LATEST NEWS
  It’s Bihar and you can certainly expect such news. Earlier 42,000 answer sheets of Class 10th have gone missing from the storage room of S.S Girls Inter College in Gopalganj. As the incident created much havoc in the state, a Special Investigation Team was deployed to probe the case. The team has however found out that the answer sheets were sold to a scrap dealer by the peon of the college for 8,000 Rs. To the surprise of the special team this has been happening since 2014. The peon was arrested along with the Headmaster for the fraud and negligence. As the result of this theft, the 10th class results of Bihar were postponed to June 26th.  
  Some say that it was a reliable survey and others argue it to be a representation of feud between Modi and Mamata Benarjee. A survey named "Swachh Survekshan" has been conducted by the central government. It has given ranks to 500 urban bodies with more than one lakh population. None of the towns in West Bengal could stand in top 300. Moreover 25 towns from the state found place in lower 50 ranks. Various indicators such as open defecation, waste collection, sanitation, solid waste management were taken into account to decide the rank. However the Trinamool Congress ministers have said the survey to be a weapon to defame the name of West Bengal in coming elections.  
The Delhi police have arrested an Army Major yesterday. His crime! The major was so obsessed with his colleague’s wife that he killed her when she said no for a marriage. Major Nikhil Rai Handa killed Shailza Dwivedi (35), wife of Major Amit Dwivedim on a broad day light. Nikhil a womaniser and Shailza too fell for his desire. However she refused to give divorce to her husband and marry Nikhil. The both had a heated argument over the issue and Nikhil slit her throat and left her in her house. However, the call list of the victim zeroed down to Nikhil and further investigation showed that he has many more women in his trap.
ALSO ON TELUGUONE N E W S
సీనియర్ హీరోలు నాగార్జున,వెంకటేష్ యువ హీరోలతో కలిసి మల్టీస్టారర్ సినిమాలు ఎక్కువగా చేస్తున్నారు.. మహేష్ బాబుతో కలిసి 'సీతమ్మ వాకిట్లో సిరిమల్లె చెట్టు' తో అలరించిన వెంకటేష్ ప్రస్తుతం వరుణ్ తేజ్ తో ఒకటి, అలానే నాగ చైతన్యతో ఒక మల్టీస్టారర్ చేస్తున్నాడు.. ఇక నాగార్జున కూడా కార్తీతో కలిసి చేసిన 'ఊపిరి' సినిమాతో ఆకట్టుకున్నాడు.. ఇప్పుడు నేచురల్ స్టార్ నానితో కలిసి ఓ మల్టీస్టారర్ చేస్తున్నాడు.. అయితే ఇప్పుడొక ఆసక్తిరమైన వార్త ఫిలింనగర్లో చక్కర్లు కొడుతోంది.. నాగార్జున త్వరలో నందమూరి కళ్యాణ్ రామ్ తో కూడా ఓ మల్టీస్టారర్ చేయబోతున్నాడట.. ఈ సినిమాకి 'ప్రేమ ఇష్క్ కాదల్' ఫేమ్ పవన్ సాదినేని దర్శకత్వం వహించబోతున్నట్టు తెలుస్తుంది.. నాగార్జున, కళ్యాణ్ రామ్ ఇద్దరికీ కథ నచ్చడంతో పవన్ స్క్రిప్ట్ వర్క్ తో బిజీగా ఉన్నాడట.. త్వరలో ప్రారంభం కానున్న ఈ సినిమాని కళ్యాణ్ రామ్ తన సొంత బ్యానర్ ఎన్టీఆర్ ఆర్ట్స్ లో నిర్మించబోతున్నట్టు తెలుస్తుంది.
  You might have never heard of a Television serial facing strike. But it might be the case with Bigg Boss 2 Tamil hosted by none other than the controversial star Kamal Haasan. The Film Employees Federation of South India (FEFSI) is protesting that the employees used for the show mostly belong to the north India which is against the rules made by FEFSI. “We have given them time till Saturday. If they aren’t heeding to our demand, around 2,000 members will stage a grand protest at the shooting spot’’ said the general secretary of FEFSI.  
  Pawan Kalyans’ ex-wife Renu Desai has at last got married. Though Renu has posted the photo of her engagement, she has kept the identity of her fiancé a secret. Well you could guess the reason. As soon as Renu posted the picture, she began to receive compliments as well as threats. One has requested her for not be married and other has warned her of consequences of a second marriage. Well! No one needs to clarify about the people who warned her. They are the ones who kept threatening her on the social media when she expressed her desire to get married again. Need any more clue of those `powerful` fans!  
రీసెంట్ గా పవన్ విజయవాడలో అద్దె ఇంట్లో దిగిన సంగతి తెలిసిందే.. అయితే ఆరోజు పవన్ పక్కన ఆయన కుమారుడు అకీరా నందన్ కనిపించాడు.. దీంతో సోషల్ మీడియాలో చర్చలు మొదలయ్యాయి.. 'పవన్ మాజీ భార్య రేణు దేశాయ్ రెండో పెళ్లి చేసుకుంటుంది, అందుకే అకీరా తండ్రి వద్దకి వచ్చాడు ఇక ఇక్కడే ఉంటాడు' అని కొందరంటే.. పవన్ కంటి ఆపరేషన్ చేయించుకుంటున్నాడు ఈ టైం లో తండ్రి పక్కనుంటే బాగుంటుందని అకీరా వచ్చాడని మరికొందరు.. ఇలా చర్చలు, ప్రశ్నలతో విసుగెత్తిపోయిన రేణు దేశాయ్ ఒక్క పోస్ట్ తో అందరికి సమాధానం చెప్పింది.. అకీరా హాలిడేస్ తన తండ్రితో గడిపేందుకు వచ్చాడు.. పూర్తిగా షిఫ్ట్ కాలేదు.. అయినా భార్య భర్తలు విడిపోయాక పిల్లలు ఎవరి దగ్గరైనా ఉండొచ్చు, కొంత కాలం గడపొచ్చు.. పవన్ తో అకీరా కనిపించడంతో ఒకటే మెసేజ్ లు వస్తున్నాయి.. ఆ మెసేజ్ లకు పుల్ స్టాప్ పెట్టేందుకు ఈ క్లారిటీ ఇస్తున్న అంటూ రేణు దేశాయ్ చెంప చెళ్లుమనిపించేలా సమాధానం ఇచ్చింది.
