Publish Date:Dec 29, 2014
Publish Date:Dec 15, 2014
Publish Date:Dec 12, 2014
Publish Date:Oct 27, 2014
Publish Date:Oct 21, 2014
Publish Date:Oct 20, 2014
Publish Date:Oct 17, 2014
Publish Date:Oct 11, 2014
Publish Date:Oct 10, 2014
Publish Date:Oct 8, 2014

LATEST NEWS
The parents of some students from Bangalore were shocked when they looked into the text book of their children. The text book named ‘Current School Essays and Letters’ by Purabi Chakraborty has a controversial chapter named `Modern Girl’. Well if you are wondering why this chapter has become controversial, have a look at some of the statement mentioned in the chapter- “a modern girl is a self-centred creature than a loving daughter or sympathetic sister... She loves to wear jeans, pants and hot pants. The colourful saree has no place in the modern girl’s stock of garments.”  “She is eager to enjoy life fully and so she does not want to miss any party, cinema show, concert, fashion parades and such outdoor activities. She talks and makes friendship with boys freely and easily.” The Central Board of Secondary Education (CBSE) had to step into the scene and issue a warning to the schools to be careful while selecting text books for the students.
  The flash floods in Kerala have caused a devastation that could only occur once in a hundred years. Hundreds of people have lost their lives and property worth thousands of crores has been destroyed. However here is an interesting allegation from Kerala. The state has filed an affidavit with the Supreme Court claiming that Tamil Nadu is solely responsible for these flash floods. It accused that sudden release of flood waters from the Mullaperiyar dam was a cause for the floods in the State. Kerala has further alleged that their neighbouring state has ignored their continuous requests to release the water in a step by step process. However, Tamil Nadu has denied these allegations and said that they have given enough warnings to Kerala regarding the release of water.
  Well! All these days we have a feeling that Andhra Pradesh has suffered a huge loss of bifurcation of the state. Nothing has gone in the favour of the new state since four years. But now... here is a reason for the people in AP to have a broad smile. The Mines and Geology department has found a huge treasure in Chigargunta and Bisanatham areas of Chittoor district. The government officials have estimated that 1.83 metric tonnes of gold ore is present in the area and 9.4 tonnes of gold can be produced from the ore. The government might grab more than thousand crores by auctioning the ore. And that’s not the end of the news. The government is planning to revive defunct gold mines present in Anantapur district.
ALSO ON TELUGUONE N E W S
తెలుగు సినీ ప్రేక్షకులందరినీ తన మాటలతో పరవశింపజేసిన మాటల మాంత్రికుడు ముళ్ళపూడివెంకటరమణ గారు. ఆయన సంస్మరణ దినం ఫిబ్రవరి 24.దీనిని పురస్కరించుకొని ముళ్ళపూడి గారిని అందరం ఒక్కసారి స్మరణం చేసుకొని ఆయన వైశిష్య్ఠాన్ని మననం చేసుకొని ఆయన కీర్తిని స్ఫూర్తిగా తీసుకుంటారని ఆశిస్తూ... ముళ్ళపూడి గారు రాసిన దాన్ని ఒక్కసారి ముందుమాటగా మీకు చెప్పాలనుకుంటున్నాం.... అదేంటంటే... ముత్యాల ముగ్గులోని మనిషన్నాక కాసింత కళాపోషణుండాలయ్యా.. ఉత్తినే తిని తొంగుంటే మనిషికి గొడ్డుకి తేడా ఏముంది..? అని రాసింది ఈయనేనండి...అందుకే ఈయనలోని కళానైపుణ్యాన్ని ఒక్కసారి మననం చేసుకుంటూ... ఆయన వివరాలు అందరికీ తెలియచేసుకుందాం...... 1931 జూన్ 28 వ తేదీన ధవళేశ్వరంలో జన్మించారు. ఈయన అసలు పేరు ముళ్ళపూడి వెంకటరావు. తండ్రి సింహాచలం. ఈయన గోదావరి ఆనకట్ట ఆఫీసులో పనిచేసేవారు. వారి పూర్వీకులు బరంపురానికి  చెందినవారు. రమణ గారి కుటుంబం గోదావరి తీరులో ఒక మేడలో ఉండేవారు. రమణ చిన్నతనం లోనే తండ్రి మరణించారు. కుటుంబం ఇబ్బందుల్లో పడింది. దీంతో రమణ గారు సాహసం చేసి ఆయన తల్లిగారిని తీసుకొని మద్రాస్ వెళ్ళిపోయారు. మద్రాస్ లో ఒక్క అక్క బాల మధ్య మొదలు పెట్టిన రమణ గారు 5, 6 తరగతులు మద్రాస్ పి.యస్.స్కూల్ లో చదివారు. 7,8 తరగతులు రాజమండ్రిలో రాజమండ్రి వీరేశలింగం హైస్కూల్ లో చదివారు. ఎస్.ఎస్.సి హానర్స్ దాక కేసరి స్కూల్ లో చదివారు.పాఠశాల విద్యార్ధిగా ఆయన లెక్కల్లోను, డిబేట్లు  వ్యాసరచనలలోను ప్రతిభచూపించేవారట. పద్యాలు అల్లటం ఈయనకున్న హాబీ...నాటకాల్లో వేషలు వేయాలన్నా ఆసక్తి. 1945లో...బాల పత్రికలో రమణగారు రాసిన అమ్మమాట వినకపోతే....అనే మొదటికధ అచ్చయిందట. అందులోనే బాలశతకం పద్యాలు కూడా అచ్చయ్యాయంట. ఆ ఉత్సాహంతోనే ఉదయ భాను అనే పత్రిక మొదలు పెట్టి తను ఎడిటర్ అయిపోయారుట. మిత్రులతో కలసి ప్రదర్శనలు నిర్వహించి వచ్చిన డబ్బులతో సైకలోస్టేట్  మిషన్ కొన్నారట...అలా మొదలు పెట్టిన పత్రికకు రమణ ఎడిటర్ చిత్రకారుడు బాపూ గారు. ఆర్ధిక ఇబ్బందులతో ఎస్.ఎస్.ఎల్సీతో చదువు ఆపేసిన రమణగారు చిన్నచితక ఉద్యోగాలు ఏవోస్తే అవి చేసారంట. 1954లో ఆంధ్రపత్రిక దిన పత్రికకు సబ్ ఎడిటర్ గా చేరారట. ఆంధ్రపత్రికలో పనిచేసేటప్పుడే బుడుగు వేసారంట.... బుడుగు చిన్నపిల్లల భాష మనస్తత్వం అల్లరి గురించి...హాస్యప్రధానమైన బొమ్మలతో కూడిన రచన....ఇలా రచయితగా చూస్తే ఆయన రాసిన గ్రంధాలెన్నో..... అవేంటంటే.... రుణానందలహరి....అప్పుల అప్పారావు.....అప్పలప్రవసనం విక్రమార్కుని మార్కు సింహాసనం.... సినీమాయాలోకం చిత్రంవిచిత్రం.. గిరీశం లెక్చరర్లు...... సినిమాలపై సెటైర్లు..రాజకీయ బేతాళం.....పంచవింశతి... రాజకీయచదరంగం.....ఇద్దరమ్మాయిలు ముగ్గురు అబ్బాయిల ప్రేమాయణం.....ఇద్దరు మిత్రులు... వెండితెర నవల.....తిరుప్పావై దివ్య ప్రబంధం... మేలుపలుకులు మేలుకొలుపులు.....రమణీయ భదవద్గీత.. రామాయణం...శ్రీక్రిష్ణ లీలలు....ఇలా ఆయన రచనలు బహుళ ప్రాచుర్యాన్ని పొందాయి. ఆయన రచనలకు బాపూ బొమ్మ తోడై ఇంకా ప్రసిద్ధిపొందాయి. అందుకే బాపూ రమణల జంటగా పిలుస్తారు...ఆయన రాసిన సినిమాల వివరాల్లోకి వస్తే.... సాక్షి...గోరంతదీపం....పెళ్ళిపుస్తకం...రాధాగోపాలం... పంచదార చిలక...మనవూరి పాండవులు...మిస్టర్ పెళ్ళాం జేబుదొంగ....ముత్యాలముగ్గు....రాజాధిరాజా..రాధాకల్యాణం ఇలా ఎన్నో అద్భుతమైన చిత్రాలకు కధమాటలు రాసారు. ఒకప్పుడు ట్రెండ్ సెట్టర్ చేసిన సినిమా పెళ్ళిపుస్తకం... ఇది బాపూరమణల స్నేహానికి చిహ్నం...అని చెప్పొచ్చు. సినీ చరిత్రలో సుమారు 68 సంవత్సరాలపాటు కలిసిమెలిసి పనిచేసి సుదీర్ఘకాలం పాటు స్నేహపూర్వకంగా కలసిమెలసి ఉన్నజంటగా బాపూరమణలద్వయం రికార్డు స్రుష్టించారు. అందుకే బాపూరమణల జంట సినీజగత్తులో చిరస్మరణీయంగా నిలిచిపోయింది. ఇలా ఎన్నో అద్బుతాలు స్రుష్టించిన ముళ్ళపూడిగారు ఫిబ్రవరి 24 వ తేదీన స్వర్గస్థులయ్యారు. అయినా తెలుగు వారెవ్వరూ వారినిమరిచిపోరు అన్నది అక్షరసత్యం.
