దీపం ఉండగానే ఇళ్లు చక్కబెట్టుకోవాలన్న సామెత హీరయిన్లు బాగా ఫాలో అవుతున్నారు. వయసు మీదపడుతున్న కొద్దీ హీరోయిన్ల గుండెల్లో గుబులు పెరుగుతుంది.. అందుకే అందం ఉండగానే అందినంత సంపాదించేయాలనుకుంటున్నారట. అందుకే ఓ భామ సినిమాలతో పాటు యాడ్స్ కు కూడా బాగా కాసులు వసూలు చేస్తుంది. ఏజ్ బార్ అవుతున్నా క్రేజ్ మాత్రం తగ్గకుండా కాపాడుకుంటున్న ఈ హీరోయిన్లు ఇప్పుడు కొన్ని బ్రాండ్స్ కి అంబాసిడర్ గా పనిచేస్తున్నారు. నయనతార కూడా ఇప్పుడు అదే జాభితాలో చేరింది. కొన్నేళ్లుగా పరిశ్రమలో తెలుగు , తమిళ భాషల్లో నటిస్తూ వచ్చిన నయన్‌ ఎన్నో మంచి మంచి సినిమాలు చేసి తెలుగు ప్రేక్షకులను అలరించింది. కొత్త వాళ్లు ఎంతమంది వచ్చినా గ్లామర్ విషయంలో మాత్రం నయన్ ఎప్పుడూ వెనకడుగు వేయలేదు. అంతేకాక అమ్మడు ఇమేజ్ కూడా ఏమాత్రం తగ్గలేదు. మధ్యలో కొన్ని వివాదాలతో గ్యాప్ తీసుకున్న రీ ఎంట్రీలో మరోసారి దుమ్ములేపింది ఈ బ్యూటి దీంతో బ్రాండ్ అంబాసిడర్గా కూడా నయన్కు మంచి క్రేజ్ వచ్చింది. హైదరాబాద్ లో ని ప్రముఖ వస్త్ర వ్యాపార సంస్థ త్వరలో ప్రారంభిస్తున్న ఓ బ్రాండుకు నయనతారను బ్రాండ్ అంబాసిడర్గా ఎంపిక చేసుకున్నారు. ఇప్పటికే నయన్ కూడా అందుకు అంగీరించిందట.
    ......రమ     అప్పుడెప్పుడో అప్పటి అమెరికా ప్రెసిడెంటు భారతీయులు తెగ తినేస్తున్నారు... అందుకే ఆహార కొరత ఏర్పడి౦ది అంటే మనం గింజుకున్నాం... అంత మాటంటాడా అని అ పెద్దమనిషి మీద కారాలు, మిరియాలు నూరాం. కాని కొన్ని నిజాలు తెలుసుకుంటే నిజమే సుమీ! మనకి కాస్త తిండియావ ఎక్కువే... అనుకున్నాం కాని మరీ ఇంత అనుకోలేదు అని మన ముక్కులమీదే కాదు ఎదుటివాడి ముక్కుమీద కూడా వేలు వేసి మరీ ఆశ్చర్యపోతాం... వివరంగా చెప్పాలంటే రోజుకో ఆపిల్‌ తింటే ఆరోగ్యానికి మంచిదన్నారు కదా అని ఏకంగా పదకొండు వందల ఏభైరెండు కోట్ల రూపాయల ఆపిల్స్‌ని తినిపడేసారు... మంచిదేగా అంటారా? ఆ డబ్బు చేరింది మన దేశ రైతులకి కాదు విదేశీయులకి, డాలర్స్‌గా మారి చేరిపోయింది. మన సిమ్లా ఆపిల్స్‌.. పనికిరావని.. విదేశాల నుంచి గుట్టలుగుట్టలు అపిల్స్‌ని దిగుమతి చేసుకుని తిని పడేసారు... ఇండియాలో పండిన పండు తింటే స్టేటస్‌కి సరిపడదనేమో అమెరికా ఆపిల్సు, ఆస్ట్రేలియా అరంజస్‌.. వీటితో పాటు ఓ పక్క గిట్టుబాటుధర రాక మన రైతులు ఆత్మహత్య చేసుకుంటుంటే జీడిపప్పు లాంటివి కూడా దిగుమతి చేసేస్తున్నారు.. అక్షరాల 5వేల కోట్లకిపైగా విదేశీ మారకద్రవ్యాన్ని ఖర్చు చేసిమరీ... ఇలా మన ‘పెద్దల’ ప్రభుత్వం... ఆ పెద్దలకి విదేశీపళ్ళన్ని బంగారు పళ్ళెంలో పెట్టి మరీ అందిస్తూ... సామాన్యుడి నోటికి నాలుగు ముద్దలు కూడా చేరకుండా చేస్తోంది. ఆ పెద్దల తిండియావ ఎంతంటే 40 రూపాయల డాలర్‌ 65కి చేరిపోయేంత..    ఇవి చాలవన్నట్టు.. ఎవరికైనా మందుతో కొనటమెలాగో తెలిసిన మన ప్రభుత్వం విదేశీ ముద్యంకోసం 1150 కోట్లకి పైగా ఖర్చు చేసింది. ఖరీదైన తాగుబోతుల సౌకర్యార్దం ప్రభుత్వం అందిస్తున్న ఈ సదావకాశాన్ని పూర్తిగా సద్వినియోగ పరుచుకుంటూ కడుపునిండా తాగెస్తున్నారు బడాబాబులు. ఇలాంటి తిండి, తాగుడు... బడాబాబుల స్టేటస్‌కి తగ్గట్టు అందించటానికి సామాన్యుడిని బలి చేస్తోంది ప్రభుత్వం. ఇవన్నీ ఒక ఎత్తైతే కళ్ళద్దాలు, టీవిలు, వాచీలు, కారులు, ఫోన్లు... ఇలా ఒకటా రెండా ‘ఫారిన్‌’ పేరుని గొప్పలు చెప్పుకోటానికి లక్షల కోట్లు... బయటకి పంపిచెస్తూ సామాన్యుడిని ధరల కొరడాతో బాదెస్తోంది. బలిసిన వారి ఆకలి బక్కచిక్కిన వారి కడుపు కోడుతోంది. కొందరి విదేశీమోజు కోట్ల భారతీయులని ఆర్థిక సంక్షోభంలోకి నెట్టిస్తోంది. కర్ణుడి చావుకి వంద కారణాలు అన్నట్టు..రూపాయి విలువ పడిపోవటానికి ఈ దిగుమతులూ ఓ కారణం.  మన వల్ల కానట్టు మనకి చేత కాదన్నట్టు దిగుమతులకి అనుమతులు ఇచ్చేసి చేతులు దులుపుకుని.. హాయిగా సామాన్యుడి కష్టాలని... చూస్తూ ఆనందిస్తున్న మన ప్రభుత్వం...సంక్షేమ ప్రభుత్వమెలా అవుతుంది? పేదవాడి ప్రభుత్వమని ఎలా అంటారు...మన రైతుని బలవంతంగా చంపెస్తున్నారు... మన చిరువ్యాపారి ఊపిరి తీసెస్తున్నారు. మన పరిశ్రమలని మూసెస్తున్నారు. కేవలం బడాబాబుల సంక్షేమ ప్రభుత్వ మిది..    జయహో కాంగ్రెస్‌ జయహో మన్మోహన్‌ జయహో చిదంబరం
      యంగ్ టైగర్ ఎన్టీఆర్ తన రూట్ మార్చాడు. ఎప్పుడు భారీ స‌క్సెస్ లు ఇచ్చిన డైరెక్టర్స్‌తో సినిమాలు చేసే యంగ్ టైగర్..ఎప్పుడు క్రియేటివ్ డైరెక్టర్స్ కి కూడా ఛాన్స్ ఇస్తున్నాడు. ఎన్టీఆర్ నెక్ట్స్ సినిమా సుకుమార్ ఢైరెక్షన్లో చేయ‌బోతున్నాడు. ఇప్పటికే సుకుమార్ లైన్ విన్న ఎన్టీఆర్ సూప‌ర్‌గా ఇంప్రెస్ అయ్యాడ‌ట‌. దీంతో ప్రస్తుతం త‌ను చేస్తున్న రామ‌య్య వ‌స్తావ‌య్యా, ర‌భ‌స చిత్రాలు పూర్తవ‌గానే సుకుమార్ డైరెక్షన్లో సినిమాను సెట్స్ మీద‌కు తీసుకెళ్లే ఆలోచ‌న‌లో ఉన్నాడ‌ట‌. బివియ‌స్ ఎన్ ప్రసాద్ నిర్మించనున్న ఈసినిమాకు సంభందించిన మ‌రిన్ని విష‌యాలు త్వర‌లో వెల్లడించ‌నున్నారు. సుకుమార్ ప్రస్థుతం మ‌హేష్‌బాబు హీరోగా వ‌న్ నేనొక్కడినే అనే సినిమా తెర‌కెక్కిస్తున్నాడు. చాలా రోజులుగా షూటింగ్ జ‌రుపుకుంటున్న ఈ సినిమా మ‌హేష్ స్లో పాల‌సీకి, సుకుమార్ ప‌ర్ఫెక్షన్ తోడై మ‌రింత ఆల‌స్యం అవుతుంది. అయితే మేకింగ్ సంగ‌తి ఎలా ఉన్న ఇప్పటికే రిలీజ్ అయిన టీజ‌ర్ సెన్సేష‌న్ క్రియేట్ చేయ‌డంతో సినిమా మీద కూడా అంచ‌నాలు భారీగా ఉన్నాయి.  
      కేంద్ర తెలంగాణ‌కు అనుకూలంగా సంకేతాలు ఇస్తున్న నేప‌ధ్యంలో ఇప్పుడు త్యాగాలు చేయ‌డం సీమాంద్ర ప్రజ‌ల వంతు అయింది.. గతంలో ఓ మ‌హిళ డిఎస్పీ రాజీనామ చేయ‌టం అప్పట్లో సంచ‌ల‌నం సృష్టించింది..ఇప్పుడు మ‌రోసారి అంలాటి రాజీనామనే తెర మీద‌కు వ‌చ్చింది.రాష్ట్ర విభ‌జ‌న‌ను నిర‌సిస్తూ డిఐజి ఇక్బాల్ రాజీనామ చేశారు.   తెలంగాణ పై నిర్ణయం తీసుకునే క్రమంలో భాగంగా రాయ‌ల‌సీమ‌ను విభ‌జించే ప్రయ‌త్నం కేంద్రం చేస్తుండ‌టంతో అందుకు నిర‌స‌న‌గా ఇక్బాల్ రాజీనామ చేశారు. సిన్సియ‌నర్ ఆఫీస‌ర్‌గా మంచి పేరున్న ఇక్బాల్‌కు ఇంకా 5 సంవ‌త్సరాల‌కు పైగా ప‌ద‌వీ కాలం మిగిలే ఉంది.చంద్రబాబు ముఖ్యమంత్రిగా ఉన్న స‌మ‌యంలో చీఫ్ సెక్యూరిటీ ఆఫీస‌ర్‌గా ప‌నిచేసిన ఇక్బాల్ ఇటువంటి నిర్ణయం తీసుకోవ‌టం అంద‌రిని ఆశ్చర్యానికి గురిచేసింది.
      టాలివుడ్ అందాల భామ నిత్య మీనన్ వాళ్ళఇద్దరూ పైలట్లని ఉద్యోగంలోంచి సస్పెండ్ చేసేసారు. ఇంతకీ అసలు విషయం ఏమిటంటే ..నిత్య మీనన్ బెంగుళూరు నుండి హైదరాబాద్ కి ఎయిర్ ఇండియా విమానంలో వెళ్తూన్నపుడు, ఆ ముద్దు గుమ్మకి అసలు ఇంత పెద్ద విమానాన్ని కేవలం ఇద్దరు మనుషులు ఎలా నడుపుతారో తెలుసుకోవాలని కోరిక పుట్టింది. అంతే ఆమె నేరుగా కాక్ పిట్ వద్దకు వెళ్లి తలుపు మీద సుతారంగా టక్ టక్మని కొట్టగానే తలుపు తీసి బయటకి తొంగి చూసిన మన కుర్ర పైలట్లు జగన్, కిరణ్ (ముఖ్యమంత్రి, జగన్ మోహన్ రెడ్డి కాదు లెండి)లకి తమ కోసమే ఆకాశం నుండి దిగివచ్చిన (ఆ టైంకి వాళ్ళు కూడా ఆకాశంలోనే ఉన్నారనే సంగతి మరిచిపోయారు) అప్సరసలా తలుపు దగ్గిర నిలబడి, ఓరకంట చూసి నవ్వుతున్న నిత్యా మీనన్ కనబడగానే నిజంగానే వారి గుండెలు జారి గల్లంతయిపోయాయి. ఇంకేముంది, ఆమెను సాదరంగాలోనకి ఆహ్వానించి తమ పక్కన ఖాళీగా ఉన్నసీటులో (ఆ సీటు కేవలం విమాన శిక్షణ ఇచ్చే మాస్టర్లకి, లేదా అటువంటి వారికి మాత్రమే కేటాయించబడింది) కూర్చోబెట్టుకొని, ఆమె తన పెద్దకళ్ళను విప్పార్చి తమవైపే చూస్తుంటే, వారిద్దరూ ఆమెతో ఉల్లాసంగా ఉత్సాహంగా కబుర్లు చెప్పుకొంటూ అలా అలా గాలిలో తేలిపోతున్నట్లు (విమానమన్నాక గాలిలోనే తేలుతుందని అందరికీ తెలుసు. గానీ, ఆ రోజు మరింత బాగా తేలిపోయిందని ప్రయాణికుల అభిప్రాయం) విమానాన్ని అలవోకగా ఎడం చేత్తో నడిపి చూపించి ఆమె నుండి మరిన్ని ముసిముసి నవ్వులు రాల్చుకొని పరమానందపడిపోయారు మన కుర్ర పైలట్లు ఇద్దరూ. ఆ తరువాత ఆమె హైదరాబాద్ రాగానే వారికి ‘టాటా టాటా బై బై’ చెప్పేసి బ్యాగు ఊపుకొంటూ వెళ్లిపోయింది. అంతే ఇంకేముంది? ఇద్దరు కుర్ర పైలట్లని సస్పెండ్ చేస్తూ ఆర్డర్లు చేతిలో పెట్టేసారు సదరు విమాన సంస్థ వారు. ఇప్పుడు వారిద్దరూ ‘ఎంతపనిచేసావే నిత్యా!’ అంటూ ఆక్రోశిస్తున్నారు పాపం!  
  యునైటెడ్ స్టేట్స్ మాజీ ఆటగాడు, ఎ.టి.పి. మాజీ నెంబర్ వన్ ఆటగాడు జేమ్స్ స్కాట్ జిమ్మీ కానర్స్ జులై 29, 1974 నుండి ఆగస్ట్ 22, 1977 వరకు ఎ.టి.పి. వరల్డ్ నెంబర్ వన్ ఆటగాడిగా కొనసాగాడు. రష్యా క్రీడాకారిణి మరియా షరపోవా వ్యక్తిగత కోచ్ స్వీడన్ కు చెందిన థామస్ హోగ్ స్టెడ్ తో ఇటీవల మనస్ఫర్థ లు ఏర్పడటంతో అతనితో ఉన్న కాంట్రాక్ట్ ను షరపోవా రద్దు చేసుకుంది. ఆపై షరపోవా వ్యక్తిగత కోచ్ కోసం జిమ్మీ కానర్స్ ను సంప్రదించగా జిమ్మీ కానర్స్ ఒప్పుకున్నట్లు షరపోవా ఒక ప్రకటనలో పేర్కొంది. ఇటీవల ముగిసిన 2013 వింబుల్డన్ టోర్నమెంట్ లో రెండో రౌండ్ లో వెనుదిరగాల్సి వచ్చింది. ఇకపై జిమ్మీ కానర్స్ ఆధ్వర్యంలో ముమ్మర ప్రాక్టీస్ చేసి తిరిగి తాను వరల్డ్ నెంబర్ వన్ స్థానాన్ని నిలేబట్టుకుంటానని షరపోవా తెలియజేసింది.
      సోలార్ కుంభకోణం ఏకంగా కేరళ ముఖ్యమంత్రి ఒమెన్ చాందీ మెడకు చుట్టుకుంటున్నట్లుగా కనిపిస్తోంది. సౌరశక్తి పరికరాల కుంభకోణంలో ముఖ్యమంత్రి కార్యాలయం హస్తం ఉన్నట్లు ఆరోపణలు వస్తున్న నేపథ్యంలో ఆ రాష్ట్ర సీఎం ఒమెన్ చాందీ రాజీనామాకు సిద్ధపడినట్లు తెలియవచ్చింది. ఓ ప్రైవేట్‌ బోగస్‌ సోలార్‌ కంపెనీకి చెందిన వ్యక్తులతో ముఖ్యమంత్రి కార్యాలయం సన్నిహిత సంబంధాలు కలిగి వుంటూ నిబంధనలకు నీళ్ళొదిలి అడ్డగోలుగా కాంట్రాక్టులు అప్పగించడం ద్వారా ఆ కంపెనీకి పెద్దయెత్తున అనుచిత లబ్ధి చేకూర్చినట్లు ఆరోపణలు వెల్లువెత్తిన విషయం తెలిసిందే.   సౌర పరికరాల కుంభకోణం కేరళలో తీవ్ర ఉద్రిక్తతకు దారితీసింది. ఈ కుంభకోణంపై మంగళవారం కేరళ అసెంబ్లీలో రగడ చెలరేగింది. ముఖ్యమంత్రి ఒమన్‌చాందీ రాజీనామాకు విపక్షాలు పట్టుబట్టాయి.
      సిటీ లైట్ హోటల్ భవనం కూలిన ఘటనలో మృతుల సంఖ్య 16కు చేరుకుంది. మరోవైపు సిటీలైట్ హోటల్ శిథిలాల తొలగింపు శరవేగంగా సాగుతోంది. జీహెచ్ఎంసీ కమిషనర్ కృష్ణబాబు స్వయంగా పనులను పర్యవేక్షిస్తున్నారు. ఈ రోజుతో శిథిలాల తొలగింపు పూర్తవుతుందని ఆయన తెలిపారు. హోటల్ కూలిన ఘటనలో 16 మంది మృతి చెందగా, మరో నలుగురి ఆచూకీ గల్లంతయ్యింది. అలీ,భరత్, వెంకటేష్,కిరణ్ అనే నలుగురు వర్కర్ల ఆచూకీ గల్లంతవడంతో వారి బంధువులు ఆందోళనకు దిగారు. మరోవైపు సిటీలైట్ హోటల్ కూలడంతో పాతభవనాలపై జీహెచ్ఎంసీ స్పెషల్ డ్రైవ్ చేపట్టనుంది. పాతభవనాలను ఉపేక్షించేది లేదని కమిషనర్ కృష్ణబాబు తేల్చిచెప్పారు. ఎలాంటి ఒత్తిళ్లకు లొంగబోమని ఆయన తెలిపారు.
      ఇంగ్లాండ్ లో జరుగుతున్న చాంపియన్స్ ట్రోఫీలో ఇండియా జోరు కొనసాగుతుంది. కీలక సెమీస్ లో కూడా తబడకుండా లక్ష్యాన్ని అవలీలగా చేధించారు. టాస్ గెలిచి బ్యాటింగ్ ఎంచుకున్న ఇండియా బౌలర్లు విజృంభించారు. బంతి చేతపట్టిన ధోనీతో సహా ప్రతి ఒక్కరూ లంక బ్యాట్స్‌మెన్‌ను కట్టడి చేశారు. భువీ తన రెండో ఓవర్లోనే కుశాల్ పెరెరా 4ను అవుట్ చేశాడు. పెరెరా సెకండ్ స్లిప్‌లో రైనాకు దొరికిపోయాడు. ఐదో ఓవర్లో దిల్షాన్ రిటైర్ట్ హర్ట్‌గా వెనుదిరిగాడు. భువీతో పాటు ఉమేష్ పొదుపుగా బౌలింగ్ చేయడంతో లంకేయులు పరుగులు చేయడానికి చెమటోడ్చారు. 15 ఓవర్లలో లంక స్కోరు 36/1 మాత్రమే. ఈ దశలో ఇషాంత్ వరుస ఓవర్లలో తిరుమన్నె 7, సంగక్కర 17ను పెవిలియన్ చేర్చి లంకను మరింత కష్టాల్లోకి నెట్టాడు. వీరిద్దరూ సెకండ్ స్లిప్‌లో రైనాకు క్యాచిచ్చారు. ఆ తర్వాత లంకేయులు కోలుకోలేకపోయారు. 182 పరుగుల కష్టసాధ్యంకాని లక్ష్యాన్ని భారత్ కేవలం రెండు వికెట్లకు మరో 90 బంతులు మిగిలుండగానే అవలీలగా ఛేదించింది. సూపర్ ఫామ్‌లో ఉన్న ఓపెనర్ ధవన్ 68.. రోహిత్ 33తో 77 పరుగులు, కోహ్లీతో 58 నాటౌట్తో రెండో వికెట్‌కు 65 పరుగుల భాగస్వామ్యం నెలకొల్పి విజయానికి మార్గం సుగమం చేశాడు. చివర్లో ధవన్ వెనుదిరిగినా విరాట్, రైనా 7 నాటౌట్ లాంఛనం పూర్తి చేశారు.
        ఐసీసీ చాంపియన్స్ ట్రోఫీ ప్రాక్టీస్ మ్యాచ్‌ లలో ఇండియా అదరగొట్టింది. మొన్న శ్రీలంకపై భారీ స్కోరును చేజింగ్ చేయగా, నిన్న ఆస్ట్రేలియా ను 65 పరుగులకే ఆలౌట్ చేసింది. ఆస్ట్రేలియా తో జరిగిన రెండో ప్రాక్టీస్ మ్యాచ్‌లో 55 పరుగులకే 5 వికెట్లు కోల్పోయి కష్టాల్లో పడిన జట్టును దినేశ్ కార్తీక్ 140 బంతుల్లో 17 ఫోర్లు, సిక్స్‌తో 146 నాటౌట్ శతక్కొట్టుడుకు తోడు ధోనీ 77 బంతుల్లో 6 ఫోర్లు 4 సిక్సర్లతో 91 మెరుపులతో 50 ఓవర్లలో 6 వికెట్లకు 308 పరుగులు చేసింది. వరుసగా రెండో సెంచరీతో కార్తీక్ భారత్ ను ఆదుకున్నాడు. సెంచరీ మిస్ చేసుకున్న ధోనీతో కలిసి ఆరో వికెట్‌కు 211 పరుగుల భాగస్వామ్యం నెలకొల్పి జట్టును పటిష్ట స్థితిలో నిలిపాడు. 309 పరుగుల లక్ష్యంతో బ్యాటింగ్ కు దీగిన ఆస్ట్రేలియా ను ఇండియా బౌలర్లు కంగారు పెట్టించారు. ఉమేశ్.. వరుసగా ఐదు వికెట్లు పడగొట్టడంతో.. కంగారూల బ్యాటింగ్ లైనప్ కుప్పకూలిపోయింది. ఆ తర్వాత ఇషాంత్ వరుసగా మూడు వికెట్లు తీయడంతో ఆసీస్ కోలుకోలేకపోయింది. వోగ్స్ (23) ఒంటరి పోరాటానికి అశ్విన్ ముగింపు పలకడంతో ఆస్ట్రేలియా కేవలం 65 పరుగులకే చాప చుట్టేసింది.
        ఫ్రెంచ్ ఓపెన్‌లో స్విస్ స్టార్ రోజర్ ఫెదరర్‌కు మళ్ళీ నిరాశే ఎదురైంది. నాలుగేళ్లుగా ఫ్రెంచ్ ఓపెన్‌ టైటిల్ సొంతం చేసుకోవాలని చూస్తున్న ఫెదరర్‌కు క్వార్టర్‌ఫైనల్ లో షాక్ తగిలింది. మంగళవారం ఇక్కడ జరిగిన క్వార్టర్‌ఫైనల్ మ్యా చ్‌లో ఆరో సీడ్ ఫ్రాన్స్ ఆటగాడు ఆరో సీడ్ ఫ్రాన్స్ ఆటగాడు జో విల్‌ఫ్రెడ్ సోంగాతో తలపడిన ఫెదరర్ 5-7, 3-6, 3-6తో మూడు వరుస సెట్లలో ఓడి టోర్నీ నుంచి నిష్క్రమించాడు. తన ఆటతీరుకు భిన్నంగా ఆడి ఘోర పరాజయాన్ని మూటగట్టుకున్నాడు. తొలి సెట్‌లో గట్టి పోటీనిచ్చినా.. ఆ తర్వాతి రెండు సెట్లలో ప్రభావం చూపించలేక ప్రత్యర్థి ముందు మోకరిల్లాడు. మరో మ్యాచ్‌లో స్పెయిన్ ఆటగాడు డేవి డ్ ఫెర్రర్ సునాయాస విజయాన్ని నమోదు చేశాడు. క్వార్టర్‌ఫైనల్ మ్యాచ్‌లో తనదేశానికే చెందిన టామీ రోబ్రెడోతో తలపడిన ఫెర్రర్.. 6-2, 6-1, 6-1తో వరుస సెట్లను చేజిక్కించుకుని సెమీస్ చేరాడు.
        టీమిండియా యువ సంచలనం విరాట్ కోహ్లీ 120 బంతుల్లో 11 ఫోర్లు, 3 సిక్సర్లతో 144, దినేష్ కార్తీక్ 81 బంతుల్లో 12 ఫోర్లు, 2 సిక్సర్లతో 106 నాటౌట్, సూపర్ సెంచరీలతో చెలరేగడంతో ప్రాక్టీస్ మ్యాచ్‌లో భారత్ అద్భుత విజయాన్నందుకుంది. ఐసీసీ చాంపియన్స్ ట్రోఫీకి సన్నాహకంగా శ్రీలంకతో జరిగిన వామప్ మ్యాచ్‌లో బౌలర్లు విఫలమైనా బ్యాటింగ్‌లో రాణించిన ధోనీసేన ఐదు వికెట్లతో నెగ్గింది. లంక నిర్దేశించిన 334 పరుగుల భారీ లక్ష్యాన్ని భారత్ ఐదు వికెట్లు కోల్పోయి మరో ఓవర్ మిగిలుండగానే ఛేదించింది. లక్ష్య ఛేదనలో 20.3 ఓవర్లలో 110 పరుగులకే నాలుగు వికెట్లు కోల్పోయిన దశలో శతక వీరులు కోహ్లీ, కార్తీక్ ఐదో వికెట్‌కు 186 పరుగులు జోడించి జట్టును విజయతీరాలకు చేర్చారు. చివర్లో కోహ్లీ అవుటైనా కార్తీక్, ధోనీ 18 మరో వికెట్ పడకుండా మ్యాచ్‌ను ముగించారు.   సురేష్ రైనా 34 పరుగులు సాధించాడు. శ్రీలంక బౌలర్లలో షమింద ఎరంగ రెండు వికెట్లు పడగొట్టాడు. అంతకుముందు టాస్ ఓడి బ్యాటింగ్‌కు దిగిన లంక నిర్ణీత 50 ఓవర్లలో మూడు వికెట్లకు 333 పరుగులు సాధించింది. ఓపెనర్లు కుశాల్ పెరెర 82 రిటైర్డ్ హర్ట, దిల్షాన్ 84 రిటైర్డ్ హర్ట్ హాఫ్ సెంచరీలతో చెలరేగారు. అనంతరం మహేల 30, సంగక్కర 45, చాందిమల్ 46 రాణించడంతో లంక స్కోరు మూడొందలు దాటింది. భారత బౌలర్లలో ఇషాంత్, భువనేశ్వర్, అమిత్ మిశ్రా తలో వికెట్ పడగొట్టారు.