విజయ్ దేవరకొండ.. అర్జున్ రెడ్డి సినిమాతో ఒక్కసారిగా యూత్ కి దగ్గరైపోయాడు.. అప్పటి నుండి విజయ్ ఏం చేసినా హాట్ టాపిక్.. స్టార్ హీరోలు నామినేషన్స్ లో ఉన్నా, బెస్ట్ యాక్టర్ గా ఫిలింఫేర్ అవార్డు అందుకొని అందర్నీ ఆశ్చర్యపరిచాడు.. ఆ అవార్డుని సీఎం సహాయనిధికి ఇస్తానని ట్విట్టర్ ద్వారా కేటీఆర్ కు తెలియచేసి ఇంకాస్త ఆశ్చర్యపరిచాడు.. దానికి బదులుగా ట్విట్టర్ ద్వారా విజయ్ ని ప్రశంసించిన కేటీఆర్,  ఇప్పుడు విజయ్ కి ఓ పెద్ద సర్ ప్రైజ్ ఇచ్చారు.. ఆదివారం కేటీఆర్, విజయ్ ఇంటికెళ్లి ఫిలింఫేర్ అవార్డు సీఎం సహాయనిధికి ఇచ్చినందుకు అభినందించారు.. విజయ్ ఇంట్లో కాసేపు సరదాగా గడిపిన కేటీఆర్, విజయ్ కుటుంబంతో కలిసి భోజనం కూడా చేసారు.. ఈ విషయాన్ని 'మీ ఇంటికి మీ ఇష్టమైన నాయుడు లంచ్ కు వస్తే ఎలా ఉంటుంది' అంటూ విజయ్ తన ఆనందాన్ని ట్విట్టర్లో పంచుకున్నారు.
  రాష్ట్ర ప్రయోజనాల కోసం 2014 లో బీజేపీతో కలిసి పనిచేసిన చంద్రబాబు, రాష్ట్ర అభివృద్ధికి కేంద్రం సహకరించట్లేదని బీజేపీని విభేదించి ఎన్డీయే నుండి బయటికొచ్చారు.. అయినా దైర్యం కోల్పోని బాబు, రాష్ట్ర అభివృద్ధి కోసం పోరాడుతున్నారు.. రీసెంట్ గా కృష్ణా, గుంటూరు జిల్లాలకు చెందిన అంగన్‌వాడీ టీచర్లు, ఆయాలతో సమావేశమైన బాబు.. రాష్ట్ర ప్రభుత్వం చేస్తున్న అభివృద్ధి గురించి వివరించారు, అలానే కేంద్ర ప్రభుత్వం తీరుని ఎండగట్టారు. సీఎంగా బాధ్యతలు చేపట్టినప్పుడు రాష్ట్రంలో లెక్కలేనన్ని సమస్యలు చుట్టుముట్టాయని తెలిపారు.. ‘రాజధాని లేదు.. ఆదాయం లేదు.. పేదవాళ్లకు రేషన్‌, వృద్ధులకు పింఛను రాదని భయపడ్డారు. ఈ కష్టాలన్నిటినీ ఓర్చుకుంటూ ధైర్యంతో నిలబడ్డాం.. నాలుగేళ్లలో కేంద్రం సహకరించలేదు.. విశాఖ రైల్వేజోన్‌, కడప స్టీల్‌ ప్లాంట్‌ స్థాపనలో మొండిచెయ్యి చూపారు.. పోలవరం నిర్మాణానికి అనేక ఆంక్షలు,నిబంధనలతో ఆటంకం కలిగిస్తున్నారు.. అయినా మనమే సొంత నిధులతో ప్రాజెక్టు నిర్మాణం ఆగకుండా పట్టుదలతో పూర్తి చేయడానికి కృషి చేస్తున్నాం.. రాష్ట్రంలో కరువు నివారణకు, నీటి భద్రతకు పోలవరం నిర్మాణమే శరణ్యం’ అని బాబు తెలిపారు. కేంద్రం సహకరించిక పోయినా, పోరాటం చేయాల్సిన అవసరం లేకుండానే.. అంగన్‌వాడీ టీచర్లు, ఆయాల బాధలను తొలగించేందుకు వారి జీతాలను పెంచామని గుర్తుచేశారు.. రాష్ట్రంలో ఇప్పటికే 75 శాతం ఉన్న సంతృప్తి 90 శాతానికి పెంచాలన్నదే తమ లక్ష్యమని చెప్పిన బాబు, ‘రాష్ట్రం సాధిస్తున్న ప్రగతికి మీ అందరూ అండగా నిలవాలని కోరారు.. వచ్చే ఎన్నికల్లో టీడీపీకి ఓట్లు వేస్తే 25 ఎంపీ సీట్లు సాధిస్తాం.. అప్పుడు ప్రధాని ఎవరో మనమే నిర్ణయిస్తాం.. ఫలితంగా రాష్ట్రానికి ప్రత్యేక హోదా, నిధులు కేంద్రాన్ని దబాయించి సాధిస్తాం అన్నారు.. టీడీపీ రెండోసారి కూడా ఎన్నికల్లో గెలిచి అధికారంలో ఉంటేనే రాష్ట్రం అభివృద్ధి కొనసాగుతుందన్న బాబు, అమలుకాని హామీలు గుప్పిస్తున్న కోతిమూకలు అధికారంలోకి వస్తే రాష్ట్రం కుక్కలు చింపిన విస్తరిలా మారుతుందని హెచ్చరించారు. నల్లడబ్బు వెలికితీసి ప్రతి పౌరుడికి రూ.15 లక్షలు ఇస్తామని ఎన్నికల సమయంలో చెప్పిన మోదీ.. దానిని నెరవేర్చలేదని బాబు అన్నారు.. మోదీ ప్రభుత్వం వ్యవసాయాన్ని భ్రష్టుపట్టించిందని విమర్శించిన బాబు, జీఎస్టీ అమలు, నోట్ల రద్దుతో దేశ ప్రజలందరికీ కష్టాలొచ్చాయని తెలిపారు.. చూద్దాం మరి బాబు కోరుకున్నట్టు టీడీపీ 25 ఎంపీ స్థానాలు గెలిచి, కేంద్రాన్ని దబాయించి రాష్ట్రానికి ప్రత్యేక హోదా, నిధులు సాధిస్తుందేమో.