                      ఇటీవ‌ల బాలీవుడ్ చిత్రం `గ‌ల్లీబాయ్ `విడుద‌లై స‌క్సెస్ ఫుల్ గా ర‌న్ అవుతోన్న సంగ‌తి తెలిసిందే.  అయితే ఈ సినిమాను తెలుగులో రీమేక్ చేయ‌బోతున్న‌ట్లు గ‌త వారం రోజ‌లుగా గా సోష‌ల్ మీడియాలో వార్త హ‌ల్ చ‌ల్ చేస్తోంది.  అయితే ఇప్ప‌టికే ఈ రీమేక్ రైట్స్ అల్లు అర‌వింద్ తీసుకున్న‌ట్లు స‌మాచారం. అయితే ఈ రీమేక్ మొద‌ట సాయి ధ‌ర‌మ్ తేజ్ చేసే అవ‌కాశాలున్న‌ట్లు న్యూస్ వ‌చ్చాయి.  అయితే తాజాగా ఒక ఇంగ్లీష్ పేప‌ర్ ఇంట్ర‌స్టింగ్ న్యూసొకటి ప్రచురించింది. అదేమిటంటే...  బన్ని, రానా, విజయ్ దేవ‌ర‌కొండ వీరిలో ఎవ‌రు `గల్లీబాయ్ ` రీమేక్ లో న‌టిస్తే సూట‌వుతార‌ని సోష‌ల్ మీడియాలో ఓటింగ్ నిర్వ‌హించింది. ఈ మేర‌కు ఆ ప‌త్రిక చేసిన ట్వీట్ ను చూసిన రానా `న‌న్ను వ‌దిలేయండి` నాకు అంత నైపుణ్య‌త లేదు ` అంటూ నవ్వుతూ ఎమోజీల‌ను షేర్ చేసారు. ` నువ్వు గొప్ప న‌టుడువు, మీరు ఏదైనా స్పెష‌ల్ గా ఉంటేనే న‌టిస్తారంటూ `` కొంత మంది నెటిజ‌న్లు బ‌దులిచ్చారు.  ర‌ణ్ వీర్ సింగ్ హీరోగా న‌టించిన ఈ బాలీవుడ్ చిత్రం ప్ర‌స్తుతం అక్క‌డ మంచి ప్ర‌జాద‌ర‌ణ పొందుతోంది. క‌లెక్ష‌న్స్ ప‌రంగా కూడా బాగుండ‌టంతో దీన్ని వివిధ భాష‌ల్లో రీమేక్ చేయాల‌ని ద‌ర్శ‌క నిర్మాత‌లు ప్లాన్ చేస్తున్నారు. చూద్దాం చివ‌రికి తెలుగులో ఎవ‌రు చేస్తారో.
క‌లెక్ష‌న్ కింగ్ మోహ‌న్ బాబు ఇంట్లో దొంగ‌త‌నం జ‌రిగింద‌ట‌. ప్ర‌జంట్ మోహ‌న్ బాబు విదేశాల్లో ఉన్నార‌ని తెలుస్తోంది.  అయితే డ‌బ్బుతో పాటు కొన్ని బంగారు ఆభ‌ర‌ణాలు పోయిన‌ట్లు స‌మాచారం.  ఈ విష‌యం పై మోహ‌న్ బాబు మేనేజ‌ర్ పోలీసుల‌కు కంప్లైంట్ ఇచ్చార‌ట‌. దీంతో పోలీసులు రంగంలోకి దిగి ఆరా తీస్తున్న‌ట్లు తెలుస్తోంది.  ఇంట్లో ప‌ని చేస్తోన్న వారి ద‌గ్గ‌ర నుంచి డ్రైవ‌ర్లు , ప‌ని మ‌నుషుల‌ను ప్ర‌శ్నిస్తున్నార‌ట పోలీసులు. ఇంత వ‌ర‌కు ఎవ‌రు చేసారు ఏంట‌న్న దానిపై క్లారిటీ రాన‌ప్ప‌టికీ క‌చ్చితంగా బాగా తెలిసిన వ్య‌క్తులే ఈ ప‌ని చేసుంటార‌ని పోలీసులు అనుమానిస్తున్నార‌ట‌. అందులో భాగంగానే అంద‌ర్నీ  చారిస్తున్న‌ట్లు తెలుస్తోంది.  పోయిన బంగారం ల‌క్ష‌ల్లో ఉంటుంద‌ట‌, న‌గ‌దు కూడా భారీగానే పోయింద‌ట‌. త్వ‌ర‌లో పోలీసులు వారిని ప‌ట్టుకుంటామ‌ని అంటున్నారు. ఇక వ‌రుస‌గా సెల‌బ్రిటీల ఇంట్లో ఇటీవ‌ల కాలంలో దొంగ‌త‌నాలు వ‌రుస‌గా జ‌రుగుతున్నాయి. టు ఇయ‌ర్స్ బ్యాక్ చింర‌జీవి ఇంట్లో కూడా రెండు ల‌క్ష‌ల చోరీ జరిగింద‌ట‌. మోహ‌న్ బాబు ఇంట్లో కూడా గ‌తంలో  దొంగ‌త‌నం జ‌రిగిన‌ట్లు తెలుస్తోంది.
మేడ‌మ్ టుస్సాడ్స్ లో మ‌హేష్ బాబు మైన‌పు బొమ్మ‌ను ఆవిష్క‌రించ‌నున్న విష‌యం విదిత‌మే. సింగపూర్ వారి ఆధ్వ‌ర్యంలో త‌యారైన  మైన‌పు బొమ్మను   ఈ నెల 25న హైద‌రాబాద్ లో ఏఎంబి సినిమా స్ మ‌ల్టీప్లెక్స్ లో మ‌హేష్ బాబు ఆవిష్క‌రించ‌నున్నారు.  అయితే అభిమానులు, ప్రేక్ష‌కుల సంద‌ర్శ‌నార్థం ఒక రోజు హైద‌రాబాద్ లో ఆ ప్ర‌తిమ ఉంచ‌నున్నారు. అనంత‌రం సింగ‌పూర్ కు త‌రలిస్తారు.  అయితే అభిమానుల‌తో పాటు తాను కూడా మైన‌పు బొమ్మ ను చూడాటికి ఇంతో క్యూరియాసిటీతో ఎదురు చూస్తున్నాన‌ని మ‌హేష్ బాబు తెలిపారు. మేడ‌మ్ టుస్సాడ్స్ మైన‌పు ప్ర‌తిమ‌ల మ్యూజియంలు వ‌ర‌ల్డ్ వైడ్ గా నెల‌కొన్న విష‌యం తెలిసిందే. ఈ  మ్యూజియంలో ప్ర‌పంచ ప్ర‌ముఖుల మైన‌పు విగ్ర‌హాలు కొలువుదీరుతాయి. అందులో టాలీవుడ్ సూప‌ర్ స్టార్ మ‌హేష్ బాబు కు ఆ రుదైన అవ‌కాశం ద‌క్కింది.   హెయిర్ తో పాటు క‌ళ్లు, క‌ల‌ర్ తో స‌హా ఒరిజిన‌ల్ గా మ‌హేష్ బాబు ఉన్న‌ట్టే ఆ ప్ర‌తిమను రూపొందించార‌ట.
