కోర్టు మొట్టికాయలతో దిగొచ్చిన జగన్ సర్కార్!

ఎన్నికలు దగ్గరపడుతున్న సమయంలో కూడా జగన్ సర్కార్ విపక్ష నేతలపై ఉన్న కేసుల వివరాలను అందజేయకుండా వేధిస్తున్న నేపథ్యంలో వారు హైకోర్టును ఆశ్రయించారు. రాష్ట్రంలో అసెంబ్లీ, లోక్ సభ ఎన్నికలకు నామినేషన్ల ప్రక్రియ ఈ నెల 18 నుంచి ప్రారంభం కానున్న సంగతి తెలిసిందే. ఎన్నికల నామినేషన్‌ పత్రాల దాఖలు సమయంలో తమపై ఉన్న కేసుల వివరాలను కూడా అభ్యర్థులు అందజేయాల్సి ఉంది. వారిచ్చే సమాచారంలో ఏ ఒక్కటి మిస్‌ అయినా వారిపై అనర్హత వేటు పడే అవకాశం ఉంటుంది. ఇదే విషయాన్ని పేర్కొంటూ మార్చి ఒకటో తేదీన డీజీపీకి లేఖ రాసినప్పటికీ డీజీపీ స్పందించకపోవడంతో చంద్రబాబు తదితరులు కోర్టును ఆశ్రయించారు. ఏపీ సర్కార్ విపక్ష నేతలపై వేధింపులలో భాగంగా ఆ కేసుల వివరాలను కోరినా కూడా విపక్ష నేతలకు అందజేయడంలేదంటూ వారు హైకోర్టును ఆశ్రయించారు. తెలుగుదేశం అధినేత చంద్రబాబు, ఆ పార్టీ జాతీయ ప్రధాన కార్యదర్శి నారా లోకేష్‌, రాష్ట్ర అధ్యక్షుడుఅచ్చెన్నాయుడు, మాజీ మంత్రి నారాయణ, అయ్యన్నపాత్రుడు తదితరులు కోర్టును ఆశ్రయించిన వారిలో ఉన్నారు. వారి పిటిషన్ ను విచారించిన హైకోర్టు ప్రజాప్రతినిథులపై ఉన్న కేసుల వివరాలను వారికి అందజేయకపోవడంపై తీవ్ర ఆగ్రహం వ్యక్తం చేసింది. ఈ నెల 16లోగా కేసుల వివరాలను ఇవ్వాలని డీజీపీని హైకోర్టు ఆదేశిస్తూ కేసులు సోమవారం (ఏప్రిల్ 16)కు వాయిదా వేసిన సంగతి తెలసిందే. కోర్టు ఆదేశాలతో దిగివచ్చిన ప్రభుత్వం నేతలపై ఉన్న కేసుల వివరాలను వారి ఈమెయిల్ కు పంపినట్లు సోమవారం (ఏప్రిల్ 16) కోర్టుకు తెలిపింది. దీంతో కోర్టు ఒకసారి మెయిల్ చెక్ చేసుకుని ఈ మధ్యాహ్నంలోగా ఆ వివరాలు వచ్చాయో లేదో చెప్పాలని పిటిషనర్‍ లు తరపున న్యాయవాదులను ఆదేశించింది.