  నోట్లరద్దు.. ఈ పదం వింటే ఇప్పటికీ చాలామందిలో వణుకు పుడుతుందేమో.. 2016 నవంబర్ 8 న ఐదొందలు,  వెయ్యి రూపాయల నోట్లను రద్దు చేస్తూ మోడీ ప్రభుత్వం సంచలన నిర్ణయం తీసుకుంది.. పాత నోట్లను మార్చుకోటానికి 50 రోజులు సమయం ఇచ్చింది.. ప్రజలు బ్యాంకులు, పోస్ట్ ఆఫీస్ లకు క్యూ కట్టారు.. జిల్లా సహకార బ్యాంకుల్లో మాత్రం నోట్లు మార్చుకోడానికి ఐదు రోజులే సమయం ఇచ్చారు.. ఈ నోట్లరద్దు వల్ల సామాన్యులు ఇబ్బంది పడుతున్నారని విపక్షాలు అంటే, బ్లాక్ మనీ కంట్రోల్ అవుతుంది సామాన్యులకు మంచి జరుగుతుందని ప్రభుత్వం సమర్ధించుకుంది.. తీరా చుస్తే 99 శాతం రద్దైన నోట్లు బ్యాంకులకు చేరాయి.. దీంతో నోట్లరద్దు విఫలం అయిందంటూ విపక్షాలు ప్రభుత్వం మీద విమర్శలు చేయటం.. ప్రభుత్వం సమర్ధించుకోవడం ఇలా రోజులు గడిచిపోయాయి.. ప్రజలు కూడా ఇక నోట్ల రద్దు ముగిసిన అంశం అనుకున్నారు.. కానీ నోట్లరద్దు మళ్ళీ తెరమీదకి వచ్చింది. బీజేపీ పాలిత రాష్ట్రాల్లోని బ్యాంకుల్లో ఎక్కువ నోట్లు జమ అయినట్టు తెలుస్తుంది.. అంతేకాదు అహ్మదాబాద్ సహకార బ్యాంకులో కేవలం ఐదు రోజుల్లో 750 కోట్ల రద్దైన నోట్లు జమ అయ్యి టాప్ ప్లేస్ లో ఉంది.. ఇంకో కొసమెరుపు ఏంటంటే ఈ బ్యాంకుకి అమిత్ షా డైరెక్టర్.. ఇంకేముంది విపక్షాలు మళ్ళీ ప్రభుత్వం మీద విమర్శలు మొదలు పెట్టాయి.. ఇదే విషయంపై రాహుల్ గాంధీ ట్విట్టర్ వేదికగా స్పందించారు.. కేవలం ఐదు రోజుల్లోనే 750 కోట్ల రద్దైన నోట్లను మార్చి ఫస్ట్ ప్రైజ్ సాధించిన అహ్మదాబాద్ సహకార బ్యాంకు డైరెక్టర్ అమిత్ షా గారికి కంగ్రాట్స్ అంటూ రాహుల్ వ్యంగ్యంగా ట్వీట్ చేసారు.. అంతేకాదు నోట్లరద్దు వల్ల దేశమంతా ఇబ్బంది పడితే, అమిత్ షా మాత్రం లాభపడ్డారు అని రాహుల్ పేర్కొన్నారు.
  గత ఎన్నికల్లో టీడీపీకి మద్దతిచ్చిన జనసేన, తర్వాత టీడీపీని విభేదించి వచ్చే ఎన్నికల్లో ఒంటరిగా పోరుకు సిద్ధమైంది.. టీడీపీ మీద విమర్శలు చేస్తుంది.. అయితే వైసీపీ, జనసేన కుమ్మక్కయ్యాయని టీడీపీ ఆరోపణలు చేస్తుంది.. తాజాగా వైసీపీ నేత మాజీ ఎంపీ వరప్రసాద్ చేసిన వ్యాఖ్యలు ఆ ఆరోపణలకు బలం చేకూరుస్తున్నాయి.. వచ్చే ఎన్నికల్లో పవన్, వైసీపీకి మద్దతిస్తారని చెప్పిన వరప్రసాద్, ఈ విషయాన్నీ తనకి స్వయంగా పవనే చెప్పారని బాంబు పేల్చారు.. 'చంద్రబాబు అనుభవం కలిగిన వ్యక్తి, అవినీతి చేయరన్న ఉద్దేశంతో 2014 ఎన్నికల్లో మద్దతిచ్చాను.. కానీ ఈ నాలుగేళ్లలో అవినీతి పెరిగిపోయింది, ప్రత్యేకహోదా కూడా సాధించలేదు.. అందుకే ఈసారి ఎట్టి పరిస్థితుల్లోనూ చంద్రబాబుకి మద్దతు తెలపనని' పవన్ అన్నట్టు వరప్రసాద్ తెలిపారు.. అంతేకాదు వచ్చే ఎన్నికల్లో మద్దతంటూ ఇస్తే జగన్ కే ఇస్తానని పవన్ స్పష్టం చేసినట్టు వరప్రసాద్ చెప్పారు.. పవన్ అభిప్రాయం పట్ల తాను హర్షం వ్యక్తం చేసానని, ఇదంతా వాస్తవమని వరప్రసాద్ స్పష్టం చేసారు.. సాక్ష్యాత్తు వైసీపీ నేత వరప్రసాదే మాకు వచ్చే ఎన్నికల్లో పవన్ మద్దతిస్తాడని చెప్పడంతో.. ఇన్నిరోజులు టీడీపీ చేస్తున్న ఆరోపణలు నిజమని తేలిపోయిందని విశ్లేషకులు భావిస్తున్నారు.. మరి ఒంటరిగా పోరుకి సిద్ధమన్న పవన్, వచ్చే ఎన్నికల్లో నిజంగా వైసీపీతో జత కడతాడా? లేక ఒంటరిగా తన అదృష్టాన్ని పరీక్షించుకొని, ఫలితాల తరువాత పొత్తుల గురించి ఆలోచిస్తాడా? లేదు ప్రశ్నించడానికి పార్టీ పెట్టా అన్నాడు కాబట్టి ప్రభుత్వంలో ఏ పార్టీ ఉన్నా ప్రశ్నిస్తూ ఉంటాడా? అమ్మో ఇన్ని ప్రశ్నలా!! వీటన్నింటికి సమాధానం తెలియాలంటే వచ్చే ఎన్నికల వరకు ఆగాల్సిందే.. చూద్దాం ఏం జరుగుతుందో.  