 టాలీవుడ్‌ ప్రముఖ దర్శకుడు కోడి రామకృష్ణ కన్ను మూశారు. గతకొంతకాలంగా తీవ్ర అనారోగ్యంతో భాదపడుతున్న ఆయన.. శుక్రవారం మధ్యాహ్నం తనువు చాలించారు. ఆయన మృతితో టాలీవుడ్‌ శోక సంద్రంలో మునిగింది. పలువురు సినీ, రాజ‌కీయ  ప్రముఖులు ఆయన మృతి పట్ల తీవ్ర సంతాపాన్ని ప్ర‌క‌టించారు. ఈ రోజు మ‌ధ్యాహ్నం మ‌హాప్ర‌స్థానంలో అంత్య‌క్రియ‌లు జ‌ర‌ప‌నున్నారు. ఈయ‌న‌కు భార్య ప‌ద్మ‌, ఇద్ద‌రు కూతుళ్లు దీప్తి, ప్ర‌వ‌ళిక లు ఉన్నారు. 130 కు పైగా సినిమాలు చేసి తెలుగు చ‌ల‌న చిత్ర ప‌రిశ్ర‌మ‌లో త‌న‌కంటూ ప్ర‌త్యేక ముద్ర‌ను ఏర్ప‌రుచుకున్నారు.  ఫాంటాసి చిత్రాలను తెరకెక్కించడంలో ఆయన శైలి భిన్నమని అమ్మోరు, దేవి, అరుంధతి లాంటి సినిమాలను చూస్తే తెలుస్తుంది.  పాల‌కొల్లులో ప్రారంభ‌మై... పాల‌కొల్లులో న‌ర‌సింహా మూర్తి, చిట్టెమ్మ దంప‌తుల‌కు జ‌న్మించారు. ఆయ‌న ప్రాథ‌మిక విద్య పాలకొల్లులో జ‌రిగింది.  చిన్న‌త‌నము నుండే నాట‌ల‌కాల‌పై ఆస‌క్తి పెంచుకున్న కోడి రామ‌కృష్ణ  డిగ్రీ పూర్త‌య్యాక సినిమాల్లోకి వ‌చ్చి ప్ర‌య‌త్నాలు ప్రారంభించారు.  దాస‌రి `తాత మ‌న‌వ‌డు` సినిమా చూసి ఇన్ స్పైర్ అయినా కోడి రామ‌కృష్ణ ఆయ‌న ద‌గ్గ‌ర శిష్య‌రికం చేయాల‌ని ప‌ట్టుబ‌ట్టి మ‌రి ఆయ‌న ద‌గ్గ‌ర చేరారు.   దాస‌రి వ‌ద్ద ఐదేళ్ల‌కు పైగా శిష్య‌రికం చేసి ఆయ‌న‌కు ప్రియ శిష్యుడుగా మారారు.  దాస‌రిని ద‌ర్శ‌కుడుగా ప‌రిచయం చేసిన నిర్మాత రాఘ‌వ‌గారే `ఇంట్లో రామయ్య వీధిలో కృష్ణయ్య` సినిమాతో టాలీవుడ్‌కు దర్శకుడిగా కోడిరామ‌కృష్ణ‌ను ద‌ర్శ‌కుడిగా ప‌రిచ‌యం చేశారు.    తొలి విజ‌యంతో...   మెగాస్టార్ చిరంజీవి హీరోగా కోడి రామ‌కృష్ణ  `ఇంట్లో రామ‌య్య వీధిలో కృష్ణ‌య్య‌` చిత్రంతో ద‌ర్శ‌కుడుగా మారారు. ఈ చిత్రం 525 రోజులు ఆడింది.  తొలి చిత్రంతో నే తిరుగులేని స‌క్సెస్ ను అందుకుని చిత్ర ప‌రిశ్ర‌మ‌ను ఆక‌ర్షించారు. ఇక అప్పటి నుంచి వెన‌క్కి మ‌ళ్లీ చూసుకోలేదు.  త‌రంగిణి, తలంబ్రాలు, మువ్వ‌గోపాలుడు, ముర‌ళీకృష్ణుడు, ముద్దుల మావ‌య్య‌, ముద్దుల మేన‌ల్లుడు, మంగ‌మ్మ‌గారి మ‌న‌వ‌డు, 20వ శ‌తాబ్దం , అంకుశం, శ్రీనివాస క‌ళ్యాణం, దేవి, దేవుళ్లు, పంజ‌రం, పెళ్లాం చెబితే వినాలి, పెళ్లి కానుక‌, పెళ్లి పందిరి, పుట్టింటికి రా చెల్లి, భార‌త్ బంద్, పోలీస్ లాక‌ప్ , పెళ్లి, మ‌న్నెంలో మొన‌గాడు, అమ్మోరు, రిక్షావోడు, లాఠీ చార్జ్, శత్రువు, అరుంధ‌తి ఇలా వ‌రుస విజ‌యాల‌తో ద‌ర్శ‌కుడుగా గొప్ప గుర్తింపు తెచ్చుకున్నారు. క‌న్న‌డ‌లో ద‌ర్శ‌క‌త్వం వ‌హించిన నాగ‌రాహు ఆయ‌న ఆఖ‌రి చిత్రం. ఈ సినిమా తెలుగులో నాగ‌భ‌ర‌ణం గా విడుద‌లైంది. ఆయ‌న స్పృశించ‌ని అంశం లేదు... ద‌ర్శ‌కుడుగా 35 ఏళ్ల కెరీర్ లో ద‌ర్శ‌కుడిగా కోడి రామ‌కృష్ణ స్పృశించ‌ని అంశం అంటూ లేదు. ఫ్యామిలీ, ఫాంట‌సీ, యాక్ష‌న్‌, పోలీస్‌, దేశ‌భ‌క్తి, భ‌క్తి , గ్రామీణ ఇలా భిన్న‌మైన ఇతివృత్తాల‌తో సినిమాలు చేసి ద‌ర్శ‌కుడుగా త‌న ప్ర‌తిభ నిరూపించుకున్నారు. ఆయన ఎప్పుడూ ట్రెండ్ కంటే ముందే ఉండేవారు. కొత్త‌గా ఆలోచించేవారు. ఆయ‌న ద‌ర్శ‌క‌త్వంలో బాల‌కృష్ణ హీరోగా వ‌చ్చిన సినిమాలు ఘ‌న విజ‌యాలు సాధించాయి. ఆయ‌న కెరీర్ కు ఎంతో ప్ల‌స్స‌య్యాయి. ఎప్ప‌టికీ నిలిచిపోయే ... ఇక అంకుశం, త‌లంబ్రాలు , ఆహుతి సినిమాలు రాజ‌శేఖ‌ర్ కెరీర్ లో మైలు రాళ్ల‌లా నిలిచిపోయాయి. ఖాకీ చిత్ర‌మంటే అంకుశ‌మే అనేలా ఆ సినిమా నిలిచిపోయింది.  అర్జున్ హీరోగా `మా ప‌ల్లెలో గోపాలుడు` , మ‌న్నెంలో మొన‌గాడు, మా ఊరి మారాజు, మ‌న‌వ‌డొచ్చాడు, పుట్టింటికి రా చెల్లి చిత్రాలు భారీ స‌క్సెస్ అందుకున్నాయి.  సుమ‌న్, జ‌గ‌ప‌తి బాబు, భానుచంద‌ర్ ల‌కు ఎప్ప‌టికీ గుర్తుండిపోయే చిత్రాలు ఇచ్చారు. ఇక చిరంజీవితో ఇంట్లో రామ‌య్య వీధిలో కృష్ణ‌య్య చిత్రం త‌ర్వాత రిక్షావోడు, గూఢచారి నెం-1 చిత్రాలు చేసారు. దాస‌రి నారాయ‌ణ రావు, రాఘ‌వేంద్ర‌రావు త‌ర్వాత వంద చిత్రాల‌కు పైగా ద‌ర్శ‌కత్వం వ‌హించి పేరు ప్ర‌ఖ్యాతులు సంపాదించుకున్నారు.  తెలుగులో దాదాపు స్టార్ హీరోలంద‌రితో ఆయ‌న సినిమాలు చేసి స‌క్సెస్ లు చ‌వి చూసారు. సోష‌ల్ రెస్పాన్స్ బులిటీతో...   క‌థ ఎటువంటిదైనా అందులో సామాజిక అంశాలు ఉండేలా చూసుకునే వారు కోడి రామ‌కృష్ణ‌. ఆయ‌న చిత్రాల్లో సామాజిక స్పృహ క‌లిగిన చిత్రాల్లో `అదిగో అల్ల‌దిగో ` చిత్రం ముందు వ‌రుస‌లో ఉంటుంది.  