Publish Date: Apr 16, 2024 1:56PM

గ్లాస్ గుర్తు జనసేనకే.. ఏపీ హైకోర్టు తీర్పు

జనసేన పార్టీకి హైకోర్టులో బిగ్ రిలీఫ్ లభించింది. ఆ పార్టీకే గాజు గ్లాసు గుర్తును కేటాయిస్తూ ఏపీ హైకోర్టు తీర్పు వెలువరించింది. జనసేన పార్టీకి ఎన్నికల సంఘం గ్లాసు గుర్తును కేటాయించడాన్ని సవాల్ చేస్తూ రాష్ట్రీయ ప్రజాకాంగ్రెస్ సెక్యులర్ పార్టీ హైకోర్టులో పిటిషన్ దాఖలు చేసింది. ఆ పిటిషన్ పై విచారణ జరిపిన హైకోర్టు ఇటీవల తీర్పు రిజర్వ్ చేసిన సంగతి తెలిసిందే. ఆ తీర్పును ఈ రోజు తీర్పును వెలువరించింది. జనసేన పార్టీకి గ్లాస్ గుర్తును కేటాయించడాన్ని సవాల్ చేస్తూ రాష్ట్రీయ ప్రజాకాంగ్రెస్ దాఖలు చేసిన పిటిషన్ ను డిస్మిస్ చేసింది. దీంతో జనసేనకు బిగ్ రిలీఫ్ దక్కినట్లైంది. ఇప్పటికే స్వతంత్ర అభ్యర్థులకు కేటాయిస్తున్న బకెట్ గుర్తుతో జనసేన ఒకింత ఇబ్బందులు పడుతోంది. బకెట్ గుర్తు గ్లాసును పోలి ఉండటంతో ఓటర్లు కన్ఫ్యూజ్ అయ్యే అవకాశం ఉందన్న ఆందోళన వ్యక్తం అవుతోంది. ఈ పరిస్థితుల్లో గ్లాసు గుర్తుపై పిటిషన్ దాఖలు కావడంతో ఏం జరగబోతోందన్న ఉత్కంఠ జనసైనికుల్లో ఏర్పడింది. అయితే రాష్ట్రీయ ప్రజా కాంగ్రెస్ పిటిషన్ ను హైకోర్టు కొట్టివేయడంతో జనసేనకు భారీ ఊరట లభించినట్లైంది. పిఠాపురం అసెంబ్లీ నియోజకవర్గం నుంచి జనసేన అధినేత పోటీలో ఉన్న సంగతి తెలిసిందే. ఈ నియోజకవర్గం నుంచి నవరంగ్ కాంగ్రెస్ పార్టీ అభ్యర్థిగా పవన్ కల్యాణ్ అన్న పేరు ఉన్న వ్యక్తి రంగంలోకి దిగారు. దీంతో పేర్ల విషయంలో ఓటర్లలో కన్ఫ్యూజన్ నెలకొనే అవకాశం ఉంటుందన్న అనుమానాలు వ్యక్తం అవుతున్నాయి. అదే సమయంలో స్వతంత్ర అభ్యర్థులకు కేటాయించే బకెట్ గుర్తుతో కూడా తలనొప్పులు వచ్చే అవకాశం ఉన్నాయని అంటున్నారు. అయితే అటువంటి ఇబ్బంది పిఠాపురం నియోజకవర్గంలో తలెత్తే అవకాశం లేదని జనసైనికులు ధీమా వ్యక్తం చేస్తున్నారు. పవన్ కల్యాణ్ పేరుతో నవరంగ్ కాంగ్రెస్ అభ్యర్థిని రంగంలోకి దిగినా పవన్ కల్యాణ్ ను గుర్తుపట్టని ఓటరు ఉండరనీ, అందువల్ల పేరు విషయంలో ఎటువంటి కన్ఫ్యూజ్ ఉండదనీ, అలాగే గుర్తు విషయంలో కూడా ఓటర్లు గందరగోళంలో పడే అవకాశం లేదనీ, ఈవీఎంలో జనసేన అభ్యర్థిగా పవన్ కల్యాణ్ పొటో చూసి ఓటువేస్తారని అంటున్నారు.

Publish Date: Apr 16, 2024 1:32PM

తెలుగు రాష్ట్రాల్లో ఎల్లుండి నుంచి నామినేషన్ల ప్రక్రియ ప్రారంభం

Publish Date: Apr 16, 2024 12:55PM

పొంగులేటిదే పై‘చేయి’.. ఖమ్మం లోక్ సభ కాంగ్రెస్ అభ్యర్థి పొగులేటి ప్రసాద్ రెడ్డి?

Publish Date: Apr 16, 2024 12:41PM

మాజీ ఎమ్మెల్యే ష‌కీల్ కొడుకు కేసుకు, కేసీఆర్‌కు ఉన్న లింక్ యేంటి?