  యోగా చేయాలని ఎవరికి మాత్రం ఉండదు. టకటకా యోగాసనాలు వేసేసి అందాన్నీ, ఆరోగ్యాన్నీ, మానసిక ప్రశాంతతనీ పొందాలని ఎవరికి అనిపించదు. కానీ యోగా చేయడం ఎలా? అన్న ప్రశ్న దగ్గరే అందరూ ఆగిపోతూ ఉంటారు. కష్టమైన ఆసనాలు వేయడానికి ఎవరో ఒక గురువు దగ్గరకి వెళ్లడం తప్పనిసరే! కానీ అంతవరకు కొన్ని తేలికైనా ఆసనాలు వేసి కావల్సినంత ఆరోగ్యాన్ని పొందవచ్చునంటున్నారు. ఆ ఆసనాలు ఏంటో మీరే చూడండి... వృక్షాసనం ఈ ఆసనంలో ముందుగా రెండు చేతులనీ నమస్కార భంగిమలో పైకి ఎత్తండి. మీ వెన్ను నిటారుగా ఉండేటా గమనిస్తూ, మీ కుడిపాదాన్ని, ఎడమ మోకాలి పైన ఉంచండి. ఇలా చేసే సమయంలో ఊపిరిని లోపలకి పీలుస్తూ ఉండాలి. ఆ తర్వాత ఊపిరిని నిదానంగా వదులుతూ, కాలుని కిందకి దించండి. ఇదే పద్ధతిలో మీ రెండో కాలుని కూడా వృక్షాసనంలో నిలపండి. త్రికోణాసనం ఇది మనం స్కూల్స్‌లో చూసే ఎక్సర్‌సైజ్‌లాగానే ఉంటుంది. దీనికోసం మీ రెండు కాళ్లనూ కాస్త వెడంగా ఉంచాలి. మీ శరీర బరువు మొత్తం మీ రెండు కాళ్ల మీదా సమానంగా ఉండేలా గమనించుకోవాలి. ముందు మీ కుడి చేతిని నేలమీద నిటారుగా తాకించాలి. ఆ సమయంలో మీ చూపు, ఎడమచేయి ఆకాశం వైపు నేరుగా చూస్తుంటాయి. ఆ తర్వాత ఇదే పద్ధతిని ఎడమచేతితోనూ కొనసాగించాలి. తాడాసనం ఈ ఆసనంలో ముందుగా రెండు అరచేతులూ బయటకు కనిపించేలా పెనవేయాలి. ఆపై వాటిని నిదానంగా తలమీదకు తీసుకువెళ్లాలి. చేతులని పైకి ఉంచాక, మునివేళ్లతో కాళ్లని పైకి ఎత్తాలి. ఈ ఆసనం వేసేటప్పుడు వెన్ను, కాళ్లు నిటారుగా ఉండాలి; ఏకాగ్రత తొడ కండరాల మీద ఉండాలి; చూపు కూడా నేరుగా ఉంచాలి. నౌకాసనం ఒక పడవలాంటి ఆకారంలో ఉండటమే ఈ నౌకాసనం. దీనికోసం నేల మీద వెల్లికిలా పడుకోవాలి. ఆపై నిదానంగా ఇటు చేతులనీ, అటు కాళ్లనీ కూడా కాస్త దగ్గరకి తీసుకురావాలి. అంటే మీ నడుము బేస్‌గా చేసుకుని, శరీరం ఒక V షేప్‌లోకి రావాలన్నమాట. పొట్ట కరగాలన్నా, డైజషన్‌కి సంబంధించిన సమస్యలు తీరిపోవాలన్నా, ఆడవాళ్లకి సంబంధించిన ఇబ్బందులు పోవాలన్నా... ఈ నౌకాసనం గొప్ప ప్రభావం చూపుతుంది. భుజంగాసనం ఇది నౌకాసనానికి పూర్తిగా వ్యతిరేకం అనుకోవచ్చు. ఇందులో బొక్కబోర్లా నేల మీద పడుకుని, తల నుంచి నడుము వరకు వీలైనంతవరకు పైకి ఎత్తే ప్రయత్నం చేయాలి. ఈ ఆసనం వల్ల ఛాతీకి, పొట్టకి సంబంధించి ఎలాంటి సమస్యలైనా ఇట్టే తీరిపోతాయి. వెన్నెముకకి మంచి flexibility వస్తుంది. యోగా చేసే ఓపిక, సంకల్పం ఉండాలే కానీ... ఇలాంటి తేలికైనా ఆసనాలు చాలానే కనిపిస్తాయి. మరెందుకాలస్యం... యోగా మన వల్ల కాని పని అన్న నమ్మకాన్ని పక్కన పెట్టేసి, ముందు ఇలాంటి చిన్నచిన్న ఆసనాలతో మీకు కావల్సినంత ఆరోగ్యాన్ని సంపాదించేయండి.   International Yoga Day 2018 Special Videos
అంతా ఊహించినట్లే జరిగింది. కశ్మీర్‌లో మూడు సంవత్సరాలుగా కొనసాగుతున్న ప్రభుత్వం కుప్పకూలిపోయింది. ప్రభుత్వాన్ని ఏర్పాటు చేసేందుకు ఏ పార్టీ ముందుకు రాకపోవడంతో గవర్నరు పాలననే కొనసాగించనున్నారు. ఇంతకీ బీజేపీ అకస్మాత్తుగా ప్రభుత్వాన్ని ఎందుకు కూలదోసింది. దాని వల్ల ఎవరికి లాభం అన్న ప్రశ్నలు చాలా ఆసక్తికరమైన జవాబులకి దారితీస్తున్నాయి. నిజానికి పీడీపీ, బీజేపీ పార్టీలు ఉప్పునిప్పులాంటి సిద్ధాంతాలతో నడుస్తున్నాయి. పీడీపీ వేర్పాటువాదం పట్ల కాస్త సానుకూలంగా ఉంటే, బీజేపీ పూర్తిగా జాతీయవాదం వైపే మొగ్గుచూపుతుంటుంది. కానీ 2014లో ఎన్నికలు జరిగిన తర్వాత అధికారం కోసం ఆ రెండు పార్టీలు కలవక