ఇందులో జోగిని వ్య‌వ‌స్థ గురించి అద్భుతంగా చూపించారు. వితంతు వ్య‌వ‌స్థ గురించి పంజ‌రం చిత్రంలో చ‌ర్చించారు.  ద‌ర్శ‌క రత్న దాస‌రి నారాయ‌ణ‌రావు స్పృశించ‌ని ఎన్నో అంశాల‌ను స్పృశించి గ‌రువుకి త‌గ్గ శిష్యుడిగా పేరు తెచ్చుకున్నారు.  ఇలా ఆయ‌న అన్ని ర‌కాల సినిమాలు చేసారు.           గ్రాఫిక్స్ చిత్రాల‌కు శ్రీకారం... `అమ్మోరు` సినిమా త‌ర్వాత తెలుగులో గ్రాఫిక్స్ చిత్రాల‌కు తెర‌తీసింది కోడిరామ‌కృష్ణ‌. ఆ త‌ర్వాత వ‌చ్చిన దేవి , దేవి పుత్రుడు, దేవుళ్లు , అరుంధ‌తి,  నాగ‌భ‌ర‌ణం చిత్రాలు గ్రాఫిక్స్ మాయా జాలంతో ఆడియ‌న్స్ ను అల‌రించాయి. విజువ‌ల్ ఎఫెక్ట్ట్స్ ను త‌ను వాడినంత‌గా మ‌రి వేరే ఎవ‌రూ వాడ‌లేద‌న‌డంలో సందేహం లేదు. ప‌లు అవార్డులు, రివార్డులు వ‌రించాయి... కోడి రామ‌కృష్ణ చిత్ర ప‌రిశ్ర‌మ‌లో అజాత శ‌త్రువుగా పేరు తెచ్చుకున్నారు. ఇంత వ‌ర‌కు ఆయ‌న‌పై ఎలాంటి వివాదం, విమ‌ర్శ లేదు. సినిమా  త‌ప్ప ఆయ‌న‌కు మ‌రో ప్ర‌ప‌పంచం తెలియ‌దు.  నిర్మాత‌ల ప‌ట్ల ఎంతో గౌర‌వంగా ఉండేవారు. నిర్మాత‌ల ద‌ర్శ‌కుడాయ‌న‌. నిర్మాతలు సినిమాల విష‌యంలో ఎంత ప‌ట్టించ‌కుంటే అంత మంచి సినిమాలు వ‌స్తాయ‌నేవారు.  తెలుగుతో పాటు ఇత‌ర భాష‌ల్లో కూడా సినిమాలు చేసారు. 2012లో ర‌ఘుప‌తి వెంక‌య్య పుర‌స్కారం అందుకున్నారు. అలాగే ప‌లు సినిమాల‌కు గానూ 10 నంది అవార్డ్స్,  రెండు ఫిలింఫేర్ అవార్డ్స్ అందుకున్నారు.
  2019-20 సంవత్సరానికి రూ.1,82,017 కోట్లతో ఓటాన్‌ అకౌంట్‌ బడ్జెట్‌‌ను సీఎం కేసీఆర్‌ అసెంబ్లీలో ప్రవేశపెట్టారు. ఈ సందర్భంగా ఆయన మాట్లాడుతూ.. కేంద్రం ఓటాన్ అకౌంట్ బడ్జెట్ ప్రవేశపెట్టిన కారణంగా ఎన్ని నిధులు వస్తాయో స్పష్టంగా తెలియదన్నారు. అందుకే ఓటాన్ అకౌంట్ బడ్జెట్ ప్రవేశపెడుతున్నామని కేసీఆర్ స్పష్టం చేశారు. కేంద్రం పూర్తిస్థాయి బడ్జెట్ ప్రవేశపెట్టిన తర్వాత రాష్ట్రంలోనూ పూర్తి బడ్జెట్ ప్రవేశపెడతామని వెల్లడించారు. ఇది తెలంగాణ రాష్ట్రానికి ఆరవ బడ్జెట్‌ అని చెప్పారు. తెలంగాణ పునర్నిర్మాణంలో ప్రజలు సహకారం అందిస్తున్నారని తెలిపారు. తెలంగాణ ఆవిర్భావానికి ముందు గుజరాత్‌, కేరళ అభివృద్ధి గురించే దేశవ్యాప్తంగా చర్చ జరిగేదని, ప్రస్తుతం తెలంగాణ అభివృద్ధిపై చర్చ జరుగుతోందని అన్నారు. తెలంగాణ అనుసరిస్తున్న ప్రణాళిక దేశంలో చర్చకు కేంద్ర బిందువైందని చెప్పారు. తెలంగాణ ఆవిర్భవించినప్పుడు ప్రతికూల పరిస్థితులు ఉన్నాయి. తక్కువ సమయంలో ఎక్కువ అభివృద్ధి, సంక్షేమ పథకాలు ప్రవేశపెట్టాం. అన్ని రంగాలకు 24 గంటల విద్యుత్‌ అందిస్తున్నామన్నారు. రైతుల్లో నిరాశను తొలగించామని స్పష్టం చేశారు. తెలంగాణ రాష్ట్రం దేశానికే ఆదర్శంగా నిలిచిందని అన్నారు. తెలంగాణ రైతులకు కేసీఆర్‌ శుభవార్త చెప్పారు. 2018 డిసెంబరు 11వ తేదీలోగా తీసుకున్న రైతు రుణాలు రూ.లక్ష వరకూ మాఫీ చేస్తున్నట్లు ప్రకటించారు. ఈ బడ్జెట్‌లో వ్యవసాయాభివృద్ధి కోసం రూ.20,107కోట్లు కేటాయించారు. రైతు బంధు సాయం కింద ఎకరానికి రూ.10వేలు అందిస్తుండగా, ఇందుకోసం రూ.12వేల కోట్లు కేటాయిస్తున్నట్లు తెలిపారు. రైతు బీమా కోసం రూ.650కోట్లు కేటాయించిన కేసీఆర్‌ ప్రభుత్వం.. నీటిపారుదల శాఖకు రూ.22,500కోట్లు కేటాయించింది. తెలంగాణ బడ్జెట్‌ ముఖ్యాంశాలు: వ్యవసాయ శాఖకు రూ.20,107 కోట్లు రైతు రుణమాఫీకి రూ.6వేల కోట్లు రైతు బంధుకు రూ.12 వేల కోట్లు రైతు బీమా రూ.650 కోట్లు నీటిపారుదలశాఖకు రూ.22,500కోట్లు నిరుద్యోగ భృతికి రూ.1,810 కోట్లు ఎస్సీల అభివృద్ధికి రూ.16,581 కోట్లు ఎస్టీల అభివృద్ధికి రూ.9,827 కోట్లు మైనార్టీల సంక్షేమానికి రూ.2004 కోట్లు ఈఎన్‌టీ, దంత పరీక్షలకు రూ.5,536 కోట్లు ఆసరా పెన్షన్లకు రూ.12,067 కోట్లు కళ్యాణలక్ష్మి, షాదీముబారక్‌కు రూ.1450 కోట్లు రూపాయికి కిలో బియ్యం పథకానికి రూ.2,744 కోట్లు దివ్యాంగుల పెన్షన్లకు రూ.12వేల కోట్లు ఎంబీసీ కార్పోరేషన్‌కు రూ.1000 కోట్లు
