసిష‌న్ కాదు. నాతో క‌లిసి జీవించ‌కూడ‌ద‌ని ఆమె నిర్ణ‌యించుకుంది" అని అత‌ను చెప్పాడు. ఆమెతో త‌న‌కు ఎలాంటి స‌మ‌స్య‌లూ లేవ‌నీ, త‌నతో క‌లిసి ఉండ‌కూడ‌ద‌ని నిర్ణయించుకోడానికి ఆమె కార‌ణాలు ఆమెకు ఉన్నాయ‌నీ సూర్య‌కిర‌ణ్ తెలిపాడు.

ఆ బ్లాక్‌బ‌స్ట‌ర్ రీమేక్‌లో ఐశ్వ‌ర్యా రాజేశ్‌!

  భాగ్య‌రాజ్ ఆల్ టైమ్ బ్లాక్‌బ‌స్ట‌ర్ మూవీ 'ముందానై ముడిచ్చు' (1983) రీమేక్‌లో హీరోగా శ‌శికుమార్ న‌టించ‌నున్న విష‌యాన్ని ఇదివ‌ర‌కే ప్ర‌స్తావించుకున్నాం. లేటెస్ట్ ఇన్ఫ‌ర్మేష‌న్ ప్రకారం హీరోయిన్‌గా ఐశ్వ‌ర్యా రాజేశ్ ఎంపికైంది. ఇప్ప‌టికే ప‌లు త‌మిళ చిత్రాల‌లో అద్భుత పర్ఫార్మెన్స్‌ల‌తో ఆక‌ట్టుకున్న ఆమె తెలుగులోనూ ఇప్పుడు మంచి మంచి అవ‌కాశాల‌ను పొందుతూ వ‌స్తోంది. ఒరిజిన‌ల్‌లో ఊర్వ‌శి చేసిన పాత్రను ఐశ్వ‌ర్య పోషించ‌నుంది. 'ముందానై ముడిచ్చు' గ‌తంలో తెలుగులో 'ముడు ముళ్లు' (1983) పేరుతో రీమేక్ అయ్యి ఇక్క‌డా ఘ‌న విజ‌యం సాధించింది. జంధ్యాల డైరెక్ట్ చేసిన ఆ మూవీలో చంద్ర‌మోహ‌న్‌, రాధిక‌, గీత న‌టించారు. ఒరిజిన‌ల్‌లో ఆ పాత్ర‌ల‌ను భాగ్యరాజ్‌, ఊర్వ‌శి, పూర్ణిమా భాగ్య‌రాజ్ చేశారు. కాగా 'ముందానై ముడిచ్చు' రీమేక్‌లో హీరోయిన్‌గా ఎంపికైన ఆనందాన్ని త‌న ట్విట్ట‌ర్ హ్యాండిల్ ద్వారా ప్ర‌క‌టించింది ఐశ్వ‌ర్య‌. "త‌మిళ సినిమా మైలురాళ్ల‌లో ఒక‌టిగా నిలిచిన 'ముందానై ముడిచ్చు' రీమేక్‌లో భాగం కావ‌డాన్ని గౌర‌వంగా భావిస్తున్నా. ఎంతో ఉద్వేగంగా ఉంది. 2021లో దీన్ని చూడండి" అని ఆమె ట్వీట్ చేసింది. ఒరిజిన‌ల్ మూవీకి క‌థ‌, సంభాష‌ణ‌లు, స్క్రీన్‌ప్లే అందించిన భాగ్య‌రాజ్ ఈ సినిమాకూ నేటి కాలానికి అనుగుణంగా వాటిని స‌మ‌కూరుస్తున్నారు. బాలాజీ డైరెక్ట్ చేయ‌నున్నాడు.

రాజకీయాలకు బలౌతున్న ఐఏఎస్ అధికారులు

ఇద్దరు అధికారులు దివంగత వై ఎస్ రాజశేఖరరెడ్డి ముఖ్యమంత్రిగా ఉన్నప్పుడు కీలకమైన శాఖలు నిర్వహించిన వారు. ప్రస్తుత ముఖ్యమంత్రి జగన్ చేతిలో వీరిద్దరూ తీరని అవమానాలకు గురౌతున్నారు. తండ్రి చేతిలో ఎత్తులు చుసిన వారు తనయుడి చేతిలో లోతులు చూస్తున్నారు. వారిద్దరూ సీనియర్ ఐఏఎస్ అధికారులు. ఒకరినైతే మెడపట్టుకుని బయటకు గెంటేశారు. మరొకరిని కులం పేరుతో కుళ్లపొడుస్తున్నారు. విచిత్రం ఏమిటంటే ఈ ఇద్దరు అధికారులూ కూడా చంద్రబాబు అంటే గిట్టనివారే. ఇద్దరు అధికారులు కూడా చంద్రబాబు ముఖ్యమంత్రిగా ఉన్నప్పుడు చిన్న చూపుకు గురి అయిన వారే. ఒకరు బలయ్యారు.. మరొకరు అవుతున్నారు. ఆ ఇద్దరూ ఎవరంటే ఒకరు ఎల్‌వి సుబ్రహ్మణ్యం. రెండో వారు నిమ్మగడ్డ రమేష్ కుమార్. చంద్రబాబు ముఖ్యమంత్రిగా ఉన్న సమయంలో సీనియర్ అయినా ఎల్‌వి సుబ్రహ్మణ్యంకు జగన్ కేసుల్లో సహా ముద్దాయిగా ఉన్నారని ప్రాధాన్య పోస్టులు ఇవ్వలేదు. ఒక సందర్భంలో కీలకమైన వైద్య ఆరోగ్య శాఖ కార్యదర్శి పోస్టు ఇచ్చినా మళ్ళీ ఆయనను అక్కడ నుంచి తీసి అత్యంత చిన్నదైన యువజన శాఖకు మార్చారు. ఇక రమేష్ కుమార్ పరిష్తితి కూడా దాదాపుగా అంతే. చంద్రబాబు హయాంలో ఆయనకు ఏ కీలక శాఖ లభించలేదు. ఈ ఇద్దరూ వై ఎస్ రాజశేఖరరెడ్డి ముఖ్యమంత్రిగా ఉన్నప్పుడే ప్రతిభకు తగిన గుర్తింపు పొందారు. ఎల్‌వి సుబ్రహ్మణ్యం, రమేష్ కుమార్ ఇద్దరూ ఆర్ధిక శాఖను నిర్వహించిన వారే. ఆర్ధిక శాఖలో ఈ ఇద్దరిదీ ప్రత్యేకమైన శైలి అని వారితో సాన్నిహిత్యం ఉన్న అధికారులు అంటారు. రాష్ట్రంలో ఆర్ధిక క్రమశిక్షణ తీసుకురావడంలో బిల్లుల చెల్లింపు తదితర విషయాలలో ఎలాంటి వివాదాలు రాకుండా చూసిన వారన్న విషయాన్ని మర్చిపోలేం అని చెప్తున్నారు. ఆర్ధిక క్రమశిక్షణ తీసుకురావడం, జవాబుదారీతనం, దుబారా తగ్గించడం వంటి విషయాల్లో ఈ ఇద్దరూ అనేక చర్యలు తీసుకున్నారు.వీరికి ఇంకో పోలిక కూడా ఉంది. నిమ్మగడ్డ రమేష్ కుమార్, ఎల్‌వి సుబ్రహ్మణ్యం ఇద్దరూ కూడా తిరుమల తిరుపతి దేవస్థానం ట్రస్టు బోర్డు ముఖ్య కార్యనిర్వహణాధికారులుగా పని చేశారు. ఈ ఇద్దరి హయాంలో తిరుమల పవిత్రత రెండింతలు పెరగడమే కాకుండా క్రమ శిక్షణ ఉండేదన్న విషయం మర్చిపోరాదు. భక్తుల సౌకర్యార్ధం ఈ ఇద్దరి హయాంలో పలు కీలక నిర్ణయాలు తీసుకున్నారు. ఎంతో సీనియర్ రాజకీయ నాయకులు ట్రస్టు బోర్డు చైర్మన్లుగా ఉన్నా కూడా ఎల్‌వి సుబ్రహ్మణ్యం, రమేష్ కుమార్ ఈవోలుగా ఉన్నప్పుడు వీరు చెప్పినట్లే నడచుకునేవారన్న పేరుండేది. వృత్తి పట్ల అంతటి నిబద్ధతతో ఈ ఇద్దరు అధికారులు పని చేశారు. అత్యంత సీనియర్ అయిన ఎల్‌వి సుబ్రహ్మణ్యం ను పక్కన పెట్టి ఆయన కన్నా జూనియర్లకు చంద్రబాబునాయుడు చీఫ్ సెక్రటరీ పదవిని అప్పగించారు. అయినా ఎల్‌వి సుబ్రహ్మణ్యం ఎలాంటి వివాదాస్పద వ్యాఖ్యలు చెయ్యని విషయం మనం చూసాం. సార్వత్రిక ఎన్నికల సమయంలో అప్పటి రాష్ట్ర ప్రభుత్వ ప్రధాన కార్యదర్శి పునేటాను పక్కన పెట్టి కేంద్ర ఎన్నికల సంఘం ఎల్‌వి సుబ్రహ్మణ్యంను రాష్ట్ర ప్రభుత్వ ప్రధాన కార్యదర్శిగా నియమించింది. ఎన్నికల కమీషన్ ప్రధాన కార్యదర్శిగా నియమించాక సహ ముద్దాయిని సిఎస్ గా ఎలా నియమిస్తారని విమర్శించారు కూడా.   ఆ తర్వాత ముఖ్యమంత్రి అయిన జగన్ ఎల్‌వీ ని కొనసాగించగా జగన్ ను అందరూ మెచ్చుకున్నారు కూడా. అయితే ఏమైందో ఏమూ కానీ కొద్ది కాలంలోనే ఎల్‌వి ని అత్యంత అవమానకరంగా పదవి నుంచి జగన్ తొలగించిన విధానం కూడా తెలిసిందే. ఇప్పుడు నిమ్మగడ్డ రమేష్ కుమార్ కు కూడా దాదాపుగా అలానే జరిగింది. ఆయనను రాష్ట్ర ఎన్నికల అధికారిగా నియమించడం చంద్రబాబుకు అస్సలు ఇష్టం లేదు. చంద్రబాబు దగ్గర పని చేయడం రమేష్ కుమార్ కూ ఇష్టం లేదని అంటారు. అయితే తన కార్యదర్శిగా పని చేసిన రమేష్ కుమార్ కు రాష్ట్ర ఎన్నికల సంఘానికి నియమించాలని అప్పటి గవర్నర్ ఇ ఎస్ ఎల్ నర్సింహన్ చంద్రబాబుపై వత్తిడి తెచ్చారనీ. గత్యంతరం లేని పరిస్థితుల్లో చంద్రబాబు రమేష్ కుమార్ కు రాష్ట్ర ఎన్నికల సంఘాన్ని అప్పగించారనీ అంటున్నారు. రమేష్ కుమార్ పేరు బదులు వేరే అధికారి పేరు రాష్ట్ర ఎన్నికల సంఘానికి సిఫారసు చేశామని చంద్రబాబు కూడా చెప్పారు. అటువంటి రమేష్ కుమార్ ఇప్పుడు చంద్రబాబు ఏజెంటుగా జగన్ చేతిలో ముద్ర వేయించుకోవడం దురదృష్టం. ఈ ఇద్దరూ ముక్కుసూటిగా మాట్లాడే అధికారులు. ఎలాంటి మొహమాటం లేకుండా విధులు నిర్వర్తించే వారన్న పేరుంది. అలాంటి ఈ ఇద్దరూ కూడా అత్యంత ఘోరమైన అవమానాన్ని పొందారు. ఈ అవమానాలకు వీరు అర్హులు కాదని మాత్రం కచ్చితంగా చెప్పవచ్చని అధికార వర్గాలు అనుకుంటున్నారు. నాయకులు తమ స్వంత ప్రయోజనాల కోసం అఖిల భారత సర్వీసు అధికారులకు కులాలు, ప్రాంతాలు అంటగట్టడం ఏంటని కొందరు ఆవేదన చెందుతున్నారు.