తప్పలేదు. అధికారం కోసం సిద్ధాంతాన్ని పక్కనపెట్టేశాయి. ఫలితం! దాదాపు 30 ఏళ్ల తర్వాత ఆ రాష్ట్రంలో ఓ సుస్థిర ప్రభుత్వం ఏర్పడింది. సహజంగానే పీడీపీ, బీజేపీల మధ్య ఈ మూడేళ్లలో ఏవో ఒక విబేధాలు పొడచూపుతూనే వచ్చాయి. కానీ ఇరు పార్టీలు కాస్త ఓర్చుకున్నాయి. అయితే కటువా ఉదంతంతో రెండు పార్టీల మధ్యా దూరం ఒక్కసారిగా పెరిగిపోయింది. కటువాలో ఓ ముస్లిం బాలిక మీద అత్యాచారం జరిగింది. దానికి దేశవ్యాప్తంగా నిరసనలు తలెత్తుతుంటే, కశ్మీర్‌ ప్రభుత్వంలోని బీజేపీ మంత్రులు మాత్రం నిందితుల పక్షాన ర్యాలీ నిర్వహించారు. వాళ్ల పట్ల ముఖ్యమంత్రి కటువుతో ప్రవర్తించడంతో, బీజేపీ మొహం ఎర్రబడింది. ఇహ ఇంచుమించుగా అప్పటినుంచే బయటకి రావడం కోసం కాచుకుని కూర్చుంది. రంజాన్‌ సందర్భంలో ముఖ్యమంత్రి కశ్మీర్‌లోయలో కాల్పుల విరమణను ప్రకటించారు. దీని వల్ల శాంతి నెలకొనలేదు సరికదా... ఉగ్రవాదులు ఒక్కసారిగా విరుచుకుపడ్డారు. రైజింగ్‌ కశ్మీర్‌ పత్రిక ఎడిటర్ బుఖారీని, ఔరంగజేబు అనే సైనికుడినీ కాల్చి చంపారు. ఈ సంఘటనలని బీజేపీ గొప్ప అవకాశంగా భావించింది. ముఫ్తీ సర్కారులో శాంతిభద్రతలు విఫలం అయ్యాయని ఆరోపిస్తూ ప్రభుత్వం నుంచి బయటకు వచ్చేసింది. దీని వల్ల రెండు ప్రయోజనాలు సాదించింది. ఒకటి- ప్రభుత్వం నుంచి బయటకి వచ్చేసి, తను చెప్పినట్లు సాగే గవర్నరు పాలనని విదించడం; రెండు- కశ్మీరులో అశాంతికి కారణం ముఫ్తీ వైఫల్యమే అని ఆరోపించడం. కశ్మీరు ప్రభుత్వం నుంచి బయటకు రావడం వచ్చేందుకు బీజేపీ మనసులో మరో ఎత్తుగడ కూడా ఉందని భావిస్తున్నారు. సర్జికల్‌ స్ట్రైక్స్ తర్వాత ఒక్కసారిగా వెలిగిన మోదీ ప్రభ ఇప్పుడు కొడిగడుతోంది. దాన్ని మళ్లీ ఎగదోయాలంటే ఉగ్రవాదుల మీదో, పాకిస్థాన్‌ మీదో దాడులు చేసి... దేశభక్తిని రాజేయాలి. ఇలాంటి చర్యలకు ముఫ్తీ అడ్డు తగుల్తుంది కాబట్టి తనకు అనుకూలమైన గవర్నరు పాలనని విధించాలి. ఎన్నికలకు ఇంకా 9 నెలల సమయం ఉంది కాబట్టి, ‘ఉగ్రవాదుల అణచివేత’ కార్యక్రమాన్ని ప్రశాంతంగా సాగించవచ్చు. వాటిని ఓట్ల రూపంలోకి మార్చుకోనూవచ్చు. ఈ మొత్తం వ్యవహారంలో ముఫ్తీ బలిపశువుగా కనిపించవచ్చు. కానీ అధికారం కోసం తనకు విరుద్ధమైన బీజేపీతో చేతులు కలిపి ఆ పార్టీ భస్మాసుర హస్తాన్నే వరించింది. అందుకని ఇప్పుడు ప్రజలకు కానీ విపక్షాలకు కానీ ఆమె మీద పెద్దగా జాలి కూడా లేదు. పీడీపీని శుభ్రంగా వాడేసుకున్న బీజేపీ... తాను ప్రభుత్వం నుంచి వైదొలుగుతున్నానని కూడా ఆమెకి చెప్పలేదంటే, అక్కడ సంకీర్ణాల సంస్కారం ఎంత ఉన్నతంగా ఉందో అర్థం చేసుకోవచ్చు. ఈ పార్టీలన్నింటి మధ్యా కశ్మీర్‌ పౌరుడి బతుకు ఎలా ఉంటుందా అని అడక్కండి! అలాంటి విషయాల గురించి ఆలోచించేదెవరు.
  భారతదేశంలో తెలుగు పరిశ్రమ ప్రత్యేకత గురించి మళ్లీ చెప్పుకోవాల్సిన అవసరం లేదు. కానీ అదేంటో, ఎన్ని వందల సినిమాలు తీసినా తెలుగు చిత్రాన్ని ‘సౌత్‌ ఇండియన్‌ ఫిల్మ్‌’గానే చూసేవారు. తమిళ, మలయాళ సినిమాలకి ఉన్నంత గుర్తింపు తెలుగు చిత్రాలకి వచ్చేది కాదు. బాహుబలి పుణ్యమా అని ఒక్కసారిగా టాలీవుడ్‌ వైపు దేశం చూపు తిప్పింది. జక్కన్న ప్రతిభ ప్రపంచాన్నే తలతిప్పేలా చేసింది. మరి ఆ దిష్టి తగిలిందో ఏమో కానీ... గత కొద్ది నెలలుగా టాలీవుడ్‌ లేనిపోని అపవాదులతో తలంటుకుంటోంది. ముందు శ్రీరెడ్డి రూపంలో తెలుగు పరిశ్రమకి భారీ షాక్‌ తగిలింది. నిజమో, అబద్ధమో... తెలుగునాట క్యాస్టింగ్ కౌచ్‌ ఉందంటూ శ్రీరెడ్డి చిన్నచిన్న ఇంటర్వ్యూలు