Publish Date: Apr 16, 2024 12:34PM

రాజకీయంగా చిరు యాక్టివ్.. జగన్ తీరే కారణమా?

చిరంజీవి మళ్లీ పొలిటికల్ గా యాక్టివ్ అవుతున్నారా? ప్రజారాజ్యం పార్టీని కాంగ్రెస్ లో విలీనం చేసిన తరువాత కొంత ఇన్ యాక్టివ్ గా కనిపించిన ఆయన రాష్ట్ర విభజన తరువాత రాజకీయాలకు పూర్తిగా దూరంగా ఉంటూ వచ్చారు. మధ్యమధ్యలో ఏదో సినిమా డైలాగుల్లో మాత్రమే ఆయన రాజకీయంపై వ్యాఖ్యలు చేశారు తప్ప క్రియాశీలంగా పొలిటికల్ యాక్టివిటీలో పాల్గొన్నది లేదు. పలు సందర్భాలలో ఆయన తాను రాజకీయంగా తటస్థంగా ఉంటానని స్వయంగా చెప్పారు కూడా. అందుకు అనుగుణంగానే తన సోదరుడు పవన్ కల్యాణ్ 2014లో జనసేన పార్టీ స్థాపించిన సమయంలో కానీ, 2019 ఎన్నికలలో జనసేన పోటీ చేసిన సమయంలో కానీ ఎన్నడూ పవన్ కల్యాణ్ కుమద్దతుగా మాట్లాడింది లేదు. ఆయన పార్టీ కోసం ప్రచారం చేసిందీ లేదు. అయితే ఆశ్చర్యకరంగా ఇటీవల ఆయన రాజకీయాలపై ఆసక్తి కనబరుస్తున్నారు. జనసేన పార్టీకి ఐదు కోట్ల రూపాయల విరాళం ఇచ్చారు. అలాగే అనకాపల్లి నియోజకవర్గం నుంచి కూటమి సీట్ల సర్దుబాటులో భాగంగా బీజేపీ తరఫున లోక్ సభ అభ్యర్థిగా పోటీ చేస్తున్న సీఎం రమేష్ కు మద్దతు పలికారు. ఆయనకు శుభాకాంక్షలు తెలిపారు. అయితే చిరంజీవి ఇప్పుడు రాజకీయంగా వార్తలలో నిలవడానికి, ఆసక్తిని దాచుకోకుండా బహిర్గతం చేయడానికి ఏపీ సీఎం జగనే కారణమా అన్న అనుమానాలు వ్యక్తం అవుతున్నాయి. చిరంజీవి సన్నిహితులు అలాగే పరిశీలకులు సైతం ఏపీలోని జగన్ సర్కార్ కారణంగా తెలుగుసినీ పరిశ్రమ ఇబ్బందుల్లో పడటమే కాకుండా స్వయంగా చిరంజీవి స్థాయిని తగ్గించేలా సీఎం వ్యవహరించిన తీరే చిరు మళ్లీ రాజకీయంగా యాక్టివ్ కావడానికి కారణమని అంటున్నారు. చిరంజీవి నేతృత్వంలో పరిశ్రమకు చెందిన ప్రముఖులు జగన్ ను ఆయన క్యాంపు కార్యాలయంలో కలిసిన నాటి ఘటనను గుర్తు చేస్తూ ఇప్పుడు చిరంజీవి పొలిటికల్ యాక్టవిటీకి లింకు పెట్టి విశ్లేషణలు చేస్తున్నారు. అప్పట్లో జగన్ క్యాంపు కార్యాలయానికి కొద్ది దూరంలోనే తన కారును నిలిపివేసి నడిపించడం, ఆ తర్వాత సమావేశంలో కూడా జ జోడించిన సమయంలో జగన్ ప్రత్యభివాదం చేయకపోవడం గుర్తు చేస్తూ.. ఆ అవమానాన్ని ఇంత వరకూ పంటి బిగువున భరించిన చిరంజీవి ఇప్పుడు మరో సారి జగన్ అధికారంలోకి రాకూడదన్న బలమైన ఆకాంక్షతోనే చిరు రాజకీయ కార్యకలాపాల ద్వారా తన మద్దతు ఎవరికో సంకేతాలు ఇస్తున్నారని పరిశీలకులు విశ్లేషిస్తున్నారు.