ఆంధ్ర లో బీజేపీ 'పంచ్' తంత్రం...

  * దిగుమతి నాయకులు, బిజినెస్ లీడర్లు, లాబీయిస్టులు కలిసి బీ జె పి ని ఎటు నడిపిస్తారో....  * ఇంతకీ స్థానిక సమరం లో సత్తా చూపించే ట్యాలెంట్ ఆ పార్టీకి ఉన్నట్టా, లేనట్టా....  * జి వి ఎల్ ఋతుపవనాల్లాంటి వారు... ఇలావచ్చి అలా పలకరించి, అటు నుంచి ఆటే మాయమైపోతారు  * సి ఎం రమేష్ లాబీ మాస్టర్ గా ఢిల్లీ లో ప్రసిద్ధులు.. నోకియా మాదిరి ఈయన కూడా కనెక్టింగ్ పీపుల్ నినాదాన్ని బలంగా నమ్మిన వారు  * సుజనా చౌదరి... గత్యంతరం లేని పరిస్థితుల్లో అమరావతి నినాదాన్ని భుజాన వేసుకుని చందమామ కథలో విక్రమార్కుడి మాదిరి ... వై ఎస్ ఆర్ సి పి లోని బేతాళుడి తో జగడమాడుతుంటారు  * టీ జీ వెంకటేష్.. అవసరార్ధ రాజకీయాల కు కేరాఫ్ అడ్రెస్ .... రాయలసీమ అనేది ఈయనకు ట్యాగ్ లైన్ ...దురదపుట్టినప్పుడు గోక్కోవటానికి ఉపయోగపడే ఆరో వేలుగా ఆయన ఆ నినాదాన్ని బాగా వాడేస్తారు..  * అంగ వంగ కళింగ రాజ్యాలను అవలీలగా గెలిచిన చక్రవర్తి, చివరకు ఆముదాలవలస లో ఓడిపోయినట్టు, రాష్ట్ర బీ జె పి అధ్యక్షుడు కన్నా లక్ష్మీ నారాయణ , చివరకు పవన్ కళ్యాణ్ తో కలిసి స్థానిక సమరం లో బీజేపీకి కాస్తో కూస్తో ఉన్న ఇమేజ్ ని పణం గాపెట్టే సాహసానికి ఒడిగట్టారు  ఆ ఐదుగురూ ఇంతకీ ఏమి చేస్తున్నట్టు..భారతీయ జనతా పార్టీ దిగుమతుల విభాగం నుంచి డంప్ అయిన జి వి ఎల్ నరసింహారావు , అలాగే తెలుగు దేశం నుంచి బీ జె పి లోకి దిగుమతి అయిన సుజనా చౌదరి, సి ఎం రమేష్, టీ జీ వెంకటేష్ , కాంగ్రెస్ లో నుంచి బీ జె పి లోకి షిఫ్ట్ అయిన  బీ జె పి అధ్యక్షుడు కన్నా లక్ష్మీ  నారాయణ కలిసి ఈ స్థానిక సమరం లో రాష్ట్రం మొత్తం మీద కనీసం ఒక్కొక్కరికి 50 చొప్పున 250 మంది ఎం పి టి సి లు, జెడ్ పీ టి సి లను  గెలిపించుకురాగలరా అనేది చాలా పెద్ద సందేహం గా కనిపిస్తోంది. ఎందుకంటే, నిన్ననే విజన్ డాక్యుమెంట్ ని కలిసి ఆవిష్కరించిన బీ జె పి , జన సేన కంబైన్ నేతలు , చాలా పెద్ద  దృశ్యాన్నే జనం ముందు ఆవిష్కరించే ప్రయత్నం చేశారు. వై ఎస్ ఆర్ సి పి, తెలుగుదేశం పార్టీ లకు తామే ప్రత్యామ్నాయమన్నట్టు గా ప్రకటించుకున్న ఈ ఐదుగురిదీ  వాస్తవానికి తలో దారీ.. ఎవరు , ఎప్పుడు, ఎందుకు, ఎలా మాట్లాడతారో తెలీని గందర గోళం ....  జి వి ఎల్ నరసింహ రావు ది అయితే సొంత రాజ్యాంగం, పూర్తిగా పార్టీ రాష్ట్ర శాఖ తో  గానీ, లేదా బీ జె పి లో ఉన్నతెలుగుదేశం మాజీ లతో  కానీ ఈయనకు ఎలాంటి సంబంధాలు ఉండవు.  రాష్ట్రాన్ని ఎప్పుడైనా పలకరించడానికి రుతు పవనాల మాదిరి అలా చుట్టపు చూపు గా వచ్చేసి ,  ఇలా మాయమైపోయే  జి వి ఎల్ వ్యవస్థ ల గురించి రాష్ట్ర బీ జె పి లో ఎవరికీ ఎలాంటి క్లూలు ఉండవు. ఈయన దారి రహదారి. ఈయన వ్యవస్థ ఇలాఉంటే, బీ జె పి లో ఉంటూ కూడా ఇంకాతెలుగు దేశం ఎజెండా , జెండా రెండూ మోస్తున్నట్టు కనిపించే సుజనా చౌదరి ఒక్క అమరావతి అంశం మీద తప్పించి, ఇతరత్రా ఏదీ మాట్లాడటానికి ఎక్కువగాఇష్టపడరు. జీ వీ ఎల్ కు, సుజనా కూ క్షణం పడదు. ఆయన ఎడ్డెం అంటే ఈయన తెడ్డెం అనే రకం.. ఏ మాత్రం పొసగని,పొంతన లేని పరస్పర భిన్నమైన అభిప్రాయాలు గల వీరిద్దరూ ఉత్తర ధృవం, దక్షిణ ధృవం మాదిరి ఒకే పార్టీ లో ఉంటూ కూడా కామన్  ఎజెండా తో పని చేసిన దాఖలాలు ఇప్పటివరకూ అయితే లేవు.   ఇహ, సి ఎం రమేష్ గురించి వేరే చెప్పనక్కర్లేదు. ఆయన తన బిజినెస్ వ్యవహారాలను బీ జె పి తో ముడి కట్టేసి, ఏ పార్టీ లో ప్రయాణిస్తున్నాడో కూడా మర్చే పోయి, మొన్నటికి మొన్న పరిమళ్ నత్వాని ని జగన్ మోహన్ రెడ్డి దగ్గర ప్రవేశ పెట్టడం లో కీలక పాత్ర పోషించిన  ఘనుడు. గుర్తు చేస్తే కానీ తానూ బీ జె పి లో ఉన్నాననే విషయం గుర్తుండని ఈయన కు  బీ జె పి, జన సేన కలిసి పోటీ  చేస్తున్న విషయం తెలుసో లేదో అని కూడాపార్టీ శ్రేణులు గుసగుస లాడుకుంటున్నాయి.  ఇహ వీరందరినీ సమన్వయము చేసుకుని  ముందుకెళ్తున్నట్టు భావిస్తూ , బాహ్య ప్రపంచం ముందు ఆవిష్కృతమయ్యే  వ్యక్తి మరెవరో కాదు... సాక్షాత్తూ  రాష్ట్ర బీ జె పి అధ్యక్షుడు కన్నా లక్ష్మీ నారాయణ. ఈయన, పవన్ కళ్యాణ్ తో కలిసి ప్రయాణించటానికి అంతగాసుముఖం గా లేదు...కారణమేమిటంటే, చంద్రబాబు నాయుడు లాంటి యోధులతో పోరాడిన తన రాజకీయం , చివరకు ఇలా ఏ పూట ఎక్కడ ఉంటారో కూడా తెలీని పవన్ కళ్యాణ్ పార్టీతో కలిసి పని చేయాల్సిన దుస్థితికి దిగజారటమేమిటని  తరచూ తనలో తానె కుమిలి పోతున్నట్టు సమాచారం.  ఇహ, టీ జీ వెంకటేష్ అయితే మరీను..... రాయలసీమ నినాదాన్ని తన ట్యాగ్ లైన్ గాచేసుకుని కాలక్షేపం చేసేస్తూ... ప్రస్తుతానికి బీ జె పి లో నివసిస్తూ ....ఈ స్థానిక ఎన్నికల సమరం లో తన పాత్ర ఏమిటో కూడాతెలీకుండా జీవనం వెళ్లదీస్తున్నారు. మొత్తానికి ఈ పంచ పాండవులు స్థానిక సమరం లో తమ 'పంచ్ ' పవర్ ఏమిటో ఈ నెలాఖరు లోగా చుపిస్తారేమోననే బోలెడు , ఇంకా గంపెడాశతో బీ జె పి అభిమానులు ఆత్రంగా ఎదురు చూస్తున్నారు.