  ప్రస్తుతం ఏపీ రాజకీయాల్లో టీడీపీ నేతల జంపింగులే హాట్ టాపిక్ అని చెప్పాలి. ఎందుకంటే నేతలు వరుసపెట్టి టీడీపీకి గుడ్ బై చెప్తున్నారు. నేతల జంపింగులపై తాజాగా మంత్రి నారా లోకేష్ స్పందించారు. వచ్చే ఎన్నికల్లో టికెట్ రాదని తెలిసిన వారే పార్టీలు మారుతున్నారని ఆరోపించారు. గెలుపు గుర్రాలకే పార్టీ టిక్కెట్లు ఇస్తామని స్పష్టం చేశారు. ఎవరి పనితీరు ఏంటో చంద్రబాబుకు తెలుసునని చెప్పుకొచ్చారు. పార్టీలో, చంద్రబాబుతో విభేదాలు ఉంటే ఎప్పుడో వెళ్లి ఉండేవారని, ఎన్నికలకు రెండు నెలల ముందు కాదని వ్యాఖ్యానించారు. వచ్చే ఎన్నికల్లో 175 సీట్లకు గాను 150 సీట్లలో గెలిచి చంద్రబాబు సీఎం అవుతారని లోకేష్ ధీమా వ్యక్తం చేసారు. నాలుగేళ్ల 10 నెలలు ప్రయాణం చేసి, ఇప్పుడు బాబు మీద విమర్శలు చేయడంలో పరమార్ధాన్ని ప్రజలు గమనిస్తున్నారని చెప్పారు. నిన్న మొన్నటిదాకా జగన్ ను తిట్టి, ఇప్పుడు ఆయన దగ్గరకే వెళ్లడం ఆశ్చర్యంగా ఉందని అన్నారు. నేతలు పార్టీలు మారినా ఏమీ కాదని.. సంక్షేమం, అభివృద్ధే టీడీపీకి అండగా నిలుస్తాయని లోకేష్ స్పష్టం చేసారు. అదేవిధంగా రాబోయే ఎన్నికల్లో తెలుగుదేశం పార్టీ ఇతర పార్టీలతో పొత్తు పెట్టుకుంటుందని తేల్చి చెప్పారు. ఎన్నికలకు 30 రోజుల ముందు పొత్తులపై చంద్రబాబు ఖచ్చితమైన నిర్ణయం తీసుకుంటారని లోకేష్ స్పష్టం చేశారు. వచ్చే ఎన్నికల్లో టీడీపీ ఇతర పార్టీలతో పొత్తు పెట్టుకుంటుందని లోకేష్ చేసిన వ్యాఖ్యలు చర్చకు దారితీస్తున్నాయి. ఏపీ ఎన్నికల బరిలో ప్రధానంగా టీడీపీ, వైసీపీ, జనసేన, బీజేపీ మరియు కాంగ్రెస్ దిగనున్నాయి. టీడీపీ, వైసీపీల పొత్తు అసలు ఆప్షనే లేదు. ఇక టీడీపీ, బీజేపీలు గత ఎన్నికల్లో కలిసి పనిచేసినా.. ఇప్పుడు ఆ రెండు పార్టీల మధ్య పచ్చగడ్డి వేస్తే భగ్గుమంటుంది. కాబట్టి బీజేపీతో పొత్తు ఉండే అవకాశం లేదు. జనసేన విషయానికొస్తే.. గత ఎన్నికల్లో పవన్ కళ్యాణ్ పోటీకి దూరంగా ఉండి టీడీపీకి మద్దతిచ్చారు. కానీ ఇప్పుడు మాత్రం తాము ఏ పార్టీతో పొత్తు పెట్టుకోమని, కేవలం వామపక్షాలతో కలిసి నడుస్తామని స్పష్టం చేసారు. ఇప్పటికైతే జనసేనతో పొత్తు కూడా కష్టమే. మరి ఎన్నికల ముందు ఏదైనా అద్భుతం జరిగితే చెప్పలేం. ఇక మిగిలింది కాంగ్రెస్. మిగతా పార్టీలతో పోల్చుకుంటే ప్రస్తుతం టీడీపీ కాంగ్రెస్ తో పొత్తు పెట్టుకునే అవకాశాలు ఎక్కువనే చెప్పాలి. ఇప్పటికే టీడీపీ, కాంగ్రెస్ తెలంగాణ అసెంబ్లీ ఎన్నికల్లో కలిసి పోటీచేశాయి.. అదేవిధంగా కేంద్రంలో బీజేపీకి వ్యతిరేకంగా కలిసి పనిచేస్తున్నాయి. అయితే తెలంగాణలో వచ్చిన చేదు ఫలితాల నేపథ్యంలో టీడీపీ, కాంగ్రెస్ లు ఏపీలో ఎంతవరకు కలిసి పనిచేస్తాయో కూడా ఆలోచించాలి. కొందరు టీడీపీ నేతలు కూడా ఇలాంటి అభిప్రాయాన్నే వ్యక్తం చేస్తున్నారు. జాతీయస్థాయిలో కాంగ్రెస్ తో కలిసి పనిచేస్తాం కానీ రాష్ట్రంలో మాత్రం విడిగా పోటీ చేస్తేనే టీడీపీకి లాభమని అభిప్రాయపడుతున్నారు. మరి ఇప్పుడు లోకేష్ ఏమో టీడీపీ, ఇతర పార్టీలతో పొత్తు అంటున్నారు. దీంతో అసలు టీడీపీ ఏ పార్టీతో పొత్తు పెట్టుకుంటుంది అంటూ చర్చలు మొదలయ్యాయి. చూద్దాం మరి ఎన్నికల ముందు టీడీపీ పొత్తుల విషయంలో ఎలాంటి ట్విస్ట్ లు ఇస్తుందో.
  2019-20 ఆర్థిక సంవత్సరానికి గాను ఓటాన్ అకౌంట్ బడ్జెట్‌ను మంత్రి యనమల రామకృష్ణుడు అసెంబ్లీలో ప్రవేశపెట్టారు. రూ.2,26,177.53 కోట్లతో ఈ బడ్జెట్‌ను రూపొందించారు. ఈ సందర్భంగా ఆయన మాట్లాడుతూ.. అమరావతిలో వరుసగా మూడోసారి బడ్జెట్‌ను ప్రవేశపెట్టడం గర్వకారణమని అన్నారు. అపార అనుభవం గల నాయకత్వాన్ని ప్రజలు ఆశించారని.. ఆ నమ్మకంతోనే చంద్రబాబుకు అధికారం అప్పగించారన్నారు. ఈజ్‌ఆఫ్ డూయింగ్‌లో ఏపీ అగ్రగామిగా నిలిచిందని, ఇది చంద్రబాబు సమర్థ నాయకత్వం వల్లే సాధ్యమైందని యనమల అన్నారు. నాలుగున్నరేళ్ల ప్రయాణంలో ఎన్నో సవాళ్లు ఎదుర్కొన్నామని తెలిపారు. హేతుబద్ధత లేకుండా రాష్ట్ర విభజన జరిగిందని, దీంతో రాజధాని నగరాన్ని కోల్పోయామన్నారు. విభజన సమయంలో ఆదాయ-వ్యయాలు, ఆస్తులు-అప్పులు సరిగా పంపిణీ చేయలేదని.. దీనివల్ల రాష్ట్ర వ్యాప్తంగా నిరాశా నిస్పృహలు నెలకొన్నాయని చెప్పారు. కేంద్ర ప్రభుత్వం అరకొర సాయం వల్ల సమస్యలు మరింత జఠిలమయ్యాయని యనమల పేర్కొన్నారు. మహిళా సాధికారత సీఎం చంద్రబాబు ఆకాంక్ష అని.. 20 ఏళ్ల క్రితమే మహిళా పొదుపు సంఘాలను ఆయన ఏర్పాటు చేశారని యనమల గుర్తు చేశారు. వెలుగు పథకం ప్రపంచంలోనే అతిపెద్ద పేదరిక నిర్మూలన కార్యక్రమమని, ఆ పథకంలో ప్రస్తుతం 94 లక్షల మంది మహిళలు ఉన్నారని చెప్పారు. ఈ బడ్జెట్ లో పలు కొత్త పథకాలకు ప్రభుత్వం నిధులను మంజూరు చేసింది. ఇందులో రైతుల పెట్టుబడి సాయం కోసం అన్నదాత సుఖీభవ అనే పథకాన్ని మంత్రి ప్రకటించారు. అన్నదాత సుఖీభవకు రూ. 5 వేల కోట్లు కేటాయించారు. బడ్జెట్‌ ముఖ్యాంశాలు: వ్యవసాయానికి రూ. 