Publish Date: Apr 16, 2024 11:52AM

వైసీపీ బరితెగించేసింది.. తెలుగుదేశం కూటమి అప్రమత్తంగా ఉండాల్సిందే!

Publish Date: Apr 16, 2024 11:04AM

టాలీవుడ్ సైలెన్స్.. కారణమేంటో తెలుసా?

తెలుగు సినీ పరిశ్రమకు అందిరకీ తెలిసిన కారణాలతోనే ఏపీలోని జగన్ సర్కార్ పట్ల ఒకింత అయిష్టత ఉంది. సినీమాల విడుదల, సినీమా టికెట్ల ధరల విషయంలో జగన్ సర్కార్ ఒకింత దుర్మార్గంగా వ్యవహరించిందన్న విషయంలో సినీ పరిశ్రమ జగన్ సర్కార్ విషయంలో కినుకతో ఉందనడంలో సందేహం లేదు. అయితే సినీ పరిశ్రమలో దిగ్గజాలనదగ్గ ఎవరూ కూడా బాహాటంగా జగన్ సర్కార్ విధానాలకు వ్యతిరేకంగా పన్నెత్తు మాట అనలేదు. పైపెచ్చు అలీ, పోసాని వంటి కమేడియన్ల మధ్యవర్తిత్వంతో టికెట్ల విషయంలో జగన్ తో బార్గెయినింగ్ కు ప్రయత్నించి ఘోరంగా విఫలమయ్యారు. ఆ సందర్భంగా తెలుగుసినీ హీరోలకు ఒకింత అవమానం జరిగిందని కూడా అప్పట్లో వార్తలు వచ్చాయి. అయితే ఆ విషయాలను పరిశ్రమకు చెందిన ఎవరూ కూడా బాహాటంగా విమర్శించింది లేదు. అలాగే స్కిల్ కేసులో తెలుగుదేశం అధినేత చంద్రబాబును జగన్ సర్కార్ అక్రమంగా అరెస్టు చేసినప్పుడు కూడా సినీ పరిశ్రమకు చెందిన ఒకరిద్దరు మినహా ఎవరూ స్పందించిన దాఖలాలు లేవు. దర్శకేంద్రుడు రాఘవేంద్రరావు వంటి వారు తప్ప చంద్రబాబు అరెస్టుపై స్పందించలేదు. సరే అదలా ఉంచితే.. ఇటీవల మనమంతా సిద్ధం పేరుతో జగన్ చేపట్టిన ఎన్నికల ప్రచార బస్సు యాత్రలో ఏపీ సీఎంపై గులకరాయి దాడి జరిగింది. ఈ దాడిలో జగన్ స్వల్పంగా గాయపడ్డారు. దీంతో ఈ ఘటన రాష్ట్ర వ్యాప్తంగా సంచలనం సృష్టించింది. అయితే టాలీవుడ్ సెలబ్రిటీలు, సోషల్ మీడియా ప్లాట్‌ఫామ్‌లలో చాలా యాక్టివ్‌గా ఉండే తెలుగు హీరోలు, దర్శకులు ఎవరూ కూడా ఈ ఘటనపై స్పందించలేదు. ఖండించలేదు. పూర్తిగా సైలెంట్ అయిపోయారు. రాష్ట్రంలో ఎన్నికలకు కేవలం నాలుగు వారాల ముందు రాష్ట్ర ముఖ్యమంత్రి (అఫ్ కోర్స్ ఆపద్ధర్మ ముఖ్యమంత్రే అనుకోండి)పై దాడి జరిగితే సినీ పరిశ్రమ నుంచి ఎవరూ స్పందించకపోవడం ఆశ్చర్యం. అయితే వైఎస్ జగన్ వ్యవహరించిన విధంగా తెలుగు ఇండస్ట్రీ పట్ల ఇంత కక్ష పూరితంగా వ్యవహరించిన ముఖ్యమంత్రి ఎవరూ ఇంత వరకూ లేరనీ, అందుకే జగన్ కు సంబంధించిన మంచి, చెడ్డల విషయంలో పరిశ్రమ మౌనంగానే ఉంటున్నదని పరిశీలకులు విశ్లేషిస్తున్నారు. కొత్త సినిమా రిలీజ్ సందర్భంగా టిక్కెట్ల ధరల పెంపు కోసం, బెనిఫిట్ షోల కోసం పరిశ్రమలో దిగ్గజ హీరోలు తన దగ్గరకు వచ్చి వేడుకునేలా చేసుకున్న జగన్ పట్ల ఇండస్ట్రీ లో ఓ విధమైన వ్యతిరేక భావన ఉందని అంటున్నారు. అయినా ఎన్నికల ముందు జరిగిన ఈ సంఘటనను ఖండిస్తూనో, మరోలాగానో స్పందించడం కంటే ఎన్నికల ఫలితాలు వచ్చే వరకూ వేచి చూడడమే బెటర్ అన్నట్లుగా ఇండ తెలుగు సినీ పరిశ్రమ వ్యవహరిస్తోందని విశ్లేషిస్తున్నారు. జగన్ పై దాడికి ఖండిచి ఆయనకు అనవసర మైలేజీ ఇవ్వడమెందుకన్నట్లుగా మౌనంగా ఉండిపోయారంటున్నారు. జగన్ పార్టీలో ఉన్న అలీ కూడా స్పందించిన దాఖలాలు లేవు. పార్టీ టికెట్ కోసం గత ఐదేళ్లుగా కళ్లు కాయలు కాచేలా వేచి చూసిన అలీకి చివరకు జగన్ రిక్తహస్తమే చూపడంతో ఆయన పార్టీ వ్యవహారాలకు ఇటీవల కాలంలో దూరంగా ఉంటున్నారని చెబుతున్నారు. మొత్తం మీద టాలీవుడ్ ప్రముఖులు, హీరోలు జగన్ విషయంలో స్పందించకపోవడం వారు జగన్ పట్ల సానుకూలంగా లేరన్న సంకేతాలను పంపినట్లేనని అంటున్నారు.