ఏపీలో వంద కోట్ల దందా.. రియల్ క్రైమ్ స్టోరీ

సినిమాలలో ఎన్నో క్రైమ్ స్టోరీలు, ఎన్నో కిడ్నాప్ సీన్లు చూసుంటారు. అయితే.. కాకినాడలో జరిగిన ఈ రియల్ స్టోరీ ముందు ఆ రీల్ స్టోరీలన్నీ చిన్నబోతాయి. పేరున్న రాజకీయ నాయకులు, పలుకుబడి ఉన్న అధికారులు.. ఇలా భారీ తారాగణం నటించిన.. ఆ రియల్ స్టోరీ టైటిల్ వచ్చేసి.. "ఓ కిడ్నాప్, వంద కోట్ల స్కాం". 'నేనే రాజు నేనే మంత్రి' మూవీలో ఒక డైలాగ్ ఉంటుంది. మీరు ఏ పార్టీకి ఓటేసినా మేమే అధికారంలో ఉంటామని. అవును.. కొందరు రాజకీయ నాయకులు.. ఎన్నికల్లో ప్రజలు ఏ పార్టీని గెలిపిస్తే.. ఆ పార్టీలోకి జంప్ చేస్తారు. అలాగే అధికారులు కూడా.. ఏ పార్టీ అధికారంలోకి వస్తే ఆ పార్టీ నేతలని కాకాపడుతూ వారి ఆటలు సాగిస్తుంటారు. ఈ రియల్ స్టోరీ వింటే అది నిజమని మీకే అర్ధమవుతుంది. కాకినాడలోని సర్పవరంకి చెందిన ఆకుల గోవిందరాజు అనే వ్యక్తికి భోగాపురంలో వంద కోట్ల విలువైన 18 ఎకరాల ల్యాండ్ ఉంది. ఈ ఒక్క విషయం చాలదా.. మాఫియా కన్ను ఆయన మీద పడటానికి. ఎక్కడో ఆకాశంలో ఎగురుతున్న గద్దకి కింద ఉన్న కోడిపిల్ల కనిపించినట్టు.. మాఫియా వాళ్ళకి ఎక్కడున్నా విలువైన ల్యాండ్స్ కనిపిస్తాయి కదా. అలాగే, బలగ ప్రకాష్ అనే మాఫియా లీడర్ కి.. ఆకుల గోవిందరాజుకి చెందిన ల్యాండ్ పై కన్నుపడింది. ఇంకేముంది ఏకంగా పోలీసులనే రంగంలోకి దింపాడు. ఇక పోలీసులైతే ఓ అడుగు ముందుకేసి ఏకంగా కిడ్నాప్ కే తెరలేపారు. 2017.. సెప్టెంబర్ 19 .... శూన్యమాసం.. అమావాస్య.. మంగళవారం.. మధ్యాహ్నానికి- సాయంత్రానికి నడుమ సూర్యుడు మండిపోతున్న సమయం... అబ్బా ఏమన్నా ముహూర్తమా... శూన్యమాసం.. అమావాస్య.. మంగళవారం.. ఇదే కిడ్నాప్ కి సరైన ముహూర్తం అనుకున్నారేమో పోలీసులు... AP 30 AB 6655 నెంబర్ గల ఇన్నోవా కార్ లో.. పోలీసులు ఆకుల గోవిందరాజు ఇంటికి వచ్చారు. కారు నెంబర్ ఫ్యాన్సీగా ఉన్నా, ఆ ఖాకీలు చేసే పని మాత్రం ఏ మాత్రం పద్దతిగా లేదు. వాళ్ళు చేసే పనేంటో ఆ చుట్టుపక్కల ఉన్నవారికి తెలియదు. కొత్త మొహాలు కావడంతో.. చుట్టుపక్కల వారు కొందరు ఆశ్చర్యంతో, కొందరు అనుమానంతో చూస్తున్నారు. వాళ్ళు అలా చూస్తుండగానే.. దొంగల రూపంలో వచ్చిన పోలీసులు.. గోవిందరాజుని ఇన్నోవాలో పడేసి.. జెట్ స్పీడ్ లో హైవే ఎక్కారు. పోలీసుల భాషలో చెప్పాలంటే దీనినే కిడ్నాప్ అంటారు. కారు హైవే మీద దూసుకెళ్తుంది. ఆ స్పీడ్ చూస్తే.. అంబులెన్స్ డ్రైవర్ కావాల్సిన వ్యక్తి ఇన్నోవా డ్రైవ్ చేస్తున్నాడేమో అనిపిస్తుంది. డ్రైవర్ స్టీరింగ్ పట్టుకుంటే.. మనం ఖాళీగా ఉండి ఏం చేస్తాం అనుకున్నారేమో.. మిగతా పోలీసులు గోవిందరాజు పనిపెట్టారు. కారు.. కాకినాడ నుంచి భోగాపురం చేరేవరకు.. అంటే దాదాపు నాలుగు గంటల పాటు... గోవిందరాజుని భయపెట్టారు.. బెదిరించారు.. చిత్రహింసలు పెట్టారు. ఒక్కమాటలో చెప్పాలంటే నరకం చూపించారు. కారు సాయంత్రం 6 గంటలకు భోగాపురం సబ్ రిజిస్టార్ ఆఫీస్ కి చేరుకుంది. ఖాకీలకు భయపడ్డాడో, కాసులకు కక్కుర్తి పడ్డాడో తెలియదు కానీ.. సబ్ రిజిస్టార్ పందిళ్లపల్లి రామకృష్ణ.. సాయంత్రం 4:30 కే రిజిస్ట్రేషన్ కాగితాలు సిద్ధం చేసి.. పదేళ్ల తర్వాత ఫారెన్ నుంచి రిటర్న్ వస్తున్న ఫ్రెండ్ కోసం ఎదురుచూస్తున్నట్టు.. గుమ్మం వైపు చూస్తూ పోలీసుల కోసం ఎదురుచూస్తున్నాడు. ఇంతలో పోలీసులు గోవిందరాజుని తీసుకొని గుమ్మంలోకి అడుగు పెట్టనే పెట్టారు. గుమ్మంలో వాళ్ళ అడుగు పడిందో లేదో.. సబ్ రిజిస్టార్ మోహంలో వెలుగు వచ్చింది. గోవిందరాజు మోహంలో భయం పెరిగింది. భయంతో చూస్తుండగా ఎదురుగా కుర్చీలో కూర్చొని ఉన్న మాఫియా లీడర్ బలగ ప్రకాష్ కనిపించాడు. జర్నీలో పోలీసుల చిత్రహింసలతో భయపడిపోయిన గోవిందరాజు.. బలగ ప్రకాష్ ని చూసి మరింత భయపడ్డాడు. బలగ ప్రకాష్.. పోలీసుల మాదిరి సాగదియ్యలేదు.. కమర్షియల్ సినిమాల్లో విలన్ లాగా ఒక్కటే డైలాగ్ కొట్టాడు.. "సంతకం పెడతావా? సమాధిలో పడుకుంటావా?".... ఆ ఒక్క డైలాగ్ తో గోవిందరాజు భయం చావుభయంగా మారిపోయింది. ఎదురుగా మాఫియా లీడర్.. చుట్టూ భోగాపురం సీఐ నర్సింహారావు, ఎస్సైలు తారక్, మహేష్.. హెడ్ కానిస్టేబుల్ గోవిందరావు.. ఉన్నారు. ఎస్సైల పేర్లు తారక్, మహేష్ అని హీరోల పేర్లు ఉన్నాయి కానీ.. వాళ్ళ బిహేవియర్ మాత్రం పెద్ద విలన్ల పక్కన ఉండే చెంచా విలన్లు లాగా ఉంది. అన్యాయాన్ని అడ్డుకోవాల్సిన పోలీసులే.. మాఫియా లీడర్ తో కలిసిపోయి.. చిత్రహింసలు చేసి బెదిరిస్తుంటే.. తప్పనిసరి పరిస్థితుల్లో, వంద కోట్లు కంటే విలువైన ప్రాణం కోసం, అన్యాయం ముందు తలవంచి గోవిందరాజు సంతకం పెట్టాడు. ఆ ఒక్క సంతకంతో.. గోవిందరాజు మొహంలో తప్ప.. అక్కడున్న అందరి మొహాల్లో లక్ష్మీకళ ఉట్టిపడింది. అన్నట్టు ఇంత జరుగుతున్నా అక్కడ ఇతరులు ఎవరూ లేరా? అని మీకు అనుమానం రావొచ్చు. అక్కడ నిజంగానే ఎవరూ లేరు.. ఎందుకంటే వాళ్ళు పెట్టిన ముహూర్తం అలాంటిది మరి. శూన్యమాసం-అమావాస్య.. బుద్ధి ఉన్నోడు ఎవడైనా రిజిస్ట్రేషన్ పెట్టుకుంటాడా? వీళ్లంటే.. వంద కోట్ల కబ్జా ల్యాండ్ కాబట్టి.. బుద్ధిని పక్కనపెట్టి.. బెదిరించి.. రిజిస్ట్రేషన్ చేపించుకున్నారు. ఇప్పుడు అర్థమైందా వాళ్ళ శూన్యమాసం-అమావాస్య కాన్సెప్ట్ ఏంటో?!!.. ఈ కిడ్నాప్- కబ్జా వ్యవహారంపై.. సర్పవరం పోలీస్ స్టేషన్ లో 330/217 నెంబర్ తో కేస్ రిజిస్టర్ అయింది. అదేంటో.. FIR కూడా అయిన తరువాత.. చార్జిషీట్ దాఖలు చేయడానికి.. రాజమౌళి RRR చేయడానికి తీసుకునే టైం కన్నా ఎక్కువ తీసుకుంటున్నారు సర్పవరం పోలీసులు. రెండున్నరేళ్లుగా నాన్చుతూనే ఉన్నారు. ఈ విషయం గురించి.. ఏపీ హ్యూమన్ రైట్స్ కమిషన్ కి కాకినాడ పోలీసులు రిపోర్ట్ కూడా పంపారు. కానీ చార్జిషీట్ దాఖలు చేసే విషయంలో సర్పవరం సీఐ డిలే చేస్తూనే ఉన్నాడు. ఏంటి ఆ సీఐ ధైర్యం?.. భయపడితే భయపడటానికి ఆయన పోస్ట్ మ్యాన్ కాదు.. పోలీసోడు.. దానికితోడు పొలిటిషీయన్స్ సపోర్ట్ ఉన్నోడు. అవును.. ఈ వ్యవహారంలో.. బడా పొలిటిషీయన్స్ సపోర్ట్ కూడా ఉంది. అదే పోలీసుల ధైర్యం... శ్రీకాకుళం జిల్లాకి చెందిన మాజీ మంత్రి, ప్రస్తుత టీడీపీ నేత.. అలాగే గత ప్రభుత్వ హయాంలో విప్ గా పనిచేసిన నేత.. వీరిద్దరి సాయంతో సర్పవరం పోలీస్ స్టేషన్ ని ఫుల్ గా influence చేసే ప్రయత్నం బలంగా నడుస్తుంది. అందుకే చార్జిషీట్ కి మోక్షం కలగట్లేదు. ఇంత పెద్ద కిడ్నాప్- కబ్జా జరిగితే అస్సలు చర్యలే తీసుకోకుండా ఎలా ఉన్నారని అనుకుంటున్నారేమో... అబ్బో చాలా పెద్ద చర్య తీసుకున్నారు. భోగాపురం ఇన్స్పెక్టర్ ని బదిలీ చేసారు. అదేంటి!!.. అంత జరిగితే కేవలం బదిలీనా అనుకోవద్దు.. రాజకీయ ఒత్తిళ్లు అలాంటివి మరి.. అర్థంచేసుకోవాలి... ఇంకో విషయం ఏంటంటే.. ఈ వ్యవహారం డీజీపీ ఆఫీస్ కి కూడా చేరింది. మరి ఇంకేంటి.. వెంటనే అందరి మీద చర్యలు తీసుకొని ఉంటారుగా అంటారా? అబ్బో.. మీరు పవర్ ఫుల్ పోలీస్ ఆఫీసర్ సినిమాలు చూసి బాగా మోసపోయారు... అలాంటి పప్పులు ఇక్కడ ఉడకవు. వాస్తవానికైతే... CRPC 41A కింద డీజీపీ నియమించే ఓ సీనియర్ అధికారి.. విచారణ జరిపి.. తదుపరి చర్యల వరకు.. ఆ సీఐని సస్పెండ్ చేసే అవకాశముంది. కానీ ఇక్కడ అలాంటిదేం జరగలేదు. ఏదో ఫార్మాలిటీకి బదిలీతో సరిపెట్టారు. గోవిందరాజు ని బెదిరించి వంద కోట్ల విలువైన ల్యాండ్ అన్యాయంగా లాక్కున్నారు. అయినా తప్పు చేసిన వాళ్ళు బాగానే ఉన్నారు. పైగా గోవిందరాజునే ఇంకా టార్చర్ చేస్తున్నారు. రాజకీయ ఒత్తిళ్లలో భాగంగా.. ప్రస్తుత సర్పవరం సీఐ మరియు అర్బన్ డీఎస్పీ.. గోవిందరాజుని పదేపదే తిప్పించుకుంటున్నారు. ఇక కాకినాడలో ఉద్యోగం వెలగపెడుతున్న.. ఇప్పటి ఓ మంత్రిగారి బావమరిది.. రంగంలోకి దిగడంతో ఈ కేసు మరింత డైల్యూట్ అయింది. అసలే భోగాపురంలో ఎయిర్ పోర్ట్ అంటున్నారు. రెక్కలున్న విమానాలు వస్తున్నాయి అంటే.. ఆటోమేటిక్ గా భూముల ధరలకు రెక్కలొస్తాయి కదా.. అందుకే పోలీసులు- పొలిటీషియన్స్ అండతో మాఫియా ఇంతలా రెచ్చిపోతుంది. అంతేకాదు.. ఈ వ్యవహారం వెనుక.. 2017 ప్రాంతంలో ఉత్తరాంధ్ర జిల్లాల్లో పనిచేసిన ఓ కలెక్టర్ మరియు ఎస్పీ పాత్ర ఉన్నట్టు.. సెక్రటేరియట్ వర్గాల వద్ద స్పష్టమైన సమాచారం ఉంది. టీడీపీ పెద్దతలకాయలకు సన్నిహితులైన ఈ ఐఏఎస్, ఐపీఎస్ లు.. వైసీపీ ప్రభుత్వ హయాంలో కూడా తమ హవా కొనసాగించడం... అందరినీ ముక్కు, మూతి ఇలా అన్నింటి మీదా వేలేసుకునేలా చేస్తుంది. ఇంతకీ ఆ ఐఏఎస్ & ఐపీఎస్ ఎవరు? * ఒకరు.. పరుల అవినీతి మీద కాంతివంతంగా దండెత్తే ఐఏఎస్... * ఇంకొకరు.. పొద్దునలేస్తే సుభాషితాలు చెప్పే పాలమీగడ లాంటి ఐపీఎస్.. ఈయనకి టెక్నాలజీ మీద గ్రిప్ బాగా ఎక్కువ. ఈ వ్యవహారంలో వీరిద్దరి పాత్ర కూడా ప్రముఖంగా ఉంది. 'వంద గొడ్లను తిన్న రాబందు కూడా ఒక్క గాలివానకు కూలిపోతుంది' అన్నట్టు.. ఈ అవినీతి రాబందులను భయపెట్టే గాలివాన ఇప్పుడిప్పుడే మొదలవుతుంది. మాఫియా లీడర్ బలగ ప్రకాష్ కనుసన్నల్లో.. ఐఏఎస్, ఐపీఎస్లు, పోలీసులు, పొలిటీషియన్స్ అండతో జరిగిన ఈ అన్యాయంపై.. గోవిందరాజు కొద్ది నెలలుగా పోరాడుతూనే ఉన్నాడు. న్యాయం కోసం ఆయన ఎక్కని గుమ్మం దిగని గుమ్మం లేదు. సన్నిహితుల సాయంతో న్యాయం కోసం పోరాడుతున్నాడు. ఆ పోరాడంతో కొన్ని విషయాలు కూడా వెలుగులోకి వచ్చాయి. వాస్తవానికి అప్పుడు జరిగింది తప్పుడు రిజిస్ట్రేషన్ అని పేర్కొంటూ... భోగాపురం రిజిస్టార్ డాక్యుమెంట్ రైటర్.. 2019 అక్టోబర్ 19 తేదీన.. 164 CRPC స్టేట్మెంట్ ని.. కాకినాడ ఫస్ట్ అడిషనల్ జ్యూడిషల్ సివిల్ జడ్జ్.. ముందట ఇచ్చాడు. అంతేకాదు.. సీసీ కెమెరాలతో దొంగలని పట్టుకునే పోలీసులు.. ఆ సీసీ కెమెరాల పుణ్యమా అని అడ్డంగా బుక్ అయ్యారు. సర్పవరం లో కిడ్నాప్ చేసి.. భోగాపురం తీసుకెళ్లిన.. నాలుగు గంటల తతంగమంతా.. పలు చోట్ల సీసీ కెమెరాలలో రికార్డు అయింది. క్షవరం అయితే కానీ ఇవరం రాదని.. సీసీ కెమెరాలు చూసి దోషులని పట్టుకునే పోలీసులు.. ఆ సీసీ కెమెరాల సంగతి మర్చిపోయి ఇలా దొరికిపోవడం కామెడీగా ఉంది. మొత్తానికి కొద్దికొద్దిగా కదులుతున్న తీగతో.. దందా చేసి ఇన్నాళ్లు డొంకలో దాక్కున్నవారు.. ఇప్పుడిప్పుడే భయంతో వణుకుతున్నారు. ముఖ్యంగా డీజీపీకి కంప్లైంట్ వెళ్లడంతో ఐఏఎస్, ఐపీఎస్ ఒణికిపోతున్నారట. మరి ముఖ్యంగా ఆ ఐపీఎస్ అయితే.. డైపర్ వేసుకొని తిరుగుతున్నాడని టాక్... ఇప్పటికే ఆ ఐపీఎస్ గడిచిన రెండు నెలల్లో.. బలగ ప్రకాష్ టీం తో.. ఒకే హోటల్ లో 17 సార్లు సిట్టింగ్ వేశాడు. దీన్నిబట్టే అర్థంచేసుకోవచ్చు ఆ ఐపీఎస్ ఎంతలా వణికిపోతున్నాడో!! తప్పుని సరిదిద్దాల్సిన పోలీసులే.. ఇంత పెద్ద తప్పు చేశారు. ఈ విషయం డీజీపీ దృష్టికి కూడా వెళ్ళింది. మరి ఆయన ఈ కిడ్నాప్-కబ్జా వ్యవహారంలో ఇన్వాల్వ్ అయినవారిపై ఎలాంటి చర్యలు తీసుకుంటారు?.. బాధితుడికి ఎప్పుడు న్యాయం చేస్తారు? ఆయన ఇలాగే మౌనంగా ఉంటే ప్రజలకు పోలీసు వ్యవస్థ మీదే నమ్మకం పోతుంది. ఇక ఈ విషయంలో సర్కార్ కూడా అడుగు ముందుకేసి బాధితుడికి న్యాయం చేయాల్సిన అవసరముంది. అవినీతి రహిత పాలనే అందించడమే తమ లక్ష్యమని చెప్పుకునే అధికారపార్టీ.. అవినీతి-అన్యాయం చేసిన వారికి.. పరోక్షంగా అండగా ఉండటం ఎంత వరకు కరెక్ట్? గత ప్రభుత్వం మీద, అప్పుడు వారికి సన్నిహితంగా ఉన్న కొందరు అధికారులపైనా.. ఇప్పటి అధికారపార్టీ నేతలు పదేపదే అవినీతి ఆరోపణలు చేస్తుంటారు. మరి ఈ వ్యవహారం మీద ఎందుకు నోరు మెదపడం లేదు? ఇందులో తమ పార్టీ నేతలు కూడా ఉన్నారా? లేక పార్టీ సీనియర్ నేతైన మంత్రి గారి బావమరిది ఇన్వాల్వ్ అయ్యాడని వెనకడుగు వేస్తున్నారా? ప్రభుత్వం దీనిపై స్పందించాలి. ఈ భోగాపురం భాగోతం వెనుకున్న వారిపై ప్రభుత్వం కఠినంగా వ్యవహరించి.. బాధితుడికి న్యాయం చేయాలి. లేదంటే ప్రభుత్వం మీద కూడా నమ్మకం పోతుంది.  