  ఐపిఎల్-6 లో అద్భుతంగా రాణిస్తున్న క్రిస్ గేల్ ముంబాయి వాంఖేడే స్టేడియంలో ముంబై ఇండియన్స్ తో జరిగిన మ్యాచ్ లో హర్భజన్ సింగ్ బౌలింగ్ లో తెలుగుతేజం అంబటి రాయుడు బౌండరీ లైన్ వద్ద అద్భుతమైన క్యాచ్ పట్టడంతో 18 పరుగులకే వెనుతిరిగాడు. క్రిస్ గేల్ థాటికి 195 పరుగుల విజయలక్ష్యం చిన్నదిగా కనిపించింది. టాస్ గెలిచి బ్యాటింగ్ ఎంచుకున్న ముంబై ఇండియన్స్ ఒపనర్లు అద్భుతమైన ఓపెనింగ్ ఇచ్చింది. డ్వేన్ స్మిత్ 36 బంతుల్లో 50 పరుగులు (4 ఫోర్లు 3సిక్సర్లు) అర్థసెంచరీ పూర్తిచేసి సయ్యద్ బౌలింగ్ లో క్లీన్ బౌల్డ్ అయ్యాడు. మరొక ఓపెనర్ సచిన్ టెండూల్కర్ 13 బంతుల్లో 23 పరుగులు (5 బౌండరీలు) చేసి ఆర్పీసింగ్ బౌలింగ్ లో వికెట్ల ముందు (ఎల్బీడబ్ల్యూ)దొరికిపోయాడు. దినేశ్ కార్తీక్ దూకుడుగా ఆడుతూ 33 బంతుల్లో 43 పరుగులు (3 బౌండరీలు 1సిక్సర్) రనౌట్ గా పెవిలియన్ చేరాడు. పోలార్డ్ 16 బంతుల్లో 34 పరుగులు (2 బౌండరీలు 3సిక్సర్లు) మెరుపు ఇన్నింగ్స్ ఆడుతున్నప్పుడు వినయ్ కుమార్ బౌలింగ్ లో అర్జున్ రామ్ పాల్ క్యాచ్ పట్టడంతో అవుటయ్యాడు. అంబటి రాయుడు 0 రనౌట్,  చివర్లో హర్భజన్ సింగ్ 8 బంతుల్లో 16 పరుగులు (4బౌండరీలు)ను అర్జున్ రామ్ పాల్ బౌలింగ్ లో సౌరభ్ తివారీ క్యాచ్ పట్టడంతో అవుటయ్యాడు . మిచెల్ జాన్సన్ 9, మలింగ 0 నాటౌట్ గా నిలవడంతో ముంబై ఇండియన్స్ నిర్నాట 20 ఓవర్లలో 7 వికెట్లు కోల్పోయి 194 పరుగులు చేసింది. ఆర్పీసింగ్, అర్జున్ రామ్ పాల్, వినయ్ కుమార్, సయ్యద్ లకు ఒకొక్క వికెట్ దక్కింది. రెండో ఇన్నింగ్స్ ప్రారంభించిన బెంగళూరు రాయల్ చాలెంజర్స్ ఏ పరిస్థితుల్లోనూ టార్గెట్ ఛేజ్ చేయలేకపోయింది. క్రిస్ గేల్ అవుటవడంతో సగం వికెట్లు కోల్పోయినట్టు అయ్యింది. బెంగళూరు బ్యాట్స్ మెన్ ఒకరివెనుక ఒకరు పెవిలియన్ దారి పట్టారు. దిల్షాన్ 13 ధావల్ బౌలింగ్ లో జాన్సన్ క్యాచ్ పట్టడంతో, బెంగళూరు కెప్టెన్ విరాట్ కోహ్లీ 1 ధావల్ బౌలింగ్ లో దినేశ్ కార్తీక్ కి క్యాచ్ ఇచ్చి, డివిలియర్స్ 2 ధావల్ బౌలింగ్ లో దినేశ్ కార్తీక్ కి క్యాచ్ యిచ్చి, అరుణ్ కార్తీక్ 12 స్మిత్ బౌలింగ్ లో స్టంపౌట్, సయ్యద్ మహమ్మద్ 9 స్మిత్ బౌలింగ్ లో జాన్సన్ క్యాచ్ పట్టడంతో అవుటయ్యారు. సౌరభ్ తివారీ 21 స్మిత్ బౌలింగ్ లో హర్భజన్ సింగ్ క్యాచ్ పట్టడంతో, రవి రామ్ పాల్ 18 బంతుల్లో 23 పరుగులు (4 బౌండరీలు) నాటౌట్, వినయ్ కుమార్ 20 బంతుల్లో 26 పరుగులు (4 బౌండరీలు) నాటౌట్ పోరాడినా లక్ష్యాన్ని ఛేదించలేకపోయింది. 20 ఓవర్లలో 7 వికెట్లు కోల్పోయి 136 పరుగులు మాత్రమే చేసి ముంబై ఇండియన్స్ చేతిలో ఘోర పరాభవం ఎదుర్కొంది. ధావల్ కులకర్ణి 3, హర్భజన్ 2, డ్వేన్ స్మిత్ 2 వికెట్లు పడగొట్టారు. ముంబై ఇండియన్స్ ఇన్నింగ్స్ లో దూకుడుగా ఆడి 50 పరుగులు, బెంగళూరు ఇన్నింగ్స్ లో రెండు కీలక వికెట్లు పడగొట్టిన డ్వేన్ స్మిత్ కు మ్యాన్ ఆఫ్ ది మ్యాచ్ అవార్డు దక్కింది.
  ‘పరుగుల యంత్రం’ అని అభిమానులు ముద్దుగా పిలుచుకొనే సచిన్ టెండూల్కర్ 39 ఏళ్ళు పూర్తి చేసుకొని ఈరోజు 40సం.లో అడుగుపెట్టాడు. ఈ సందర్భంగా దేశవ్యాప్తంగా ఉన్న అభిమానులు, క్రికెట్ సంఘాలు ఘనంగా ఆయన జన్మదిన వేడుకలు జరుపుకొంటున్నారు. బెంగాల్ క్రికెట్ అసోసియేషన్ వారు ఒక్కరోజు ముందుగానే కోల్ కోతలో నరేంద్రపూర్ రామకృష్ణ మిషన్ ఆశ్రమం వారి అద్వర్యంలో నడుస్తున్న అందవిద్యార్దుల ఆశ్రమంలో 10 పౌండ్ల భారీ కేకును 100 మంది అంధ విద్యార్ధుల చేత, కట్ చేయించి సచిన్ జన్మ దిన వేడుకలు ఘనంగా జరుపుకొన్నారు. అదేవిధంగా మంగళవారం రాత్రి ముంబైలో ముంబై ఇండియన్స్ టీం యజమాని నీత అంభానీ మరియు టెండూల్కర్ భార్య అంజలి సమక్షంలో ఒక భారీ కేక్ కట్ చేసి సచిన్ జన్మ దిన వేడుకలు ఘనంగా జరుపుకొన్నారు.   ఇక ఈ రోజు కోల్ కోతలో ఐపీయల్ మ్యాచ్ లో ఆడనున్నముంబై ఇండియన్స్ టీం మరియు కోల్ కోత నైట్ రైడర్స్ టీము సభ్యులు అందరు కలిసి ఉదయం డ్రెస్సింగ్ రూమ్ లో విదేశాల నుండి తెప్పించిన కోక్ పౌడర్ తో చేయబడిన 40 పౌండ్స్ బరువున్న ఒక భారీ చాక్లెట్ కేక్ సచిన్ చేత కట్ చేయించి ఆయన జన్మ దిన వేడుక ఘనంగా జరుకొన్నారు. దానిపై ఏప్రిల్2, 2011లో వరల్డ్ కప్ లో గెలిచిన సందర్భంగా తీసిన సచిన్ టెండూల్కర్ ఫోటో ముద్రించారు.   సచిన్ తన 24సం.ల సుదీర్గ క్రికెట్ చరిత్రలో నెలకొల్పిన రికార్డులను ముచ్చటించుకొంటే అదొక పెద్ద గ్రంధమే అవుతుంది. బ్రియాన్ లారా తరువాత అంతటి రికార్డ్ సాదించిన ఘనత ఒక్క సచిన్ టెండూల్కర్ కే దక్కింది.సచిన్ ఇంతవరకు 463 మ్యచ్చుల్లో ఆడి 18,426 రన్స్ చేసారు. కొద్ది నెలలక్రితం వన్డే ఇంటర్నేషనల్ మ్యాచుల నుండి రిటైర్ అయిన సచిన్ టెండూల్కర్ టెస్ట్ మ్యాచులకే పరిమితమయిపోయారిప్పుడు. సచిన్ ఇప్పుడు తన ముంబై ఇండియన్స్ టీం తరపున మాత్రమే ఐపీయల్ మ్యాచ్ లో ఆడుతున్నారు.   భారతదేశానికే గర్వ కారణమయిన సచిన్ టెండూల్కర్ కి ఈ శుభ సందర్భంగా తెలుగు వన్ పరివారం యావత్ రాష్ట్ర ప్రజల తరపున శుభాకాంక్షలు తెలియజేస్తోంది.
  ఢిల్లీ మళ్ళీ పరాజయాల బాటలో నడుస్తుంది. ముంబాయి ఇండియన్స్ తో జరిగిన మ్యాచ్ లో విజయం సాధించిన జట్టు మంగళవారం కింగ్స్ ఎలెవెన్ పంజాబ్ తో ఐపిఎల్-6 లీగ్ మ్యాచ్ లో మళ్ళీ ఓడిపోయింది. పంజాబ్ కట్టుదిట్టమైన బౌలింగ్ ముందు ఢిల్లీ డేర్ డెవిల్స్ ఆటగాళ్ళు నిలవలేకపోయారు..  ఢిల్లీ కెప్టెన్ మహేళ జయవర్థనే 4 బంతుల్లో 4 పరుగులు (1 బౌండరీ) చేసిన తరువాత ప్రవీణ్ కుమార్ బౌలింగ్ లో మైక్ హస్సీకి క్యాచ్ ఇచ్చి అవుటయ్యాడు. ముంబై ఇండియన్స్ తో జరిగిన మ్యాచ్ లో 95 పరుగులు చేసిన వీరేంద్ర సెహ్వాగ్ 21 బంతుల్లో 23 పరుగులు (2 బౌండరీలు 1 సిక్సర్) కొట్టి ఊపు మీద ఉన్నట్లు కనిపించాడు కానీ హర్మీత్ సింగ్ బౌలింగ్ లో మన్ దీప్ క్యాచ్ పట్టడంతో పెవిలియన్ కు చేరుకున్నాడు. మిడిల్ ఆర్డర్ లో డేవిడ్ వార్నర్ 36 బంతుల్లో 40 పరుగులు (4 బౌండరీలు 1 సిక్సర్) ప్రవీణ్ కుమార్ క్లీన్ బౌల్డ్, జునేజా 20 బంతుల్లో 14 పరుగులు (1 బౌండరీ) హర్మీత్ సింగ్ బౌలింగ్ లో ఆవానా క్యాచ్ పట్టడం ద్వారా అవుటయ్యారు. నాలుగో వికెట్ కు 39 పరుగులు జతచేశారు. మూడు బంతుల వ్యవధిలో జునేజా ను హర్మీత్ బౌలింగ్ లో ఆవానా క్యాచ్ పట్టడంతో, జాదవ్ 0 హర్మీత్ సింగ్ బౌలింగ్ లో మన్ దీప్ క్యాచ్ పట్టడంతో వెనువెంటనే వికెట్లు కోల్పోయి కష్టాల్లో పడింది. ఇన్నింగ్స్ చివర్లో ఇర్ఫాన్ పఠాన్ 17 బంతుల్లో 14 పరుగులు (1 బౌండరీ) నాటౌట్, అగార్కర్ 9 బంతుల్లో 9 పరుగులు నాటౌట్ గా నిలిచారు. వాండెర్ మెర్వ్ 8 పరుగులు ఆవానా బౌలింగ్ లో మన్ దీప్ క్యాచ్ పట్టడం ద్వారా, ఇయాన్ బోథా 1 భట్ బౌలింగ్ లో మిల్లర్ క్యాచ్ ద్వారా అవుట్ అయ్యారు. హర్మీత్ సింగ్ 3, ప్రవీణ్ కుమార్ 2, ఆవానా 1, భార్గవ్ భట్ 1 వికెట్లు పడగొట్టారు. నిర్ణీత 20 ఓవర్లలో 7 వికెట్లు కోల్పోయి 120 పరుగులు మాత్రమే చేయగలిగింది. టార్గెట్ చిన్నదే అయినా రెండో ఇన్నింగ్స్ ప్రారంభించిన పంజాబ్ కు మొదట్లోనే ఎదురు దెబ్బ తగిలింది పంజాబ్ కెప్టెన్ గిల్ క్రిస్ట్ 3 బంతుల్లో 6 పరుగులు (1 బౌండరీ) ఇర్ఫాన్ పఠాన్ బౌలింగ్ లో ఇయాన్ బోథా క్యాచ్ పట్టడంతో పెవిలియన్ చేరాడు. మూడో ఆటగాడిగా బరిలోకి దిగిన 10 బంతుల్లో 18 పరుగులు (3 బౌండరీలు) మెర్వ్ బౌలింగ్ లో క్లీన్ బౌల్డ్, ఓపెనర్ మన్ దీప్ సింగ్ 15 బంతుల్లో 24 పరుగులు (5 బౌండరీలు) రనౌట్ గా వరుస బంతుల్లో పెవిలియన్ చేరారు. వీరిద్దరూ కలిసి రెండో వికెట్ కు 44 పరుగులు జోడించారు. వోహ్రా 8ను ఇయాన్ బోథా క్యాచ్ అండ్ బౌల్డ్ ద్వారా అవుట్ చేశాడు. డేవిడ్ మిల్లర్ 39 బంతుల్లో 34 పరుగులు (3 బౌండరీలు) నాటౌట్ డేవిడ్ హస్సీ 21 బంతుల్లో 20 పరుగులు (1 బౌండరీ 1 సిక్సర్)ను నెహ్రా బౌలింగ్ లో ఇయాన్ బోథా క్యాచ్ పట్టడంతో వెనుదిరిగాడు. పియూష్ చావ్లా 5 పరుగులు నాటౌట్ గా నిలిచాడు. 121 పరుగుల టార్గెట్ ను 17 ఓవర్లలో 5 వికెట్లు కోల్పోయి విజయం సాధించింది. ఇర్ఫాన్, నెహ్రా, ఇయాన్ బోథా లకు ఒకొక్క వికెట్ దక్కింది. మూడు కీలక వికెట్లు పడగొట్టిన హర్మీత్ సింగ్ కు మ్యాన్ ఆఫ్ ది మ్యాచ్ అవార్డు దక్కింది.
  వెస్ట్ ఇండీస్ విధ్వంసకర బ్యాట్స్ మెన్, బెంగళూరు రాయల్ ఛాలెంజర్స్ జట్టు సభ్యుడు క్రిస్టోఫర్ హెన్రీ గేల్ T20, ఐపిఎల్ చరిత్ర రికార్డులను బెంగళూరులోని చిన్నస్వామి స్టేడియంలో పూణే వారియర్స్ జరిగిన మ్యాచ్ లో బద్ధలు చేశాడు. టాస్ గెలిచి పూణే వారియర్స్ ఫీల్డింగ్ ఎంచుకుంది. దీంతో బెంగళూరు ఓపెనర్లుగా  గేల్, దిల్షాన్ బరిలోకి దిగారు. మొదటి రెండు బౌల్స్ లో రెండు ఫోర్లు కొట్టిన గేల్ వర్షం పడడంతో మ్యాచ్ కు కాసేపు అంతరాయం కలిగింది. వర్షం నిలిచిపోవడంతో మళ్ళీ క్రీజ్ లో కి వచ్చిన గేల్ మరో మూడు ఫోర్లు కొట్టి మొదటి ఓవర్లోనే 20 పరుగులు రాబట్టాడు. ఆ తరువాత క్రిస్ గేల్ రెచ్చిపోయాడు. కేవలం 17 బంతుల్లోనే అర్థ సెంచరీ పూర్తీ చేసుకున్న గేల్ 30 బంతుల్లోనే శతకం సాధించాడు. 34 బంతుల్లో శతకం చేసిన సైమండ్స్ రికార్డు తుడుచిపెట్టుకుపోయింది. తిలకరత్నే దిల్షాన్ 36 బంతుల్లో 33 పరుగులు (5బౌండరీలు) గేల్ కు చక్కటి సహకారం ఆడించాడు. దిల్షాన్, రైట్ బౌలింగ్ లో ముర్తజా క్యాచ్ పట్టడంతో పెవిలియన్ చేరుకున్నాడు. వీరిద్దరూ కలిసి రికార్డు స్థాయిలో మొదటి వికెట్ కు 167 పరుగుల భాగస్వామ్యం నెలకొల్పారు. మూడో బ్యాట్స్ మెన్ గా క్రీజ్ లోకి వచ్చిన బెంగళూరు కెప్టెన్ విరాట్ కోహ్లీ 9 బంతుల్లో 11 పరుగులు (1 సిక్స్) దురదృష్టవశాత్తు రనౌట్ గా పెవిలియన్ చేరాడు. నాలుగో ఆటగాడిగా క్రీజ్ లోకి వచ్చిన ఎబి డివిలియర్స్ సుడిగాలి ఇన్నింగ్స్ లో  8 బంతుల్లోనే 31 పరుగులు (3 బౌండరీలు 3 సిక్స్)లు చేసి మార్ష్ బౌలింగ్ లో మన్హాస్ కు క్యాచ్ ఇచ్చి వెనుదిరిగాడు. పరుగుల వేగం పెంచాలనే ప్రయత్నంలో మనోజ్ తివారీ 2 దిండా బౌలింగ్ లో మార్ష్ కు క్యాచ్ ఇచ్చి, అర్జున్ రామ్ పాల్ 0 దిండా బౌలింగ్ లోనే మార్ష్ కు క్యాచ్ ఇచ్చి వికెట్లు పారేసుకున్నారు.     ఒకవైపు వికెట్లు పడుతున్నా చెక్కుచెదరని ఆత్మవిశ్వాసంతో క్రిస్ గేల్ కేవలం 66 బంతుల్లోనే 13 బౌండరీలు, 17 సిక్సర్లు కొట్టి 175 పరుగులతో నాటౌట్ గా నిలిచాడు. బ్రెండన్ మెక్ కల్లామ్ పేరిట ఉన్న 158 పరుగుల అత్యధిక వ్యక్తిగత స్కోరు రికార్డు, ఒకే మ్యాచ్ లో 17 సిక్సర్ల రికార్డు, ఐపీఎల్ లో 150కు పైగా(163) సిక్సర్లు కొట్టిన బ్యాట్స్ మెన్ రికార్డు, ఏ ఫార్మాట్ లోనైనా అత్యంత వేగవంతమైన శతకం రికార్డును బద్దలు కొట్టాడు. గతంలో శ్రీలంక, కెన్యాపై చేసిన అత్యధిక 260 పరుగుల రికార్డ్ ను కూడా బెంగళూరు రాయల్ ఛాలెంజర్స్ 5 వికెట్లు కోల్పోయి 263 పరుగులు చేసింది. అశోక దిండా 2, జెఫ్ మార్ష్ 1,ల్యూక్ రైట్ 1 వికెట్లు పడగొట్టారు.   భారీ టార్గెట్ ఛేదించడానికి బరిలోకి దిగిన పూణే వారియర్స్ కు మొదటి ఓవర్లోనే చుక్కెదురైంది. మొదటి ఓవర్ లో రెండో బంతికే ఓపెనర్ రాబిన్ ఊప్పను మురళీ కార్తీక్ బౌలింగ్ లో కవర్స్ లో ఆర్పీ సింగ్ అద్బుతమైన క్యాచ్ పట్టడంతో పెవిలియన్ చేరాడు. ఆ తరువాత పూణే నిలదొక్కుకోలేకపోయింది. ఫించ్ 0ను అర్జున్ రామ్ పాల్ బౌలింగ్ లో మురళీ కార్తీక్ క్యాచ్ పట్టడం ద్వారా, యువరాజ్ సింగ్ 16 ఉనాద్కట్ బౌలింగ్ లో కోహ్లీ క్యాచ్ ద్వారా, రైట్ 7 ఉనాద్కట్ బౌలింగ్ లో డివిలియర్స్ క్యాచ్ ద్వారా, స్మిత్ 31 బంతుల్లో 41 పరుగులు (6బౌండరీలు)అర్జున్ రామ్ పాల్ బౌలింగ్ లో దిల్షాన్ క్యాచ్ ద్వారా, జెఫ్ మార్ష్ 23 బంతుల్లో 25 పరుగులు (2 సిక్సర్లు) వినయ్ కుమార్ క్లీన్ బౌల్డ్ చేయడం ద్వారా, భువనేశ్వర్ కుమార్ 6 ఆర్పీ సింగ్ బౌలింగ్ లో అరుణ్ క్యాచ్ పట్టడం ద్వారా, ముర్తజా 5 గేల్ బౌలింగ్ లో అరుణ్ స్టంపవుట్ ద్వారా, పాండే 0 గేల్ క్లీన్ బౌల్డ్ చేయడం ద్వారా పూణే బ్యాట్స్ మెన్ దూకుడుగా ఆడడానికి ప్రయత్నించడంతో ఒకరి వెనుక ఒకరు పెవిలియన్ దారి పట్టారు. మన్హాస్ 11 నాటౌట్, అశోక దిండా 1 నాటౌట్ గా నిలిచారు. ఐదో వికెట్ కు స్మిత్, జెఫ్ మార్ష్ 58 పరుగుల భాగస్వామ్యం నెలకొల్పారు. స్టీవ్ స్మిత్ ఒక్కడే పూణే వారియర్స్ జట్టులో రాణించాడు. నిర్ణీత 20 ఓవర్లలో 9 వికెట్లు కోల్పోయి 133 పరుగులు మాత్రమే చేసింది. అంటే బెంగళూరు సాధించిన పరుగులలో సగం మాత్రమే చేయగలిగింది. క్రిస్ గేల్ 2, ఉనాద్కట్ 2, అర్జున్ రామ్ పాల్ 2, ఆర్పీ సింగ్ 1, మురళీ కార్తీక్ 1, వినయ్ కుమార్ 1 వికెట్లు పడగొట్టారు. రెండు వికెట్లు తీయడమే కాకుండా 175 పరుగులు చేసిన క్రిస్ గేల్ కు మ్యాన్ ఆఫ్ ది మ్యాచ్ అవార్డు లభించింది. బెంగళూరు రాయల్ చాలెంజర్స్ ఆడిన 8 మ్యాచుల్లో 6 మ్యాచులు గెలిచి పాయింట్ల పట్టికలో అగ్రస్థానంలో నిలిచింది. 
  ఐపిఎల్ లీగ్ మ్యాచ్ లలో భాగంగా చెన్నైలోని చిదంబరం స్టేడియంలో చెన్నై సూపర్ కింగ్స్ X రాజస్థాన్ రాయల్స్ మధ్య సోమవారం జరిగిన మ్యాచ్ లో ఆఖరి బంతివరకూ ఉత్కంఠభరితమైన మ్యాచ్ లో చెన్నై సూపర్ కింగ్స్ ఒక బంతి మిగిలి వుండగానే 186 పరుగుల లక్ష్యాన్ని ఛేదించింది. టాస్ గెలిచి బ్యాటింగ్ ఎంచుకున్న రాజస్థాన్ రాయల్స్ మొదటి నుండే దూకుడు ప్రదర్శించింది. తొలి వికెట్ కు ఓపెనర్ షేన్ వాట్సన్మ్ అజ్నింకా రహానే 71 పరుగులు జోడించారు. రహానే 15 బంతుల్లో 16 పరుగులు (1 బౌండరీ) చేసిన తరువాత అశ్విన్ క్లీన్ బౌల్డ్ గా పెవిలియన్ కు పంపాడు. వాట్సన్ కు జతకలిసిన యాజ్ఞిక్ 7ను కూడా అశ్విన్ కాట్ అండ్ బౌల్ ద్వారా వెనక్కి పంపాడు. రాజస్థాన్ కెప్టెన్ ద్రావిడ్ (6) క్రీజ్ లోకి వచ్చినా ఎక్కువసేపు నిలబడలేకపోయాడు. డ్వేన్ బ్రావో వేసిన బంతికి కీపర్ ధోనికి క్యాచ్ ఇచ్చి వెనుతిరిగాడు. తరువాత క్రీజ్ లోకి వచ్చిన స్టువర్ట్ బిన్నీ వాట్సన్ కు చక్కటి సహకారం అందిస్తూ దూకుడుగా ఆడాడు. బిన్నీ 22 బంతుల్లో 36 పరుగులు (3 బౌండరీలు 1 సిక్సర్) నాటౌట్ గా నిలిచాడు. రాజస్థాన్ రాయల్స్ ఇన్నింగ్స్ లో ఆస్ట్రేలియన్ షేన్ వాట్సన్ ఒకవైపు వికెట్లు పడుతున్నా చెక్కుచెదరని ఆత్మవిశ్వాసంతో ఆడాడు. 29 బంతుల్లోనే అర్థ సెంచరీ పూర్తిచేసుకున్న వాట్సన్ 60 బంతుల్లోనే సెంచరీ పూర్తీ చేసుకున్న తరువాత డ్వేన్ బ్రావో బౌలింగ్ లో భారీ షాట్ కొట్టబోయి ఎక్స్ ట్రా కవర్ లో హస్సీ క్యాచ్ పట్టడంతో పెవిలియన్ దారి పట్టాడు. ఐపీఎల్-6 లో ఇదే మొదటి సెంచరీ కావడం విశేషం. బ్రాడ్ హాడ్జ్ 9 పరుగులతో నాటౌట్ గా ఉన్నాడు. రాజస్థాన్ రాయల్స్ నిర్ణీత 20 ఓవర్లలో 4 వికెట్లు నష్టపోయి 185 పరుగులు చేసింది. అశ్విన్ 2, డ్వేన్ బ్రావో 2 వికెట్లు పడగొట్టారు. రెండో ఇన్నింగ్స్ ప్రారంభించిన చెన్నై సూపర్ కింగ్స్ లక్ష్యం భారీగా ఉండడంతో మొదటి నుంచే దూకుడుగా ఆడింది. ఓపెనర్ మురళీ విజయ్ 3 చండీలా కాట్ అండ్ బౌల్ నిరాశ పరిచినా మైక్ హస్సీ చెలరేగి ఆడాడు. మైక్ హస్సీకి సురేష్ రైనా తోడవడంతో వీరిద్దరూ 61 బంతుల్లోనే 90 పరుగులు జోడించారు. సురేష్ రైనా 35 బంతుల్లో 51 పరుగులు (4 బౌండరీలు 2 సిక్సర్లు) చేసి ఫాల్కనర్ బౌలింగ్ లో ఎల్బీడబ్ల్యూ గా అవుట్ అయ్యాడు. చెన్నై కెప్టెన్ ధోని, హస్సీతో కలిసి మూడో వికెట్ కు 42 జోడించిన తరువాత 19వ ఓవర్లో భారీ షాట్ కు ప్రయత్నించిన ధోని, ఫాల్కనర్ బౌలింగ్ లో స్టువర్ట్ బిన్నీకి క్యాచ్ ఇచ్చి పెవిలియన్ చేరాడు. మైక్ హస్సీ 51 బంతుల్లో 88 అప్రుగులు (13 బౌండరీలు 1సిక్సర్) చేసిన తరువాత ద్రావిడ్ స్ట్రైట్ త్రో తో రనౌట్ అవుట్ అయ్యాడు. ఆ మరుసటి బంతికే 'సర్' రవీంద్ర జడేజా 0 పరుగులకు ఫాల్కనర్ క్లీన్ బౌల్డ్ చేశాడు. విజయానికి చివరి ఓవర్లో 11 పరుగులు చేయాల్సి ఉండగా బ్రేవో 9 బంతుల్లో 15 పరుగులు (1 సిక్సర్) 20వ ఓవర్ ఐదవ బంతికి భారీ సిక్సర్ కొట్టడంతో చెన్నై సూపర్ కింగ్స్ 5 వికెట్ల నష్టానికి 186 పరుగులు చేసి విజయం సాధించింది. ఫాల్కనర్ 3, చండీలా 1 వికెట్లు తీశారు. షేన్ వాట్సన్ సెంచరీ వృధా అయ్యింది. షేన్ వాట్సన్ ఆస్ట్రేలియన్ సహచరుడు మైక్ హస్సీకి మ్యాన్ ఆఫ్ ది మ్యాచ్ అవార్డు దక్కింది. బంగళూరు రాయల్ ఛాలెంజర్స్, సన్ రైజర్స్ హైదరాబాద్ ఐదు విజయాలు నమోదు చేసినప్పటికీ రన్ రేట్ ఆధారంగా చెన్నై ఆడిన ఏడు మ్యాచుల్లో ఐదు మ్యాచుల్లో విజయం సాధించి పాయింట్ల పట్టికలో టేబుల్ టాప్ గా నిలిచింది.