Publish Date: Apr 16, 2024 10:40AM

న్యూస్ ఎక్స్ సర్వే సైతం అదే చెప్పింది.. చంద్రబాబే సీఎం!

Publish Date: Apr 16, 2024 10:03AM

తిరుమల శ్రీవారి సర్వదర్శనానికి 10 గంటలు

తిరుమలలో భక్తుల రద్దీ కొనసాగుతోంది. మంగళవారం (ఏప్రిల్ 16)ఉదయం శ్రీవారి దర్శనం కోసం వేచి ఉన్న భక్తులతో నాలుగు కంపార్ట్ మెంట్లు నిండిపోయాయి. టోకెన్లు లేని భక్తులకు శ్రీవారి సర్వదర్శనానికి పది గంటల సమయం పడుతోంది. సోమవారం (ఏప్రిల్ 15) శ్రీవారిని మొత్తం 77 వేల 511 మంది దర్శించుకున్నారు. వారిలో 26వేల 553 మంది తలనీలాలు సమర్పించుకున్నారు. శ్రీవారి హుండీ కానుకల ఆదాయం 4 కోట్ల 28లక్షల రూపాయలు వచ్చింది.

Publish Date: Apr 16, 2024 9:41AM

‘జై తెలంగాణ’ను దురుపయోగం చేస్తున్న కవిత!