క‌విత‌, ష‌ర్మిలా రాజ్య‌స‌భ‌కు వెళ్తారా?

తెలంగాణ నుంచి రెండు రాజ్యసభ సీట్ల కోసం అధికార టీఆర్ఎస్‌లో పోటాపోటీ నెలకొంది. షెడ్యూల్‌ ప్రకారం రాజ్యసభ ద్వైవార్షిక ఎన్నికల నోటిఫికేషన్‌ మార్చి 6న జారీ కానుంది. 13వ తేదీ వరకు నామినేషన్ల దాఖలుకు అవకాశం ఉంది.  సామాజిక కోణంలో తమకు అవకాశం దక్కుతుందని పలువురు సీనియర్లు భావిస్తుండగా, ఇప్పటివరకు పార్టీ తరఫున రాజ్యసభ పదవులు దక్కని వర్గాల వారూ ఆశగా ఎదురుచూస్తున్నారు. పార్టీ అధినేత కేసీఆర్‌ నిర్ణయం కోసం ఉత్కంఠగా ఎదురుచూస్తున్నారు.  నిజామాబాద్‌ మాజీ ఎంపీ కవితను ఈసారి పార్టీ తరఫున రాజ్యసభకు పంపిస్తార‌నే ప్ర‌చారం విస్తృతంగా జరుగుతోంది. అయితే సి.ఎం. కేసీఆర్ ఆలోచ‌నే ఎలా వుందో ఎవ‌రూ అంచ‌నా వేయ‌లేక‌పోతున్నారు. కెటిఆర్ సి.ఎం. అవుతారా? క‌వితా రాజ్య‌స‌భ‌కు వెళ్తారా?  అయితే హ‌రిష్‌రావు ఈ ప‌రిణామాల‌పై ఎలా స్పందిస్తారు? అనే అంశంపై టిఆర్ ఎస్ కార్య‌క‌ర్త‌ల్లో విస్తృతంగా చ‌ర్చ జ‌రుగుతోంది. జాతీయ రాజకీయాల్లోకి వెళ్లాలనుకుంటున్న సీఎం కేసీఆర్‌ తన తరఫున ఢిల్లీ, ఇతర రాష్ట్రాల్లో ఫెడరల్‌ ఫ్రంట్‌ ఏర్పాటు ప్రయత్నాలకు నమ్మకమైన వారి కోసం అన్వేషిస్తున్నారు.  రాజ్యసభ సీటు భర్తీ సామాజిక కోణంలోనే ఉంటుందని టీఆర్‌ఎస్‌ ముఖ్యులు భావిస్తున్నారు. ఏపీ కోటాలో పదవీ విరమణ చేస్తున్న టీఆర్‌ఎస్‌ రాజ్యసభ సభ్యుడు కె.కేశవరావుకు వయసు రీత్యా ఈసారి అవకాశం ఉండకపోవచ్చన్న అంచనాలున్నాయి. రెడ్లకు అవకాశం లభిస్తే, మాజీ ఎంపీ పొంగులేటి శ్రీనివా్‌సరెడ్డి, మాజీీ స్పీకర్‌ కె.ఆర్‌.సురే్‌షరెడ్డి, ఎమ్మెల్సీ నాయిని నర్సింహారెడ్డి మధ్య పోటీ ఉంటుందని చెబుతున్నారు. కమ్మ సామాజిక వర్గానికి ఇవ్వాలనుకుంటే మండవ వెంకటేశ్వరావు, తుమ్మల నాగేశ్వరరావు పేర్లు పరిశీలించవచ్చని అంటున్నారు. బీసీలకు అవకాశం ఇస్తే సిరికొండ మధుసూదనాచారి, బస్వరాజు సారయ్య పేర్లు పరిశీలిస్తారని చెబుతున్నారు. ఎస్సీ కోటాలో భర్తీ చేయాలని భావిస్తే కడియం శ్రీహరి, మాజీ ఎంపీ మంద జగన్నాథం పేర్లు పరిశీలిస్తారని అంటున్నారు. ఎస్సీల్లోనే మాలలకు అవకాశం ఇవ్వాలని అనుకుంటే, టీఎ్‌సఐఐసీ చైర్మన్‌ గాదరి బాలమల్లు, ఎస్టీ అయితే సీతారాంనాయక్‌ పేరు ఉండొచ్చని అంటున్నారు. అనూహ్యంగా ఒక పారిశ్రామికవేత్తను టీఆర్‌ఎస్‌ తరఫున రాజ్యసభకు పంపాలని అనుకుంటే హెటిరో అధినేత పార్థసారథిరెడ్డి పేరు పరిశీలించవచ్చని చెబుతున్నారు.  ఆంధ్రప్రదేశ్ కు చెందిన రాజ్యసభ స్థానాలు ఎవరికీ కేటాయించాలని ఇన్నాళ్లు చర్చించిన అధికార పార్టీ ఓ నిర్ణయానికి వచ్చిందని తెలుస్తోంది. ఈ మేరకు ఏపీ నుంచి రాజ్యసభకు ప్రాతినిధ్యం వహించే వారి జాబితా సిద్ధమైనట్టు సమాచారం.  కీలకమైన పదవులు కావడంతో పార్టీ నమ్ముకున్నోళ్లు.. తమకు అండగా నిలబడిన వ్యక్తులను ఎంపిక చేసినట్లు పార్టీ వర్గాల్లో వార్త వినిపిస్తోంది.  మాజీ ఎంపీ వైవీ సుబ్బారెడ్డి - సజ్జల రామకృష్ణారెడ్డితో పాటు మాజీమంత్రి - ఏపీసీసీ మాజీ అధ్యక్షుడు రఘువీరారెడ్డి ఉన్నట్లు తెలుస్తోంది. అయితే రఘువీరారెడ్డి కాకుంటే సుప్రీంకోర్టు రిటైర్డ్ జస్టిస్ జాస్తి చలమేశ్వర్ కూడా ఉన్నట్లు వార్తలు వస్తున్నాయి. ఈ జాబితా ఫైనలైనట్టు తెలుస్తోంది.  షర్మిల ఆపద సమయంలో జ‌గ‌న్‌కు తోడుగా నిలిచారు. జగనన్న వదిలిన బాణాన్ని అంటూ పాదయాత్ర చేశారు. కష్టకాలంలో పార్టీకి షర్మిల పెద్ద దిక్కుగా నిలిచారు. తన సొంత మీడియా సాక్షి ప్రారంభించినప్పటి నుంచి సజ్జల రామకృష్ణారెడ్డి జగన్ తో ఉన్నారు. సాక్షి పత్రిక ఎడిటోరియల్ డైరెక్టర్ గా కొనసాగుతూనే జగన్ కు రాజకీయాలపై సలహాలు సూచనలు ఇచ్చారు. ఆ తర్వాత సజ్జలను పార్టీలోకి ఆహ్వానించి పెద్ద పదవే ఇచ్చారు. విజయ సాయిరెడ్డి తర్వాత జగన్ కు అత్యంత నమ్మకస్తుడు సజ్జలనే. ఆయన పార్టీలో జగన్ రాజకీయ సలహాదారుడిగా పార్టీ రాజకీయ వ్యవహారాల కమిటీలో పని చేశారు. ప్రస్తుతం ఆంధ్రప్రదేశ్ ప్రభుత్వ సలహాదారుడిగా కొనసాగుతున్నారు. కడప జిల్లాకు చెందిన వ్యక్తి. ఎప్పుడూ తన తోడు ఉండడంతో ఆయనను రాజ్యసభకు జగన్ పంపించనున్నట్టు తెలుస్తోంది. ప్రకాశం జిల్లాకు చెందిన వైవీ సుబ్బారెడ్డి జగన్ పార్టీ పెట్టినప్పటి నుంచి ఉన్నారు. గతంలో ప్రకాశం ఎంపీగా సుబ్బారెడ్డి పని చేశారు. ఈసారి జరిగిన ఎన్నికల్లో సుబ్బారెడ్డి పోటీ చేయలేదు. అప్పుడు ఆయన పదవులు ఆశించకపోవడంతో ఇప్పుడు రాజ్యసభకు పంపించాలని నిర్ణయానికి వచ్చారు. పార్టీలో కీలక నాయకుడిగా గుర్తింపు పొందిన సుబ్బారెడ్డిని రాజ్యసభకు పంపితే న్యాయం జరుగుతుందనే భావనలో జగన్ ఉన్నారంట. అనూహ్యంగా రాజ్యసభకు పంపే జాబితాలో ప్రస్తుతం కాంగ్రెస్ పార్టీ సీనియర్ నాయకుడు రఘువీరారెడ్డి ఉండడం గమనార్హం. అనంతపురము జిల్లాకు చెందిన రఘువీరారెడ్డికి పిలిచి మరి రాజ్యసభ సీటు ఇస్తామంటున్నారు. యాదవ సామాజికి వర్గానికి చెందిన రఘువీరారెడ్డి జగన్ తండ్రి వైఎస్సార్ తో మంచి అనుబంధం ఉంది. అయితే రఘువీరారెడ్డి కాకుంటే మరొకరిని కూడా దృష్టిలో పెట్టుకున్నారు. భారత అత్యున్నత న్యాయస్థానం సుప్రీంకోర్టు జడ్జిగా పని చేసిన జస్టిస్ జాస్తి చలమేశ్వర్ ను రాజ్యసభకు పంపించాలని భావిస్తున్నారంట.  కృష్ణాజిల్లా యాదవ సామాజిక వర్గానికి చెందిన చలమేశ్వర్ సేవలను వినియోగించుకునేలా పార్టీ ఒక నిర్ణయానికి వచ్చిందంట. ఎందుకంటే తరచూ జగన్ న్యాయస్థానాల్లో చిక్కులు ఎదుర్కొంటున్నారు. చలమేశ్వర్ సేవలు వినియోగించుకుంటే జగన్ సేఫ్ గా ఉండడంతో పాటు న్యాయ కోవిదుడికి గౌరవంగా రాజ్యసభను ఇద్దామనే ఆలోచనలో ఉన్నారంట.