ఇవ్వడం మొదలుపెట్టింది. అవకాశాలిస్తామని తనని వాడుకున్నారంటూ దుమ్మెత్తిపోసింది. తాను మోసపోయానన్న భావనలో ఉన్న శ్రీరెడ్డి ఎలాగైనా పరిశ్రమ మీద పగ తీర్చుకోవాలనే తలపుతో ఉన్నట్లు అర్థమైపోయింది. ఇలాంటి సమయంలో పరిశ్రమ పెద్దలు ఎవ్వరూ ఆమె మాటల్ని పట్టించుకునే ప్రయత్నం చేయలేదు. పైగా ఇలాంటివి అసలు జరగనేలేదంటూ బుకాయించే ప్రయత్నం చేశారు. సమస్యను ఎలా పరిష్కరించాలో ఆలోచించడం మానేసి... ఆమెతో నటించేవాళ్లని సైతం వెలి వేస్తాం అంటూ ఓ చిత్రమైన నిబంధన పెట్టారు. శ్రీరెడ్డి నడిరోడ్డు మీద నగ్నంగా నిలబడేందుకు, ఈ నిర్ణయం ఎగదోసినట్లయ్యింది. శ్రీరెడ్డి చర్యతో ఏకంగా టాలీవుడ్ పరువే నగ్నంగా నిలబడిపోయింది. న్యూస్‌ కోసం నోరు తెరుచుకుని ఉండే మీడియాకు శ్రీరెడ్డి వార్త విందు భోజనంలా మారిపోయింది. దాన్ని వడ్డించి, వర్ణించి వాళ్లు టాలీవుడ్‌ మొఖానికే మసిపూసే ప్రయత్నం చేశారు. ఏకంగా మెగా కుటుంబమే ఫిల్మ్‌ ఛాంబర్ల దగ్గర గొల్లుమనేలా చేశారు. ఇప్పటికీ శ్రీరెడ్డి వ్యవహారం ఓ కొలిక్కి రాలేదు. ఒకరి తర్వాత ఒకరిని ఆమె టార్గెట్‌ చేస్తూనే ఉన్నారు. ఎప్పుడు ఎవరి పేరు చెబుతుందోనని గింజుకోవడం తప్ప, టాలీవుడ్‌ పెద్దలు చేస్తోందేమీ లేదు. ఒక్క మాటలో చెప్పాలంటే శ్రీరెడ్డి విషయంలో ఎలా వ్యవహరించాలో ‘మా’ అసోసియేషన్ దగ్గర ఒక ప్రణాళికే లేదు. ఆ తుపాను తగ్గిపోయేదాకా తలవంచుకుని ఉండాలనే వాళ్లు నిర్ణయించుకున్నట్లున్నారు. అలాంటప్పుడు ఇక అసోసియేషన్ ఎందుకో! శ్రీరెడ్డి వ్యవహారంలో తలమునకలైన టాలీవుడ్‌కి ఈసారి ఏకంగా అమెరికాలోనే అవమానం ఎదురుచూసింది. కిషన్ మోదుగుమూడి అనే మహాశయుడు సతీసమేతంగా వ్యభిచార గృహాన్ని నిర్వహిస్తూ పట్టుబడ్డాడు. అవకాశాలు రాని, లేని తారలకు వలవేసి అమెరికాకి రప్పించి వాళ్లకి నామమాత్రపు రుసుములు ఇప్పించి వ్యభిచార దందాని నిర్వహిస్తున్నట్లు బయటపడ్డాడు. ఈ వార్త వెలుగులోకి రాగానే మీడియా పులుల మరోసారి విజృంభించాయి. అక్కడి పోలీసులు ఐదుగురు హీరోయిన్ల పేర్లను ఛార్జిషీటులో పేర్కొన్నారని గాండ్రించి మరీ చెప్పాయి. వాళ్లలో కన్నడ హీరోయిన్‌ ఒకరు, పెద్ద హీరో సరసన నటించిన హీరోయిన్‌ ఒకరు, మూడు అక్షరాల పేరు ఉన్న హీరోయిన్‌ ఒకరు, ప్రముఖ యాంకర్‌ ఒకరు... అంటూ రకరకాల క్లూస్‌ ఇచ్చి జనాలని ఊరించాయి. ఒక పత్రికతో మాట్లాడుతూ ‘కిషన్ మోదుగుమూడి’ మీద తమకి మొదటి నుంచే అనుమానం ఉన్నట్లు అసోసియేషన్ అధ్యక్షులవారు పేర్కొన్నారు. మరి అనుమానం ఉంటే ఇన్నాళ్ల నుంచి ఏం చేస్తున్నట్లు? పైగా ఇక మీదట విదేశాలకి వెళ్లేవారు జాగ్రత్తగా వ్యవహరించాలనీ సూచిస్తున్నారు. మరోవైపు కిషన్ మోదుగుమూడి తమని కూడా అప్రోచ్‌ అయినట్లు కొందరు నటీమణులు చెప్పుకొచ్చారు. మరి వాళ్లు ఇప్పటిదాకా ఎందుకు నిశ్శబ్దంగా ఉన్నారు. ఇదంతా చూస్తుంటే కిషన్ లీలలు అందరికీ తెలిసే జరుగుతున్నాయని అర్థమవుతోంది. కాకపోతే దీన్ని వ్యక్తిగత విషయంగా భావిస్తూ వచ్చి ఉంటారు. మన పరువు ఏకంగా అమెరికాలో పోయాక కానీ భుజాలు తడుముకుంటూ బయటకి రావడం లేదు. చివరగా చెప్పుకొనేదేంటయ్యా అంటే... టాలీవుడ్‌లో ఎదురయ్యే సమస్యలను నిర్భయంగా ఎదుర్కొనే స్థైర్యం కానీ, వాటికి పరిష్కరించే పరిణతి కానీ కనిపించడం లేదు. దాసరివంటి వారు లేని లోటు కనిపిస్తోందని పదిమందీ పదేపదే బాధపడుతున్న కారణం ఇదే! కుర్రవాడైనా కూడా తమిళనాట ఎలాంటి సమస్యనయినా ఎదుర్కొనేందుకు సిద్ధంగా ఉన్న విశాల్‌ని చూసైనా మన పెద్దలు ఏమన్నా నేర్చుకుంటారేమో చూడాలి!