కొన్నికొన్ని సందర్భాలను చూస్తే దేశంలో ఇంకా న్యాయం బతికే వుందన్న నమ్మకం కలుగుతూ వుంటుంది. లిక్కర్ కేసులో పూర్తిగా మునిగిపోయిన కల్వకుంట్ల కవిత ప్రస్తుతం తీహార్ జైల్లో జపం చేసుకుంటున్నారు. అయితే ఆమెను కోర్టుకు విచారణకు తెచ్చిన ప్రతిసారీ టూమచ్ చేస్తున్నారు. కోర్టు ఆవరణలోనే మీడియాతో మాట్లాడటం, ఇది సీబీఐ కస్టడీ కాదు.. బీజేపీ కస్టడీ.. కడిగిన ముత్యంలా, తోమిన ఇత్తడి చెంబులా బయటకి వస్తాను... లాంటి చిన్నపిల్ల చేష్టలు చేస్తూ వస్తున్నారు. ఇది చాలాకాలంగా గమనిస్తున్న వారికి చిరాకు కలిగిస్తున్న అంశం. అధికారం పోయినా, పాతాళానికి పడిపోయినా వీళ్ళ తీరు మారదా అన్న ఏహ్యభావం కలుగుతోంది. ఈరోజు కోర్టుకు హాజరైన కవిత తన పాత ధోరణిలోనే ‘ఇది సీబీఐ కస్టడీ కాదు.. బీజేపీ కస్టడీ’ అనడాన్ని కోర్టు చాలా సీరియస్‌గా తీసుకుంది. కోర్టు ఆవరణలో మీడియాతో మాట్లాడ్డం, ఇష్టం వచ్చిన స్టేట్‌మెంట్లు ఇవ్వడం మీద హెచ్చరించింది. కోర్టు హెచ్చరించిన నేపథ్యంలో కవిత ఇకముందు అలాంటి వ్యాఖ్యలు చేయడం, మీడియాతో మాట్లాడ్డం చేయకపోవచ్చు. ఒక విషయంలో కోర్టు పుణ్యమా అని కవిత కంట్రోల్లోకి వచ్చేశారు. అయితే కవితను మరో విషయంలో కూడా కంట్రోల్ చేయాల్సిన అవసరం వుంది. అది మాటమాటకీ ‘జై తెలంగాణ’ అని నినాదాలు చేయడం. ‘జై తెలంగాణ’ అనే పదం చాలా పవిత్రమైన పదం. తెలంగాణ ఉద్యమ సమయంలో కోట్ల గొంతుకలు నినదించిన పదం. ఆ పదాన్ని అదేదో తమ కుటుంబం ఆస్తిలాగా కవిత వినియోగిస్తున్నారు. లిక్కర్ స్కామ్‌లో ఇరుక్కున్న కవిత ‘జై తెలంగాణ’ పదాన్ని వినియోగించడం ఎంతమాత్రం బాగాలేదు. తమ సొంత సమస్యని మొత్తం తెలంగాణకు ఆపాదించడానికి కవిత ఈ పదాన్ని మాటమాటకీ ఉపయోగిస్తున్నారన్నది స్పష్టం. ‘జై తెలంగాణ’ పదం తెలంగాణలోని ప్రతి ఒక్కరిది. లిక్కర్ స్కామ్ మాత్రం కేవలం కల్వకుంట కవితది. కవిత ఈ పదాన్ని ఉపయోగించకుండా చేసేదెవరో! కవిత నోరు మూత పడేదెన్నడో!