‘కారు’కు ‘కమ్మ’ని కబురు!

గ్రేటర్‌లో కమ్మ ఓటర్లు టీఆర్‌ఎస్ వైపే?   ‘అమరావతి’పై ‘కమలం’ కప్పగంతులే కారణమట   గ్రేటర్ హైదరాబాద్ మున్సిపల్ కార్పొరేషన్ ఎన్నికల్లో కమ్మ సామాజిక వర్గం, మరోసారి టీఆర్‌ఎస్ ‘కారు’ వైపే  చూస్తోందా? నగరంలోని కమ్మ వర్గ పెద్దలు, వివిధ పార్టీల్లో ఉన్న ఆ సామాజిక వర్గ నేతలు చెబుతున్న విశ్లేషణ ప్రకారం.. పలు నియోజకవర్గాల్లో నిర్ణయాత్మక శక్తిగా ఉన్న కమ్మ సామాజికవర్గం, రానున్న గ్రేటర్ ఎన్నికల్లో టీఆర్‌ఎస్‌కే మళ్లీ పట్టం కట్టేందుకు సిద్ధమవుతున్నట్లు తెలుస్తోంది. బీజేపీ, కాంగ్రెస్, టీడీపీ కూడా కమ్మ వర్గానికి నాలుగు సీట్లు ఇచ్చినా.. ఆ కులం ఓటర్లు మాత్రం కారు ఎక్కేందుకే ఆసక్తి ప్రదర్శిస్తుండటం విశేషం.   కమ్మ వర్గం స్వాభావికంగా టీడీపీకి, సంప్రదాయ ఓటు బ్యాంకుగా దశాబ్దాల నుంచి కొనసాగుతోందన్నది బహిరంగమే. దాని పలితంగానే ఉమ్మడి రాష్ట్రంలో, నగరంలోని శేరిలింగంపల్లి, సనత్‌నగర్, కూకట్‌పల్లి, ఎల్బీనగర్, ఉప్పల్, మల్కాజిగిరి, రాజేంద్రనగర్, కుత్బుల్లాపూర్ వంటి నియోజకవర్గాల్లో టీడీపీ విజయం సాధించగలిగింది. అక్కడ సెటిలర్ల సంఖ్య ఎక్కువయినప్పటికీ, వారిలో కమ్మ వారి హవానే ఎక్కువ కావడం దానికి మరో ప్రధాన కారణం.   రాష్ట్ర  విభజన తర్వాత కూడా... నగరంలో టీడీపీ చెప్పుకోదగ్గ ఫలితాలే సాధించింది. అయితే, చంద్రబాబునాయుడు తెలంగాణపై దృష్టిసారించకపోవడంతో,  ఉన్న ఎమ్మెల్యేలంతా టీఆర్‌ఎస్‌లో చేరారు. పోనీ ఆ తర్వాత కూడా బాబు మేల్కొనకపోవడంతో, ద్వితీయ శ్రేణి నేతలు కూడా పార్టీని వీడారు. ఇప్పుడు మొత్తం 150 డివిజన్లలో 90 డివిజన్లకే పోటీ చేస్తుందంటే, ఆ పార్టీ పరిస్థితి ఎంత దయనీయంగా ఉందో అర్ధం చేసుకోవచ్చు. ఇప్పటికీ, ఎన్టీఆర్ హయాం నుంచి పనిచేస్తున్న నేతలు మాత్రమే టీడీపీలో కొనసాగుతుండగా, వారిలో కమ్మవారే ఎక్కువ. ఇతర పార్టీల్లో అవకాశం లేక, ఉన్నా అక్కడి వాతావరణంలో సర్దుకోలేక, విధిలేక టీడీపీలోనే కొనసాగుతున్న పరిస్థితి. నిజానికి ఈ ఎన్నికల్లో అంతమంది అభ్యర్ధులను వెతికి నామినేషన్లు వేయించడం.. టీడీపీ సీనియర్ నేత, ఆ పార్టీ నగర అధ్యక్షుడు పిన్నమనేని సాయిబాబా నాయకత్వ ప్రతిభ, పొలిట్‌బ్యూరో సభ్యుడయిన అరవిందకుమార్‌గౌడ్ పర్యవేక్షణ ఫలితమని చెప్పకతప్పదు.   అయితే, టీడీపీకి సంప్రదాయ మద్దతుదారుగా ఉన్న కమ్మవారికి.. ఈ ఎన్నికల్లో కేవలం 6 సీట్లు మాత్రమే ఇచ్చారంటే, టీడీపీని కమ్మ వారు ఎంత వేగంగా వీడిపోతున్నారో స్పష్టమవుతోంది. శేరిలింగంపల్లి, కూకట్‌పల్లి, కుత్బుల్లాపూర్, సనత్‌నగర్, ఉప్పల్, ఎల్బీనగర్ నియోజకవర్గాల్లో విజయాన్ని నిర్దేశించే స్థాయిలో ఉన్నప్పటికీ, కమ్మ వర్గ నేతలు.. టీడీపీ వైపు కాకుండా టీఆర్‌ఎస్-బీజేపీ వైపు చూడటం ఆశ్చర్యం. ఈ ఎన్నికల్లో టీఆర్‌ఎస్ 4, బీజేపీ 4, కాంగెస్ 2, టీడీపీ 6 సీట్లు కమ్మ వర్గానికి ఇవ్వడం విశేషం. అంటే కమ్మ వర్గం మాసికంగా టీడీపీని అభిమానిస్తున్నప్పటికీ, రాజకీయంగా ఇతర పార్టీల వైపు చూస్తుందని స్పష్టమవుతోంది. సనత్‌నగర్‌లో మంత్రి తలసాని శ్రీనివాసయాదవ్, కూకట్‌పల్లిలో టీఆర్‌ఎస్ ఎమ్మెల్యే మాధవరం కృష్ణారావు స్థానికంగా తమ నియోజకవర్గాల్లో కమ్మ వారితో తొలి నుంచీ కలసి ఉండటం ప్రస్తావనార్హం.   సహజంగా కమ్మవర్గం మిగిలిన కులాలకంటే ఒక తరం ముందు ఆలోచిస్తుంది. ఎవరితోనూ గొడవ పడకుండా, తమ వ్యాపారాలేవో తాము చేసుకునే తత్వం దాని సొంతం. ఏ ప్రభుత్వంలో ఉన్నా కావలసినవి ఇచ్చి, పనులు చేయించుకోవడం వారి ప్రత్యేకత. ఉమ్మడి రాష్ట్రంలో చంద్రబాబు చుట్టూ చేరిన కమ్మ వ్యాపారులు, వైఎస్ సీఎం అయిన వెంటనే ఆయన చుట్టూ చేరిపోయారు. ఆ తర్వాత వచ్చిన సీఎంల చుట్టూ కూడా వారే కనిపించేవారు. జగన్ కంపెనీల్లో ఎక్కువ పెట్టుబడులు పెట్టిన వారిలో కూడా కమ్మ వ్యాపారులే ఎక్కువ. అంటే వ్యాపారం వారి రక్తంలో ఒక భాగమన్నది తెలిసిందే.   ఎక్కడ.. ఏది లాభం అనుకుంటే,  అటే అడుగులేసే తెలివైన కులంగా పేరుంది. లాభనష్టాల బేరీజు.. ఇతరులను వాడుకోవడంలో,  కమ్మ వర్గ నైపుణ్యం ముందు ఎవరూ సరిరారన్నది బహిరంగ రహస్యం. ప్రతిదీ వ్యాపారకోణంలో ఆలోచించే కమ్మ వర్గానికి, ఇతర సామాజికవర్గం నుంచి సహకారం-మద్దతు లభించడం కష్టం. ఇతరులతో కలిసి నడిచే అలవాటు తొలి నుంచీ ఆ వర్గానికి లేదు. ఈ వ్యాపారతత్వం కృష్ణా జిల్లాలో.. బ్రాహ్మణ-వైశ్యులతో సహా, కుల-మతాలకు అతీతంగా అలవాటుకావటం మరో విశేషం. కృష్ణా జిల్లాకు చెందిన ప్రతి కులం-మతంలో, వ్యాపారధోరణి స్పష్టంగా కనిపిస్తుంటుంది. అది వేరే విషయం.   సహజంగా కష్టపడి పనిచేసే మనస్తత్వం, డబ్బు సంపాదన మెళకువల్లో నిష్ణాతులైన కమ్మ వర్గం.. ఆ ధ్యాసలో పడి, ఇతర సామాజికవర్గాల సహకారం తమకు అవసరం లేదని భావిస్తుంటుంది. కమ్మ సామాజికవర్గం దేనినయినా వదులుకునేందుకు సిద్ధంగా ఉంటుంది కానీ,  డబ్బును పోగొట్టుకునేందుకు మాత్రం  సిద్ధంగా ఉండదన్న సామెత వినిపిస్తుంటుంది. అందుకే.. రెడ్డి, వెలమ వర్గాలతో పోలిస్తే, కమ్మ వర్గానికి ఉండే ఇతర వర్గాల దన్ను బహు తక్కువ. ఇన్ని లక్షణాలున్న కమ్మవర్గం.. ఇతరుల సొమ్ముకు ఆశపడకుండా, కష్టపడి వ్యాపారాల్లోనే సంపాదించడంపైనే ఎక్కువ దృష్టి సారిస్తుందన్నది కూడా అంతే నిజం.   ఇప్పుడు హైదరాబాద్‌లో దశాబ్దాల నుంచి స్థిరపడిన కమ్మ వర్గం, ఇదే ధోరణిలో టీఆర్‌ఎస్‌కు మద్దతుదారుగా మారటం గమనార్హం. గత గ్రేటర్ ఎన్నికల్లోనూ ఈ వర్గం టీఆర్‌ఎస్‌కే జై కొట్టింది. చంద్రబాబు ఇక్కడి నుంచి వెళ్లినందున, తమ రక్షణ కోసమే వారు ఆ నిర్ణయం తీసుకున్నట్లు కనిపించింది. అసెంబ్లీ ఎన్నికల్లోనూ అదే తీరు కొనసాగించింది. చంద్రబాబు హైదరాబాద్‌లో పార్టీని వదిలేయడంతో, కమ్మ వర్గం తమకు టీఆర్‌ఎస్ ఒక్కటే  సురక్షితమైన పార్టీగా ఎంచుకున్నారు. దాని ఫలితమే సెటిలర్లు ఉండే నియోజకవర్గాల్లో ఆ పార్టీ గెలుపు. ఇప్పుడు ఆ వర్గం నేతలు బీజేపీలో చేరినా, కమ్మ ఓటర్లు మాత్రం కారు ఎక్కేందుకే ఇష్టపడుతున్నట్లు కనిపిస్తోంది.   ఇక ఇతర పార్టీల్లో స్థానిక అంశాల కారణంగా చోటు లభించక కొందరు.. ఆయా పార్టీల్లో ఇమడలేని మరికొందరు కమ్మ వర్గ నేతలు మాత్రమే, ప్రస్తుతం టీడీపీలో కొనసాగుతున్నారు. గత గ్రేటర్ ఎన్నికల్లో కమ్మ వర్గ ప్రాధాన్యతను గుర్తించిన టీఆర్‌ఎస్, ఆ వర్గ నేతలకు సీట్లిచ్చింది. కూకట్‌పల్లి అసెంబ్లీ ఎన్నికల సమయంలో.. చంద్రబాబుకు అత్యంత సన్నిహితుడైన కొమ్మినేని వికాస్ ఇంటికి స్వయంగా కేటీఆర్ వెళ్లి, కేసీఆర్ వద్దకు తీసుకువెళ్లి, వికాస్ సహకారం కోరారు. ఆ తర్వాత శేరిలింగంపల్లి, జూబ్లీహిల్స్‌తోపాటు, ఖమ్మం జిల్లాలో కూడా కమ్మ వర్గ నేతలకే టీఆర్‌ఎస్ ఎమ్మెల్యే సీట్లిచ్చింది. పువ్వాడకు క్యాబినెట్‌లో చోటు కూడా ఇచ్చింది.  తాజా గ్రేటర్ ఎన్నికల్లో కూడా కమ్మ వర్గం చూపు, టీఆర్‌ఎస్ వైపే కనిపిస్తోంది. మంత్రి పువ్వాడ అజయ్ నివాసంలో.. కమ్మ వర్గ ఎమ్మెల్యేలు భేటీ అయి, నగరంలోని కమ్మ ప్రముఖులతో భేటీ కావాలని నిర్ణయించుకున్నారట.   ఇదిలాఉండగా... నగరంలో కమ్మ వర్గంతోపాటు, సెటిలర్ల అభిప్రాయాలపై తాము వివిధ నియోజకవర్గాల్లోని, ఆయా వర్గాల వారితో ముచ్చటించడం జరిగింది.  ఆ ప్రకారంగా... నిజానికి సెటిలర్లలో ఎక్కువ శాతం ఈసారి బీజేపీకి ఓటు వేయాలన్న ధోరణిలో ఉన్నట్లు కనిపించింది. కానీ ఏపీలో,  అమరావతి అంశానికి బీజేపీ మద్దతు ఇవ్వని కారణంగా.. ఆ పార్టీకి బదులు, గతంలో మాదిరిగానే ఈసారి కూడా టీఆర్‌ఎస్ మద్దతునివ్వాలని నిర్ణయించుకున్నట్లు, వారి మాటల్లో స్పష్పమయింది. ఈ విషయంలో వారి వాదన-వైఖరి విచిత్రంగా అనిపించింది. అమరావతికి అడ్డంకులు సృష్టిస్తున్న ఏపీ సీఎం జగన్... తెలంగాణ సీఎం కేసీఆర్‌తో సఖ్యతగానే ఉన్నారు. అయితే, జగన్‌తో దోస్తానా చేస్తున్న కేసీఆర్‌పై కరుణ.. కేసీఆర్ మద్దతునిస్తున్న జగన్‌పై కోపం ప్రదర్శించడమే విచిత్రం. -మార్తి సుబ్రహ్మణ్యం

సంజయ్ నై.. కిషన్ సై! బీజేపీలో ఏం జరుగుతోంది? 

తెలంగాణ బీజేపీ రెండు వర్గాలుగా విడిపోయిందా? జనసేనతో పొత్తు కొందరికి ఇష్టం లేదా? పవన్ తో చర్చలకు ఆయన ఎందుకు వెళ్లలేదు? గ్రేటర్ ఎన్నికల వేడి రోజురోజుకు పెరుగుతుండగా బీజేపీలో పరిణామాలు ఆసక్తిగా మారుతున్నాయి. గ్రేటర్ ఎన్నికల కార్యాచరణ విషయంలో తెలంగాణ బీజేపీ నేతలు రెండు వర్గాలుగా విడిపోయారని ప్రచారం జరుగుతోంది. ముఖ్యంగా జనసేన పొత్తు విషయంలో పార్టీ చీఫ్ బండి సంజయ్, కేంద్ర మంత్రి కిషన్ రెడ్డి మధ్య విభేదాలు ఉన్నట్లు తెలుస్తోంది. గ్రేటర్ ఎన్నికల్లో జనసేనతో కలిసి పోటీ చేయడంపై బండి సంజయ్ ఓ అభిప్రాయంతో ఉండగా కిషన్ రెడ్డి అందుకు భిన్నంగా వ్యవహరించారనే చర్చ బీజేపీలో జరుగుతోంది. కిషన్ రెడ్డి, బండి సంజయ్ మధ్య సఖ్యత లేదని. నగర సీనియర్ నేతలు కూడా రెండు వర్గాలుగా విడిపోయారని చెబుతున్నారు. జనసేనతో పొత్తు విషయంలో బండి సంజయ్ కు ఇష్టం లేకున్నా కిషన్ రెడ్డి చొరవ తీసుకుని పవన్ కల్యాణ్ తో మాట్లాడరనే చర్చ జరుగుతోంది. ఎందుకంటే శుక్రవారం రోజంతా హైదరాబాద్ లోనే  ఉన్నారు బండి సంజయ్. కాంగ్రెస్ మాజీ నేత సర్వే సత్యనారాయణ ఇంటికి వెళ్లి ఆయన్ను బీజేపీలోకి ఆహ్వానించారు. మరికొందరు నేతలతోనూ సంజయ్ మంత్రాంగం జరిపారని చెబుతున్నారు. హైదరాబాద్ లోనే ఉన్నా పవన్ కల్యాణ్ తో చర్చలకు సంజయ్ వెళ్లకపోవడం చర్చనీయాంశంగా మారింది. జనసేనతో పొత్తు ఇష్టం లేదు కాబట్టే.. పవన్ దగ్గరకు బండి వెళ్లలేదని చెబుతున్నారు. అంధ్రా పార్టీగా ముద్రపడిన జనసేనతో పొత్తు పెట్టుకుంటే గ్రేటర్ లో పార్టీకి నష్టం జరిగే అవకాశం ఉందని కూడా కొందరు బీజేపీ నేతలు ఆందోళన పడుతున్నారని తెలుస్తోంది. అందుకే బండి సంజయ్ జనసేన విషయంలో పెద్దగా ఆసక్తి చూపలేదని చెబుతున్నారు.  జీహెచ్ఎంసీ ఎన్నికలకు సంబంధించి బీజేపీ, జనసేన పొత్తుపై మొదటి నుంచి తీవ్ర గందరగోళం నడిచింది. సొంతంగానే పోటీ చేస్తామని ప్రకటించిన పవన్ కల్యాణ్ ..అభ్యర్థుల ఎంపిక కోసం కసరత్తు  చేస్తున్నామని చెప్పారు. గ్రేటర్ లో పోటీ చేయడానికి భారీగా దరఖాస్తులు వస్తున్నాయని తెలిపిన జనసేన.. పార్టీ కార్యాలయంలో హెల్ప్ డెస్క్ కూడా ఏర్పాటు చేసింది. సొంతంగానే పోటీ చేస్తామని బయటికి చెబుతూనే... బీజేపీతో పొత్తుకు జనసేన నేతలు ప్రయత్నించారని తెలుస్తోంది. అయితే జనసేనతో పొత్తుకు బీజేపీ ఆసక్తి చూపలేదు. జనసేనతో పొత్తు పెట్టుకుంటే వారికి కొన్ని డివిజన్లు ఇవ్వాల్సి వస్తుందని. దాంతో పార్టీలో అసంతృప్తి వస్తుందని తెలంగాణ బీజేపీ చీఫ్ బండి సంజయ్ భావించారట. అందుకే గ్రేటర్ ఎన్నికల్లో తమకు ఎవరితోనూ పొత్తు లేదని ఆయన ప్రకటించారు. అంతేకాదు జనసేనతో పొత్తు ఏపీ వరకే పరిమితమని కూడా స్పష్టం చేశారు. సంజయ్ ప్రకటన తర్వాత కూడా గురువారం జనసేన నుంచి మరో ప్రకటన వచ్చింది. గ్రేటర్ ఎన్నికలపై  పవన్ తో మాట్లాడేందుకు బండి సంజయ్ వస్తున్నారని ప్రకటించింది. జనసేన లేఖపై మరోసారి స్పందించిన బండి సంజయ్.. జనసేనతో పొత్తు సమస్యే లేదని తేల్చి చెప్పారు.  బండి సంజయ్ పొత్తు లేదని రెండోసారి స్పష్టం చేయడంతో జనసేన ఒంటరిగానే పోటీ చేస్తుందని భావించారు. అయితే శుక్రవారం మళ్లీ పొలిటికల్ సీన్ మారిపోయింది. జనసేన పొత్తు మేటర్ లోకి కేంద్రమంత్రి కిషన్ రెడ్డి ఎంటరయ్యారు. పార్టీ మరో ముఖ్య నేత లక్ష్మణ్ తో కలిసి వెళ్లి ఆయన పవన్ కల్యాణ్ తో చర్చలు జరిపారు. జనసేన పోటీ చేయకుండా బీజేపీకి మద్దతిచ్చేలా పవన్ ను ఒప్పించారు. కిషన్ రెడ్డి తో సమావేశం తర్వాత గ్రేటర్ ఎన్నికల్లో జనసేన పోటీ చేయడం లేదని అధికారికంగా ప్రకటించారు జనసేన చీఫ్. జీహెచ్ఎంసీ ఎన్నికల్లో బీజేపీకి జనసేన పార్టీ సంపూర్ణ మద్దతు ఉంటుందని ప్రకటించారు. బండి సంజయ్, కిషన్ రెడ్డిల తీరుతో బీజేపీలో కన్ఫ్యూజన్ నెలకొన్నదని చెబుతున్నారు. టికెట్ల ఎంపికలోనూ సంజయ్, కిషన్ రెడ్డి వర్గాల మధ్య గొడవలు జరిగాయంటున్నారు. బంజారాహిల్స్, కూకట్ పల్లి ప్రాంత నేతలు కొందరు కిషన్ రెడ్డిపై బహరంగంగానే తీవ్ర ఆరోపణలు చేశారు.  గ్రేటర్ హైదరాబాద్ ఎన్నికల్లో బీజేపీ దూకుడు మీద ఉన్నట్లు కనిపిస్తోంది. దుబ్బాక ఉప ఎన్నిక విజయంతో జీహెచ్ఎంసీలోనూ పాగా వేస్తామనే ధీమా కమలనాధుల్లో పెరిగిందని చెబుతున్నారు. గ్రేటర్ పరిధిలో బీజేపీలోకి జోరుగా వలసలు కొనసాగుతున్నాయి. నగర కాంగ్రెస్ లోని కొందరు ముఖ్య నేతలు, టీఆర్ఎస్ సిట్టింగ్ కార్పొరేటర్లు కూడా కమలం గూటికి చేరారు. గ్రేటర్ ఎన్నికల్లో బీజేపీ నుంచి  పోటీ  చేసేందుకు నేతలు పోటీ పడ్డారు. ఒక్కో డివిజన్ నుంచి 10 నుంచి 10 మంది టికెట్ కోసం పోటీ పడ్డారని బీజేపీ నేతలు చెబుతున్నారు. గ్రేటర్ లో దాఖలైన నామినేషన్లలోనూ అధికార టీఆర్ఎస్ కంటే బీజేపీ పేరుతో వేసినవే ఎక్కువగా ఉన్నాయి. ఇంత వరకు  బాగానే రాష్ట్ర బీజేపీ ముఖ్య నేతల తీరే గందరగోళంగా మారిందని తెలుస్తోంది. ముఖ్య నేతల తీరుతో గ్రేటర్ ఎన్నికల్లో పార్టీకి నష్టం కలగవచ్చనే ఆందోళన కమలం కేడర్ లో కనిపిస్తోంది.