  రోజుల్లో మన జీవితాలు ఎలా గడుస్తున్నాయో చెప్పనవసరం లేదు. పొద్దున లేచిన దగ్గర నుంచీ, రాత్రి పడుకునే దాకా అంతా కూర్చునే బతుకుని వెళ్లదీస్తున్నాం (sedentary lifestyle). టీవీ ముందరా, కంప్యూటర్‌ ముందరా, డైనింగ్‌ టేబుల్‌ ముందరా కూర్చుని కూర్చుని ఒంట్లో కొవ్వుని పెంచేసుకుంటున్నాం. రేపటి నుంచి వాకింగ్ చేద్దాం, వచ్చేవారం షటిల్‌ ఆడతాం అనుకోవడమే కానీ... రోజువారీ హడావుడిలో పడి అలాంటి నిర్ణయాలు ఏవీ పాటించలేకపోతున్నాం. అయితే గుడ్డిలో మెల్లగా దీనికో పరిష్కారం ఉందంటున్నారు.   ఫిన్లాండుకి చెందిన కొందరు పరిశోధకులు... కూర్చునీ కూర్చునీ ఉండే జీవిత విధానంలో ఏదన్నా మార్పు తీసుకురావడం సాధ్యమా అని ఆలోచించారు. ఇందుకోసం ఓ 133 మందిని ఎన్నుకొన్నారు. వీరందరికీ, ఇంట్లో చిన్న చిన్న పిల్లలు కూడా ఉన్నారు. వీరి జీవిత విధానాన్ని గమనించిన పరిశోధకులకు... వాళ్లంతా రోజుకి ఇదున్నర గంటలు ఆఫీసులోనూ, నాలుగు గంటలు ఇంట్లోనూ కూర్చునే గడిపేస్తున్నారని అర్థమైంది. ఇలా కూర్చుని ఉండే సమయంతో ఎంతో కొంత మార్పు తీసుకువచ్చే అవకాశం ఉందేమో చూడమని సదరు అభ్యర్థులందరికీ సూచించారు.   పరిశోధకుల సూచన మేరకు అభ్యర్థులంతా తమ జీవనశైలిలో చిన్నపాటి మార్పులు చేసే ప్రయత్నం చేశారు. పని మధ్యలో కాస్త లేచి అటూఇటూ పచార్లు చేయడం, ఇంట్లో చిన్నాచితకా పనులలో పాల్గొనడం, పిల్లలతో కాసేపు ఆడుకోవడం లాంటి ప్రయత్నాలు చేశారు. ఇలా నెలా రెండు నెలలు కాదు.. దాదాపు ఏడాది పాటు ఈ ప్రయత్నం సాగింది.   ఏడాది తర్వాత సదరు అభ్యర్థులు జీవితాలని మరోసారి గమనించారు పరిశోధకులు. ఆ సందర్భంగా వారు కూర్చుని ఉండే సమయం, ఓ 21 నిమిషాల పాటు తగ్గినట్లు గ్రహించారు. ఓస్‌ ఇంతే కదా! 20 నిమిషాల తగ్గుదలతో ఏమంత మార్పు వస్తుంది అనుకునేరు. ఈ కాస్త మార్పుతోనే షుగర్‌ లెవెల్స్ అదుపులోకి రావడం గమనించారు. కాలి కండరాలు కూడా మరింత బలంగా మారాయట. గుండెజబ్బు వచ్చే ప్రమాదం కూడా తగ్గినట్లు బయటపడింది.   అంటే మన శరీరం ఆరోగ్యంగా ఉండాలంటే ఓ పడీపడీ వ్యాయామాలే చేయనవసరం లేదు. ఎప్పుడో అప్పుడు వ్యాయామం చేయవచ్చు కదా అని నిర్లక్ష్యం చేసేలోగా పరిస్థితి అదుపు తప్పిపోతుంది కదా! అందుకని ఉన్నంతలోనే కాస్త కాలుని కదిపే ప్రయత్నం చేయమని ఈ పరిశోధన సూచిస్తోంది. అంతేకాదు! ఇంట్లో పెద్దలు కనుక ఇలా చురుకుగా ఉంటే... వారిని చూసి పిల్లలు కూడా కాస్త చురుకుగా మెదిలే ప్రయత్నం చేస్తారట. - నిర్జర.  
అమ్మో మా ఆఫీసర్ ప్రాణాలు తోడేస్తున్నాడు రా..? అన్ని పనులు నాకే చెబుతున్నాడు స్టెస్ బాగా పెరిగిపోతుంది అని మిత్రులతో తరచు అంటూ ఉంటారు కొంతమంది. రిలీఫ్ కోసం యోగాకి వెళ్లాలనో... ఏదైనా ట్రిప్ వేయాలనో ప్లాన్లు వేసుకుంటారు. కానీ స్ట్రెస్ కూడా మంచిదేనంటున్నారు నిపుణులు. అది ఎలాగో తెలుసుకోవాలంటే ఈ వీడియో చూడండి.  https://www.youtube.com/watch?v=FOQ97O-Xp3M  
  కడప స్టీల్ ప్లాంట్ కోసం ఓ వైపు టీడీపీ నేతలు సీఎం రమేష్, బి.టెక్ రవి దీక్షలు చేస్తుంటే.. మరోవైపు గాలి జనార్ధనరెడ్డి, చంద్రబాబుకి ఓ ఆఫర్ ఇస్తున్నారు..  స్టీల్ ఫ్యాక్టరీ కోసం బాబు కిందా మీదా పడాల్సిన అవసరం లేదని.. తనకి అవకాశం ఇస్తే, కేవలం రెండేళ్లలో బ్రాహ్మణి స్టీల్ ఫ్యాక్టరీని కట్టి చూపిస్తానంటూ గాలి ఆసక్తికర వ్యాఖ్యలు చేసారు.. ఒకవేళ తాను చెప్పినట్లుగా రెండేళ్లలో బ్రాహ్మణి స్టీల్ ఫ్యాక్టరీని కట్టలేకపోతే, దాన్ని రాష్ట్ర ప్రభుత్వం స్వాధీనం చేసుకోవచ్చని సవాల్ విసిరారు.. బ్రాహ్మణి స్టీల్ కోసం తాను ఇప్పటివరకూ రూ.1350 కోట్లు పెట్టుబడి పెట్టానని చెప్పిన గాలి.. కేంద్ర,రాష్ట్ర ప్రభుత్వాలే స్టీల్ ఫ్యాక్టరీ కట్టేందుకు ముందుకు వస్తే తాను సహకరిస్తానన్నారు.. ఒకవేళ వేరే వారికి స్టీల్ ఫ్యాక్టరీ కట్టేందుకు అనుమతి ఇస్తే మాత్రం తాను పెట్టిన రూ.1350 కోట్ల పెట్టుబడిని వెనక్కి ఇవ్వాలని అన్నారు.. చూద్దాం మరి గాలి ఇచ్చిన ఆఫర్ కి ప్రభుత్వం ఎలా స్పందిస్తుందో.  
కడప ఉక్కు పరిశ్రమ కోసం టీడీపీ ఎంపీ సీఎం రమేష్, ఎమ్మెల్సీ బీటెక్ రవి ఆమరణ దీక్ష చేస్తున్న విషయం తెలిసిందే.. ఈ నెల 20 న చేపట్టిన దీక్ష ఆరో రోజుకి చేరింది.. ఆరోగ్యం క్షీణించినా దీక్ష ఆపేదిలేదని సీఎం రమేష్ ఇప్పటికే తేల్చి చెప్పారు.. అయితే వీరి ఆరోగ్య పరిస్థితి తెలుసుకున్న గవర్నర్ నరసింహన్ ఆందోళన చెంది సీఎం చంద్రబాబుకి ఫోన్ చేశారట.. 'సీఎం రమేష్, బీటెక్ రవిల ఆరోగ్యం క్షీణిస్తుందని తెలుసుకున్నాను.. వారిద్దరినీ దీక్ష విరమించేలా చర్యలు తీసుకోవాలని' గవర్నర్ బాబుని కోరినట్టు తెలుస్తుంది.. దీనిపై స్పందించిన బాబు, కడప ఉక్కు పరిశ్రమ గురించి కేంద్రం నుండి స్పష్టమైన హామీ వచ్చేలా చూడాలన్నారట.