Publish Date: Apr 15, 2024 7:28PM

కసబ్‌తో పోల్చుకున్న కేటీఆర్

తాను చాలా మంచోణ్ణని ప్రూవ్ చేసుకోవడానికి మాజీ రాజకుమారుడు కేటీఆర్ రకరకాల ప్రయత్నాలు చేస్తున్నారు. ఆ ప్రయత్నాలు ఫలితాన్ని ఇవ్వకపోగా, ఆయన అహంకార పూరిత లూజ్ టాక్ కారణంగా ఆయన ఇమేజ్‌ మరింత డ్యామేజ్ అవుతూ, కెరర్ మొత్తం గ్యారేజ్‌కి పోయే పరిస్థితులు ఏర్పడుతున్నాయి. ఈమధ్య ఆయన ఒక ప్రముఖ టీవీ ఛానల్‌కి ఇంటర్వ్యూ ఇచ్చారు. ఆ ఛానల్లో ఆయన మాట్లాడిన మాటల్లోంచి తవ్వేకొద్దీ అనేక ఆణిముత్యాలు దొరుకుతున్నాయి. మీమీద ఫోన్ ట్యాపింగ్ కేసులు చుట్టుముట్టే అవకాశం కనిపిస్తున్నాయి కదా.. ఇప్పుడెలా అని యాంకర్ అడిగిన ప్రశ్నకు కేటీఆర్ చాలా గొప్పగా సమాధానం చెప్పాననుకుని చాలా చెత్తగా సమాధానం చెప్పారు. ‘‘కేసులు ఏం చేస్తాయి.. ఇప్పుడు కసబ్‌ని చూడండి.. ఎంతోమందిని షూట్ చేసి చంపేశాడు. సాక్ష్యాధారాలు వున్నా పదేళ్ళు మన చట్టాలు ఏమీ చేయలేకపోయాయి. పదేళ్ళపాడు కసబ్‌ని జైల్లో పెట్టి బిర్యానీతో మేపాం’’ అంటూ, ఎంత నేరం చేసినా భారత న్యాయ వ్యవస్థగానీ, చట్టాలు గానీ ఏమీ చేయలేవన్నట్టు మాట్లాడారు. అంటే, కసబ్‌ని చూసిన ధైర్యంతోనే, ఏ తప్పు చేసినా అంత ఈజీగా తేలదన్న ఉద్దేశంతోనే కేసీఆర్ కుటుంబం నేరాలు చేసిందా? మేం నేరాలు చేసినా ఏం కాదు.. అవి తేలినప్పుడు సంగతి.. కసబ్ లాంటి నేరస్థుడికే ఏమీ కాలేదు.. మాకేం అవుతుందన్నట్టుగా కేటీఆర్ మాటతీరు వుంది.

Publish Date: Apr 15, 2024 6:37PM

షర్మిలపై దుష్ప్రచారం.. ఇక విమలమ్మ వంతు?

Publish Date: Apr 15, 2024 5:44PM

కేజ్రీవాల్ ను పరామర్శించిన పంజాబ్ సిఎం

తీహార్ జైలులో ఉన్న ఢిల్లీ మాజీ సిఎంను పంజాబ్ సిఎం ఇవ్వాళ పరామర్శించారు. ఢిల్లీ లిక్క‌ర్ స్కామ్ కేసులో అరెస్ట‌యి తీహార్ జైలులో ఉన్న ఆప్ కన్వీనర్, ఢిల్లీ సీఎం అరవింద్ కేజ్రీవాల్‌ను సోమ‌వారం పంజాబ్ ముఖ్య‌మంత్రి భ‌గ‌వంత్‌సింగ్‌ మాన్ క‌లిశారు. అనంతరం పంజాబ్ సీఎం మీడియాతో మాట్లాడుతూ.. "కరడుగట్టిన నేరగాళ్లకు కూడా అందుబాటులో ఉండే సౌకర్యాలు ఆయనకు అందకపోవడం బాధాకరం. ఆయ‌న తప్పు ఏమిటి? దేశంలోనే అతిపెద్ద టెర్రరిస్టుల్లో ఒకరిని పట్టుకున్నట్లుగా మీరు ఆయ‌న‌తో వ్యవహరిస్తున్న తీరు ఎంతో బాధ‌క‌రం. ప్రధాని మోదీకి ఏం కావాలి? పారదర్శకత రాజకీయాలకు శ్రీకారం చుట్టి, బీజేపీ దిక్కుమాలిన రాజకీయాలకు ముగింపు పలికిన కేజ్రీవాల్‌తో ఇలా వ్యవహరించ‌డంప‌ట్ల బాధ‌గా ఉంది. ఆయ‌న‌ను ఎలా ఉన్నారు అని నేను అడిగితే.. నా విష‌యం వ‌దిలేయ్‌, పంజాబ్‌లో పరిస్థితులు ఎలా ఉన్నాయో చెప్పు అని అన్నారు. ఆప్ క్రమశిక్షణ కలిగిన పార్టీ, అందరం సీఎం అరవింద్ కేజ్రీవాల్‌కు అండగా ఉంటాం. జూన్ 4న వ‌చ్చే ఫలితాల త‌ర్వాత‌ ఆప్ పెద్ద రాజకీయ శక్తిగా ఎదుగుతుంది" అని భ‌గ‌వంత్ మాన్ చెప్పుకొచ్చారు.