ఆయన నోట మళ్లీ ఢిల్లీ మాట! లైట్ తీసుకుంటున్న పార్టీలు

​దేశంలో గుణాత్మక మార్పు రావాలి.. బీజేపీ, కాంగ్రెస్‌ దొందూ దొందే.. ఆ పార్టీల వల్లే దేశం ఆగమైంది.. జాతీయ స్థాయిలో బీజేపీ, కాంగ్రెస్ కు వ్యతిరేకంగా అన్ని పార్టీలను ఏకం చేస్తా.. ఇవి తెలంగాణ ముఖ్యమంత్రి, తెలంగాణ రాష్ట్ర సమితి పార్టీ అధినేత కేసీఆర్ గత రెండేండ్లుగా చెబుతున్న మాటలు. ఎన్నికల సమయాల్లోనూ, తనకు ఇబ్బందికర పరిస్థితులు వచ్చినపుడే, బీజేపీ, కాంగ్రెస్ లపై ఈ తరహా కామెంట్లు చేస్తూ వచ్చారు కేసీఆర్. ఇంకా చేస్తూనే ఉన్నారు. తాజాగా గ్రేటర్ హైదరాబాద్ ఎన్నికల వేళ మరోసారి అవే వ్యాఖ్యలు చేశారు గులాబీ బాస్. బీజేపీని టార్గెట్ చేస్తూ జాతీయ రాజకీయాలపై మాట్లాడారు. కేంద్ర ప్రభుత్వ ప్రజా, రైతు, కార్మిక వ్యతిరేక విధానాలపై దేశవ్యాప్త పోరాటానికి టీఆర్ఎస్ సన్నద్ధమవుతోందని తెలిపారు. చాలా మంది ప్రాంతీయ నేతలతో మాట్లాడానని చెప్పారు కేసీఆర్.    జాతీయ రాజకీయాలపై కేసీఆర్ చేసిన తాజా ప్రకటనపై జనాల్లో ఆసక్తికర చర్చ జరుగుతోంది. రెండేండ్ల నుంచి చెబుతున్న మాటలే మళ్లీ చెప్పారనే అభిప్రాయమే వ్యక్తమవుతోంది. 2018లో అసెంబ్లీ ఎన్నికల్లో గెలవగానే జాతీయ పార్టీలపై ఓ రేంజ్ లో ఫైరయ్యారు కేసీఆర్. బీజేపీ, కాంగ్రెస్ వల్లే దేశం అభివృద్దికి నోచుకోలేదని ఆరోపించారు. ఈ రెండు పార్టీలు దేశానికి అరిష్టమంటూ ఘాటు వ్యాఖ్యలు చేశారు. బీజేపీ, కాంగ్రెస్ కు వ్యతిరేకంగా ఫెడరల్ ఫ్రంట్ ఏర్పాటు చేస్తామని తెలిపారు. అంతేకాదు త్వరలోనే ఢిల్లీ వెళ్తునున్నానని కూడా చెప్పారు గులాబీ బాస్. భువనేశ్వర్ వెళ్లి ఒడిశా ముఖ్యమంత్రితో మాట్లాడారు. చెన్నె వెళ్లి స్టాలిన్ తో సమావేశమయ్యారు. కోల్ కతా వెళ్లి బెంగాల్ ముఖ్యమంత్రి మమతా బెనర్డీతోనూ మంత్రాగం చేశారు. లక్నో వెళ్లి ఎస్పీ అధినేత అఖిలేష్ యాదవ్, బీఎస్పీ చీఫ్ మాయావతిని కలిశారు. దీంతో ఫెడరల్ ఫ్రంట్ పై కేసీఆర్ సీరియస్ గా వర్కవుట్ చేస్తున్నారనే అభిప్రాయం వచ్చింది.    తర్వాత ఏమైందో ఏమోకాని తుస్సుమనిపించారు కేసీఆర్. ఫెడరల్ ఫ్రంట్ మాట కూడా మర్చిపోయారు. అప్పటి నుంచి ఇంతవరకు ఆయన ఢిల్లీ వెళ్లింది లేదు.. ఫెడరల్ ఫ్రంట్ వచ్చింది లేదు. గత లోక్ సభ ఎన్నికల్లో బీజేపీకి సంపూర్ణ మెజార్టీ రావడంతో ఢిల్లీకి వెళ్లినా చేసేది ఏమి లేదని భావించిన కేసీఆర్ సైలెంట్ అయ్యారని చెబుతున్నారు. బీజేపీకి సంపూర్ణ మెజార్టీ రాకపోతే.. ప్రాంతీయ పార్టీలతో కలిసి హడావుడి చేయాలని చూశారని, మోడీ ప్రభంజనం వీచడంతో కేసీఆర్ ఆశలు ఆవిరయ్యాయనే ప్రచారం జరిగింది. కేసీఆర్ ఫెడరల్ ప్రంట్ ఏర్పాట్లకు సంబందించి మరో ప్రచారం కూడా జరిగింది. ఎన్డీఏ నుంచి బయటికొచ్చిన టీడీపీ అధినేత,అప్పటి ఏపీ ముఖ్యమంత్రి చంద్రబాబు బీజేపీకి వ్యతిరేకంగా దేశ వ్యాప్తంగా ప్రచారం చేశారు. బీజేపీపై ఆయన తీవ్ర స్థాయిలో ఆరోపణలు చేశారు. ఢిల్లీలో కేజ్రీవాల్ , కోల్ కతాల్లో మమతా బెనర్జీలు నిరసనకు దిగితే అక్కడికి వెళ్లి వారికి మద్దతు తెలిపారు. చంద్రబాబు దూకుడుతో లోక్ సభ ఎన్నికల తర్వాత జాతీయ రాజకీయాల్లో ఆయనే చక్రం తిప్పబోతున్నారనే ప్రచారం జరిగింది. చంద్రబాబుకు జాతీయ స్థాయిలో వస్తున్న క్రేజీని జీర్ణించుకోలేకే.. ఆయనకు పోటీగా కేసీఆర్ ఫెడరల్ ఫ్రంట్ ప్రస్తావన తెరపైకి తెచ్చారని కొందరు రాజకీయ విశ్లేషకులు చెబుతున్నారు.    గత ఆగస్టులో మరోసారి జాతీయ రాజకీయాల ప్రస్తావన తెచ్చారు కేసీఆర్. మోడీ సర్కార్ రైతు వ్యతిరేక విధానాలకు వ్యతిరేకంగా దేశ వ్యాప్తంగా ఉద్యమానికి ప్లాన్ చేస్తున్నానని చెప్పారు. హైదరాబాద్ లోనే విపక్ష పార్టీలతో సమావేశం పెట్టబోతున్నానని, అన్ని ప్రాంతీయ పార్టీ నేతలను ఆహ్వానిస్తానని చెప్పారు. అప్పుడు కూడా కేసీఆర్ ఢిల్లీకి  వెళ్తారేమోనని జనాలు భావించారు. కేటీఆర్ కు ముఖ్యమంత్రి పగ్గాలు అప్పగించి ఢిల్లీకి వెళ్లేందుకు కేసీఆర్ సిద్ధమవుతున్నారనే చర్చ కూడా జోరుగా జరిగింది. కాని అప్పుడు కూడా కేసీఆర్ మాటలు గాలి మాటలుగానే మిగిలిపోయాయి. హైదరాబాద్ లో సమావేశం జరగలేదు.. ఏ పార్టీ నేత వచ్చి కేసీఆర్ ను కలవలేదు. టీఆర్ఎస్ అధినేత కూడా ఏ లీడర్ తోనూ మాట్లాడలేదు. కనీసం ఫోన్ లో కూడా కేసీఆర్ ఏ ప్రాంతీయ పార్టీ నేతతోనూ మాట్లాడినట్లు కనిపించ లేదు. జీఎస్టీ బకాయిలను కేంద్రం విడుదల చేయడం లేదంటూ లేఖలు రాసి సెప్టెంబర్ లో మరోసారి హడావుడి చేశారు కేసీఆర్. కేంద్రం తీరుకు నిరసనగా ప్రాంతీయ పార్టీలు అధికారంలో ఉన్న రాష్ట్రాల ఆర్థికమంత్రులతో సమావేశం పెడతామని కూడా ప్రకటించారు. కాని అది కూడా జరగలేదు.    తాజాగా పార్టీ నేతలతో నిర్వహించిన గ్రేటర్ ఎన్నికల సన్నద్దత సమావేశంలో జాతీయ రాజకీయాలపై మాట్లాడారు కేటీఆర్. కేంద్రంలోని నరేంద్రమోడీ ప్రభుత్వం గత ఆరున్నరేళ్లలో దేశానికి చేసిందేమీ లేదని, తప్పుడు ప్రచారాలతో, తప్పుడు విధానాలతో దేశాన్ని తిరోగమనం వైపు నెట్టిందని కేసీఆర్‌ విమర్శించారు. బీజేపీ, కాంగ్రెస్‌ దొందూ దొందేనని, బడేభాయ్‌ వెంట చోటే భాయ్‌ అన్నట్లు దేశాన్ని సరైన దిశ చూపెట్టడంలో విఫలం అయ్యాయన్నారు. ఆ రెండు మూస పార్టీల నుంచి దేశానికి విముక్తి కావాలని, అందుకు  హైదరాబాద్‌ నుంచే యుద్ధం ప్రకటిస్తామన్నారు. దేశంలోని ఇతర ప్రతిపక్షాలన్నింటినీ ఒక్క తాటిపై నిలిపేందుకు  ప్రయత్నాలు చేస్తున్నామని  చెప్పారు. ఇప్పటికే పశ్చిమబెంగాల్‌ ముఖ్యమంత్రి మమతా బెనర్జీ, కేరళ సీఎం విజయన్‌, ఢిల్లీ ముఖ్యమంత్రి కేజ్రీవాల్‌, ఒడిశా సీఎం నవీన్‌ పట్నాయక్‌, డీఎంకే నేత స్టాలిన్‌, ఉత్తర్‌ప్రదేశ్‌, మహారాష్ట్ర, పంజాబ్‌, కర్ణాటక మాజీ ముఖ్యమంత్రులు అఖిలేశ్‌ యాదవ్‌, శరద్‌పవార్‌, ప్రకాశ్‌సింగ్‌ బాదల్‌, కుమారస్వామి, సీపీఐ, సీపీఎం నాయకులతో మాట్లాడానని తెలిపారు. డిసెంబరు రెండోవారంలో హైదరాబాద్‌లో సమావేశం నిర్వహించి దేశవ్యాప్త ఉద్యమం గురించి చర్చిస్తామన్నారు కేసీఆర్.    కేసీఆర్ తాజా ప్రకటనకు ఇటీవల జరిగిన దుబ్బాక ఉప ఎన్నికలో బీజేపీ గెలవడం, గ్రేటర్ హైదరాబాద్ ఎన్నికల్లోనూ బీజేపీ తమకు గట్టి పోటీ ఇస్తుండటంతో కారణమనే చర్చ జరుగుతోంది. తెలంగాణలో బీజేపీ బలమైన శక్తిగా ఎదగడంతో.. ఆ పార్టీని టార్గెట్ చేస్తున్నారని చెబుతున్నారు. జీహెచ్ఎంసీలో గెలిచేందుకు ఇలా ఎత్తులు వేస్తున్నారని, గ్రేటర్ ఎన్నికలు ముగియగానే జాతీయ రాజకీయాలపై మళ్లీ కేసీఆర్ మాట్లాడరని చెబుతున్నారు. ఫెడరల్ ఫ్రంట్ పై కేసీఆర్ కు నిజంగా చిత్తశుద్ది ఉంటే ఎప్పుడో ఆ పని చేసేవారంటున్నారు. కేంద్రం తీసుకువచ్చిన వ్యవసాయ చట్టాలపై ఉద్యమం చేస్తానంటున్న కేసీఆర్.. ఆ బిల్లులు పార్లమెంట్ ముందుకు వచ్చిన సమయంలో ఆ పని ఎందుకు చేయలేదనే ప్రశ్న ప్రజల నుంచి వస్తోంది. కేంద్రం తీసుకువచ్చిన మెజార్టీ బిల్లులకు మద్దతు ఇచ్చిన టీఆర్ఎస్.. ఇప్పుడు కేంద్రం ఏం చేయడం లేదని విమర్సిండంలో అర్ధం లేదంటున్నారు. కేసీఆర్ జాతీయ రాజకీయాలపై చేస్తున్న ప్రటనకను ఎవరూ సీరియస్ గా తీసుకోవడం లేదని పొలిటికల్ అనలిస్టులు చెబుతున్నారు.

కేసీఆర్‌-కేటీఆర్ పాచిక పారింది.. టాలీవుడ్ నుంచి భారీ ప్ర‌చారం ల‌భించింది!

  ఎట్ట‌కేల‌కు తెలంగాణ ప్రభుత్వం 50 శాతం ఆక్యుపెన్సీతో థియేటర్లను తిరిగి ఓపెన్ చేసుకోడానికి అనుమతి ఇచ్చింది. సినిమా థియేటర్లు మినహా అన్ని రంగాల్లో దేశవ్యాప్తంగా ఉన్న ఆంక్షలను కేంద్రం ఎత్తివేసింది. ఇతర పబ్లిక్ ఎంటర్టైన్మెంట్ పార్కులతో పాటు రెస్టారెంట్లు, బార్లకు ఎటువంటి పరిమితులు లేకుండా పూర్తి ఆక్యుపెన్సీతో న‌డుస్తున్నాయి. సినిమాల విషయానికి వస్తే విషయాలు భిన్నంగా ఉంటున్నాయి. 50 శాతం ఆక్యుపెన్సీతో పెట్టుబడులను తిరిగి పొందే అవ‌కాశం లేనందున‌ నిర్మాతలు ఆ రూల్‌కు పూర్తి వ్యతిరేకత‌తో ఉన్నారు. కొంతమంది నిర్మాతలు పెట్టుబడులను తిరిగి పొందడానికి అదనపు షోలు, టికెట్ల ధ‌ర‌ల పెంపుతో పాటు క‌నీసం 75 శాతం ఆక్యుపెన్సీ ప్లాన్‌ను సూచిస్తున్నారు. 2021 జనవరి 1 నుండి కేంద్రం 100 శాతం ఆక్యుపెన్సీని మంజూరు చేస్తుందనే అభిప్రాయం వ్య‌క్త‌మ‌వుతోంది. ప్రస్తుతానికైతే, ప్ర‌భుత్వ‌ పరిమితులతో తమ సినిమాలను విడుదల చేయడానికి టాలీవుడ్ నిర్మాతలు సిద్ధంగా లేరు, థియేట‌ర్లు తెరుచుకుంటాయ‌న్న‌ సంతోషంతోనూ లేరు. అదనపు షోలు వేస్తే అందుకు అనుగుణంగా ఖర్చులు కూడా పెరుగుతాయి. అందువ‌ల్ల ప్రొడ్యూస‌ర్లు, డిస్ట్రిబ్యూట‌ర్లకు ఒన‌గూడే ప్ర‌యోజ‌నం త‌క్కువే. దేశం మొత్తం ఆర్థిక సంక్షోభంతో కొట్టుమిట్టాడుతున్న ఈ త‌రుణంలో రూ. 50 టికెట్‌ను రూ. 100 చేస్తే కొన‌డానికి ఎవ‌రు సిద్ధంగా ఉంటార‌నేది పెద్ద ప్ర‌శ్న‌. టికెట్ ధరలు పెరిగితే చాలా మధ్యతరగతి కుటుంబాలు థియేటర్ల ముఖం చూడ‌వు. 50 శాతం ఆక్యుపెన్సీ ప‌రిమితి ఉన్నంత కాలం భారీ బ‌డ్జెట్ సినిమాలు థియేట‌ర్ల‌లో విడుద‌ల‌వుతాయ‌నే న‌మ్మ‌కం లేదు. వ‌చ్చే సంక్రాంతిపై టాలీవుడ్ ఆశలు పెట్టుకుంది. థియేటర్లలో 100 శాతం ఆక్యుపెన్సీకి అవ‌కాశం ఉంటేనే వరుస చిత్రాలు విడుదలవ‌డానికి ఆస్కారం క‌లుగుతుంది. హైద‌రాబాద్ గ్రేట‌ర్ మునిసిప‌ల్ కార్పొరేష‌న్ ఎన్నిక‌ల‌ను దృష్టిలో ఉంచుకొని తెలంగాణ ముఖ్య‌మంత్రి కె. చంద్ర‌శేఖ‌ర్‌రావు చిత్ర‌ప‌రిశ్ర‌మ‌పై వ‌రాల జ‌ల్లు కురిపించారు. ఈ వ‌రాల‌కు టాలీవుడ్ ప్ర‌ముఖ సెల‌బ్రిటీలు ప్ర‌భుత్వానికి ధ‌న్య‌వాదాలు చెబుతార‌నీ, ప్ర‌భుత్వాన్ని ప్ర‌శంసిస్తూ ఆకాశానికెత్తేస్తార‌నీ ఆయ‌న‌కూ, ఆయ‌న త‌న‌యుడు కేటీఆర్‌కూ బాగా తెలుసు. అస‌లు సినిమా ఇండ‌స్ట్రీపై ఈ వ‌రాల‌ను ప్ర‌క‌టించ‌డానికి వెనుక కేటీఆర్ ఉన్నార‌ని వినిపిస్తోంది. వారి ఊహ‌ల‌కు త‌గ్గ‌ట్లే చిరంజీవి, మ‌హేశ్‌బాబు మొద‌లుకొని అనేక‌మంది సెల‌బ్రిటీలు, సినిమా సంఘాలు తెలంగాణ ప్ర‌భుత్వానికీ, కేసీఆర్‌, కేటీఆర్‌ల‌కు ధ‌న్య‌వాదాలు తెలుపుతూ సోష‌ల్ మీడియాలో పోస్టులు పెట్టారు. జీహెచ్ఎంసీ ఎన్నిక‌ల ముంగిట వారికి ఇంత‌కంటే కావాల్సింది ఏముంటుంది!

మారుతి డైరెక్ష‌న్‌లో మాస్ మ‌హారాజా

  గతేడాది 'ప్రతిరోజు పండ‌గే' చిత్రంతో భారీ విజయాన్ని అందించినప్పటికీ, దర్శకుడు మారుతి తన తదుపరి చిత్రానికి ఏ స్టార్‌ను ఒప్పించలేకపోయాడు. దాదాపు ఒక సంవత్సరం పాటు, అనేక మంది స్టార్స్ చుట్టూ చ‌క్క‌ర్లు కొట్టిన‌ తరువాత, వరుసగా నాలుగు ఫ్లాప్‌లను చ‌విచూసి, మ‌ళ్లీ త‌నేమిటో చూపించాల‌ని ఎదురుచూస్తున్న‌ రవితేజతో కలిసి పనిచేయాలని అత‌ను నిర్ణయించుకున్నాడు. ఈ మూవీని యు.వి. క్రియేష‌న్స్ బ్యాన‌ర్ నిర్మించ‌నుంది. ర‌వితేజ ఇటీవ‌లే 'క్రాక్' మూవీని పూర్తిచేసి, ప్ర‌స్తుతం ర‌మేశ్‌వ‌ర్మ డైరెక్ట్ చేస్తున్న మూవీని చేస్తున్నాడు. న‌క్కిన త్రినాథ‌రావు ద‌ర్శ‌క‌త్వంలో ఓ సినిమా చేయ‌డానికి అంగీక‌రించాడు. ఆ సినిమాతో పాటు మారుతి ద‌ర్శ‌క‌త్వంలో ఏక కాలంలో న‌టించ‌డానికి ఆయ‌న ప్లాన్ చేస్తున్నాడు. అనిల్ రావిపూడి ద‌ర్శ‌క‌త్వంలో చేసిన 'రాజా ది గ్రేట్' మూవీ ర‌వితేజ చివ‌రి హిట్ ఫిల్మ్‌. దాని త‌ర్వాత వ‌రుస‌గా ట‌చ్ చేసి చూడు, నేల టిక్కెట్టు, అమ‌ర్ అక్బ‌ర్ ఆంటోని, డిస్కో రాజా చిత్రాల‌తో ఫ్లాపులు చ‌విచూశాడు. గోపీచంద్ మ‌లినేని డైరెక్ష‌న్‌లో చేసిన 'క్రాక్' సినిమాతో మ‌ళ్లీ స‌క్సెస్ ట్రాక్‌లోకి వ‌స్తాన‌ని ఆయ‌న న‌మ్ముతున్నాడు.

'దిశ ఎన్‌కౌంట‌ర్' విష‌యంలోనూ చిక్కుల్లో ఆర్జీవీ!

  నిన్న‌గాక మొన్న 'మ‌ర్డ‌ర్' మూవీ విష‌యంలో న్యాయ‌ప‌ర‌మైన‌ ఆటంకాలు ఎదుర్కొని బ‌య‌ట‌ప‌డిన వివాదాస్పద దర్శకుడు రామ్ గోపాల్ వర్మ తన రాబోయే మ‌రో చిత్రం 'దిశ‌ ఎన్‌కౌంట‌ర్' విష‌యంలోనూ చట్టపరమైన ఇబ్బందుల్లో పడ్డారు. ఇది గత సంవత్సరం జరిగిన విషాద దిశ త‌ర‌హా ఘ‌ట‌న‌ల‌ ఆధారంగా రూపొందింది. దిశ కేసులో నలుగురు నిందితుల కుటుంబీకులు దాఖ‌లు చేసిన కేసులో తెలంగాణ హైకోర్టు రామ్ గోపాల్ వర్మకు షో కాజ్ నోటీసు జారీ చేసింది. దిశపై దాడి చేసి, ఆమెను కిరాతకంగా హ‌త్య చేశార‌ని ఆరోపణలు ఎదుర్కొంటున్న న‌లుగురు నిందితుల కుటుంబ సభ్యులు రామ్ గోపాల్ వర్మ త‌మ‌ను 'దిశ ఎన్‌కౌంట‌ర్' మూవీలో చెడుగా చూపిస్తున్నార‌ని ఆ కేసులో పేర్కొన్నారు. రామ్ గోపాల్ వర్మ చిత్రం త‌న క్ల‌యింట్ల‌ను తీవ్ర మాన‌సిక ఆందోళ‌న‌ల‌కు గురిచేస్తోంద‌ని నిందితుల కుటుంబ సభ్యులకు ప్రాతినిధ్యం వహిస్తున్న న్యాయవాది అన్నారు. 'దిశ ఎన్‌కౌంటర్' మూవీని థియేటర్లలో విడుదల చేయడానికి అనుమతించరాదని న్యాయవాది వాదించారు. ఆర్జీవీ ఇప్పుడు షో-కాజ్ నోటీసుకు ప్రతిస్పందించాల్సి ఉంది.

'ఫైట‌ర్' తండ్రిగా 'పోలిస్ క‌మిష‌న‌ర్‌'?

  విజయ్ దేవరకొండ ప్రస్తుతం డైరెక్ట‌ర్‌ పూరి జగన్నాథ్‌తో కలిసి ఒక ఉత్తేజకరమైన చిత్రం పనిలో బిజీగా ఉన్నాడు. 'ఫైటర్' పేరుతో రూపొందుతోన్న‌ ఈ చిత్రానికి సంబంధించి చాలా ఆసక్తికరమైన అంశాలు ఉన్నాయి. ఈ చిత్రంలో విజయ్ బాక్సర్ పాత్రను పోషిస్తున్నాడు. అత‌ని జోడీగా బాలీవుడ్ బ్యూటీ అన‌న్యా పాండే న‌టిస్తోంది. విజయ్ తండ్రి పాత్రలో నటించడానికి సీనియర్ మలయాళ నటుడు సురేష్ గోపిని పూరి సంప్ర‌దించిన‌ట్లు తాజా రిపోర్టులు వెల్లడిస్తున్నాయి. ఈ చిత్రంలో తండ్రీకొడుకుల అనుబంధం ప్ర‌త్యేకాక‌ర్ష‌ణ‌గా నిలుస్తుంద‌ని తెలుస్తోంది. సురేష్ గోపి అయితే ఆ క్యారెక్ట‌ర్‌కు న్యాయం జ‌రుగుతుంద‌ని పూరి భావిస్తున్నాడు. 'పోలీస్ క‌మిష‌న‌ర్' లాంటి డ‌బ్బింగ్ సినిమా ద్వారా ఆయ‌న తెలుగు ప్రేక్షకులకు సుప‌రిచితుడే. మ‌ల‌యాళంలో స్టార్ యాక్ట‌ర్ అయిన ఆయ‌న శంక‌ర్ డైరెక్ష‌న్‌లో వ‌చ్చిన 'ఐ' మూవీలో విల‌న్‌గానూ న‌టించి త‌న‌లోని విల‌క్ష‌ణ‌త‌ను ప్ర‌ద‌ర్శించారు. కొంత‌కాలం విరామంతో ఆయ‌న మిగ‌తా భాష‌ల చిత్రాల్లో న‌టిస్తూ వ‌స్తున్నారు. ఒకేసారి వేర్వేరు సినిమాల్లో భాగం కావాలని ఆయ‌న ఎదురు చూస్తున్నారు. ఏదేమైనప్పటికీ, సురేష్ గోపి వ‌స్తే క‌చ్చితంగా ఈ ప్రాజెక్టుకు చాలా విలువ వ‌స్తుంద‌ని చెప్ప‌వ‌చ్చు. త్వ‌ర‌లో దీనికి సంబంధించి అధికారిక స‌మాచారం రానుంది.

గౌత‌మ్ అలా చేయ‌క‌పోతే కాజ‌ల్ పెళ్లాడేది కాద‌ట‌!

  టాలీవుడ్ చంద‌మామ కాజ‌ల్ అగ‌ర్వాల్ త‌న సుదీర్ఘ కాల బాయ్‌ఫ్రెండ్ గౌత‌మ్ కిచ్లును అక్టోబ‌ర్ 30న పెళ్లాడింది. వివాహం తరువాత, ఆమె తన భర్తతో కలిసి హనీమూన్ వెళ్ళింది . ఆ ఇద్ద‌రూ మాల్దీవుల్లో హనీమూన్‌ను ఆస్వాదించారు. గౌతమ్‌తో వివాహానికి అంగీకరించడానికి ఒక కారణం ఉందని కాజల్ తెలిపింది. అంద‌రు అమ్మాయిల మాదిరిగానే, తన కాబోయే భర్త మోకాళ్లపై నిల్చొని ఎర్ర గులాబీని ఇవ్వడం ద్వారా తన ప్రేమను వ్యక్తం చేయాలని ఆమె కోరుకుంది. ఆమె కోరుకున్న విధంగానే గౌతమ్ కిచ్లు ఆమెకు ప్ర‌పోజ్ చేశాడు. ఈ కారణంగా, గౌతమ్‌తో మ్యారేజ్‌కి కాజల్ గ్రీన్ సిగ్నల్ ఇచ్చింది. అలా చేయకపోతే అతన్ని వివాహం చేసుకోవడం కష్టమేన‌ని ఆమె సరదాగా వ్యాఖ్యానించింది. ప్రతి అమ్మాయి తాను వివాహం చేసుకోబోయే వ్యక్తి నుండి గులాబీని పొందాలని కోరుకుంటుందని కాజల్ చెప్పింది. పెళ్లిని ఖాయం చేసుకునే ముందు గౌతమ్ తన తల్లిదండ్రులతో మాట్లాడాడని కాజల్ తెలిపింది. అయితే అతను మోకాళ్లపై ఉండి గులాబీతో ప్రపోజ్ చేయాల‌ని ఆమె రూల్ పెట్టింది. వ‌ర్క్ విష‌యానికి వ‌స్తే, కొరటాల శివ దర్శకత్వంలో చిరంజీవి టైటిల్ రోల్ చేస్తున్న‌ 'ఆచార్య' చిత్రంలో కాజల్ అగర్వాల్ కనిపించనుంది. డిసెంబర్ 5 నుండి ఆమె సెట్స్‌లో ఉంటున్న‌ట్లు సమాచారం. సగానికి పైగా షూటింగ్ పూర్తయిన ఈ చిత్రం కరోనావైరస్ కార‌ణంగా విధించిన లాక్‌డౌన్‌తో వాయిదా పడింది. లాక్‌డౌన్ ముగిసి, ప్ర‌భుత్వం అనుమ‌తులు ఇచ్చాక షూటింగ్‌ను పున‌రుద్ధ‌రించారు. విష్ణు మంచు నటిస్తోన్న 'మోస‌గాళ్లు' చిత్రంలో ఆమె అత‌ని సోద‌రిగా క‌నిపించ‌నుండ‌టం విశేషం. అలాగే కమల్ హాసన్ సినిమా 'ఇండియన్ 2'లో ఆమె ఆయ‌న జోడీగా న‌టిస్తోంది. ఈ చిత్రానికి ప్రఖ్యాత దర్శకుడు శంకర్ దర్శకత్వం వహిస్తున్నారు.