12, 732 కోట్లు బీసీ వెల్ఫేర్‌ రూ.8,242 అటవీపర్యావరణానికి రూ. 491 కోట్లు ఉన్నత విద్య- 3,171 కోట్లు ఇంధన మరియు ఇన్‌ఫ్రాస్ట్రక్షర్‌ రూ.5,473 సెకండరీ ఎడ్యుకేషన్‌ రూ. 22,783 పౌరసరఫరాలు- రూ. 3,763 కోట్లు ఆర్థికశాఖకు రూ. 51, 841 కోట్లు సాధారణపరిపాలన శాఖకు- రూ.1,117 వైద్యారోగ్యశాఖకు రూ. 10,032 హోంశాఖకు రూ.6,397 కోట్లు గృహనిర్మాణశాఖకు రూ.4079 జలవనరులశాఖకు- రూ. 16,852 కోట్లు పరిశ్రమలశాఖకు 4,114 కోట్లు ఐటీకి 1006 కోట్లు కార్మిక ఉపాధి కల్పనకు 1225 కోట్లు న్యాయశాఖకు 918 కోట్లు అసెంబ్లీకి 149 కోట్లు మున్సిపల్‌ అడ్మినిస్ట్రేషన్‌కు 7979 కోట్లు మైనార్టీ వెల్ఫేర్‌కు రూ. 1308 కోట్లు ప్లానింగ్‌కు 1403 కోట్లు పంచాయతీరాజ్‌, రూరల్‌ డెవలప్‌మెంట్‌ రూ. 35,182 కోట్లు రెవెన్యూశాఖకు రూ. 5546 కోట్లు రియల్‌ టైమ్‌ గవర్నెన్స్‌ 172 కోట్లు స్కిల్‌ డెవలప్‌మెంట్‌ 458 కోట్లు సోషల్‌ వెల్ఫేర్‌కు రూ. 6861 కోట్లు రోడ్లు భవనాలశాఖకు రూ. 5382 కోట్లు మహిళాశిశు సంక్షేమశాఖకు రూ. 3408 కోట్లు యువజన క్రీడలు రూ. 1982 కోట్లు చిన్నమధ్యతరహా పరిశ్రమలకు రూ. 400 కోట్లు డ్రైవర్‌ సాధికార సంస్థకు రూ. 150 కోట్లు క్షత్రియ కార్పొరేషన్‌కు రూ. 50 కోట్లు ధరల స్థిరీకరణ నిధికి రూ. 1000 కోట్లు యాంత్రీకరణకు రూ. 300 కోట్లు మత్స్యశాఖ అభివృద్ధికి రూ. 100 కోట్లు ఎస్సీ సబ్‌ప్లాన్‌ కింద రూ. 14,367 కోట్లు ఎస్టీ సబ్‌ప్లాన్‌ కింద రూ. 5,385 కోట్లు బీసీ సబ్‌ప్లాన్‌ కింద రూ. 16,226 కోట్లు మైనార్టీ సబ్‌ప్లాన్‌ కింద రూ. 1,304 కోట్లు పసుపు- కుంకుమ కింద రూ. 4 వేల కోట్లు బీసీల కార్పొరేషన్‌కు రూ. 3 వేల కోట్లు ముఖ్యమంత్రి యువనేస్తానికి రూ. 1200 కోట్లు డ్వాక్రా మహిళలకు వడ్డీలేని రుణాలు రూ. 1100 కోట్లు చంద్రన్న బీమాకు రూ. 354 కోట్లు అన్నా క్యాంటీన్లకు రూ. 300 కోట్లు చేనేతలకు రూ. 225 కోట్లు 9,10 తరగతుల విద్యార్థులకు మధ్యాహ్న భోజన పథకానికి రూ. 156 కోట్లు చంద్రన్న పెళ్లి కానుక కింద బీసీలకు రూ. 175 కోట్లు చంద్రన్న పెళ్లి కానుక కింద ఎస్సీలకు రూ. 128 కోట్లు మైనార్టీలకు దుల్హన్‌ పథకం కింద రూ.100 కోట్లు ఎన్టీఆర్‌ విదేశీ విద్యకు రూ. 100 కోట్లు పెన్షన్‌ కింద వృద్ధాప్య, వింతంతువులకు రూ. 10,401 కోట్లు
  ఎన్నికల హడావుడి మొదలవుతుంటే సర్వేల సందడి మొదలవ్వడం సహజం. ఏపీలో ఎన్నికల సమయం దగ్గర పడుతుండడంతో ప్రధాన పార్టీలు.. అభ్యర్థుల ఎంపిక, బలాబలాల అంచనాతో బిజీ బిజీగా ఉన్నాయి. మరోవైపు కొన్ని సంస్థలు సర్వేలతో బిజీగా ఉన్నాయి. ఏపీలో అసెంబ్లీతో పాటు పార్లమెంట్ ఎన్నికలు కూడా జరగనున్న విషయం తెలిసిందే. దీంతో కొన్ని జాతీయ మీడియా సంస్థలు ఏపీలో కూడా సర్వే నిర్వహిస్తున్నాయి. తాజాగా ‘రిపబ్లిక్‌ టీవీ - సీ ఓటర్‌' సంస్థలు ఏపీ పార్లమెంట్ ఎన్నికలపై సర్వే నిర్వహించాయి. ఈ సర్వే ఫలితాలు అధికార పార్టీ టీడీపీకి షాక్ ఇచ్చేలా ఉన్నాయి. పార్లమెంట్‌ ఎన్నికల్లో వైసీపీ ఎక్కువ సీట్లు సాధించనుందని ‘రిపబ్లిక్‌ టీవీ - సీ ఓటర్‌’ సంస్థలు నిర్వహించిన సర్వే వెల్లడించింది. టీడీపీ 6 ఎంపీ స్థానాలకే పరిమితమవుతుందని ఈ సర్వే తేల్చింది. ‘నేషనల్‌ అప్రూవల్‌ రేటింగ్స్‌’ పేరుతో జరిగిన ఈ సర్వే ఫలితాలను రిపబ్లిక్‌ టీవీ తాజాగా విడుదల చేసింది. ఇప్పటికిప్పుడు ఎన్నికలు జరిగితే రాష్ట్రంలోని మొత్తం 25 లోక్‌సభ స్థానాలకుగానూ.. వైసీపీ 41.3 శాతం ఓట్లతో 19 ఎంపీ సీట్లు, టీడీపీ 33.1 శాతం ఓట్లతో 6 ఎంపీ సీట్లు గెలుచుకుంటాయని సర్వే అంచనా వేసింది. జాతీయ పార్టీలైన బీజేపీ, కాంగ్రెస్‌లు ఏపీలో ఒక్క స్థానంలో కూడా గెలవలేవని పేర్కొంది. గత ఎన్నికల్లో  ఏపీలో టీడీపీకి 15 ఎంపీ సీట్లు రాగా, వైసీపీ 8 ఎంపీ సీట్లను సాధించింది. ఇప్పుడు సర్వే మాత్రం పూర్తి విరుద్ధంగా ఉంది. అయితే ఈ సర్వేపై విమర్శలు కూడా వెల్లువెతున్నాయి. బీజేపీ, వైసీపీలు సర్వేల పేరుతో ప్రజలను పక్కదోవ పట్టిస్తున్నాయని టీడీపీ నేతలు ఆరోపిస్తున్నారు. '2014 ఎన్నికల ముందు వైసీపీ గెలుస్తుంది అంటూ కొన్ని సర్వేలు విడుదల చేసారు. కానీ ఫలితాలు తారుమారు అయ్యాయి. ప్రజలు టీడీపీకే పట్టం కట్టారు. ఇప్పుడు కూడా అలాగే జరుగుతుంది' అంటూ టీడీపీ నేతలు ధీమా వ్యక్తం చేస్తున్నారు. మరి సర్వేలో చెప్పినట్లు వైసీపీ ఎక్కువ సీట్లు గెలుచుకుంటుందో లేక 2014 ఫలితాలే రిపీట్ అవుతాయో తెలియాలంటే కొంత కాలం వేచి చూడాల్సిందే.