Publish Date: Apr 15, 2024 5:32PM

జగన్ కు భధ్రత పెంపు

ఎపిలో అధికారపార్టీ ప్రజల భద్రత కన్నా పాలకుల భద్రత మీద దృష్టి కేంద్రీకరించింది. . ఏపీ సీఎం జగన్ పై రాయి దాడి జరిగిన నేపథ్యంలో ఆయనకు భద్రతను భారీగా పెంచారు. ప్రస్తుత భద్రతకు అదనంగా సెక్యూరిటీని పెంచారు. బస్సు యాత్ర మార్గాల్లో డీఎస్పీ స్థాయి అధికారులతో భద్రతను కల్పించనున్నారు. సీఎం ప్రయాణించే రోడ్డు మార్గాన్ని సెక్టార్లుగా విభజించారు. ఒక్కో సెక్టార్ లో ఒక డీఎస్పీ, ఇద్దరు సీఐలు, నలుగురు ఎస్సైలతో సెక్యూరిటీ కల్పించారు. ఇక నుంచి నిర్దేశించిన మార్గాల్లోనే సీఎం రోడ్ షోలు, సభలు ఉంటాయి. పువ్వులు విసరడం, గజమాలల విషయంలో ఆంక్షలు విధించారు. మరోవైపు జగన్ మేమంతా సిద్ధం యాత్ర గన్నవరం నియోజకవర్గం నుంచి గుడివాడ నియోజకవర్గంలోని ప్రవేశించింది. ఈ సాయంత్రం గుడివాడలో నిర్వహించే బహిరంగ సభలో జగన్ ప్రసంగించనున్నారు. గాయం కారణంగా వైద్యుల సలహాతో జగన్ ఒక రోజు విశ్రాంతి తీసుకున్నారు. గాయం నుంచి జగన్ త్వరగా కోలుకోవాలని వైసీపీ నేతలు, కార్యకర్తలు, అభిమానులు కోరుకుంటున్నారు.

Publish Date: Apr 15, 2024 4:26PM

Food

Health

Ladie's corner

Devotional

Nri

కోర్టు మొట్టికాయలతో దిగొచ్చిన జగన్ సర్కార్!

గ్లాస్ గుర్తు జనసేనకే.. ఏపీ హైకోర్టు తీర్పు

తెలుగు రాష్ట్రాల్లో ఎల్లుండి నుంచి నామినేషన్ల ప్రక్రియ ప్రారంభం

పొంగులేటిదే పై‘చేయి’.. ఖమ్మం లోక్ సభ కాంగ్రెస్ అభ్యర్థి పొగులేటి ప్రసాద్ రెడ్డి?

మాజీ ఎమ్మెల్యే ష‌కీల్ కొడుకు కేసుకు, కేసీఆర్‌కు ఉన్న లింక్ యేంటి?

రాజకీయంగా చిరు యాక్టివ్.. జగన్ తీరే కారణమా?

వైసీపీ బరితెగించేసింది.. తెలుగుదేశం కూటమి అప్రమత్తంగా ఉండాల్సిందే!

టాలీవుడ్ సైలెన్స్.. కారణమేంటో తెలుసా?

న్యూస్ ఎక్స్ సర్వే సైతం అదే చెప్పింది.. చంద్రబాబే సీఎం!

తిరుమల శ్రీవారి సర్వదర్శనానికి 10 గంటలు

‘జై తెలంగాణ’ను దురుపయోగం చేస్తున్న కవిత!

కసబ్‌తో పోల్చుకున్న కేటీఆర్

షర్మిలపై దుష్ప్రచారం.. ఇక విమలమ్మ వంతు?

కేజ్రీవాల్ ను పరామర్శించిన పంజాబ్ సిఎం

జగన్ కు భధ్రత పెంపు

ALSO ON TELUGUONE NEWS

Rss Feeds

Copyright © 2024 TeluguOne NEWS - All Rights Reserved

Disclaimer:

You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.