రాజకీయాలకు బలౌతున్న ఐఏఎస్ అధికారులు

ఇద్దరు అధికారులు దివంగత వై ఎస్ రాజశేఖరరెడ్డి ముఖ్యమంత్రిగా ఉన్నప్పుడు కీలకమైన శాఖలు నిర్వహించిన వారు. ప్రస్తుత ముఖ్యమంత్రి జగన్ చేతిలో వీరిద్దరూ తీరని అవమానాలకు గురౌతున్నారు. తండ్రి చేతిలో ఎత్తులు చుసిన వారు తనయుడి చేతిలో లోతులు చూస్తున్నారు. వారిద్దరూ సీనియర్ ఐఏఎస్ అధికారులు. ఒకరినైతే మెడపట్టుకుని బయటకు గెంటేశారు. మరొకరిని కులం పేరుతో కుళ్లపొడుస్తున్నారు. విచిత్రం ఏమిటంటే ఈ ఇద్దరు అధికారులూ కూడా చంద్రబాబు అంటే గిట్టనివారే. ఇద్దరు అధికారులు కూడా చంద్రబాబు ముఖ్యమంత్రిగా ఉన్నప్పుడు చిన్న చూపుకు గురి అయిన వారే. ఒకరు బలయ్యారు.. మరొకరు అవుతున్నారు. ఆ ఇద్దరూ ఎవరంటే ఒకరు ఎల్‌వి సుబ్రహ్మణ్యం. రెండో వారు నిమ్మగడ్డ రమేష్ కుమార్. చంద్రబాబు ముఖ్యమంత్రిగా ఉన్న సమయంలో సీనియర్ అయినా ఎల్‌వి సుబ్రహ్మణ్యంకు జగన్ కేసుల్లో సహా ముద్దాయిగా ఉన్నారని ప్రాధాన్య పోస్టులు ఇవ్వలేదు. ఒక సందర్భంలో కీలకమైన వైద్య ఆరోగ్య శాఖ కార్యదర్శి పోస్టు ఇచ్చినా మళ్ళీ ఆయనను అక్కడ నుంచి తీసి అత్యంత చిన్నదైన యువజన శాఖకు మార్చారు. ఇక రమేష్ కుమార్ పరిష్తితి కూడా దాదాపుగా అంతే. చంద్రబాబు హయాంలో ఆయనకు ఏ కీలక శాఖ లభించలేదు. ఈ ఇద్దరూ వై ఎస్ రాజశేఖరరెడ్డి ముఖ్యమంత్రిగా ఉన్నప్పుడే ప్రతిభకు తగిన గుర్తింపు పొందారు. ఎల్‌వి సుబ్రహ్మణ్యం, రమేష్ కుమార్ ఇద్దరూ ఆర్ధిక శాఖను నిర్వహించిన వారే. ఆర్ధిక శాఖలో ఈ ఇద్దరిదీ ప్రత్యేకమైన శైలి అని వారితో సాన్నిహిత్యం ఉన్న అధికారులు అంటారు. రాష్ట్రంలో ఆర్ధిక క్రమశిక్షణ తీసుకురావడంలో బిల్లుల చెల్లింపు తదితర విషయాలలో ఎలాంటి వివాదాలు రాకుండా చూసిన వారన్న విషయాన్ని మర్చిపోలేం అని చెప్తున్నారు. ఆర్ధిక క్రమశిక్షణ తీసుకురావడం, జవాబుదారీతనం, దుబారా తగ్గించడం వంటి విషయాల్లో ఈ ఇద్దరూ అనేక చర్యలు తీసుకున్నారు.వీరికి ఇంకో పోలిక కూడా ఉంది. నిమ్మగడ్డ రమేష్ కుమార్, ఎల్‌వి సుబ్రహ్మణ్యం ఇద్దరూ కూడా తిరుమల తిరుపతి దేవస్థానం ట్రస్టు బోర్డు ముఖ్య కార్యనిర్వహణాధికారులుగా పని చేశారు. ఈ ఇద్దరి హయాంలో తిరుమల పవిత్రత రెండింతలు పెరగడమే కాకుండా క్రమ శిక్షణ ఉండేదన్న విషయం మర్చిపోరాదు. భక్తుల సౌకర్యార్ధం ఈ ఇద్దరి హయాంలో పలు కీలక నిర్ణయాలు తీసుకున్నారు. ఎంతో సీనియర్ రాజకీయ నాయకులు ట్రస్టు బోర్డు చైర్మన్లుగా ఉన్నా కూడా ఎల్‌వి సుబ్రహ్మణ్యం, రమేష్ కుమార్ ఈవోలుగా ఉన్నప్పుడు వీరు చెప్పినట్లే నడచుకునేవారన్న పేరుండేది. వృత్తి పట్ల అంతటి నిబద్ధతతో ఈ ఇద్దరు అధికారులు పని చేశారు. అత్యంత సీనియర్ అయిన ఎల్‌వి సుబ్రహ్మణ్యం ను పక్కన పెట్టి ఆయన కన్నా జూనియర్లకు చంద్రబాబునాయుడు చీఫ్ సెక్రటరీ పదవిని అప్పగించారు. అయినా ఎల్‌వి సుబ్రహ్మణ్యం ఎలాంటి వివాదాస్పద వ్యాఖ్యలు చెయ్యని విషయం మనం చూసాం. సార్వత్రిక ఎన్నికల సమయంలో అప్పటి రాష్ట్ర ప్రభుత్వ ప్రధాన కార్యదర్శి పునేటాను పక్కన పెట్టి కేంద్ర ఎన్నికల సంఘం ఎల్‌వి సుబ్రహ్మణ్యంను రాష్ట్ర ప్రభుత్వ ప్రధాన కార్యదర్శిగా నియమించింది. ఎన్నికల కమీషన్ ప్రధాన కార్యదర్శిగా నియమించాక సహ ముద్దాయిని సిఎస్ గా ఎలా నియమిస్తారని విమర్శించారు కూడా.   ఆ తర్వాత ముఖ్యమంత్రి అయిన జగన్ ఎల్‌వీ ని కొనసాగించగా జగన్ ను అందరూ మెచ్చుకున్నారు కూడా. అయితే ఏమైందో ఏమూ కానీ కొద్ది కాలంలోనే ఎల్‌వి ని అత్యంత అవమానకరంగా పదవి నుంచి జగన్ తొలగించిన విధానం కూడా తెలిసిందే. ఇప్పుడు నిమ్మగడ్డ రమేష్ కుమార్ కు కూడా దాదాపుగా అలానే జరిగింది. ఆయనను రాష్ట్ర ఎన్నికల అధికారిగా నియమించడం చంద్రబాబుకు అస్సలు ఇష్టం లేదు. చంద్రబాబు దగ్గర పని చేయడం రమేష్ కుమార్ కూ ఇష్టం లేదని అంటారు. అయితే తన కార్యదర్శిగా పని చేసిన రమేష్ కుమార్ కు రాష్ట్ర ఎన్నికల సంఘానికి నియమించాలని అప్పటి గవర్నర్ ఇ ఎస్ ఎల్ నర్సింహన్ చంద్రబాబుపై వత్తిడి తెచ్చారనీ. గత్యంతరం లేని పరిస్థితుల్లో చంద్రబాబు రమేష్ కుమార్ కు రాష్ట్ర ఎన్నికల సంఘాన్ని అప్పగించారనీ అంటున్నారు. రమేష్ కుమార్ పేరు బదులు వేరే అధికారి పేరు రాష్ట్ర ఎన్నికల సంఘానికి సిఫారసు చేశామని చంద్రబాబు కూడా చెప్పారు. అటువంటి రమేష్ కుమార్ ఇప్పుడు చంద్రబాబు ఏజెంటుగా జగన్ చేతిలో ముద్ర వేయించుకోవడం దురదృష్టం. ఈ ఇద్దరూ ముక్కుసూటిగా మాట్లాడే అధికారులు. ఎలాంటి మొహమాటం లేకుండా విధులు నిర్వర్తించే వారన్న పేరుంది. అలాంటి ఈ ఇద్దరూ కూడా అత్యంత ఘోరమైన అవమానాన్ని పొందారు. ఈ అవమానాలకు వీరు అర్హులు కాదని మాత్రం కచ్చితంగా చెప్పవచ్చని అధికార వర్గాలు అనుకుంటున్నారు. నాయకులు తమ స్వంత ప్రయోజనాల కోసం అఖిల భారత సర్వీసు అధికారులకు కులాలు, ప్రాంతాలు అంటగట్టడం ఏంటని కొందరు ఆవేదన చెందుతున్నారు.

ఆంధ్ర లో బీజేపీ 'పంచ్' తంత్రం...

  * దిగుమతి నాయకులు, బిజినెస్ లీడర్లు, లాబీయిస్టులు కలిసి బీ జె పి ని ఎటు నడిపిస్తారో....  * ఇంతకీ స్థానిక సమరం లో సత్తా చూపించే ట్యాలెంట్ ఆ పార్టీకి ఉన్నట్టా, లేనట్టా....  * జి వి ఎల్ ఋతుపవనాల్లాంటి వారు... ఇలావచ్చి అలా పలకరించి, అటు నుంచి ఆటే మాయమైపోతారు  * సి ఎం రమేష్ లాబీ మాస్టర్ గా ఢిల్లీ లో ప్రసిద్ధులు.. నోకియా మాదిరి ఈయన కూడా కనెక్టింగ్ పీపుల్ నినాదాన్ని బలంగా నమ్మిన వారు  * సుజనా చౌదరి... గత్యంతరం లేని పరిస్థితుల్లో అమరావతి నినాదాన్ని భుజాన వేసుకుని చందమామ కథలో విక్రమార్కుడి మాదిరి ... వై ఎస్ ఆర్ సి పి లోని బేతాళుడి తో జగడమాడుతుంటారు  * టీ జీ వెంకటేష్.. అవసరార్ధ రాజకీయాల కు కేరాఫ్ అడ్రెస్ .... రాయలసీమ అనేది ఈయనకు ట్యాగ్ లైన్ ...దురదపుట్టినప్పుడు గోక్కోవటానికి ఉపయోగపడే ఆరో వేలుగా ఆయన ఆ నినాదాన్ని బాగా వాడేస్తారు..  * అంగ వంగ కళింగ రాజ్యాలను అవలీలగా గెలిచిన చక్రవర్తి, చివరకు ఆముదాలవలస లో ఓడిపోయినట్టు, రాష్ట్ర బీ జె పి అధ్యక్షుడు కన్నా లక్ష్మీ నారాయణ , చివరకు పవన్ కళ్యాణ్ తో కలిసి స్థానిక సమరం లో బీజేపీకి కాస్తో కూస్తో ఉన్న ఇమేజ్ ని పణం గాపెట్టే సాహసానికి ఒడిగట్టారు  ఆ ఐదుగురూ ఇంతకీ ఏమి చేస్తున్నట్టు..భారతీయ జనతా పార్టీ దిగుమతుల విభాగం నుంచి డంప్ అయిన జి వి ఎల్ నరసింహారావు , అలాగే తెలుగు దేశం నుంచి బీ జె పి లోకి దిగుమతి అయిన సుజనా చౌదరి, సి ఎం రమేష్, టీ జీ వెంకటేష్ , కాంగ్రెస్ లో నుంచి బీ జె పి లోకి షిఫ్ట్ అయిన  బీ జె పి అధ్యక్షుడు కన్నా లక్ష్మీ  నారాయణ కలిసి ఈ స్థానిక సమరం లో రాష్ట్రం మొత్తం మీద కనీసం ఒక్కొక్కరికి 50 చొప్పున 250 మంది ఎం పి టి సి లు, జెడ్ పీ టి సి లను  గెలిపించుకురాగలరా అనేది చాలా పెద్ద సందేహం గా కనిపిస్తోంది. ఎందుకంటే, నిన్ననే విజన్ డాక్యుమెంట్ ని కలిసి ఆవిష్కరించిన బీ జె పి , జన సేన కంబైన్ నేతలు , చాలా పెద్ద  దృశ్యాన్నే జనం ముందు ఆవిష్కరించే ప్రయత్నం చేశారు. వై ఎస్ ఆర్ సి పి, తెలుగుదేశం పార్టీ లకు తామే ప్రత్యామ్నాయమన్నట్టు గా ప్రకటించుకున్న ఈ ఐదుగురిదీ  వాస్తవానికి తలో దారీ.. ఎవరు , ఎప్పుడు, ఎందుకు, ఎలా మాట్లాడతారో తెలీని గందర గోళం ....  జి వి ఎల్ నరసింహ రావు ది అయితే సొంత రాజ్యాంగం, పూర్తిగా పార్టీ రాష్ట్ర శాఖ తో  గానీ, లేదా బీ జె పి లో ఉన్నతెలుగుదేశం మాజీ లతో  కానీ ఈయనకు ఎలాంటి సంబంధాలు ఉండవు.  రాష్ట్రాన్ని ఎప్పుడైనా పలకరించడానికి రుతు పవనాల మాదిరి అలా చుట్టపు చూపు గా వచ్చేసి ,  ఇలా మాయమైపోయే  జి వి ఎల్ వ్యవస్థ ల గురించి రాష్ట్ర బీ జె పి లో ఎవరికీ ఎలాంటి క్లూలు ఉండవు. ఈయన దారి రహదారి. ఈయన వ్యవస్థ ఇలాఉంటే, బీ జె పి లో ఉంటూ కూడా ఇంకాతెలుగు దేశం ఎజెండా , జెండా రెండూ మోస్తున్నట్టు కనిపించే సుజనా చౌదరి ఒక్క అమరావతి అంశం మీద తప్పించి, ఇతరత్రా ఏదీ మాట్లాడటానికి ఎక్కువగాఇష్టపడరు. జీ వీ ఎల్ కు, సుజనా కూ క్షణం పడదు. ఆయన ఎడ్డెం అంటే ఈయన తెడ్డెం అనే రకం.. ఏ మాత్రం పొసగని,పొంతన లేని పరస్పర భిన్నమైన అభిప్రాయాలు గల వీరిద్దరూ ఉత్తర ధృవం, దక్షిణ ధృవం మాదిరి ఒకే పార్టీ లో ఉంటూ కూడా కామన్  ఎజెండా తో పని చేసిన దాఖలాలు ఇప్పటివరకూ అయితే లేవు.   ఇహ, సి ఎం రమేష్ గురించి వేరే చెప్పనక్కర్లేదు. ఆయన తన బిజినెస్ వ్యవహారాలను బీ జె పి తో ముడి కట్టేసి, ఏ పార్టీ లో ప్రయాణిస్తున్నాడో కూడా మర్చే పోయి, మొన్నటికి మొన్న పరిమళ్ నత్వాని ని జగన్ మోహన్ రెడ్డి దగ్గర ప్రవేశ పెట్టడం లో కీలక పాత్ర పోషించిన  ఘనుడు. గుర్తు చేస్తే కానీ తానూ బీ జె పి లో ఉన్నాననే విషయం గుర్తుండని ఈయన కు  బీ జె పి, జన సేన కలిసి పోటీ  చేస్తున్న విషయం తెలుసో లేదో అని కూడాపార్టీ శ్రేణులు గుసగుస లాడుకుంటున్నాయి.  ఇహ వీరందరినీ సమన్వయము చేసుకుని  ముందుకెళ్తున్నట్టు భావిస్తూ , బాహ్య ప్రపంచం ముందు ఆవిష్కృతమయ్యే  వ్యక్తి మరెవరో కాదు... సాక్షాత్తూ  రాష్ట్ర బీ జె పి అధ్యక్షుడు కన్నా లక్ష్మీ నారాయణ. ఈయన, పవన్ కళ్యాణ్ తో కలిసి ప్రయాణించటానికి అంతగాసుముఖం గా లేదు...కారణమేమిటంటే, చంద్రబాబు నాయుడు లాంటి యోధులతో పోరాడిన తన రాజకీయం , చివరకు ఇలా ఏ పూట ఎక్కడ ఉంటారో కూడా తెలీని పవన్ కళ్యాణ్ పార్టీతో కలిసి పని చేయాల్సిన దుస్థితికి దిగజారటమేమిటని  తరచూ తనలో తానె కుమిలి పోతున్నట్టు సమాచారం.  ఇహ, టీ జీ వెంకటేష్ అయితే మరీను..... రాయలసీమ నినాదాన్ని తన ట్యాగ్ లైన్ గాచేసుకుని కాలక్షేపం చేసేస్తూ... ప్రస్తుతానికి బీ జె పి లో నివసిస్తూ ....ఈ స్థానిక ఎన్నికల సమరం లో తన పాత్ర ఏమిటో కూడాతెలీకుండా జీవనం వెళ్లదీస్తున్నారు. మొత్తానికి ఈ పంచ పాండవులు స్థానిక సమరం లో తమ 'పంచ్ ' పవర్ ఏమిటో ఈ నెలాఖరు లోగా చుపిస్తారేమోననే బోలెడు , ఇంకా గంపెడాశతో బీ జె పి అభిమానులు ఆత్రంగా ఎదురు చూస్తున్నారు.