  వంగవీటి రంగా ఆశయ సాధన కోసమే వైసీపీలో చేరానని, కానీ అది అక్కడ సాధ్యం కాకపోవడంతో బయటకు వచ్చేశానని వంగవీటి రాధా తెలిపారు. విజయవాడలో ఈరోజు ఆయన మీడియాతో మాట్లాడుతూ... రంగా ఆశయం నెరవేరుస్తానని పార్టీలో చేరేటప్పుడు వైసీపీ అధినేత జగన్ మాటిచ్చారని.. సొంత తమ్ముడికన్నా ఎక్కువ అన్నారని రాధా చెప్పారు. 'తమ్ముడినే ఇలా చూస్తే.. సామాన్య ప్రజలను జగన్‌ ఎలా చూస్తారు' అని ప్రశ్నించారు.  'ఒక్క సీటు కోసం నాకు ఈ గొడవ అవసరం లేదు. నేను అభిమానం కోరుకున్నా.. మీరు జాలి చూపిస్తున్నారు. సీటు ఇవ్వనందుకు నాకు బాధ లేదు, సూటిపోటి మాటలు నన్ను బాధించాయి' అని రాధా అన్నారు. వైసీపీలో తనకు జరిగిన అవమానాలు మరొకరికి ఎదురుకాకూడదన్నారు రాధా. తన తండ్రి విగ్రహావిష్కరణకు వెళితే.. ఎందుకు వెళ్లావంటూ వైసీపీ నేతలు తనను మందలించారన్నారు. ఇదెక్కడి న్యాయమన్నారు. రంగా విగ్రహావిష్కరణకు అన్ని రకాల పార్టీల వాళ్లు వస్తారని... ఆయన అభిమానానికి హద్దులు లేవన్నారు. తన తండ్రి విగ్రహావిష్కరణకు ఎవరి అనుమతి అవసరం లేదని చెప్పారు. అభిమానంతో కొంతమంది భోజనాలు పెడితే.. అది కూడా పొరపాటైపోయిందన్నారు. లోకల్ ఇంఛార్జీకి చెప్పలేదని.. తనను ప్రశ్నించారన్నారు. తండ్రి లేనివాడినని చేరదీశానని.. చెప్పినట్లు వినాల్సిందేనంటూ జగన్‌ ఒత్తిడి చేసేవారని రాధా ఆరోపించారు. ఇప్పటికైనా జగన్‌ పద్ధతి మార్చుకోవాలని సూచించారు. వైసీపీని వీడిన తర్వాత సోషల్ మీడియాలో తనపై బెదిరింపులు పెరిగాయని వంగవీటి రాధా అన్నారు. ఒకవేళ తన చావు వారికి ఆనందం కలిగిస్తుందంటే చంపేయండని అన్నారు. తనకు ప్రాణం మీద ఆశ లేదని.. పేదల కోసం పోరాడి ప్రాణాలు కోల్పోయిన వ్యక్తి తన తండ్రి అని.. తాను కూడా అందుకు సిద్ధమేనని చెప్పారు. 'నన్ను బెదిరిస్తున్నవారి ఐపీ అడ్రస్‌ ద్వారా గుర్తించి పోలీసులకు ఫిర్యాదు చేయగలను. కానీ.. వైసీపీ నేతలు కింద వారిని బలి చేస్తారనే ఆగిపోయాను. ఏపీ పోలీసుల మీద నాకు నమ్మకం ఉంది' అని రాధా అన్నారు. అలాగే పార్టీ మారేందుకు వంద కోట్ల డీల్ కుదుర్చుకున్నారన్న వార్తలపై ఆగ్రహం వ్యక్తం చేశారు.
  ఎన్నికల్లో గెలిస్తే ప్రజల అండ మా పార్టీకి ఉంది కాబట్టే గెలిచామని, ఓడిపోతే ఈవీఎం ట్యాంపరింగ్ జరగడం వల్లే ఓడిపోయామని చెప్పుకోవడం కొన్ని పార్టీలకు అలవాటు. ఇప్పటికే విపక్షాలు బీజేపీ మీద ఇటువంటి ఆరోపణలు చేస్తున్న విషయం తెలిసిందే. అయితే ఇప్పుడు ఈ లిస్ట్ లోకి ఓ సైబర్ నిపుణుడు కూడా చేరిపోయాడు. 2014 నుంచి ఇప్పటివరకు బీజేపీ సాధించిన విజయాలన్నీ ఈవీఎంల ట్యాంపరింగ్ వల్లే సాధ్యమైందని పెద్ద బాంబు పేల్చాడు. అమెరికాలో తలదాచుకుంటున్న సయ్యద్‌ షుజా అనే భారతీయ హ్యాకర్‌ సంచలన ఆరోపణలు చేశారు. 2014 లోక్‌సభ ఎన్నికల్లో ఈవీఎంలు హ్యాక్‌ చేయడం ద్వారానే బీజేపీ విజయం సాధించిందని అన్నారు. ఇందుకు టెలికాం సంస్థ రిలయన్స్‌ జియో సహకరించిందని తెలిపారు. అయితే ఇక్కడో అర్థంకాని విషయం ఏంటంటే.. 2014లో జియో సేవలు ప్రారంభం కాలేదు. 2016 సెప్టెంబర్‌ నుంచే అవి ప్రారంభమయ్యాయి. ప్రస్తుతానికి ఆ లాజిక్ పక్కన పెట్టి మిగతా మేటర్ లోకి వెళ్దాం. సయ్యద్‌ షుజా సోమవారం లండన్‌లో భారత పాత్రికేయ సంఘం నిర్వహించిన విలేకరుల సమావేశంలో స్కైప్‌ ద్వారా మాట్లాడారు. అయితే ముఖం కనిపించకుండా మాస్క్‌ ధరించారు. 2014 సార్వత్రిక ఎన్నికల్లో వాడిన ఈవీఎంలను డిజైన్‌ చేసిన ఈసీఐఎల్‌ బృందంలో తాను కూడా సభ్యుడినని చెప్పారు. 2009 నుంచి 2014 వరకు తాను ఆ సంస్థలో పనిచేశానని పేర్కొన్నారు. ఈవీఎంలను హ్యాక్‌ చేయగలమా? ఎలా చేయగలం? అన్న విషయాన్ని పరిశీలించాలని ఈసీఐఎల్‌ మమ్మల్ని కోరిందన్నారు. వాటిని హ్యాక్‌ చేయవచ్చని తాము నిరూపించామని తెలిపారు. రిలయన్స్‌ జియో అందించిన ఓ మాడ్యులేటర్‌ ద్వారా మిలటరీ గ్రేడ్‌ లోఫ్రీక్వెన్సీ తరంగాలతో బీజేపీ ఈవీఎంలను హ్యాక్‌ చేసింది. తద్వారా 2014 లోక్‌సభ ఎన్నికల్లో రిగ్గింగ్‌కు పాల్పడింది. ఈ విషయం తెలుసుకున్నారు కాబట్టే బీజేపీ సీనియర్‌ నేత గోపీనాథ్‌ ముండేను లోక్‌సభ ఎన్నికలు జరిగిన కొద్దిరోజులకే చంపేశారు. ముండే మరణంపై దర్యాప్తు జరుపుతున్న ఎన్‌ఐఏ అధికారి తాంజిల్‌ అహ్మద్‌ ఎఫ్‌ఐఆర్‌ దాఖలు చేయాలనుకున్నారు. ఆలోగానే ఆయన ఆత్మహత్యకు పాల్పడ్డారు. 2015లో ఢిల్లీ అసెంబ్లీకి జరిగిన ఎన్నికల్లో ఈ సంకేత ప్రసారాలను మేం అడ్డుకున్నాం. ఫలితంగా మొత్తం 70 స్థానాల్లో 67 స్థానాలను ఆమ్‌ ఆద్మీ పార్టీ గెల్చుకుంది. లేకుంటే బీజేపీ స్వీప్‌ చేసి ఉండేది. రాజస్థాన్‌, ఛత్తీస్‌గఢ్‌, మధ్యప్రదేశ్‌ అసెంబ్లీలకు ఇటీవల జరిగిన ఎన్నికల్లోనూ సంకేత ప్రసారాలను మాబృందం అడ్డుకుంది. లేకుంటే ఆ రాష్ట్రాల్లోనూ బీజేపీ విజయం సాధించి ఉండేది.  గత లోక్‌సభ ఎన్నికల్లో ఉత్తర్‌ ప్రదేశ్‌, గుజరాత్‌, మధ్యప్రదేశ్‌, రాజస్థాన్‌, ఛత్తీస్‌గఢ్‌, ఢిల్లీకి సంబంధించి ఈవీఎంలలో రిగ్గింగ్‌ జరిగింది. 2014 ఏప్రిల్‌లో ఈవీఎంల నుంచి సంకేతాలు వెలువడుతున్నట్లు గుర్తించాం. మాకు తెలిసిన ఈ సమాచారంతో బీజేపీని బ్లాక్‌ మెయిల్‌ చేయాలనుకున్నాం. హైదరాబాద్‌ శివార్లలో బీజేపీ నేత ఒకరిని కలుసుకునేందుకు మా బృందం వెళ్లింది. అక్కడ మా బృందంపై కాల్పులు జరిగాయి. ఇందులో కొందరు చనిపోయారు. నేను తప్పించుకున్నా. ఈ ఘటనను వెలుగులోకి రాకుండా చూడటానికి హైదరాబాద్‌లోని కిషన్‌గఢ్‌లో మతకలహాలు జరిగినట్లు చిత్రీకరించారు. తన బృందంలోని కొందరు సభ్యులు హత్యకు గురికావడంతో 2014లో తాను భారత్‌ నుంచి పరారయ్యాయని చెప్పారు. అమెరికాలో రాజకీయ ఆశ్రయం కోరారన్నారు. ఈవీఎంల హ్యాకింగ్‌పై కథనం రాయడానికి పాత్రికేయురాలు గౌరీలంకేశ్‌ అంగీకరించారు.  ఆలోగానే ఆమె హత్యకు గురయ్యారు. ఈవీఎంలలో వాడిన వైర్లను ఎవరు తయారుచేశారన్నది తెలుసుకునేందుకు సమాచారం చట్టం కింద ఆమె దరఖాస్తు చేశారు. ఆ తర్వాతే ఆమె హత్య జరిగింది అన్నారు. నా ఆరోపణలకు ఆధారాలిస్తా. ఇటీవలి ఎన్నికల్లో వాడిన ఈవీఎంల ద్వారానే మీకు హ్యాకింగ్‌ తీరును వివరిస్తా. ఏయే ఎన్నికల్లో ట్యాంపరింగ్‌ జరిగిందో చెబుతా అని తెలిపారు. ఈ విలేకరుల సమావేశానికి ఎన్నికల సంఘాన్ని కూడా ఆహ్వానించాం. కానీ రాలేదు. రాజకీయ పార్టీలను ఆహ్వానించాం. అయితే కాంగ్రెస్‌ తరఫున కపిల్‌ సిబల్‌ ఒక్కరే వచ్చారు అన్నారు. హ్యాకర్‌ షుజా ఆరోపణలను కేంద్ర ఎన్నికల సంఘం ఖండించింది. బీఈఎల్, ఈసీఐఎల్‌ రూపొందించే ఈవీఎంలను ఎవ్వరూ హ్యాక్‌ చేయలేరని స్పష్టం చేసింది. కట్టుదిట్టమైన భద్రత మధ్య ఈవీఎంలను రూపొందిస్తామనీ, సాంకేతిక కమిటీ సమక్షంలో నిబంధనల మేరకు ఈ యంత్రాలను కఠినమైన పరీక్షలకు లోనుచేస్తామని వెల్లడించింది. ఈ విషయంలో చట్టపరమైన చర్యలు తీసుకునే అంశాన్ని పరిశీలిస్తున్నట్లు ఈసీ పేర్కొంది. మరోవైపు ఈ ఆరోపణలపై విచారణ జరిపించాలని కాంగ్రెస్‌ డిమాండ్‌ చేస్తుంది. అయితే బీజేపీ మాత్రం ఇదంతా కాంగ్రెస్ ఆడుతున్న గేమ్ అంటుంది. హ్యాకర్‌ షుజా ముఖానికి ఉన్న ముసుగు తీసి ఆధారాలు బయటపెడితేనే కానీ అసలు నిజాలు ఏంటో మనకి తెలియవు.