అధికారంలో ఉంటే ఒకలా... ప్రతిపక్షంలో ఉంటే మరోలా... వైజాగ్ ఎపిసోడ్ నీతి ఏంటి?

రాజకీయాల్లో ఓడలు బళ్లు అవుతాయి. బళ్లు ఓడలవుతాయి. ప్రజాస్వామ్యంలో ఇది సాధారణమే. ప్రస్తుతం దేశంలోనూ, అనేక రాష్ట్రాల్లోనూ ఇదే జరుగుతోంది. నిన్నమొన్నటివరకు దేశంలోనూ, ఆయా రాష్ట్రాల్లో చక్రం తిప్పినవారంతా, అనామకులుగా మారిపోయారు. దశాబ్దాల తరబడి రాజ్యాన్ని ఏలినవారు, ఇప్పుడు సైడైపోవాల్సిన పరిస్థితులు ఏర్పడ్డాయి. తెలుగు రాష్ట్రాల్లో పలువురు ఉద్దండుల పరిస్థితి ఇప్పుడలాగే కనిపిస్తోంది. ఎంతోమంది ముఖ్యనేతలు తీవ్ర గడ్డుపరిస్థితులను ఎదుర్కొంటున్నారు. మళ్లీ వాళ్లకు మంచి రోజులు వస్తాయని మాత్రం కచ్చితంగా చెప్పలేని పరిస్థితులు కనిపిస్తున్నాయి. ఆంధ్రప్రదేశ్, తెలంగాణ రెండింటిలోనూ ఊహించని రాజకీయ మార్పులు జరగడంతో ఓడలు బళ్లు... బళ్లు ఓడలయ్యాయి.  అయితే, అధికారంలో ఉండగా ఒకలా, ప్రతిపక్షంలా ఉంటే మరోలా వ్యవహరించడం సర్వసాధారణంగా కనిపిస్తుంది. విపక్ష నేతగా ఉన్న సందర్భాల్లో నేతలు వ్యవహరించే తీరు ఒక్కోసారి సాధారణ ప్రజాస్వామిక సూత్రాలకు విరుద్ధంగా ఉంటుంది. నేటి ముఖ్యమంత్రి వైఎస్ జగన్మోహన్ రెడ్డి మూడేళ్ళ క్రితం విపక్ష నేతగా ఉన్నారు. అప్పట్లో ఆయన ప్రత్యేక హోదా కోసం పట్టుదలతో ఉన్నారు. క్యాండిల్ ర్యాలీ నిర్వహించేందుకు వైజాగ్ పర్యటనకు వెళ్లారు. అప్పటికే అక్కడ సీఐఐ పార్ట్ నర్ షిప్ సమ్మిట్ జరుగుతోంది. ఆ నేపథ్యంలో క్యాండిల్ ర్యాలీకి అనుమతిని ప్రభుత్వం నిరాకరించింది. అయినా కూడా జగన్ వైజాగ్ చేరుకున్నారు. అక్కడి నుంచి నగరంలోకి వెళ్లేందుకు ప్రయత్నించారు. అప్పట్లో పోలీసులు ఆయనను అడ్డుకున్నారు. తనను అడ్డుకోవడంపై అప్పట్లో విపక్ష నేతగా ఉన్న జగన్ తీవ్ర ఆగ్రహం వ్యక్తం చేశారు.  ఇక, ఇప్పడు ఏపీలో రాజధాని రగడ కొనసాగుతోంది. అందులో భాగంగా చంద్రబాబు చేపట్టిన వైజాగ్ యాత్రలో ఉద్రిక్తత చోటు చేసుకుంది. ఇందులో పోలీసులను తప్పు పట్టాల్సింది ఏమీ లేదు. అయితే, ఇలాంటి సమయంలో విపక్ష నాయకులు ప్రతిష్టాత్మకంగా తీసుకుంటారు. ఎలాగైనా పోలీసు వలయాన్ని ఛేదించుకోవాలని తాము అనుకున్నది చేయాలని చూస్తుంటారు. పొలిటికల్ మైలేజ్ పొందాలని ప్రయత్నిస్తుంటారు. చంద్రబాబు వైజాగ్ టూర్లోనూ అదే జరిగిందనే మాట వినిపిస్తోంది. నాయకులు విపక్షంలో ఉన్నప్పుడు పొలిటికల్ మైలేజ్ కోసం ప్రయత్నించడంలో తప్పు లేదు. కాకపోతే...ఆ ప్రయత్నాలు సమాజంలో ఉద్రిక్తతలు పెంచేవిగా మాత్రం ఉండకూడదంటున్నారు. అదే సమయంలో అధికారంలో ఉన్న నాయకులు ప్రజాస్వామ్యంలో విపక్షాలకు ఉండే ప్రాధాన్యాన్ని గుర్తించాలని సూచిస్తున్నారు. అధికారపక్షం, విపక్షం....రెండూ ప్రజాస్వామ్యానికి రెండు చక్రాల్లాంటివని, ఏ ఒక్కటి సరిగా లేకున్నా ప్రజాస్వామ్యం కుంటుపడుతుందని గుర్తుచేస్తున్నారు.

రాజీవ్ గాంధీ మరణించాక ఆ సీక్రెట్ బయటపెట్టిన వాజపేయి!!