ఏపీలో వంద కోట్ల దందా.. రియల్ క్రైమ్ స్టోరీ

సినిమాలలో ఎన్నో క్రైమ్ స్టోరీలు, ఎన్నో కిడ్నాప్ సీన్లు చూసుంటారు. అయితే.. కాకినాడలో జరిగిన ఈ రియల్ స్టోరీ ముందు ఆ రీల్ స్టోరీలన్నీ చిన్నబోతాయి. పేరున్న రాజకీయ నాయకులు, పలుకుబడి ఉన్న అధికారులు.. ఇలా భారీ తారాగణం నటించిన.. ఆ రియల్ స్టోరీ టైటిల్ వచ్చేసి.. "ఓ కిడ్నాప్, వంద కోట్ల స్కాం". 'నేనే రాజు నేనే మంత్రి' మూవీలో ఒక డైలాగ్ ఉంటుంది. మీరు ఏ పార్టీకి ఓటేసినా మేమే అధికారంలో ఉంటామని. అవును.. కొందరు రాజకీయ నాయకులు.. ఎన్నికల్లో ప్రజలు ఏ పార్టీని గెలిపిస్తే.. ఆ పార్టీలోకి జంప్ చేస్తారు. అలాగే అధికారులు కూడా.. ఏ పార్టీ అధికారంలోకి వస్తే ఆ పార్టీ నేతలని కాకాపడుతూ వారి ఆటలు సాగిస్తుంటారు. ఈ రియల్ స్టోరీ వింటే అది నిజమని మీకే అర్ధమవుతుంది. కాకినాడలోని సర్పవరంకి చెందిన ఆకుల గోవిందరాజు అనే వ్యక్తికి భోగాపురంలో వంద కోట్ల విలువైన 18 ఎకరాల ల్యాండ్ ఉంది. ఈ ఒక్క విషయం చాలదా.. మాఫియా కన్ను ఆయన మీద పడటానికి. ఎక్కడో ఆకాశంలో ఎగురుతున్న గద్దకి కింద ఉన్న కోడిపిల్ల కనిపించినట్టు.. మాఫియా వాళ్ళకి ఎక్కడున్నా విలువైన ల్యాండ్స్ కనిపిస్తాయి కదా. అలాగే, బలగ ప్రకాష్ అనే మాఫియా లీడర్ కి.. ఆకుల గోవిందరాజుకి చెందిన ల్యాండ్ పై కన్నుపడింది. ఇంకేముంది ఏకంగా పోలీసులనే రంగంలోకి దింపాడు. ఇక పోలీసులైతే ఓ అడుగు ముందుకేసి ఏకంగా కిడ్నాప్ కే తెరలేపారు. 2017.. సెప్టెంబర్ 19 .... శూన్యమాసం.. అమావాస్య.. మంగళవారం.. మధ్యాహ్నానికి- సాయంత్రానికి నడుమ సూర్యుడు మండిపోతున్న సమయం... అబ్బా ఏమన్నా ముహూర్తమా... శూన్యమాసం.. అమావాస్య.. మంగళవారం.. ఇదే కిడ్నాప్ కి సరైన ముహూర్తం అనుకున్నారేమో పోలీసులు... AP 30 AB 6655 నెంబర్ గల ఇన్నోవా కార్ లో.. పోలీసులు ఆకుల గోవిందరాజు ఇంటికి వచ్చారు. కారు నెంబర్ ఫ్యాన్సీగా ఉన్నా, ఆ ఖాకీలు చేసే పని మాత్రం ఏ మాత్రం పద్దతిగా లేదు. వాళ్ళు చేసే పనేంటో ఆ చుట్టుపక్కల ఉన్నవారికి తెలియదు. కొత్త మొహాలు కావడంతో.. చుట్టుపక్కల వారు కొందరు ఆశ్చర్యంతో, కొందరు అనుమానంతో చూస్తున్నారు. వాళ్ళు అలా చూస్తుండగానే.. దొంగల రూపంలో వచ్చిన పోలీసులు.. గోవిందరాజుని ఇన్నోవాలో పడేసి.. జెట్ స్పీడ్ లో హైవే ఎక్కారు. పోలీసుల భాషలో చెప్పాలంటే దీనినే కిడ్నాప్ అంటారు. కారు హైవే మీద దూసుకెళ్తుంది. ఆ స్పీడ్ చూస్తే.. అంబులెన్స్ డ్రైవర్ కావాల్సిన వ్యక్తి ఇన్నోవా డ్రైవ్ చేస్తున్నాడేమో అనిపిస్తుంది. డ్రైవర్ స్టీరింగ్ పట్టుకుంటే.. మనం ఖాళీగా ఉండి ఏం చేస్తాం అనుకున్నారేమో.. మిగతా పోలీసులు గోవిందరాజు పనిపెట్టారు. కారు.. కాకినాడ నుంచి భోగాపురం చేరేవరకు.. అంటే దాదాపు నాలుగు గంటల పాటు... గోవిందరాజుని భయపెట్టారు.. బెదిరించారు.. చిత్రహింసలు పెట్టారు. ఒక్కమాటలో చెప్పాలంటే నరకం చూపించారు. కారు సాయంత్రం 6 గంటలకు భోగాపురం సబ్ రిజిస్టార్ ఆఫీస్ కి చేరుకుంది. ఖాకీలకు భయపడ్డాడో, కాసులకు కక్కుర్తి పడ్డాడో తెలియదు కానీ.. సబ్ రిజిస్టార్ పందిళ్లపల్లి రామకృష్ణ.. సాయంత్రం 4:30 కే రిజిస్ట్రేషన్ కాగితాలు సిద్ధం చేసి.. పదేళ్ల తర్వాత ఫారెన్ నుంచి రిటర్న్ వస్తున్న ఫ్రెండ్ కోసం ఎదురుచూస్తున్నట్టు.. గుమ్మం వైపు చూస్తూ పోలీసుల కోసం ఎదురుచూస్తున్నాడు. ఇంతలో పోలీసులు గోవిందరాజుని తీసుకొని గుమ్మంలోకి అడుగు పెట్టనే పెట్టారు. గుమ్మంలో వాళ్ళ అడుగు పడిందో లేదో.. సబ్ రిజిస్టార్ మోహంలో వెలుగు వచ్చింది. గోవిందరాజు మోహంలో భయం పెరిగింది. భయంతో చూస్తుండగా ఎదురుగా కుర్చీలో కూర్చొని ఉన్న మాఫియా లీడర్ బలగ ప్రకాష్ కనిపించాడు. జర్నీలో పోలీసుల చిత్రహింసలతో భయపడిపోయిన గోవిందరాజు.. బలగ ప్రకాష్ ని చూసి మరింత భయపడ్డాడు. బలగ ప్రకాష్.. పోలీసుల మాదిరి సాగదియ్యలేదు.. కమర్షియల్ సినిమాల్లో విలన్ లాగా ఒక్కటే డైలాగ్ కొట్టాడు.. "సంతకం పెడతావా? సమాధిలో పడుకుంటావా?".... ఆ ఒక్క డైలాగ్ తో గోవిందరాజు భయం చావుభయంగా మారిపోయింది. ఎదురుగా మాఫియా లీడర్.. చుట్టూ భోగాపురం సీఐ నర్సింహారావు, ఎస్సైలు తారక్, మహేష్.. హెడ్ కానిస్టేబుల్ గోవిందరావు.. ఉన్నారు. ఎస్సైల పేర్లు తారక్, మహేష్ అని హీరోల పేర్లు ఉన్నాయి కానీ.. వాళ్ళ బిహేవియర్ మాత్రం పెద్ద విలన్ల పక్కన ఉండే చెంచా విలన్లు లాగా ఉంది. అన్యాయాన్ని అడ్డుకోవాల్సిన పోలీసులే.. మాఫియా లీడర్ తో కలిసిపోయి.. చిత్రహింసలు చేసి బెదిరిస్తుంటే.. తప్పనిసరి పరిస్థితుల్లో, వంద కోట్లు కంటే విలువైన ప్రాణం కోసం, అన్యాయం ముందు తలవంచి గోవిందరాజు సంతకం పెట్టాడు. ఆ ఒక్క సంతకంతో.. గోవిందరాజు మొహంలో తప్ప.. అక్కడున్న అందరి మొహాల్లో లక్ష్మీకళ ఉట్టిపడింది. అన్నట్టు ఇంత జరుగుతున్నా అక్కడ ఇతరులు ఎవరూ లేరా? అని మీకు అనుమానం రావొచ్చు. అక్కడ నిజంగానే ఎవరూ లేరు.. ఎందుకంటే వాళ్ళు పెట్టిన ముహూర్తం అలాంటిది మరి. శూన్యమాసం-అమావాస్య.. బుద్ధి ఉన్నోడు ఎవడైనా రిజిస్ట్రేషన్ పెట్టుకుంటాడా? వీళ్లంటే.. వంద కోట్ల కబ్జా ల్యాండ్ కాబట్టి.. బుద్ధిని పక్కనపెట్టి.. బెదిరించి.. రిజిస్ట్రేషన్ చేపించుకున్నారు. ఇప్పుడు అర్థమైందా వాళ్ళ శూన్యమాసం-అమావాస్య కాన్సెప్ట్ ఏంటో?!!.. ఈ కిడ్నాప్- కబ్జా వ్యవహారంపై.. సర్పవరం పోలీస్ స్టేషన్ లో 330/217 నెంబర్ తో కేస్ రిజిస్టర్ అయింది. అదేంటో.. FIR కూడా అయిన తరువాత.. చార్జిషీట్ దాఖలు చేయడానికి.. రాజమౌళి RRR చేయడానికి తీసుకునే టైం కన్నా ఎక్కువ తీసుకుంటున్నారు సర్పవరం పోలీసులు. రెండున్నరేళ్లుగా నాన్చుతూనే ఉన్నారు. ఈ విషయం గురించి.. ఏపీ హ్యూమన్ రైట్స్ కమిషన్ కి కాకినాడ పోలీసులు రిపోర్ట్ కూడా పంపారు. కానీ చార్జిషీట్ దాఖలు చేసే విషయంలో సర్పవరం సీఐ డిలే చేస్తూనే ఉన్నాడు. ఏంటి ఆ సీఐ ధైర్యం?.. భయపడితే భయపడటానికి ఆయన పోస్ట్ మ్యాన్ కాదు.. పోలీసోడు.. దానికితోడు పొలిటిషీయన్స్ సపోర్ట్ ఉన్నోడు. అవును.. ఈ వ్యవహారంలో.. బడా పొలిటిషీయన్స్ సపోర్ట్ కూడా ఉంది. అదే పోలీసుల ధైర్యం... శ్రీకాకుళం జిల్లాకి చెందిన మాజీ మంత్రి, ప్రస్తుత టీడీపీ నేత.. అలాగే గత ప్రభుత్వ హయాంలో విప్ గా పనిచేసిన నేత.. వీరిద్దరి సాయంతో సర్పవరం పోలీస్ స్టేషన్ ని ఫుల్ గా influence చేసే ప్రయత్నం బలంగా నడుస్తుంది. అందుకే చార్జిషీట్ కి మోక్షం కలగట్లేదు. ఇంత పెద్ద కిడ్నాప్- కబ్జా జరిగితే అస్సలు చర్యలే తీసుకోకుండా ఎలా ఉన్నారని అనుకుంటున్నారేమో... అబ్బో చాలా పెద్ద చర్య తీసుకున్నారు. భోగాపురం ఇన్స్పెక్టర్ ని బదిలీ చేసారు. అదేంటి!!.. అంత జరిగితే కేవలం బదిలీనా అనుకోవద్దు.. రాజకీయ ఒత్తిళ్లు అలాంటివి మరి.. అర్థంచేసుకోవాలి... ఇంకో విషయం ఏంటంటే.. ఈ వ్యవహారం డీజీపీ ఆఫీస్ కి కూడా చేరింది. మరి ఇంకేంటి.. వెంటనే అందరి మీద చర్యలు తీసుకొని ఉంటారుగా అంటారా? అబ్బో.. మీరు పవర్ ఫుల్ పోలీస్ ఆఫీసర్ సినిమాలు చూసి బాగా మోసపోయారు... అలాంటి పప్పులు ఇక్కడ ఉడకవు. వాస్తవానికైతే... CRPC 41A కింద డీజీపీ నియమించే ఓ సీనియర్ అధికారి.. విచారణ జరిపి.. తదుపరి చర్యల వరకు.. ఆ సీఐని సస్పెండ్ చేసే అవకాశముంది. కానీ ఇక్కడ అలాంటిదేం జరగలేదు. ఏదో ఫార్మాలిటీకి బదిలీతో సరిపెట్టారు. గోవిందరాజు ని బెదిరించి వంద కోట్ల విలువైన ల్యాండ్ అన్యాయంగా లాక్కున్నారు. అయినా తప్పు చేసిన వాళ్ళు బాగానే ఉన్నారు. పైగా గోవిందరాజునే ఇంకా టార్చర్ చేస్తున్నారు. రాజకీయ ఒత్తిళ్లలో భాగంగా.. ప్రస్తుత సర్పవరం సీఐ మరియు అర్బన్ డీఎస్పీ.. గోవిందరాజుని పదేపదే తిప్పించుకుంటున్నారు. ఇక కాకినాడలో ఉద్యోగం వెలగపెడుతున్న.. ఇప్పటి ఓ మంత్రిగారి బావమరిది.. రంగంలోకి దిగడంతో ఈ కేసు మరింత డైల్యూట్ అయింది. అసలే భోగాపురంలో ఎయిర్ పోర్ట్ అంటున్నారు. రెక్కలున్న విమానాలు వస్తున్నాయి అంటే.. ఆటోమేటిక్ గా భూముల ధరలకు రెక్కలొస్తాయి కదా.. అందుకే పోలీసులు- పొలిటీషియన్స్ అండతో మాఫియా ఇంతలా రెచ్చిపోతుంది. అంతేకాదు.. ఈ వ్యవహారం వెనుక.. 2017 ప్రాంతంలో ఉత్తరాంధ్ర జిల్లాల్లో పనిచేసిన ఓ కలెక్టర్ మరియు ఎస్పీ పాత్ర ఉన్నట్టు.. సెక్రటేరియట్ వర్గాల వద్ద స్పష్టమైన సమాచారం ఉంది. టీడీపీ పెద్దతలకాయలకు సన్నిహితులైన ఈ ఐఏఎస్, ఐపీఎస్ లు.. వైసీపీ ప్రభుత్వ హయాంలో కూడా తమ హవా కొనసాగించడం... అందరినీ ముక్కు, మూతి ఇలా అన్నింటి మీదా వేలేసుకునేలా చేస్తుంది. ఇంతకీ ఆ ఐఏఎస్ & ఐపీఎస్ ఎవరు? * ఒకరు.. పరుల అవినీతి మీద కాంతివంతంగా దండెత్తే ఐఏఎస్... * ఇంకొకరు.. పొద్దునలేస్తే సుభాషితాలు చెప్పే పాలమీగడ లాంటి ఐపీఎస్.. ఈయనకి టెక్నాలజీ మీద గ్రిప్ బాగా ఎక్కువ. ఈ వ్యవహారంలో వీరిద్దరి పాత్ర కూడా ప్రముఖంగా ఉంది. 'వంద గొడ్లను తిన్న రాబందు కూడా ఒక్క గాలివానకు కూలిపోతుంది' అన్నట్టు.. ఈ అవినీతి రాబందులను భయపెట్టే గాలివాన ఇప్పుడిప్పుడే మొదలవుతుంది. మాఫియా లీడర్ బలగ ప్రకాష్ కనుసన్నల్లో.. ఐఏఎస్, ఐపీఎస్లు, పోలీసులు, పొలిటీషియన్స్ అండతో జరిగిన ఈ అన్యాయంపై.. గోవిందరాజు కొద్ది నెలలుగా పోరాడుతూనే ఉన్నాడు. న్యాయం కోసం ఆయన ఎక్కని గుమ్మం దిగని గుమ్మం లేదు. సన్నిహితుల సాయంతో న్యాయం కోసం పోరాడుతున్నాడు. ఆ పోరాడంతో కొన్ని విషయాలు కూడా వెలుగులోకి వచ్చాయి. వాస్తవానికి అప్పుడు జరిగింది తప్పుడు రిజిస్ట్రేషన్ అని పేర్కొంటూ... భోగాపురం రిజిస్టార్ డాక్యుమెంట్ రైటర్.. 2019 అక్టోబర్ 19 తేదీన.. 164 CRPC స్టేట్మెంట్ ని.. కాకినాడ ఫస్ట్ అడిషనల్ జ్యూడిషల్ సివిల్ జడ్జ్.. ముందట ఇచ్చాడు. అంతేకాదు.. సీసీ కెమెరాలతో దొంగలని పట్టుకునే పోలీసులు.. ఆ సీసీ కెమెరాల పుణ్యమా అని అడ్డంగా బుక్ అయ్యారు. సర్పవరం లో కిడ్నాప్ చేసి.. భోగాపురం తీసుకెళ్లిన.. నాలుగు గంటల తతంగమంతా.. పలు చోట్ల సీసీ కెమెరాలలో రికార్డు అయింది. క్షవరం అయితే కానీ ఇవరం రాదని.. సీసీ కెమెరాలు చూసి దోషులని పట్టుకునే పోలీసులు.. ఆ సీసీ కెమెరాల సంగతి మర్చిపోయి ఇలా దొరికిపోవడం కామెడీగా ఉంది. మొత్తానికి కొద్దికొద్దిగా కదులుతున్న తీగతో.. దందా చేసి ఇన్నాళ్లు డొంకలో దాక్కున్నవారు.. ఇప్పుడిప్పుడే భయంతో వణుకుతున్నారు. ముఖ్యంగా డీజీపీకి కంప్లైంట్ వెళ్లడంతో ఐఏఎస్, ఐపీఎస్ ఒణికిపోతున్నారట. మరి ముఖ్యంగా ఆ ఐపీఎస్ అయితే.. డైపర్ వేసుకొని తిరుగుతున్నాడని టాక్... ఇప్పటికే ఆ ఐపీఎస్ గడిచిన రెండు నెలల్లో.. బలగ ప్రకాష్ టీం తో.. ఒకే హోటల్ లో 17 సార్లు సిట్టింగ్ వేశాడు. దీన్నిబట్టే అర్థంచేసుకోవచ్చు ఆ ఐపీఎస్ ఎంతలా వణికిపోతున్నాడో!! తప్పుని సరిదిద్దాల్సిన పోలీసులే.. ఇంత పెద్ద తప్పు చేశారు. ఈ విషయం డీజీపీ దృష్టికి కూడా వెళ్ళింది. మరి ఆయన ఈ కిడ్నాప్-కబ్జా వ్యవహారంలో ఇన్వాల్వ్ అయినవారిపై ఎలాంటి చర్యలు తీసుకుంటారు?.. బాధితుడికి ఎప్పుడు న్యాయం చేస్తారు? ఆయన ఇలాగే మౌనంగా ఉంటే ప్రజలకు పోలీసు వ్యవస్థ మీదే నమ్మకం పోతుంది. ఇక ఈ విషయంలో సర్కార్ కూడా అడుగు ముందుకేసి బాధితుడికి న్యాయం చేయాల్సిన అవసరముంది. అవినీతి రహిత పాలనే అందించడమే తమ లక్ష్యమని చెప్పుకునే అధికారపార్టీ.. అవినీతి-అన్యాయం చేసిన వారికి.. పరోక్షంగా అండగా ఉండటం ఎంత వరకు కరెక్ట్? గత ప్రభుత్వం మీద, అప్పుడు వారికి సన్నిహితంగా ఉన్న కొందరు అధికారులపైనా.. ఇప్పటి అధికారపార్టీ నేతలు పదేపదే అవినీతి ఆరోపణలు చేస్తుంటారు. మరి ఈ వ్యవహారం మీద ఎందుకు నోరు మెదపడం లేదు? ఇందులో తమ పార్టీ నేతలు కూడా ఉన్నారా? లేక పార్టీ సీనియర్ నేతైన మంత్రి గారి బావమరిది ఇన్వాల్వ్ అయ్యాడని వెనకడుగు వేస్తున్నారా? ప్రభుత్వం దీనిపై స్పందించాలి. ఈ భోగాపురం భాగోతం వెనుకున్న వారిపై ప్రభుత్వం కఠినంగా వ్యవహరించి.. బాధితుడికి న్యాయం చేయాలి. లేదంటే ప్రభుత్వం మీద కూడా నమ్మకం పోతుంది.  

క‌విత‌, ష‌ర్మిలా రాజ్య‌స‌భ‌కు వెళ్తారా?

తెలంగాణ నుంచి రెండు రాజ్యసభ సీట్ల కోసం అధికార టీఆర్ఎస్‌లో పోటాపోటీ నెలకొంది. షెడ్యూల్‌ ప్రకారం రాజ్యసభ ద్వైవార్షిక ఎన్నికల నోటిఫికేషన్‌ మార్చి 6న జారీ కానుంది. 13వ తేదీ వరకు నామినేషన్ల దాఖలుకు అవకాశం ఉంది.  సామాజిక కోణంలో తమకు అవకాశం దక్కుతుందని పలువురు సీనియర్లు భావిస్తుండగా, ఇప్పటివరకు పార్టీ తరఫున రాజ్యసభ పదవులు దక్కని వర్గాల వారూ ఆశగా ఎదురుచూస్తున్నారు. పార్టీ అధినేత కేసీఆర్‌ నిర్ణయం కోసం ఉత్కంఠగా ఎదురుచూస్తున్నారు.  నిజామాబాద్‌ మాజీ ఎంపీ కవితను ఈసారి పార్టీ తరఫున రాజ్యసభకు పంపిస్తార‌నే ప్ర‌చారం విస్తృతంగా జరుగుతోంది. అయితే సి.ఎం. కేసీఆర్ ఆలోచ‌నే ఎలా వుందో ఎవ‌రూ అంచ‌నా వేయ‌లేక‌పోతున్నారు. కెటిఆర్ సి.ఎం. అవుతారా? క‌వితా రాజ్య‌స‌భ‌కు వెళ్తారా?  అయితే హ‌రిష్‌రావు ఈ ప‌రిణామాల‌పై ఎలా స్పందిస్తారు? అనే అంశంపై టిఆర్ ఎస్ కార్య‌క‌ర్త‌ల్లో విస్తృతంగా చ‌ర్చ జ‌రుగుతోంది. జాతీయ రాజకీయాల్లోకి వెళ్లాలనుకుంటున్న సీఎం కేసీఆర్‌ తన తరఫున ఢిల్లీ, ఇతర రాష్ట్రాల్లో ఫెడరల్‌ ఫ్రంట్‌ ఏర్పాటు ప్రయత్నాలకు నమ్మకమైన వారి కోసం అన్వేషిస్తున్నారు.  రాజ్యసభ సీటు భర్తీ సామాజిక కోణంలోనే ఉంటుందని టీఆర్‌ఎస్‌ ముఖ్యులు భావిస్తున్నారు. ఏపీ కోటాలో పదవీ విరమణ చేస్తున్న టీఆర్‌ఎస్‌ రాజ్యసభ సభ్యుడు కె.కేశవరావుకు వయసు రీత్యా ఈసారి అవకాశం ఉండకపోవచ్చన్న అంచనాలున్నాయి. రెడ్లకు అవకాశం లభిస్తే, మాజీ ఎంపీ పొంగులేటి శ్రీనివా్‌సరెడ్డి, మాజీీ స్పీకర్‌ కె.ఆర్‌.సురే్‌షరెడ్డి, ఎమ్మెల్సీ నాయిని నర్సింహారెడ్డి మధ్య పోటీ ఉంటుందని చెబుతున్నారు. కమ్మ సామాజిక వర్గానికి ఇవ్వాలనుకుంటే మండవ వెంకటేశ్వరావు, తుమ్మల నాగేశ్వరరావు పేర్లు పరిశీలించవచ్చని అంటున్నారు. బీసీలకు అవకాశం ఇస్తే సిరికొండ మధుసూదనాచారి, బస్వరాజు సారయ్య పేర్లు పరిశీలిస్తారని చెబుతున్నారు. ఎస్సీ కోటాలో భర్తీ చేయాలని భావిస్తే కడియం శ్రీహరి, మాజీ ఎంపీ మంద జగన్నాథం పేర్లు పరిశీలిస్తారని అంటున్నారు. ఎస్సీల్లోనే మాలలకు అవకాశం ఇవ్వాలని అనుకుంటే, టీఎ్‌సఐఐసీ చైర్మన్‌ గాదరి బాలమల్లు, ఎస్టీ అయితే సీతారాంనాయక్‌ పేరు ఉండొచ్చని అంటున్నారు. అనూహ్యంగా ఒక పారిశ్రామికవేత్తను టీఆర్‌ఎస్‌ తరఫున రాజ్యసభకు పంపాలని అనుకుంటే హెటిరో అధినేత పార్థసారథిరెడ్డి పేరు పరిశీలించవచ్చని చెబుతున్నారు.  ఆంధ్రప్రదేశ్ కు చెందిన రాజ్యసభ స్థానాలు ఎవరికీ కేటాయించాలని ఇన్నాళ్లు చర్చించిన అధికార పార్టీ ఓ నిర్ణయానికి వచ్చిందని తెలుస్తోంది. ఈ మేరకు ఏపీ నుంచి రాజ్యసభకు ప్రాతినిధ్యం వహించే వారి జాబితా సిద్ధమైనట్టు సమాచారం.  కీలకమైన పదవులు కావడంతో పార్టీ నమ్ముకున్నోళ్లు.. తమకు అండగా నిలబడిన వ్యక్తులను ఎంపిక చేసినట్లు పార్టీ వర్గాల్లో వార్త వినిపిస్తోంది.  మాజీ ఎంపీ వైవీ సుబ్బారెడ్డి - సజ్జల రామకృష్ణారెడ్డితో పాటు మాజీమంత్రి - ఏపీసీసీ మాజీ అధ్యక్షుడు రఘువీరారెడ్డి ఉన్నట్లు తెలుస్తోంది. అయితే రఘువీరారెడ్డి కాకుంటే సుప్రీంకోర్టు రిటైర్డ్ జస్టిస్ జాస్తి చలమేశ్వర్ కూడా ఉన్నట్లు వార్తలు వస్తున్నాయి. ఈ జాబితా ఫైనలైనట్టు తెలుస్తోంది.  షర్మిల ఆపద సమయంలో జ‌గ‌న్‌కు తోడుగా నిలిచారు. జగనన్న వదిలిన బాణాన్ని అంటూ పాదయాత్ర చేశారు. కష్టకాలంలో పార్టీకి షర్మిల పెద్ద దిక్కుగా నిలిచారు. తన సొంత మీడియా సాక్షి ప్రారంభించినప్పటి నుంచి సజ్జల రామకృష్ణారెడ్డి జగన్ తో ఉన్నారు. సాక్షి పత్రిక ఎడిటోరియల్ డైరెక్టర్ గా కొనసాగుతూనే జగన్ కు రాజకీయాలపై సలహాలు సూచనలు ఇచ్చారు. ఆ తర్వాత సజ్జలను పార్టీలోకి ఆహ్వానించి పెద్ద పదవే ఇచ్చారు. విజయ సాయిరెడ్డి తర్వాత జగన్ కు అత్యంత నమ్మకస్తుడు సజ్జలనే. ఆయన పార్టీలో జగన్ రాజకీయ సలహాదారుడిగా పార్టీ రాజకీయ వ్యవహారాల కమిటీలో పని చేశారు. ప్రస్తుతం ఆంధ్రప్రదేశ్ ప్రభుత్వ సలహాదారుడిగా కొనసాగుతున్నారు. కడప జిల్లాకు చెందిన వ్యక్తి. ఎప్పుడూ తన తోడు ఉండడంతో ఆయనను రాజ్యసభకు జగన్ పంపించనున్నట్టు తెలుస్తోంది. ప్రకాశం జిల్లాకు చెందిన వైవీ సుబ్బారెడ్డి జగన్ పార్టీ పెట్టినప్పటి నుంచి ఉన్నారు. గతంలో ప్రకాశం ఎంపీగా సుబ్బారెడ్డి పని చేశారు. ఈసారి జరిగిన ఎన్నికల్లో సుబ్బారెడ్డి పోటీ చేయలేదు. అప్పుడు ఆయన పదవులు ఆశించకపోవడంతో ఇప్పుడు రాజ్యసభకు పంపించాలని నిర్ణయానికి వచ్చారు. పార్టీలో కీలక నాయకుడిగా గుర్తింపు పొందిన సుబ్బారెడ్డిని రాజ్యసభకు పంపితే న్యాయం జరుగుతుందనే భావనలో జగన్ ఉన్నారంట. అనూహ్యంగా రాజ్యసభకు పంపే జాబితాలో ప్రస్తుతం కాంగ్రెస్ పార్టీ సీనియర్ నాయకుడు రఘువీరారెడ్డి ఉండడం గమనార్హం. అనంతపురము జిల్లాకు చెందిన రఘువీరారెడ్డికి పిలిచి మరి రాజ్యసభ సీటు ఇస్తామంటున్నారు. యాదవ సామాజికి వర్గానికి చెందిన రఘువీరారెడ్డి జగన్ తండ్రి వైఎస్సార్ తో మంచి అనుబంధం ఉంది. అయితే రఘువీరారెడ్డి కాకుంటే మరొకరిని కూడా దృష్టిలో పెట్టుకున్నారు. భారత అత్యున్నత న్యాయస్థానం సుప్రీంకోర్టు జడ్జిగా పని చేసిన జస్టిస్ జాస్తి చలమేశ్వర్ ను రాజ్యసభకు పంపించాలని భావిస్తున్నారంట.  కృష్ణాజిల్లా యాదవ సామాజిక వర్గానికి చెందిన చలమేశ్వర్ సేవలను వినియోగించుకునేలా పార్టీ ఒక నిర్ణయానికి వచ్చిందంట. ఎందుకంటే తరచూ జగన్ న్యాయస్థానాల్లో చిక్కులు ఎదుర్కొంటున్నారు. చలమేశ్వర్ సేవలు వినియోగించుకుంటే జగన్ సేఫ్ గా ఉండడంతో పాటు న్యాయ కోవిదుడికి గౌరవంగా రాజ్యసభను ఇద్దామనే ఆలోచనలో ఉన్నారంట.

అధికారంలో ఉంటే ఒకలా... ప్రతిపక్షంలో ఉంటే మరోలా... వైజాగ్ ఎపిసోడ్ నీతి ఏంటి?

రాజకీయాల్లో ఓడలు బళ్లు అవుతాయి. బళ్లు ఓడలవుతాయి. ప్రజాస్వామ్యంలో ఇది సాధారణమే. ప్రస్తుతం దేశంలోనూ, అనేక రాష్ట్రాల్లోనూ ఇదే జరుగుతోంది. నిన్నమొన్నటివరకు దేశంలోనూ, ఆయా రాష్ట్రాల్లో చక్రం తిప్పినవారంతా, అనామకులుగా మారిపోయారు. దశాబ్దాల తరబడి రాజ్యాన్ని ఏలినవారు, ఇప్పుడు సైడైపోవాల్సిన పరిస్థితులు ఏర్పడ్డాయి. తెలుగు రాష్ట్రాల్లో పలువురు ఉద్దండుల పరిస్థితి ఇప్పుడలాగే కనిపిస్తోంది. ఎంతోమంది ముఖ్యనేతలు తీవ్ర గడ్డుపరిస్థితులను ఎదుర్కొంటున్నారు. మళ్లీ వాళ్లకు మంచి రోజులు వస్తాయని మాత్రం కచ్చితంగా చెప్పలేని పరిస్థితులు కనిపిస్తున్నాయి. ఆంధ్రప్రదేశ్, తెలంగాణ రెండింటిలోనూ ఊహించని రాజకీయ మార్పులు జరగడంతో ఓడలు బళ్లు... బళ్లు ఓడలయ్యాయి.  అయితే, అధికారంలో ఉండగా ఒకలా, ప్రతిపక్షంలా ఉంటే మరోలా వ్యవహరించడం సర్వసాధారణంగా కనిపిస్తుంది. విపక్ష నేతగా ఉన్న సందర్భాల్లో నేతలు వ్యవహరించే తీరు ఒక్కోసారి సాధారణ ప్రజాస్వామిక సూత్రాలకు విరుద్ధంగా ఉంటుంది. నేటి ముఖ్యమంత్రి వైఎస్ జగన్మోహన్ రెడ్డి మూడేళ్ళ క్రితం విపక్ష నేతగా ఉన్నారు. అప్పట్లో ఆయన ప్రత్యేక హోదా కోసం పట్టుదలతో ఉన్నారు. క్యాండిల్ ర్యాలీ నిర్వహించేందుకు వైజాగ్ పర్యటనకు వెళ్లారు. అప్పటికే అక్కడ సీఐఐ పార్ట్ నర్ షిప్ సమ్మిట్ జరుగుతోంది. ఆ నేపథ్యంలో క్యాండిల్ ర్యాలీకి అనుమతిని ప్రభుత్వం నిరాకరించింది. అయినా కూడా జగన్ వైజాగ్ చేరుకున్నారు. అక్కడి నుంచి నగరంలోకి వెళ్లేందుకు ప్రయత్నించారు. అప్పట్లో పోలీసులు ఆయనను అడ్డుకున్నారు. తనను అడ్డుకోవడంపై అప్పట్లో విపక్ష నేతగా ఉన్న జగన్ తీవ్ర ఆగ్రహం వ్యక్తం చేశారు.  ఇక, ఇప్పడు ఏపీలో రాజధాని రగడ కొనసాగుతోంది. అందులో భాగంగా చంద్రబాబు చేపట్టిన వైజాగ్ యాత్రలో ఉద్రిక్తత చోటు చేసుకుంది. ఇందులో పోలీసులను తప్పు పట్టాల్సింది ఏమీ లేదు. అయితే, ఇలాంటి సమయంలో విపక్ష నాయకులు ప్రతిష్టాత్మకంగా తీసుకుంటారు. ఎలాగైనా పోలీసు వలయాన్ని ఛేదించుకోవాలని తాము అనుకున్నది చేయాలని చూస్తుంటారు. పొలిటికల్ మైలేజ్ పొందాలని ప్రయత్నిస్తుంటారు. చంద్రబాబు వైజాగ్ టూర్లోనూ అదే జరిగిందనే మాట వినిపిస్తోంది. నాయకులు విపక్షంలో ఉన్నప్పుడు పొలిటికల్ మైలేజ్ కోసం ప్రయత్నించడంలో తప్పు లేదు. కాకపోతే...ఆ ప్రయత్నాలు సమాజంలో ఉద్రిక్తతలు పెంచేవిగా మాత్రం ఉండకూడదంటున్నారు. అదే సమయంలో అధికారంలో ఉన్న నాయకులు ప్రజాస్వామ్యంలో విపక్షాలకు ఉండే ప్రాధాన్యాన్ని గుర్తించాలని సూచిస్తున్నారు. అధికారపక్షం, విపక్షం....రెండూ ప్రజాస్వామ్యానికి రెండు చక్రాల్లాంటివని, ఏ ఒక్కటి సరిగా లేకున్నా ప్రజాస్వామ్యం కుంటుపడుతుందని గుర్తుచేస్తున్నారు.