  ఒకవైపు కేంద్రంలో అధికారంలో ఉన్న బీజేపీ ముందస్తు ఎన్నికలకు వెళ్లాలని చూస్తుంది.. మరోవైపు తెలంగాణాలో అధికారంలో ఉన్న తెరాస, అలానే ఏపీలో అధికారంలో ఉన్న టీడీపీ కూడా ముందస్తుకు వెళ్లాలని చూస్తున్నాయి.. ఇక తెలంగాణ సీఎం కేసీఆర్ అయితే, ముందస్తు గురించి ఎన్నికల సంఘానికి విజ్ఞప్తి చేస్తానని, ప్రభుత్వం మీద విమర్శలు చేస్తున్న విపక్షాలు ముందస్తు ఎన్నికలు వస్తే తేల్చుకోవాలని సవాల్ విసిరారు.. కేసీఆర్ సవాల్‌ను పీసీసీ చీఫ్ ఉత్తమ్‌కుమార్‌రెడ్డి స్వీకరించారు.. 2018 డిసెంబర్‌లో అయినా, 2019 మేలో అయినా లేదా ఈరోజైన సరే.. ఎప్పుడు ముందస్తు ఎన్నికలు వచ్చినా కాంగ్రెస్ సిద్ధంగా ఉందన్నారు.. ముందస్తు ఎన్నికలు తెలంగాణ ప్రజలకు శుభవార్త అని, కేసీఆర్ ప్రభుత్వాన్ని ముందే సాగనంపేందుకు ఉపయోగపడుతుందని ఉత్తమ్ తనదైన శైలిలో కేసీఆర్ సవాలుకు కౌంటర్ ఇచ్చారు.  
  బరువు తగ్గాలంటే ఎన్నో జాగ్రత్తలు చెబుతుంటారు. ఇక ఫుడ్ విషయానికొస్తే, అవి తినొద్దు.. ఇవి తినొద్దు అని రెస్ట్రిక్షన్స్ పెడుతుంటారు. అయితే, మీకు నచ్చే తీయని చాక్లెట్ తింటూ బరువు తగ్గండి అంటున్నారు పరిశోధకులు. ఏంటి, చాక్లెట్ తింటే బరువు ఎలా తగ్గుతారు అని ఆశ్చర్యపోతున్నారా! నిజమండి బాబూ. ఈ వీడియో చూసి మీరు ట్రై చేయండి, బరువు తగ్గడం గ్యారంటీ.. https://www.youtube.com/watch?v=k4vg4CUUvfs
మన దేశంలో ఎండాకాలం ఎంత దారుణంగా ఉంటుందో చెప్పక్కర్లేదు. మంచి ఎండల్లో బయటకి వెళ్లాల్సి వస్తే... ఒళ్లంతా మంటెక్కిపోక తప్పదు. అలాంటప్పుడు రోడ్డు పక్కన ఆగి ఓ గుక్కెడు లెమన్ సోడా తాగితే కావల్సినంత రిలీఫ్‌ దొరుకుతుంది. రోడ్డు పక్కన తయారుచేసే లెమన్‌సోడాని షికంజి అని పిలుస్తారు. ఇందులో సోడాతో పాటు ఉప్పు, పంచదార, అల్లం, జీరాపొడి, నల్ల ఉప్పు కూడా కలుపుతారు. దీని వల్ల దాహం చల్లారడమే కాదు... చెప్పలేనన్ని లాభాలు ఉంటాయట. అవేంటో మీరే చూడండి... ఎండాకాలం మనకి తెలియకుండానే ఒంట్లో నీరంతా ఆవిరైపోతూ ఉంటుంది. ఇంకా చెమటతో పాటు శరీరానికి చాలా అవసరమయ్యే సోడియం అనే మినరల్ కూడా బయటకి వెళ్లిపోతుంది. ఇది డీహైడ్రేషన్‌ లాంటి చాలా సమస్యలకి దారితీస్తుంది. షికంజిలో కలిపి ఉప్పు, పంచదార ORSలాగా పనిచేసి ఒంటికి కావల్సినంత బలాన్ని ఇస్తాయి. ఎండాకాలంలో డైజషన్‌ చాలా sensitiveగా ఉంటుంది. దానికి తోడు చల్లదనం కోసం మనం రకరకాల డ్రింక్స్‌ తీసుకుంటూ ఉంటాం. వీటన్నింటి వల్ల కూడా digestion upset అవుతుంది. కానీ షికంజిలో ఉండే నల్ల ఉప్పు, అల్లం, జీరాపొడి, నిమ్మరసం... అన్నీ కూడా మన digestive systemని healthyగా ఉంచుతాయి. షికంజి తాగడం వల్ల immunity పెరుగుతుంది. దీనిలో ఉన్న నిమ్మరసం వల్ల మన ఒంటికి కావల్సిన విటమిన్ సి దొరుకుతుంది. విటమిన్‌ సి వల్ల పళ్ల దగ్గర నుంచీ గుండె దాకా ఒంట్లో అన్న organs healthyగా ఉంటాయి. ఇక అల్లంలో gingerol అనే పదార్థం ఉంటుంది. ఇది ఒక natural antibiotic గా painkiller గా పనిచేస్తుందట. షికంజితో weight loss కూడా సాధ్యమే అంటున్నారు. షికంజిలో pectin అనే పీచు పదార్థం ఉంటుంది. ఇది ఒంట్లో కొవ్వుని కరిగించేస్తుంది. ఒంట్లో ఉన్న విషాన్నంతా బయటకి పంపేసే detoxing agentలాగా షికంజి పనిచేస్తుంది. దాని వల్ల లివర్ పనితీరు మెరుగుపడి, కొవ్వు కణాలన్నీ కరిగిపోతాయి. చూశారుగా! normal drinkలాగా కనిపించే షికంజి వెనుక ఎన్ని లాభాలున్నాయో. ఒకవేళ దీన్ని బయట రకరకాల నీళ్లు కలుపుతారు కాబట్టి, తేడా చేస్తాయి అనుకుంటే ఇంట్లోనే మామూలు నీటితోనే షికంజి తయారుచేసుకోవచ్చు.  
ఇటీవలి కాలంలో ప్రతిఒక్కరికి షుగర్ అన్నది అతి పెద్ద సమస్యగా మారింది. నలుగు మెతుకులు అన్నం తిందామన్నా.. చిన్న స్వీటుముక్క నోట్లో వేసుకుందామన్నా ఆలోచించే పరిస్థితి. సైలెంట్ కిల్లర్‌లా కోట్లాది మంది ప్రాణాలను తీస్తోన్న డయాబెటిస్‌ను సరైన ఆహారాన్ని తీసుకొని నియంత్రించవచ్చు అంటున్నారు నిపుణులు. అవేంటో తెలుసుకోవాలంటే ఈ వీడియో చూడండి...  https://www.youtube.com/watch?v=-znNxE_CXPQ