అమావాస్య రోజు చందమామని చూడాలనుకోవడం, రాజకీయాలలో విలువలు గురించి మాట్లాడాలనుకోవడం ఒకటే అంటుంటారు. అవును ఈ తరం రాజకీయాలను చూస్తే నిజమే అనిపిస్తుంది. ఒకరిపై ఒకరు హద్దు మీరి విమర్శలు చేసుకోవడమే తప్ప.. విలువైన రాజకీయాలు చేసేవారు ఎంతమంది ఉన్నారు ఈరోజుల్లో. ఎవరు అధికారంలోకి వచ్చినా ప్రతిపక్ష నేతల మీద కక్ష తీచుకోవాలన్న ధోరణే తప్ప.. ప్రజల కోసం ఒకరి సూచనలను ఒకరు గౌరవించుకుంటూ విలువైన రాజకీయాలు చేసేవారు ఎక్కడున్నారు?. ఈతరం రాజకీయ నాయకులు ముందుతరం వారిని చూసి ఎంతో నేర్చుకోవాలి. మాజీ ప్రధానులు రాజీవ్ గాంధీ- వాజపేయి మధ్య జరిగిన ఓ సంఘటన తెలిస్తే.. ఈ తరం రాజకీయ నాయకులు సిగ్గుతో తలదించుకుంటారు. అది రాజీవ్ గాంధీ ప్రధానిగా ఉన్న సమయం. అప్పుడు వాజపేయి ప్రతిపక్ష నేతగా ఉన్నారు. వారి మధ్య జరిగిన ఓ అపురూప సంఘటన గురించి ఇప్పుడు తెలుసుకుందాం.  " సార్..ప్రధానమంత్రి రాజీవ్ గాంధీ గారు లైన్ లో వున్నారు..మీతో మాట్లాడుతారుట ".. ఫోన్ పట్టుకుని వాజపేయి దగ్గరికి వచ్చి చెప్పాడు ఆయన వ్యక్తిగత కార్యదర్శి.." ఫోన్ అందుకున్న వాజపేయి ప్రధానమంత్రి తో రెండు నిమిషాలు మాట్లాడారు. ఫోన్ పెట్టేసి వాజపేయి కార్యదర్శి వంక చూసి "మనం ప్రధానమంత్రి తో పాటు ఐక్యరాజ్యసమితి సమావేశంలో పాల్గొనటానికి అమెరికా వెళ్తున్నాం.. ఏర్పాట్లు చూడండి" అనడంతో తను విన్నది నిజమేనా అని ఆశర్యంతో మరోమారు అటల్జీ ని అడిగి కన్ఫర్మ్ చేసుకున్నాడు కార్యదర్శి. " సార్..పత్రికలకు ప్రెస్ నోట్ పంపమంటారా?" నసిగాడు కార్యదర్శి వాజపేయి ఒక్క క్షణం అతనివంక చూసి నవ్వుతూ "నిక్షేపంగా" అన్నారు. ఈ వార్త అప్పట్లో ఇటు కాంగ్రెస్ పార్టీలోనూ, అటు బీజేపీ లోనూ పెద్ద దుమారం సృష్టించింది. రాజీవ్ గాంధీ నిర్ణయానికి కాంగ్రెస్ పార్టీలో సీనియర్లు సైతం ముక్కున వేలేసుకున్నారు. "సాక్షాత్తు ప్రధానమంత్రి హోదాలో ఐక్యరాజ్యసమితి ప్రతినిధుల సమావేశానికి అటెండ్ అవుతూ ప్రతిపక్షపార్టీ నేతను వెంటపెట్టుకెళ్లటం ఏంటి?" అంటూ పార్టీలో సన్నాయి నొక్కులు నొక్కారు. కానీ రాజీవ్ గాంధీ మాత్రం వాజపేయి ని తీసుకెళ్లడం వెనుక అసలు కారణాన్ని ఎవరికీ చెప్పలేదు. కానీ ఆయన మరణానంతరం వాజపేయే అసలు విషయాన్ని ప్రపంచానికి చెప్పారు.. ఆన్ టోల్డ్ వాజపేయి అనే పుస్తకం ద్వారా.. అదీ ఆయన మాటల్లోనే.. "1985 లోనే నాకు ఒక కిడ్నీ దెబ్బ తిని వైద్యం తీసుకుంటున్నా.1988 నాటికి రెండో కిడ్నీ కూడా దెబ్బతింది. డాక్టర్లు తక్షణం వైద్య చికిత్స అవసరం అన్నారు. ఇక్కడ కన్నా అమెరికాలో మెరుగైన వైద్యం అందుబాటులో ఉన్నందున అక్కడికి వెళ్లి ట్రీట్మెంట్ తీసుకోవాలని డాక్టర్లు సూచించారు. ఈ విషయం తెలుసుకున్న రాజీవ్ గాంధీ ఐక్యరాజ్యసమితి ప్రతినిధుల సమావేశానికి నన్ను కూడా రమ్మని ఫోన్ లో కోరారు. కానీ చివరగా ఆయన ఒక మాట చెపుతూ.. 'అటల్ జీ.. ఈ పర్యటనను పూర్తిగా మీ వైద్యానికి ఉపయోగించుకుని సంపూర్ణ ఆరోగ్యంతో ఇండియా కి రండి' అని చెప్పారు. ఈ రోజు నేను ప్రాణాలతో ఉన్నానంటే అది రాజీవ్ గాంధీ నాకు చేసిన ఉపకారం వల్లనే. నా కన్నా ఇరవై ఏళ్ళ చిన్నవాడు అయిన రాజీవ్ నాకు తమ్ముడిలాంటి వాడే" అని వాజపేయి అన్నారు. అది విలువలతో కూడిన రాజకీయమంటే. రాజీవ్ గాంధీ, వాజపేయి రాజకీయంగా ప్రత్యర్థులు కావచ్చు కానీ ఒకరినొకరు గౌరవించుకుంటూ విలువైన రాజకీయాలు చేశారు. వారిని చూసి ఈ తరం రాజకీయ నాయకులు ఎంతో నేర్చుకోవాలి. పొద్దున్న లేస్తే ఒకరిపై ఒకరు దుమ్మెత్తి పోసుకునే అధికార-ప్రతిపక్ష పార్టీల నాయకులు.. రాజకీయాలు పక్కన పెట్టి అప్పుడప్పుడన్నా నైతిక విలువలు పాటించాలన్న సూత్రం.. ఇలాంటి విషయాలు తెలుసుకుని అయినా పాటిస్తే బాగుండు..!

Health Hacks!!.

Here are some simple inclusions to be made into our lifestyles to lead a healthy life! Here goes the list :   Get rid of the Soda of your diet instead opt for a glass of water. Self cooking is yet another way to sparing yourself some bucks and yet serving yourself some health on the plate. Avoid the onsumption of pre-packed food. Try shopping on full stomach, all the junk will barely end up in your shopping basket. Make time for exercise, may it be walking or bikeride atleast for 20-30 minute. If you are way too busy to make some time to sweat it out, then make it up by standing on one leg while brushing by doing so you can improve your balance and musculature of your legs. A beast of our-times is the mobile phone, turn it off from time to time. As it can induce Psychological stress and lead to many more problems beyond our understanding. Swap desserts and candies for fruits and fruit juices, and white breads for wheat or multigrain ones! Follow the age-old saying 'Early to bed, early to rise , makes the man healthy, wealthy and wise'   Rise early and meditate for about 20 minutes, doing  some deep breathing and doing Yoga can wonders for you! Take a shower with cold water after you done using warm water, cold water is good for skin, hair and overall circulation is improved greatly. Eat only when hungry and chew down slowly, it takes about 20 minutes for your brain to signal that you are full! Make it a point to wash your hand before evry meal. Never skip your meals especially your breakfast1 It is breakfast that defines your day ahead! These are some well-known facts that need to be implemented into our routines!! Stay healthy!!   SIRI

వాడకపోతే వృధా!

చాలారోజుల క్రితం ఒక గొప్ప వ్యాపారి ఉండేవాడు. వ్యాపార నిమిత్తం అతను ఓసారి దూరదేశాలకు బయల్దేరాడు. వెళ్తూ వెళ్తూ అతను, తన దగ్గర పని చేసే ముగ్గురు పనివాళ్లని పిలిచాడు. ‘చూడండి! నేను తిరిగి రావడానికి కాస్త సమయం పడుతుంది. ఈలోగా నేను మీకో పని అప్పచెబుతున్నాను. మీ ముగ్గురికీ నేను కొంత డబ్బుని ఇస్తున్నాను,’ అంటూ మొదటి వ్యక్తికి ఐదువేలు, రెండో వ్యక్తికి రెండువేలు, మూడో వ్యక్తికి వేయి రూపాయల డబ్బుని చేతికిచ్చాడు.   అలా యజమాని తన ముగ్గురు పనివాళ్లకీ డబ్బుని అందించి ప్రయాణమైపోయాడు. కొంతకాలం తర్వాత యజమాని తిరిగివచ్చాడు. ‘నేను మీకిచ్చిన డబ్బుని ఏం చేశారు?’ అని ఆ ముగ్గురినీ అడిగాడు.   ‘ప్రభూ! వ్యాపారం చేయడం మీ లక్షణం. డబ్బుని స్థిరంగా ఉంచడం మీకు ఇష్టం ఉండదు. మీ మనస్తత్వం తెలిసినవాడిని కనుక మీరిచ్చిన డబ్బుని పెట్టుబడి పెట్టాను. రాత్రింబగళ్లు కష్టపడ్డాను. ప్రస్తుతానికి మీరు ఇచ్చిన డబ్బు రెట్టింపైంది,’ అని పదివేల రూపాయలని చేతిలో పెట్టాడు మొదటి పనివాడు.   ‘ప్రభూ! వ్యాపారం చేయడం నాకు అలవాటైన విద్య కాదు. కానీ డబ్బుని అలా నిరుపయోగంగా ఉండటం నాకు ఇష్టం లేకపోయింది. అందుకనే నష్టం వచ్చే ప్రమాదం ఉందన్న భయం ఉన్నా కూడా ఆ డబ్బుతో వ్యాపారం చేశాను. ఒళ్లు వంచి పనిచేశాను. అదృష్టవశాత్తూ ఫలితం దక్కింది. రెండు వేలు కాస్తా నాలుగు వేలు అయ్యాయి,’ అని చెప్పుకొచ్చాడు రెండో పనివాడు.   ‘ప్రభూ! మీరు పాపం డబ్బుని ఎంతో కష్టపడి సంపాదిస్తూ ఉంటారు. డబ్బు కోసం ఇల్లు విడిచి ఎక్కడెక్కడో వ్యాపారం చేసి వస్తుంటారు. అలాంటి డబ్బుని ఏదో ఒకటి చేసి పాడు చేయడం నాకు ఇష్టం లేకపోయింది. అందుకే ఓ గొయ్యి తీసి ఎవరికీ కనిపించకుండా ఆ డబ్బుని దాచిపెట్టాను. ఇదిగోండి మీరు ఇచ్చిన సొమ్ముని యథావిధిగా మీ చేతిలో పెడుతున్నాను,’ అంటూ వెయ్యి రూపాయలు ఉన్న మూటని వ్యాపారి చేతిలో పెట్టాడు మూడో పనివాడు.   ‘మూర్ఖుడా! డబ్బయినా, ప్రతిభ అయినా ఒక వరంలాంటిది. దాన్ని ఉపయోగించకపోతే ఎవరికీ పనికిరాకుండా పోతుంది. నీకు ఇచ్చిన అవకాశాన్ని వాడుకోలేకపోయావు. ఆ డబ్బు నీకూ ఉపయోగపడలేదు, నాకూ ఉపయోగపడలేదు. మొదటి ఇద్దరూ నేను ఇచ్చిన డబ్బులతో పాటు, వచ్చిన లాభాలని అట్టిపెట్టుకోండి. కానీ మూడో వ్యక్తికి ఇచ్చిన వేయి రూపాయలని కూడా నేను తిరిగి తీసేసుకుంటున్నాను,’ అన్నాడు వ్యాపారి.   ఇది బైబిల్‌లో Parable of the Talents అనే కథ ఆధారంగా రాయబడింది. ఇందులో వ్యాపారి తన ముగ్గురు పనివాళ్లకీ ఇచ్చిన సొమ్ముని ‘Talent’ అని పిలుస్తాడు. Talent అనేది పూర్వకాలంలో డబ్బుకి ఓ కొలబడ్డగా వాడేవారు (మిలియన్, లక్ష, వేయి లాగా). వ్యాపారి మొదటి పనివాడికి ఎనిమిది టాలెంట్లు, రెండోవాడికి రెండు టాలెంట్లు, మూడోవాడికి ఒక్క టాలెంటు ఇచ్చి వెళ్తాడన్నమాట. కానీ ఇక్కడ టాలెంట్ అంటే ప్రతిభ అన్న అర్థం కూడా వస్తుంది! ప్రకృతి మనలో ప్రతి ఒక్కరికీ కొన్ని టాలెంట్స్ ఇస్తుంది. వాటిని సవ్యంగా వాడుకున్నవాడు జీవితంలో పైకి వస్తాడు. ఉన్న ఒక్క టాలెంటునీ వాడుకోకుండా దాచుకున్నవాడు ఎందుకూ కొరగాకుండా పోతాడు. ఎక్కడ ఏ నష్టం వస్తుందో అని భయపడుతూ తన ప్రతిభని అణచివేసిననాడు జీవితం వృధా అయిపోతుంది. - నిర్జర.  