రాజీవ్ గాంధీ మరణించాక ఆ సీక్రెట్ బయటపెట్టిన వాజపేయి!!

అమావాస్య రోజు చందమామని చూడాలనుకోవడం, రాజకీయాలలో విలువలు గురించి మాట్లాడాలనుకోవడం ఒకటే అంటుంటారు. అవును ఈ తరం రాజకీయాలను చూస్తే నిజమే అనిపిస్తుంది. ఒకరిపై ఒకరు హద్దు మీరి విమర్శలు చేసుకోవడమే తప్ప.. విలువైన రాజకీయాలు చేసేవారు ఎంతమంది ఉన్నారు ఈరోజుల్లో. ఎవరు అధికారంలోకి వచ్చినా ప్రతిపక్ష నేతల మీద కక్ష తీచుకోవాలన్న ధోరణే తప్ప.. ప్రజల కోసం ఒకరి సూచనలను ఒకరు గౌరవించుకుంటూ విలువైన రాజకీయాలు చేసేవారు ఎక్కడున్నారు?. ఈతరం రాజకీయ నాయకులు ముందుతరం వారిని చూసి ఎంతో నేర్చుకోవాలి. మాజీ ప్రధానులు రాజీవ్ గాంధీ- వాజపేయి మధ్య జరిగిన ఓ సంఘటన తెలిస్తే.. ఈ తరం రాజకీయ నాయకులు సిగ్గుతో తలదించుకుంటారు. అది రాజీవ్ గాంధీ ప్రధానిగా ఉన్న సమయం. అప్పుడు వాజపేయి ప్రతిపక్ష నేతగా ఉన్నారు. వారి మధ్య జరిగిన ఓ అపురూప సంఘటన గురించి ఇప్పుడు తెలుసుకుందాం.  " సార్..ప్రధానమంత్రి రాజీవ్ గాంధీ గారు లైన్ లో వున్నారు..మీతో మాట్లాడుతారుట ".. ఫోన్ పట్టుకుని వాజపేయి దగ్గరికి వచ్చి చెప్పాడు ఆయన వ్యక్తిగత కార్యదర్శి.." ఫోన్ అందుకున్న వాజపేయి ప్రధానమంత్రి తో రెండు నిమిషాలు మాట్లాడారు. ఫోన్ పెట్టేసి వాజపేయి కార్యదర్శి వంక చూసి "మనం ప్రధానమంత్రి తో పాటు ఐక్యరాజ్యసమితి సమావేశంలో పాల్గొనటానికి అమెరికా వెళ్తున్నాం.. ఏర్పాట్లు చూడండి" అనడంతో తను విన్నది నిజమేనా అని ఆశర్యంతో మరోమారు అటల్జీ ని అడిగి కన్ఫర్మ్ చేసుకున్నాడు కార్యదర్శి. " సార్..పత్రికలకు ప్రెస్ నోట్ పంపమంటారా?" నసిగాడు కార్యదర్శి వాజపేయి ఒక్క క్షణం అతనివంక చూసి నవ్వుతూ "నిక్షేపంగా" అన్నారు. ఈ వార్త అప్పట్లో ఇటు కాంగ్రెస్ పార్టీలోనూ, అటు బీజేపీ లోనూ పెద్ద దుమారం సృష్టించింది. రాజీవ్ గాంధీ నిర్ణయానికి కాంగ్రెస్ పార్టీలో సీనియర్లు సైతం ముక్కున వేలేసుకున్నారు. "సాక్షాత్తు ప్రధానమంత్రి హోదాలో ఐక్యరాజ్యసమితి ప్రతినిధుల సమావేశానికి అటెండ్ అవుతూ ప్రతిపక్షపార్టీ నేతను వెంటపెట్టుకెళ్లటం ఏంటి?" అంటూ పార్టీలో సన్నాయి నొక్కులు నొక్కారు. కానీ రాజీవ్ గాంధీ మాత్రం వాజపేయి ని తీసుకెళ్లడం వెనుక అసలు కారణాన్ని ఎవరికీ చెప్పలేదు. కానీ ఆయన మరణానంతరం వాజపేయే అసలు విషయాన్ని ప్రపంచానికి చెప్పారు.. ఆన్ టోల్డ్ వాజపేయి అనే పుస్తకం ద్వారా.. అదీ ఆయన మాటల్లోనే.. "1985 లోనే నాకు ఒక కిడ్నీ దెబ్బ తిని వైద్యం తీసుకుంటున్నా.1988 నాటికి రెండో కిడ్నీ కూడా దెబ్బతింది. డాక్టర్లు తక్షణం వైద్య చికిత్స అవసరం అన్నారు. ఇక్కడ కన్నా అమెరికాలో మెరుగైన వైద్యం అందుబాటులో ఉన్నందున అక్కడికి వెళ్లి ట్రీట్మెంట్ తీసుకోవాలని డాక్టర్లు సూచించారు. ఈ విషయం తెలుసుకున్న రాజీవ్ గాంధీ ఐక్యరాజ్యసమితి ప్రతినిధుల సమావేశానికి నన్ను కూడా రమ్మని ఫోన్ లో కోరారు. కానీ చివరగా ఆయన ఒక మాట చెపుతూ.. 'అటల్ జీ.. ఈ పర్యటనను పూర్తిగా మీ వైద్యానికి ఉపయోగించుకుని సంపూర్ణ ఆరోగ్యంతో ఇండియా కి రండి' అని చెప్పారు. ఈ రోజు నేను ప్రాణాలతో ఉన్నానంటే అది రాజీవ్ గాంధీ నాకు చేసిన ఉపకారం వల్లనే. నా కన్నా ఇరవై ఏళ్ళ చిన్నవాడు అయిన రాజీవ్ నాకు తమ్ముడిలాంటి వాడే" అని వాజపేయి అన్నారు. అది విలువలతో కూడిన రాజకీయమంటే. రాజీవ్ గాంధీ, వాజపేయి రాజకీయంగా ప్రత్యర్థులు కావచ్చు కానీ ఒకరినొకరు గౌరవించుకుంటూ విలువైన రాజకీయాలు చేశారు. వారిని చూసి ఈ తరం రాజకీయ నాయకులు ఎంతో నేర్చుకోవాలి. పొద్దున్న లేస్తే ఒకరిపై ఒకరు దుమ్మెత్తి పోసుకునే అధికార-ప్రతిపక్ష పార్టీల నాయకులు.. రాజకీయాలు పక్కన పెట్టి అప్పుడప్పుడన్నా నైతిక విలువలు పాటించాలన్న సూత్రం.. ఇలాంటి విషయాలు తెలుసుకుని అయినా పాటిస్తే బాగుండు..!

ప్రపంచంలో అత్యంత భయానక రహస్య సరస్సులు

ప్రపంచం అనేక అద్భుతాల సమాహారం. అందమైన జలపాతాలు, అలరించే అడవులు, చిత్రకారుణి కుంచెను మించిన అపూర్వమైన దృశ్యాలు ఎన్నో ఎన్నెన్నో.. అయితే కొన్ని అద్భుతాల వెనుక భయంకరమైన వాస్తవాలు దాగి ఉన్నాయి. వాటి గురించి తెలుసుకున్నప్పుడు ఆశ్చర్యానికి గురిచేస్తాయి. ప్రపంచంలోని అందమైన సరస్సులే కాదు అత్యంత భయానక సరస్సులు కూడా ఉన్నాయి. వాటిలో కొన్ని ప్రాణాలను హరిస్తాయి. ముందుగా వీటి గురించి తెలుసుకోవడం వల్ల ఆయా ప్రాంతాలకు వెళ్ళినప్పుడు జాగ్రత్తలు తీసుకోవడం సాధ్యమవుతుంది. మరి ఆ భయానక రహాస్య సరస్సుల విశేషాలు ఏంటో చూద్దామా... 1. బ్లూ లేక్, రష్యా రష్యాలోని వింతైన సరస్సు ఇది. ఈ సరస్సులోకి నీరు వర్షం ద్వారా ఈ సరస్సులోని నీరు  ప్రవాహాల నుంచి,  నదుల నుంచి ఇందులోకి చేరదు. భూగర్భ నీటి బుగ్గల ద్వారా సరస్సులోకి నీళ్లు చేరుతాయి. అయితే నీటిలో హైడ్రోజన్ సల్ఫైడ్ కంటెంట్ ఎక్కువగా ఉంటుంది. ఈ కారణంగా నీటి రంగు నీలం రంగులో కనిపిస్తుంది.  సరస్సు 258 మీటర్ల లోతులో ఉంది. ఇది 75 మీటర్ల ఎత్తున ఉన్న సీటెల్ స్పెస్ కూడా ఈజీగా ఇందులో మునిగిపోతుంది. ఈ సరస్సు నీరు రాళ్ళను సైతం కోస్తూ వెళ్లడంతో సరస్సు రోజురోజుకు లోతుగా మారుతోంది. ఈ నీలం సరస్సు ప్రపంచంలోని అతిపెద్ద గుహలను తనలో నిక్షిప్తం చేసుకుందని కొంతమంది శాస్త్రవేత్తలు భావిస్తున్నారు. 2. లేక్ నాట్రాన్, టాంజానియా తూర్పు ఆఫ్రికాలో లోతైన సరస్సు ఇది.  టాంజానియా కథలలో ఈ సరస్సు ప్రస్తావన ఉంటుంది.  ప్రజల జీవితాలను ఇది ప్రభావితం చేస్తుంది. అయితే ఈ సరస్సు ఒడ్డున ఫ్లెమింగోలు, చిన్న పక్షులు, గబ్బిలాలు ప్రాణములేని స్థితిలో కనిపిస్తాయి. అత్యంత భయంకరమైన విషయం ఏమిటంటే, ప్రాణాలు కోల్పోయిన అన్ని జీవుల శరీరాలు భద్రపరచబడి కనిపిస్తాయి. నీటిలోని సోడియం కంటెంట్ కారణంగా సరస్సు పసుపు రంగును కనిపిస్తుంది. అయితే ఇందులో ఉండే అనంతమైన సూక్ష్మజీవుల కారణంగా ఈ జలాలు నారింజ రంగులో ఉంటాయి. కానీ నెమ్మదిగా నారింజ రంగు మరింత ముదురుగా మారి, నీటి రంగు ప్రకాశవంతమైన ఎరుపు రంగులోకి మారుతోంది. ఈ సరస్సులో నాట్రాన్ పుష్కలంగా ఉంది, సహజంగా సంభవించే సోడియం సమ్మేళనం సోడియం కార్బోనేట్, బైకార్బోనేట్, క్లోరైడ్ మరియు సల్ఫేట్ల మిశ్రమాన్ని కలిగి ఉంటుంది. ఈ సరస్సు చుట్టూ వాతావరణం రంగురంగుల ల్యాండ్ స్కేప్ మాదిరిగా కనిపిస్తోంది. 3. మిచిగాన్ లేక్, యుఎస్ఎ అమెరికాలో ఉన్న ఐదు గొప్ప సరస్సుల్లో మిచిగాన్ లేక్ ఒకటి. ఈ సరస్సు వందలాది మంది ప్రాణాలను తీసిన విషయం చాలా తక్కువ మందికి తెలుసు. సరస్సులో ఎలాంటి రాక్షసులు లేరు. అంతేకాదు మరణించినవారు నీటికి దూరంగా ఉన్నప్పుడే మరణించారు. అయితే ఇక్కడి అలలను ప్రమాదకరంగా పరిగణిస్తారు. ఒడ్డుకు వచ్చే అలలు, నీటి ప్రవాహాలు ఊహించని విధంగా ప్రాణాలను హరిస్తాయి. అంతేకాదు గజ ఈతగాళ్లు కూడా  మిచిగాన్ ఒడ్డున ప్రవాహాలను ఎదుర్కోలేరని, ఇవి చాలా ప్రమాదకరమైనవి అంటారు. సమ్మర్ సీజన్ లో ఇక్కడికి ఈతకు వచ్చి అనేక మంది ప్రాణాలు కోల్పోతారు.  ఆ నిర్దిష్ట సమయంలో నీటి ప్రవాహం, అలల తాకిడి ఎక్కువ కావడంతో ఎక్కువ మరణాలు సంభవిస్తాయి. శరదృతువు ఈ సరస్సు వాతావరణం పడవలు, మత్స్యకారులకు ప్రమాదకరం.  నీటి ఉపరితలంపై హఠాత్తుగా పెరుగుతున్న ప్రవాహాలు ప్రాణాంతక తరంగాలకు కారణమవుతాయి. 4. న్యోస్ కామెరూన్ సరస్సు ఈ సరస్సు అనేక పొరుగు గ్రామాలకు అనేక శతాబ్దాలుగా నిశ్శబ్దంగా నీటిని అందించింది. కానీ దాని ఉపరితలం కింద, ఒక రహస్యం ఉంది. ప్రకృతి ప్రాణాంతక శక్తిని అకస్మాత్తుగా విడుదల చేసిన తరువాత సరస్సు ప్రపంచవ్యాప్తంగా ఖ్యాతిని పొందింది. ఈ సంఘటన ఆగస్టు 21, 1986 న జరిగింది. సరస్సు నుండి అధిక శక్తితో కూడిన వాయువు మేఘం పెరిగింది. సమీపంలో నివసించే ప్రతిదీ ప్రజలు, పశువులు, పక్షులు మొదలైనవి ఏమీ ఈ విపత్తు నుంచి బయటపడలేదు! సరస్సు చుట్టూ నివసించే చిన్న కీటకాలు కూడా కుళ్ళిపోయాయి. ఈ సంఘటన సుమారు 1746 మంది మానవుల ప్రాణాలను తీసింది.  ప్రపంచం నలుమూలల శాస్త్రవేత్తలు ఈ ప్రదేశాన్ని సందర్శించారు, సరస్సులో అగ్నిపర్వత బిలం ఉన్నట్లు వారు కనుగొన్నారు. 5.కరాచాయ్ సరస్సు, రష్యా రష్యా లోని యురల్స్ లో ఉన్న ఈ సరస్సు ప్రపంచంలో అత్యంత కలుషితమైన వాటిలో ఒకటిగా పరిగణించబడుతుంది. ఈ సరస్సు ఒడ్డున కేవలం రెండు గంటలు గడపడం వల్ల మీరు రెండు గంటలు ఎక్స్‌రే మెషీన్‌లో కూర్చున్నట్లుగా అనిపిస్తుంది. అంతేకాదు అది కూడా సీసంతో కప్పబడిన కవరింగ్ లేకుండా ఉంటుంది. రేడియేషన్ పాయిజనింగ్ ద్వారా చాలా నెమ్మదిగా ప్రాణాలు కోల్పోయే ప్రమాదం ఉంటుందని ప్రత్యేకంగా చెప్పనవసరం లేదు. ఈ సరస్సు 1950 లలో జరిగిన యుద్ధం కారణంగా నాశనమైంది. ఆ తర్వాత ఈ సరస్సును ద్రవ రేడియోధార్మిక వ్యర్థాల నిల్వ కోసం ఉపయోగించారు.  

తెల్ల కాగితం- నల్ల చుక్క

‘‘ఇవాళ మీకో పరీక్ష పెట్టబోతున్నాను’’ క్లాసులోకి అడుగుపెడుతూనే చెప్పారు ప్రొఫెసర్‌. అకస్మాత్తుగా ఈ పరీక్ష ఏమిటా అని విద్యార్థులంతా తలపట్టుకుని కూర్చున్నారు. కానీ ప్రొఫెసర్‌ మాటని ఎవరు కాదనగలరు. ఎలాగొలా పరీక్షని పూర్తిచేసేందుకు అంతా సిద్ధపడ్డారు. అందరికీ తలా ఒక ప్రశ్నాపత్రాన్నీ ఇచ్చారు ప్రొఫెసర్‌. ‘‘ఈ ప్రశ్నాపత్రం వెనుకనే మీ జవాబులు రాసి ఇవ్వండి. మీకు ఒక్క అరగంటే సమయం ఉంది,’’ అంటూ పరీక్షని మొదలుపెట్టేశారు.   విద్యార్థులంతా ప్రశ్నాపత్రాలని తెరిచి చూస్తే ఏముంది. కాగితం మధ్యలో ఒక చిన్న చుక్క కనిపించింది అంతే! ప్రొఫెసర్‌గారు తమ తెలివితేటల్ని పరీక్షించేందుకే హఠాత్తుగా ఈ పరీక్షని పెట్టారన్న విషయం విద్యార్థులకి అర్థమైపోయింది. కాబట్టి అంతా ఆ చుక్కని చూసి తమకి తోచిన జవాబుని ఏదో ప్రశ్నాపత్రం వెనకాల రాయడం మొదలుపెట్టారు.   అరగంట గడిచిపోయింది, ఒకో విద్యార్థీ వచ్చి తను పూర్తిచేసి ప్రశ్నాపత్రాన్ని ప్రొఫెసర్‌గారి బల్లమీద ఉంచి వెళ్లారు. ప్రొఫెసరుగారు ఆ ప్రశ్నాపత్రాలన్నింటినీ తీసుకుని వాటిలోంచి ఒక్కో విద్యార్థీ రాసిన జవాబుని చదవడం మొదలుపెట్టారు. ప్రశ్నాపత్రంలో ఉన్న చుక్కని చూసి విద్యార్థులు రకరకాల జవాబులు రాశారు. కొంతమంది ఆ చుక్క ఆకారాన్నీ, రంగునీ వర్ణించారు. మరికొందరు కాగితంలో దాని స్థానం గురించి కొలతలు వేశారు. ఇంకొందరు మరో అడుగు ముందుకు వేసి ‘జీవితం ఓ చుక్కలాంటిది...’ అంటూ కవితలల్లారు. కొందరైతే అసలు ఏ జవాబూ లేకుండా కాగితాన్ని అలాగే వదిలివేశారు.   ప్రశ్నాపత్రాలన్నింటినీ చదివిన తరువాత ప్రొఫెసరుగారు తన అభిప్రాయాన్ని చెప్పడం మొదలుపెట్టారు- ‘‘మీకు ఓ నల్ల చుక్క ఉన్న పత్రాన్ని ఇచ్చి మీకు తోచింది రాయమని అడగ్గానే, అంతా కాగితం మధ్యలో ఉన్న నల్లని చుక్క గురించే రాశారు. ఎవ్వరూ కూడా మనం చెప్పుకునే సబ్జెక్టు గురించి కానీ, మీ లక్ష్యాల గురించి కానీ, జీవితం మీద మీకు ఉన్న అభిప్రాయాల గురించి కానీ... ఆఖరికి మీ గురించి కానీ ఒక్క ముక్క కూడా రాయలేదు. మన జీవితం కూడా మీకిచ్చిన తెల్లకాగితం లాంటిదే! దాని మీద అనారోగ్యం, పేదరికం, అసంతృప్తి, కుటుంబ కలహాలు లాంటి చిన్న చిన్న మరకలు కనిపిస్తూ ఉంటాయి. మనమంతా విలువైన జీవితాన్ని మర్చిపోయి ఎంతసేపూ ఆ మరకల మీదే మన దృష్టిని కేంద్రీకరిస్తూ ఉంటాము. వాటి గురించే మన మనసునీ కాలాన్నీ వెచ్చిస్తూ ఉంటాము. అంతేకానీ, చేతిలో ఉన్న తెల్లటి కాగితం మీద ఎంత అందమైన జవాబుని రాయవచ్చో, ఎంత అద్భుతమైన చిత్రాలని గీయవచ్చో మర్చిపోతూ ఉంటాము. నేను మీకు ఈ పరీక్ష పెట్టింది మీకు మార్కులు ఇవ్వడానికి కాదు, మీకు జీవితం విలువ నేర్పడానికి,’’ అంటూ ముగించారు ప్రొఫెసరుగారు. ఆయన మాటలు విన్న తరువాత విద్యార్థులకి తమ జీవితాల్లో అత్యంత ఉపయోగపడే పాఠం అదే అనిపించింది. (ప్రచారంలో ఉన్న కథ ఆధారంగా)   ..Nirjara

మనకోసం మరో మూడు గ్రహాలు

భూమి ఓ అసాధారణమైన గ్రహం. అదృష్టమో, ప్రకృతి వరమో కానీ ఇక్కడ జీవం మనుగడ సాగించేందుకు అవసరమైన ఏర్పాట్లన్నీ ఉన్నాయి. అనువైన ఉష్ణోగ్రతలు, సూర్యుడి నుంచి తగినంత దూరం, అతినీలలోహిత కిరణాల నుంచి కాపాడే ఓజోన్ పొర, నీటి సౌలభ్యం, రాతి నేల, గురుత్వాకర్షణ శక్తి, భూమి మీదకు ఉల్కలు దూసుకురాకుండా కాపాడే గురుగ్రహం.... ఇలా చెప్పుకొంటూపోతే అద్భుతం అనదగ్గ సానుకూలతలు ఎన్నో భూమికి సొంతం. అందుకనే భూమిలాగా జీవానికి సహకరించే ప్రాంతం ఈ విశ్వంలో ఉండే అవకాశం లేదని నమ్ముతుంటారు శాస్త్రవేత్తలు. ఎక్కడో శనిగ్రహం చుట్టూ తిరిగే టైటాన్ వంటి అతికొద్ది ఉపగ్రహాల మీద మాత్రమే జీవం మనుగడ సాగించే సావకాశం ఉందని భావిస్తుంటారు. మరి ఇప్పుడో... భూమికి కేవలం 39 కాంతిసంవత్సరాల దూరంలో సౌరకుటుంబాన్ని పోలిన ఓ వ్యవస్థ ఉన్నట్లు నాసా ప్రకటించింది. ఏడాదిలో కాంతి ఎంత దూరం ప్రయాణిస్తుందో అది ఓ కాంతి సంవత్సరం అన్న విషయం తెలిసిందే! వినడానికి ఈ దూరం కాస్త ఎక్కువే అనిపించినా, ఈ అనంత విశ్వంలో ఇది ఇంచుమించు పక్కింటితో సమానం. కుంభరాశిలో భాగంగా ఉన్న ఈ వ్యవస్థలోని నక్షత్రానికి ట్రాపిస్ట్‌ 1 అని పేరు పెట్టారు. ఈ ట్రాపిస్ట్‌ 1 నక్షత్రం చుట్టూ ఏడు గ్రహాలు తిరుగుతున్నట్లు గమనించారు. ఈ గ్రహాలన్నీ కూడా సదరు నక్షత్రానికి చాలా చేరువలో ఉన్నాయట. ఒక గ్రహం మీద నిలబడి చూస్తే మిగతా ఆరు గ్రహాలన్నీ కూడా కనిపించేంత దగ్గరదగ్గరగా ఇవి ఉన్నాయి. సూర్యుడితో పోలిస్తే ఈ ట్రాపిస్ట్‌ నక్షత్రం దాదాపు పదోవంతు మాత్రమే ఉంటుంది. పైగా దీని నుంచి వచ్చే కాంతి మన సూర్యకాంతికంటే 200 రెట్లు తక్కువట. అయితే నక్షత్రానికి బాగా దగ్గరగా ఉండటం వల్ల దీని చుట్టూ తిరిగే గ్రహాల మీద ఉష్ణోగ్రతలు 0- 100 మధ్యలోనే ఉంటాయని భావిస్తున్నారు. మరీ ముఖ్యంగా 4,5,6 గ్రహాలు జీవానికి మరింత అనువుగా ఉంటాయని అంచనా వేస్తున్నారు. ట్రాపిస్ట్‌ 1 గురించి అందిన సమాచారమంతా వాటి మీద మనిషి మనుగడకి సంబంధించి కొత్త ఆశలను కల్పించేట్లుగానే ఉంది. అయితే అక్కడ వాతావరణం ఎలా ఉంది, ఆ గ్రహాల మీద నీటి లభ్యత ఎంత, వాటి మీద లభించే ఖనిజాల ఏమిటి... లాంటి పరిశోధనల ఇంకా జరగాల్సి ఉంది. అప్పుడు మాత్రమే వాటి మీద మనుషులు జీవించే అవకాశం ఉందో లేదో నిర్ధారించగలం. అసలు ఇప్పటికే వాటి మీద కొన్ని జీవులు బతికేస్తున్నాయేమో అన్న అనుమానాలు కూడా మొదలైపోయాయి. ఏది ఏమైనా ఇన్నాళ్లకి భూమిని పోలిన గ్రహాలు కొన్ని శాస్త్రవేత్తలకు కొత్త ఆశలను కల్పిస్తున్నాయి.   - నిర్జర.

గ్రేటర్ కు బీజేపీ బడా నేతలు! కారు ఖేల్ ఖతమేనా? 

కారు పార్టీకి కౌంట్ డౌన్  మొదలైనట్టేనా? గ్రేటర్ ఎన్నికతో గులాబీ బాస్ కు చెక్ పెట్టబోతున్నారా? అంటే అవుననే సమాధానమే వస్తోంది. జీహెచ్ఎంసీ ఎన్నికను అత్యంత ప్రతిష్టాత్మకంగా తీసుకుంది బీజేపీ. ఎట్టి పరిస్థితుల్లోనూ గెలవాలనే లక్ష్యంతో బడా నేతలను రంగంలోకి దింపుతోంది. తెలంగాణలో అధికారమే లక్ష్యంగా పావులు కదుపుతున్న కమలదళం..  మరో మూడేళ్లలో జరగనున్న అసెంబ్లీ సమరానికి..జీహెచ్ఎంసీ ఎన్నికను సెమీఫైనల్ గా భావిస్తోంది. గ్రేటర్ లో పాగాతో తమ లక్ష్యానికి చేరుకునేలా కార్యాచరణ రెడీ చేసుకుంటోంది. ఇందులో భాగంగానే గ్రేటర్ ప్రచారానికి పార్టీ అగ్రనేతలను  రంగంలోకి దింపుతోంది.    జీహెచ్ఎంసీ ఎన్నికను బీజేపీ హైకమాండ్ మినిట్ టు మినిట్ మానిటరింగ్ చేస్తుందంటే వాళ్లు ఎంత సీరియస్ గా ఉన్నారో అర్ధం చేసుకోవచ్చు. బిహార్‌ అసెంబ్లీ ఎన్నికల్లో ఎ‍న్డీయేను విజయతీరాలకు చేర్చిన భూపేంద్ర యాదవ్‌ ను గ్రేటర్ ఎన్నికల ఇంచార్జ్ గా నియమించింది. కొన్ని రోజులుగా హైదరాబాద్ లోనే మకాం వేసి రాష్ట్ర నేతలకు దిశానిర్ధేశం చేస్తున్నారు భూపేంద్ర యాదవ్‌. లోకల్ బాడీ ఎన్నికకు జాతీయ స్థాయిలో ట్రబుల్ షూటర్ గా పేరున్న భూపేంద్రను ఇంచార్జ్ గా పంపించిన హైకమాండ్.. అంతటితో ఆగడం లేదు. కేంద్రమంత్రులను హైదరాబాద్ ప్రచారానికి పంపిస్తోంది. రెండు రోజుల క్రితమే గ్రేటర్ లో ప్రచారం చేసి వెళ్లారు ప్రకాశ్ జవదేకర్. కేసీఆర్ సర్కార్ వైఫల్యాలపై ఆయన చార్జీషీట్ విడుదల చేశారు. కేసీఆర్ పాలనపై, టీఆర్ఎస్ పై ఓ రేంజ్ లో ఫైరయ్యారు ప్రకాశ్ జవదేకర్.    బీజేవైఎం జాతీయ అధ్యక్షుడు, బెంగళూరు ఎంపీ తేజస్వి సూర్య కూడా రెండు రోజులుగా నగరంలో పర్యటిస్తున్నారు. ఛేంజ్‌ హైదరాబాద్‌’ కార్యక్రమాలు నిర్వహిస్తూ పార్టీ కేడర్ లో జోష్ నింపుతున్నారు. ఉస్మానియా యూనివర్శిటీలో మీటింగ్ పెట్టి కేసీఆర్ ను తీవ్ర స్థాయిలో టార్గెట్ చేశారు తేజస్వి సూర్య. గ్రేటర్‌ ఎన్నికల్లో ప్రజలు తమకు ఒక్క అవకాశం ఇస్తే భాగ్యనగరం రూపురేఖలు మారుస్తామని, పాతబస్తీలో అరాచక శక్తులను తరిమికొడతామని  తేజస్వి సూర్య అన్నారు. తాను భాగ్యలక్ష్మి దేవాలయానికి వెళ్తే మత విద్వేషాలు రెచ్చగొడుతున్నారని అన్నారని, తనను రెచ్చగొడితే భాగ్యలక్ష్మి దేవాలయాన్ని అడ్డాగా చేసుకుంటానని సవాల్‌ విసిరారు. దమ్ముంటే తనను అరెస్టు చేయాలన్నారు సూర్య. కేంద్రమంత్రి స్మృతి ఇరానీ బుధవారం గ్రేటర్ లో ప్రచారం చేయబోతున్నారు. స్మృతికి తెలంగాణ ఉద్యమంతో అనుబంధం ఉండటంతో ఆమెకు ఇక్కడ చాలా మంది అభిమానులు ఉన్నారు.    కేంద్ర హోంశాఖమంత్రి అమిత్‌ షా, బీజేపీ చీఫ్ జేపీ నడ్డా, ఉత్తరప్రదేశ్‌ ముఖ్యమంత్రి యోగి ఆదిత్యానాథ్‌ పాటు మరికొంతమంది నేతలు జీహెచ్‌ఎంసీ ఎన్నికల ప్రచారంలో పాల్గొంటారని చెబుతున్నారు. గ్రేటర్ లో పాగా వేస్తే దక్షిణాదిలో పార్టీకి ఫుల్ జోష్ వస్తుందని బీజేపీ ప్లాన్ చేసిందని చెబుతున్నారు. గౌతమ్ గంభీర్, సైనా నెహ్వాల్, కుష్భు లు కూడా జీహెచ్ఎంసీ ఎన్నికల ప్రచారం లో పాల్గొననున్నారు తెలుస్తోంది. అవసరమైతే మరికొందరు కేంద్ర మంత్రులు, ముఖ్య నేతలను హైదరాబాద్ పంపించాలని బీజేపీ హైకమాండ్ భావిస్తుందట.  బీజేపీ వ్యూహాలతో అధికార టీఆర్ఎస్ ఉక్కిరిబిక్కిరి అవుతున్నట్లు కనిపిస్తోంది. అందుకే స్థానిక ఎన్నికలను పెద్దగా పట్టించుకోని సీఎం కేసీఆరే స్వయంగా జీహెచ్ఎంసీ ఎన్నికల మేనిఫెస్టోను రిలీజ్ చేశారని, గ్రేటర్ ప్రజలకు వరాలు కురిపించారని చెబుతున్నారు. వరాలు ఇవ్వడమే కాదు బీజేపీ గెలిస్తే శాంతి భద్రతల సమస్యలు వస్తాయంటూ ఓటర్లను భయాందోళన కల్గించే ప్రయత్నం చేశారు కేసీఆర్. బీజేపీ దూకుడుతో గులాబీ నేతల్లో గుబులు పెరిగిపోతుందని రాజకీయ వర్గాల్లోనూ చర్చ జరుగుతోంది.    దుబ్బాక ఉప ఎన్నిక తర్వాత బీజేపీకి జోష్ వచ్చింది. ప్రధాన ప్రతిపక్షం కాంగ్రెస్‌ను వెనక్కి నెట్టి గ్రేటర్‌ పోటీలో బీజేపీ రేసులోకి వచ్చింది. ఇప్పుడు గ్రేటర్‌ లోనూ అధికార పార్టీకి చుక్కలు చూపిస్తోంది బీజేపీ రాష్ట్ర నేతలందరినీ మోహరించి భాగ్యనగర్‌ బస్తీల్లో జోరు పెంచుతోంది.  బండి సంజయ్‌, కేంద్రమంత్రి కిషన్‌ రెడ్డి, డీకే అరుణ, రఘునందన్‌రావుతో సహా రాష్ట్ర స్థాయి నేతలంతా హైదరాబాద్‌లోనే ప్రచారం చేస్తున్నారు. పోలింగ్ సమయం దగ్గర పడుతుండటంతో ప్రచారాన్ని హోరెత్తిస్తున్నారు.

మాస్క్ తీసేసి.. శానిటైజర్ లో కాలేసిన మంత్రి కేటీఆర్

మాట తప్పే వ్యక్తిని ఏమంటారు? అంటే రాజకీయ నాయకుడు అని చెప్పుకొనే రోజుల్లో బతుకుతున్నాం. ఏదో నూటికో కోటికో ఒకరిద్దరు తప్ప దాదాపు రాజకీయ నాయకులంతా అదే కోవకి చెందిన వాళ్లనేది బహిరంగ రహస్యం. చిన్నదో పెద్దదో ఏదొక విషయంలో, ఏదొక సందర్భంలో మాట మార్చడమో, మాట తప్పడమో చేస్తూనే ఉంటారు. దీనికి తెలంగాణ మంత్రి కేటీఆర్ కూడా అతీతులు కాదు. తాజాగా ఆయన మాస్క్ గురించి ఉపన్యాసం ఇచ్చిన 24 గంటల్లోనే శానిటైజర్ లో కాలేశారు.   యాంకర్ సుమ తాజాగా మంత్రి కేటీఆర్ ని ఇంటర్వ్యూ చేసిన సంగతి తెలిసిందే. ఈ ఇంటర్వ్యూలో హైదరాబాద్ అభివృద్ధి అంశంతో పాటు పలు విషయాలను పంచుకున్నారు. అదంతా బాగానే ఉంది కానీ, ఇంటర్వ్యూ స్టార్టింగ్ లో కేటీఆర్ చెప్పిన దానికి, ఇంటర్వ్యూ ముగిసిన కొద్ది గంటలకు ఆయన చేసిన దానికి అసలు పొంతనే లేదు. కేటీఆర్ మాస్క్ లేకుండా ఇంటర్వ్యూలో పాల్గొనడంతో.. మిమ్మల్ని మాస్క్ లేకుండా చూసి ఎన్ని రోజులైంది అని సుమ ప్రశ్నించింది. దీంతో పొంగిపోయిన కేటీఆర్ మాస్క్ గురించి చిన్నపాటి ఉపన్యాసమే ఇచ్చారు. మనిషికి ముక్కు ఎంత ముఖ్యమో ప్రస్తుతం పరిస్థితుల్లో మాస్క్ కూడా అంతే ముఖ్యం అన్నట్టుగా చెప్పారు. ఆరేడు నెలల నుంచి తాను ఎక్కడికెళ్లినా మాస్క్ ధరించే వెళ్తున్నానని.. లాక్ డౌన్ సమయంలో కంటైన్మెంట్ జోన్లలో తిరిగాను, కరోనా పేషెంట్స్ ని కలిసాను.. అయినా తనకి కరోనా సోకలేదని, ఎప్పుడూ మాస్క్ ధరిస్తూ ఉండటమే దానికి కారణమని చెప్పుకొచ్చారు. అంతేకాదు, కొందరుంటారు పేరుకి మాస్క్ పెట్టుకుంటారు, మాట్లాడేటప్పుడు మాస్క్ తీసేసి మాట్లాడతారు అంటూ సెటైర్స్ కూడా వేశారు.   అబ్బబ్బా మాస్క్ గురించి మంత్రి కేటీఆర్ ఎంత గొప్పగా సెలవిచ్చారో కదా. ఆగండి ఆగండి కంగారుపడి పొగిడేసి మనం కూడా ఆయనలాగా శానిటైజర్ లో కాలేస్తే ఎలా?. మాస్క్ గురించి ఉపన్యాసం ఇచ్చిన 24  గంటల్లోనే కేటీఆర్ మాస్క్ గొప్పతనాన్ని మరిచారు. జీహెచ్ఎంసీ ఎన్నికల ప్రచారంలో బిజీగా ఉన్న ఆయన.. నిన్న ప్రచారంలో మాస్క్ ని ముక్కుకి పెట్టుకోవడమే మరిచారు. మాస్క్ లేకుండా పబ్లిక్ లోకి రానని చెప్పిన ఆయన, కొందరు మాట్లాడేటప్పుడు మాస్క్ తీసేస్తున్నారని సెటైర్స్ వేసిన ఆయన.. చెప్పిన 24 గంటల్లోనే తప్పులో కాలేశారు. ఏదో ఫార్మాలిటీకి మెడలో మాస్క్ తగిలించుకొని ప్రచారంలో పాల్గొన్నారు. ఇలా అయితే ఎలా మంత్రి గారు. అసలే మిమ్మల్ని ప్రజలు మాస్క్ కి బ్రాండ్ అంబాసిడర్ అనుకుంటున్నారు. మీరు మాస్క్ మరిచి మా మనోభావాలు హర్ట్ చేయకండి. దయచేసి వాక్సిన్ వచ్చేవరకు మాస్క్ తోనే కనిపించండి.

చైనాకు భారత్ మరో పెద్ద షాక్.. మరో 43 యాప్‌ల నిషేధం

భారత్ చైనా సరిహద్దు ఘర్షణల నేపథ్యంలో గత జూన్ లో పలు చైనా యాప్‌లను నిషేధిస్తూ చర్యలు తీసుకున్నకేంద్ర ప్రభుత్వం.. తాజాగా చైనాకు మరో ఝలక్ ఇచ్చింది. ఆ దేశానికి చెందిన 43 యాప్‌లను బ్యాన్ చేస్తూ తాజాగా ఉత్తర్వులు జారీ చేసింది. మనదేశ సార్వభౌమత్వం, సమగ్రత, రక్షణ, భద్రతకు ముప్పు వాటిల్లుతోందని పేర్కొంటూ ఈ 43 మొబైల్ అప్లికేషన్లను నిషేధిస్తూ సమాచార, సాంకేతిక శాఖ ఈరోజు మంగళవారం ఆదేశాలు జారీ చేసింది. కేంద్ర హోం మంత్రిత్వ శాఖ అనుబంధ ఇండియన్ సైబర్ క్రైమ్ కో-ఆర్డినేషన్ నుంచి వచ్చిన నివేదికల ఆధారంగా ఈ నిర్ణయం తీసుకున్నట్లు ఐటీ మంత్రిత్వ శాఖ ఒక ప్రకటనలో తెలిపింది. కొత్తగా బ్యాన్ చేసిన ఈ యాప్స్‌లో చైనా వ్యాపార దిగ్గజ సంస్థ అలీ ఎక్స్‌ప్రెస్ కూడా ఉంది. దానితో పాటు అలీబాబా వర్క్ బెంచ్, హీరోస్ ఎవాల్వ్‌డ్, డింగ్ టాక్ వంటి ఇతర అప్లికేషన్లున్నాయి.    ఇది ఇలా ఉండగా.. ఈ ఏడాది జూన్ 29న ఇన్‌ఫర్మేషన్ టెక్నాలజీ యాక్ట్ సెక్షన్ 69 ఏ కింద 59 మొబైల్ యాప్స్‌ను.. అలాగే సెప్టెంబర్ 2న మరో 118 యాప్‌లను ప్రభుత్వం నిషేధించిన సంగతి తెలిసిందే. వీటిలో ఎక్కువగా చైనీస్ యాప్‌లే. కాగా టిక్‌టాక్, యూసీ బ్రౌజర్, వీ చాట్, లూడో వంటి యాప్‌లు భారతదేశ సమగ్రత, సార్వభౌమత్వానికి భంగం వాటిల్లేలా చేస్తున్నాయంటూ గతంలో ఎన్నో ఆరోపణలు వచ్చాయి.

వ్యాయామం మీద అతి పెద్ద పరిశోధన

ఆరోగ్యానికి నడక ఎంత అవసరమో కొత్తగా చెప్పేదేమీ లేదు. జాగింగ్‌ చేయడం, సైకిల్‌ తొక్కడం, ఈత కొట్టడం... ఇవన్నీ కూడా మంచి ఫలితాలని ఇచ్చే వ్యాయామాలే అయినప్పటికీ... సులువుగా సహజంగా చేసే నడకే మన ఆరోగ్యాలను కాపాడుతూ వస్తోంది. కానీ ఈ నడక ఎంతసేపు ఉండాలి, ఎలా ఉండాలి అన్నదాని మీద ఇప్పటివరకూ ఎవరూ సరైన జవాబు చెప్పలేకపోతున్నారు. రోజుకి 10,000 అడుగులు నడిస్తే మంచిదన్న మాట ఉన్నప్పటికీ... అదేమీ అంత శాస్త్రీయం కాదని కొట్టి పారేస్తున్నారు నిపుణులు. ఈ 10,000 అడుగులు అన్నమాట జపాన్‌లోకి ఒక వాణిజ్య సంస్థ మొదలుపెట్టిన ప్రచారం అని గుర్తుచేస్తున్నారు. మరికొందరేమో వారానికి ఓ రెండు రోజుల పాటు వ్యాయామం చేస్తే సరిపోతుందిలే... మిగతా రోజుల్లో ఆఫీసుకి పోవాలి కదా! అంటున్నారు. మరి నడకకు సంబంధించి లోగుట్టును రట్టు చేసేదెలా!     అమెరికాలోని స్టాన్‌ఫోర్డ్‌కు చెందిన ‘అలెన్‌ యూంగ్‌’ అనే కార్డియాలజిస్టుకి ఇదే అనుమానం వచ్చింది. వేలమంది జనాల రోజువారీ కదలికలను క్షుణ్నంగా పరిశీలిస్తే కనుక.... వారి జీవిత విధానం, అందులో భాగంగా వారు ఎంతసేపు నడుస్తున్నారు, ఎలాంటి వ్యాయామం చేస్తున్నారు తెలిసిపోతుంది. వ్యాయామం చేయడం వల్ల వాళ్ల ఆరోగ్యం ఏమన్నా మెరుగుపడిందా! అన్న విషయమూ బయటపడుతుంది. కానీ ఇందుకోసం వేలమంది జీవితాలను దగ్గరగా పరిశీలించడం ఎలా సాధ్యం?     తన పరిశోధనను ఎలా ముందుకు తీసుకుపోవాలా అని బుర్ర బద్దలుకొట్టుకుంటున్న అలెన్‌కు హఠాత్తుగా ఓ ఉపాయం తోచింది. అప్పటికే యాపిల్‌ సంస్థ విడుదల చేసిన ఒక యాప్‌ గుర్తుకువచ్చింది. మన శరీర కదలికలు ఎలా ఉన్నాయి? మనం ఎంత దూరం నడుస్తున్నాం? అని పసిగట్టగలిగే ఈ యాప్‌ను డౌన్‌లోడ్‌ చేసుకోమంటూ ఒక పిలుపుని ఇచ్చారు. అలెన్‌. అలెన్ పిలుపునిచ్చిన తొలివారంలోనే దాదాపు 53,000 మంది ఈ యాప్‌ను డౌన్‌లోడ్‌ చేసుకున్నారు. ప్రస్తుతానికి లక్షమంది ఈ యాప్‌ ద్వారా అలెన్‌కు తమ కదలికలకు సంబంధించిన సమాచారాన్ని అలెన్‌కు అందిస్తున్నారు. అందుకే వ్యాయామానికి సంబంధించి అతి పెద్ద పరిశోధనగా ఇది పేరుగాంచింది.     అలెన్‌ మొదలుపెట్టిన ఈ పరిశోధన ద్వారా పూర్తిస్థాయి ఫలితాలు అందేందుకు కొంత కాలం పట్టక తప్పదు. లక్షమందికి సంబంధించిన గణాంకాలను విశ్లేషించాలంటే అంత తేలికైన విషయం కాదు కదా! కానీ ఈపాటికే ఈ గణాంకాలు కాస్త భయపెట్టేవిగా ఉంటున్నాయట. మనలో చాలామంది అసలు కదలనే కదలడం లేదంటూ ఈ యాప్ ద్వారా తేలుతోందట. ‘అందులో ఆశ్చర్యం ఏముంది? మన సమయాన్ని పూర్తిగా కూర్చునే గడిపేస్తున్నాం. అటూఇటూ వెళ్లడం మాట అటుంచి, కనీసం లేచి నిలబడేందుకు కూడా ప్రయత్నించడం లేదు’ అంటున్నారు అలెన్. మరి ఈ పరిశోధన ముగిసేసరికి ఇలాంటి భయంకరమైన వాస్తవాలు ఎన్ని బయటపడతాయో! మరైతే ఎంతసేపు నడవాలి? ఎలా నడవాలి? అన్న విషయమై అలెన్‌ తన పరిశోధనని పూర్తి చేసేదాకా మనం ఆగాలా! అమెరికాలోనే సుదీర్ఘ కాలం నడక గురించి అధ్యయనం చేస్తున్న ‘ట్యూడర్‌ లాక్‌’ అనే నిపుణుడి ప్రకారం మనషి రోజుకి కనీసం 8,000 అడుగులన్నా నడిస్తే మంచిది. సాధారణంగా మనిషి ఓ 5,000 అడుగుల వరకు తనకు తెలియకుండానే నడుస్తుంటాడనీ, దానికి మరో 3,000 అడుగులు జోడించేందుకు, ఓ అరగంటపాటు ప్రత్యేకంగా నడకసాగించమని చెబుతున్నారు ట్యూడర్‌. మరి అలెన్‌ పరిశోధన, ట్యూడర్‌ మాటను ఎంతవరకు రుజువు చేస్తుందో చూడాలి. - నిర్జర.

గొంతు నొప్పికి చక్కటి పరిష్కారం..!

చలికాలం వచ్చిందే చాలు అనేక అనారోగ్యసమస్యలు ముసురుకుంటాయి. కరోనా మహ్మమారి వ్యాప్తి కారణంగా ఏ మాత్రం జబులు, గొంతునొప్పి వంటి లక్షణాలు కనిపించినా భయంతో హస్పిటల్స్ కు పరిగెత్తుతున్నారు. అయితే అన్ని సమస్యలను కరోనా దృష్టిలో చూడటం మంచిది కాదు. ముఖ్యం గొంతు నొప్పి రావడానికి చాలా కారణాలు ఉన్నాయి. జీర్ణక్రియ అస్తవ్యస్తం కావడంతో కొందరిలో గొంతు ఒరుసుకుపోతుంది. గొంతు వద్ద ఏదో నొక్కుతున్న భావన కలగడం, తెమడ జిగటగా ఉండి బయటికి రావడం కష్టం కావడం, కొండనాలుకలో వాపు కనిపిస్తాయి. ఈ స్థితిలో సల్ఫర్‌, సేఫియా, ఆర్సెనిక్‌ ఆల్బ్‌ం  వంటి మందులు బాగా పనిచేస్తాయి. బ్రయోనియా, పల్సటిల్లా,  మందులు కూడా ఉపయోగించవచ్చు. కొందరిలో జీర్ణాశయ సమస్యల వల్ల గొంతు, గవద బిళ్లలు ఎర్రబారడం, గొంతు ఒరిపిడికి గురికావడంతో పాటు  గొంతు పొడిబారినా దప్పిక అనిపించకపోవడం వంటి లక్షణాలు కనిపిస్తాయి. కొందరిలో సాయంత్రం వేళ ఈ లక్షణాలు మరింత తీవ్రమవుతాయి. చలివేయడంతో పాటు గొంతులో జిగటగా అంటుకుపోతున్న భావన కలుగుతుంది. ఇలాంటి వారికి పల్సటిల్లా మందు బాగా పనిచేస్తుంది. గొంతు నొప్పి రాగానే భయపడకుండా గోరువెచ్చని నీటిలో ఉప్పు వేసుకుని గార్లింగ్ చేసినా మంచి ఫలితం ఉంటుంది.

ఆరోగ్యం దుమ్ముకొట్టుకుపోతోంది

మారుతున్న నాగరికత పుణ్యమా అని ఇప్పుడు గ్రామాలు కూడా పట్టణాలకు తీసిపోకుండా ఉన్నాయి. వీధుల్లో కార్లూ, నేల మీద టైల్స్, ఇంట్లో డియోడరెంట్లు ఇప్పుడు సర్వసాధారణం. ఇక ప్లాస్టిక్‌ వాడకం గురించైతే చెప్పనే అక్కర్లేదు. వీటి వాడకం వల్ల పెద్దగా నష్టం లేదనీ, ఒకవేళ ఉన్నా వాటికి కాస్త దూరంగా ఉంటే సరిపోతుందనీ అనుకుంటున్నాము. కానీ కొత్తగా జరుగుతున్న కొన్ని పరిశోధనలు మనం వాడే వస్తువుల నుంచి వెలువడే కాలుష్య రసాయనాలు, మన ఇంట్లో ఉండే దుమ్ములో సైతం పేరుకుపోతున్నాయని రుజువుచేస్తున్నాయి.   పరిశోధన గత పదహారు సంవత్సరాలుగా మన ఇళ్లలో ఉండే దుమ్ము గురించి అమెరికాలో పలు పరిశోధనలు జరిగాయి. జార్జ్‌ వాషింగ్టన్‌ విశ్వవిద్యాలయానికి చెందిన పరిశోధకులు ఈ పరిశోధనల ఫలితాలన్నింటినీ క్రోడీకరించి చూశారు. ఇంట్లో రోజూ కనిపించే దుమ్ములో దాదాపు 45 రకాల హానికారక పదార్థాలు ఉన్నట్లు ఈ పరిశీలనలో తేలింది. వీటిలో ఒక పది రకాలైతే దాదాపు అమెరికా అంతటా కనిపించాయట.      వేటి నుంచి? ఇంతకీ ఈ హానికారక రసాయనాలు వేటినుంచి వచ్చి దుమ్ములో చేరుతున్నాయనే విషయం ఆసక్తికరమైనది. ప్లాస్టిక్‌ వస్తువులు మృదువుగా ఉండేందుకు వాడే phthalates అనే పదార్థాలూ, షాంపూల వంటి ఉత్పత్తులు నిలువ ఉండేందుకు వాడే phenol అనే రసాయనాలు, నాన్‌స్టిక్ వంటి వస్తువులను తయారుచేసేందుకు వాడే ఫ్లోరినేటెడ్‌ కెమికల్స్‌... ఇలా మన చుట్టూ ఉన్న నానారకాల వస్తు సముదాయం నుంచి హానికారకాలు వెలువడి, ఇంట్లోని దుమ్ములో పేరుకుంటున్నాయని తేలింది. ఒక్క మాటలో చెప్పాలంటే... మన ఇంట్లో రసాయనాలతో తయారైన ప్రతి పదార్థమూ ఎంతో కొంత విషాన్ని, ఇంటి వాతావరణంలోకి వెదజల్లుతూనే ఉంది. ఇక బయట నుంచి వచ్చే దుమ్ము గురించి చెప్పనే అక్కర్లేదు. పరిశ్రమల దగ్గర్నుంచీ వాహనాల వరకూ ప్రతి ఒక్క యంత్రమూ ఎంతో కొంత కాలుష్యాన్ని మన ఇంట్లోకి చేరవేస్తోంది.   తీవ్రమైన హాని ఇలా దుమ్ములో కనిపించే రసాయనాలు ముఖ్యంగా సంతానోత్పత్తి మీద దుష్ప్రభావం చూపుతాయట. ఇక జీర్ణవ్యవస్థను దెబ్బతీయడం దగ్గర్నుంచీ కేన్సర్‌ను కలిగించడం వరకూ ఇవి నానారకాల రోగాలకూ మనల్ని చేరువ చేసే అవకాశం లేకపోలేదు. నేల మీద పారాడే పసిపిల్లలు, ఏది పడితే అది నోట్లో పెట్టుకునే చిన్న పిల్లలు వీటి బారిన పడే ప్రమాదం అత్యధికం.     దుమ్ము దులుపుకోవడమే! మనం రోజువారీ విచ్చలవిడిగా వాడేస్తున్న వస్తువులు, అవి వెలువరించే హానికారక పదార్థాల గురించి ఇంకా పూర్తిస్థాయి పరిశోధనలు జరగవలసి ఉంది. ఈలోపల మనం చేయగలిగిందల్లా, ఇంటిని ఎప్పటికప్పుడు శుభ్రంగా ఉంచుకునే ప్రయత్నం చేయడమే. ఇంట్లో దుమ్ము మరీ ఎక్కువగా పేరుకుంటూ ఉంటే, పాత పద్ధతులను వదిలిపెట్టి శక్తిమంతమైన వాక్యూమ్ క్లీనర్లను ఉపయోగించమని సూచిస్తున్నారు. నేలని ఎప్పటికప్పుడు తడిగుడ్డతో శుభ్రం చేస్తూ ఉండాలనీ, చేతులను తరచూ కడుక్కుంటూ ఉండాలని సలహా ఇస్తున్నారు. దుమ్మే కదా అని అశ్రద్ధ చేస్తే మన ఆరోగ్యం కూడా దుమ్ముకొట్టుకుపోయే ప్రమాదం ఉందని హెచ్చరిస్తున్నారు.   - నిర్జర.
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.