Are Men Unemotional??

Are men from Mars and Women from Venus ??.Why do they think and behave exactly the opposite way on emotions basis?? It is a classic complaint we always hear, that men accuse women of being too emotional and women accuse men of not being emotional enough. They both think that why cant this be the other way round?? Or why cant they behave a bit different?? But the basic issue lies with the brain circuitry system. The emotional processing is different in men and women. Until recently, the chasm between how men and women feel and express emotions was thought to be due to upbringing .Of course, parental upbringing dose make a difference in thought process but still we should also know that the emotional processing in the male and female brain will not be the same genetically. Research suggests that our brains have two emotional systems that work simultaneously: system or MNS (which allows us to emotionally empathize with people); and the parietal junction system or TPJ (which fires the brain's analyze-and-fix-it circuits to look for solutions to emotional problems - cognitive empathy). Males use the latter far more. This prevents their thought processes from being clouded by emotions, strengthening their ability to find practical solutions, but this obviously make them appear to be uncaring and un emotional. Male or female, when we see an emotion on someone else's face, our MNS (emotional empathy system) activates. But, for reasons scientists don't understand, the female brain stays in the sympathetic MNS longer, while the male brain, not built to wallow in anguish, switches to the practical mode. His way of showing that he cares is to try to solve your problems.  So when you see men not reacting to your emotional outburst don’t get worked up, or go bananas, just keep reminding yourself that they are men and they want results soon.  - Pushpa Bhaskar

విటమిని ఇ ఎక్కువగా ఉండే కొబ్బరిపాలు

శరీరానికి కావల్సిన సూక్ష్మ పోషకాలు ఎక్కువగా లభించే పదార్థాల్లో కొబ్బరి పాలు ఒకటి. ఇందులో సోడియం, క్యాల్షియం, ఫాస్ప‌ర‌స్‌, ప్రోటీన్స్‌, పొటాషియం వంటి పోష‌కాలు స‌మృద్దిగా ఉంటాయి. అంతేకాదు క‌రోనాను అరిక‌ట్టే జింక్‌, బీ12 వంటి న్యూట్రియంట్స్ కూడా పుష్క‌లంగా లభిస్తాయి. ఇప్పుడు కొబ్బరిపాలు మార్కెట్ లో కూడా లభిస్తున్నాయి. అయితే ఇంట్లో తయారుచేసుకోవడం మంచిది. పచ్చి కొబ్బరిని తురిమి లేదా మిక్సీలో వేసి మెత్తగా చేయాలి. పలుచటి క్లాత్ తీసుకుని అందులో ఈ కొబ్బరి ముద్దను వేసి గట్టిగా పిండాలి. ఈ పాలను సన్నని మంటమీద ఐదు నిమిషాలు వేడి చేయాలి. ఆ తర్వాత చల్లారనివ్వాలి. ఇలా చేయడం వల్ల ఇందులో ఉండే పోషకాలు శరీరానికి అందుతాయి. సహజసిద్ధంగా లభించే కొబ్బరిపాలలో విటమిన్ ఇ ఎక్కువగా ఉంటుంది. ఆరోగ్యానికే కాదు అందానికి కూడా కొబ్బరిపాలు ఎంతో మేలు చేస్తాయి. చుండ్రు సమస్యతో బాధపడేవారు కొబ్బరిపాలను తలకు పట్టించి బాగా మసాజ్ చేస్తే చుండ్రు సమస్య తొలగిపోతుంది. జుట్టు పట్టులా మెరుస్తుంది.

పసుపుతో మతిమరుపు మాయం

ప్రతి ఇంట్లో పసుపు తప్పని సరిగా ఉంటుంది. కూరల్లో రంగు కోసం తప్పని సరిగా వాడే పసుపు యాంటీ ఆక్సిడెంట్ గా పని చేస్తుంది అన్న విషయం మనందరికీ తెలుసు. అయితే పసుపు వల్ల కలిగే ప్రయోజనాలు ఎన్నో ఉన్నాయి. అందుకే మన పెద్దవారు గాయమైనా, జబులైనా పసుపుతో నయం చేసేవారు. ఆడపిల్లలకు నెలసరి సమయంలో చిన్న పసుపు ముద్ద మింగమని చెప్పేవారు. బ్యాక్టీరియా, వైరస్ ఇన్ ఫెక్షన్స్ ను నివారించడంతో దీనికి ఇదే సాటి.  పురాతన కాలం నుంచి మన సంప్రదాయంలో, ఆహారపు అలవాట్లలో భాగమైన పసుపు వల్ల కలిగే లాభాలపై ఇప్పటికీ అనేక పరిశోధనలు జరగుతున్నాయి. ఆశ్చర్యకరమైన అనేక అంశాలు వెలుగు చూస్తున్నాయి. పసుపు మెదడు పనితీరుపై ఏ విధమైన ప్రభావం చూపిస్తోందో తెలుసుకోవడానికి అమెరికాలోని యూనివర్సిటీ ఆఫ్ లాస్ ఏంజెల్స్  శాస్త్రవేత్తలు పరిశోధనలు చేశారు. 50 నుంచి 90ఏండ్ల మధ్య వయసు ఉన్న వారికి  ఆహారంలో ప్రతిరోజూ 90మిల్లీగ్రాముల పసుపు ఇచ్చారు. ఆరునెలలకు ఒకసారి వారికి ఆరోగ్య పరీక్షలు నిర్వహించారు. 18నెలల తర్వాత వారిలో జ్ఞాపకశక్తి పెరగడాన్ని గమనించారు. పసుపు రక్తంలో కలిసి మెదడుకు చేరి కణాలను ఉత్తేజం చేస్తుందని తెలుసుకున్నారు. రోగనిరోధక శక్తిని పెంచడంతో పాటు మతిమరుపును దూరం చేస్తుందని గమనించారు. దాంతో పసుపు మతిమరుపుతో బాధపడేవారికి ఒక వరం అని శాస్త్రవేత్తలు వెల్లడించారు. అల్జీమర్స్  వ్యాధి నివారణలో పసుపు వాడటం వల్ల మంచి ఫలితాలు ఉంటాయని పరిశోధనలతో స్పష్టమైంది. ఈ పరిశోధన వల్ల పసుపు గొప్పదనం మరోసారి రుజువైంది.

జలుబు కోసం కొన్ని చిట్కాలు

* జలుబుతో బాధపడుతుంటే మిరియాలు,బెల్లం, పెరుగు కలుపుకుని సేవించండి. దీంతో ముక్కు దిబ్బడ తగ్గిన జలుబు నుంచి ఉపశమనం కలుగుతుంది. * ప్రతి రోజు నీటిని బాగా మరగబెట్టి చల్లార్చి తాగితే జలుబు నుంచి త్వరగా ఉపశమనం కలుగుతుందంటున్నారు వైద్యులు. * పాలలో జాజికాయ, అల్లం, కుంకుమ పువ్వు కలుపుకుని ఉడకబెట్టండి. ఉడకబెట్టిన తర్వాత నీరు సగానికి వస్తే గోరువెచ్చగా ఉన్నప్పుడే సేవించండి. దీంతో జలుబు నుంచి ఉపశమనం కలుగుతుంది. * ఏడు- ఎనిమిది మిరియాలు నెయ్యిలో వేంచుకున్న వెంటనే సేవించాలి. ఆ తర్వాత గోరు వెచ్చని పాలను సేవించాలి. దీంతో శరీరంలో వ్యాధి నిరోధక శక్తి పెరిగి జలుబు తగ్గుముఖం పడుతుంది. * తమలపాకు రసంలో లవంగాలు, అల్లం రసాన్ని తేనెలో కలుపుకోవాలి. ఈ మిశ్రమాన్ని సేవించిన వెంటనే జలుబు మటుమాయం. * అజీర్ణం, గొంతు నొప్పి వంటి సమస్యలతో బాధపడుతుంటే... పరగడుపున ఒక గ్లాసు గోరువెచ్చటి నీటిలో చిటికెడు జీలకర్ర పొడి, టీ స్పూన్ నిమ్మరసం, టీ స్పూన్ తేనె కలుపు కుని తాగాలి. ఇలా వారం రోజులు చేస్తే పూర్తిగా ఉపశమనం లభిస్తుంది. * గ్లాసు గోరువెచ్చని నీటిలో టీ స్పూన్ నెయ్యి కలిపి రాత్రి పడుకునే ముందు తీసుకుంటే మలబద్దకం నుండి ఉపశమనం లభిస్తుంది.  
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.