ఓలాలు, ఉబర్లు వచ్చేసిన తరువాత ఏది కారో, ఏది టాక్సీనో కనుక్కోవడం కష్టమైపోయింది. కానీ ఒకప్పుడు టాక్సీ అంటే స్పష్టంగా పచ్చటి పసుపురంగులోనే ఉండేది. ఇప్పటికీ చాలా దేశాలలో టాక్సీ అంటే అల్లంత దూరాన పసుపు రంగులో కనిపించే వాహనమే! టాక్సీలు పసుపురంగులో ఉండటానికి ప్రత్యేకించిన కారణాలు ఏవీ లేవు. 1907లో టాక్సీ సర్వీసులను ప్రారంభించినప్పుడు, మిగతా వాహనాలకంటే భిన్నంగా కనిపించాలి కాబట్టి... అరుదుగా ఉండే పసుపు రంగుని ఎంచుకున్నారు. రోడ్డు మీద వేగంగా దూసుకుపోయే వాహనాల మధ్య పసుపురంగుని గుర్తించడం నిజంగానే తేలికని కొన్ని అధ్యయనాలు రుజువుచేశాయి.   ఇప్పుడు ఏకంగా పసుపురంగు టాక్సీలకి ప్రమాదాలు కూడా తక్కువ జరుగుతాయంటూ ఓ పరిశోధన నిరూపిస్తోంది. సింగపూర్‌ జాతీయ విశ్వవిద్యాలయంలోని నిపుణులు ఈ పరిశోధన కోసం 16,700 కార్లున్న ఓ టాక్సీ సంస్థను (The Singapore taxi company) ఎన్నుకొన్నారు. ఈ కంపెనీలో మూడింత ఒక వంతు పసుపు కార్లుంటే, మరో రెండు వంతులు నీలం కార్లున్నాయి. వీటన్నింటినీ ఓ 36 నెలలపాటు దగ్గరగా పరిశీలించారు. చివరికి పసుపురంగు టాక్సీలకి ప్రమాదం జరిగే అవకాశం పదిశాతం తక్కువని తేల్చారు.   ఇలా ప్రమాదాలు తక్కువ జరగడం వల్ల మనుషులకి దెబ్బలు తగిలే అవకాశాలు ఎలాగూ తగ్గుతాయి... కార్లకి రిపేర్ల పేరుతో వేల రూపాయలు వదిలించుకునే శ్రమా తగ్గుతుందని గుర్తుచేస్తున్నారు. The Singapore taxi companyనే తీసుకుంటే... ఇందులో ఉన్న నీలం కార్లని కూడా పసుపురంగులోకి మార్చేయడం వల్ల ఏటా 917 ప్రమాదాలు తప్పిపోతాయనీ, కోటి రూపాయలకు పైగా ఆదా అవుతుందని అంచనా వేస్తున్నారు.   ఇంతకీ పసుపురంగుకీ ప్రమాదాలు తగ్గడానికి మధ్య సంబంధం ఏమిటీ! అంటే కారణం తేలికగానే స్ఫురిస్తుంది. రోడ్డు మీద పోయే ముదురురంగు కార్లతో పోలిస్తే పసుపు టాక్సీలు కంటికి సులభంగా కనిపిస్తాయి. అవి ఎంత దూరంలో ఉన్నాయో అంచనా వేయడం తేలికవుతుంది, దగ్గరగా ఉన్నప్పుడు పక్కకి తప్పుకోవడంలోనూ అంచనా తప్పదు. అంచేత, ప్రమాదాలూ తక్కువగానే సంభవిస్తాయి. పసుపు టాక్సీలు సురక్షితం అని తేలడంతో... ప్రజారవాణా అంతా కూడా పసుపు టాక్సీలలో ఉండేలా చర్యలు తీసుకోవాలని పరిశోధకులు సూచిస్తున్నారు. మరి ఆ మాటని ప్రభుత్వాలు వింటాయో లేదో!   - నిర్జర. 
  ఒకప్పుడు ఫొటో తీయాలంటే పెద్ద ప్రహసనం! కెమెరా మెడలో తగిలించుకోవాలి, దాన్లో రీలు ఎంతవరకూ వచ్చిందో చూసుకోవాలి, బ్యాటరీలు పనిచేస్తున్నాయో లేదో గమనించుకోవాలి... ఇంత చేసినా ఫొటో తీసేటప్పుడు కెమెరా కాస్త కదిలిందంటే రీలు వృధా అయిపోయినట్లే! డిజిటల్‌ కెమెరాలు వచ్చాక ఈ బాధలన్నీ తీరిపోయాయి. ఇక ప్రతి చేతిలోనూ ఓ సెల్‌ఫోనూ, ఆ సెల్‌ఫోనుకి ఓ కెమెరా ఉన్న ఈ కాలంలో ఫొటో అంటే కన్నుమూసి తెరిచినంత తేలికైపోయింది. మరి అలాంటి ఫొటోలు అద్భుతంగా రావాలంటే కొన్ని జాగ్రత్తలు పాటించాల్సిందే....   రెజల్యూషన్‌ ఫోన్‌ చేతిలోకి వచ్చిన తరువాత అందులో కెమెరాకి సంబంధించిన డిఫాల్ట్‌ సెట్టింగ్స్‌ జోలికి పోము. నిజానికి ఫోన్‌ రెజల్యూషన్‌, ఇమేజ్‌ క్వాలిటీ వంటి ఆప్షన్స్‌లో మార్పులు చేయడం ద్వారా నాణ్యమైన ఫొటోలు తీయవచ్చు. ఒక ఫోటోని ఎంత స్పష్టంగా తీయవచ్చో ఈ ఆప్షన్స్‌ ద్వారా నిర్ణయించవచ్చు. ఫోన్లో 2048*1536 వరకూ రిజల్యూషన్‌ అందుబాటులో ఉంటే కేవలం 320*240 రిజల్యూషన్‌తో తీయడం వల్ల ఎలాంటి ఉపయోగం లేదు.   ప్రత్యేకమైన ఆప్షన్లు/ యాప్స్‌ ఒక 50 మంది వరుసగా నిలబడి ఉంటే... వారందరినీ ఒకే ఫొటోలో ఎలా బంధించగలం? ఫొటో తీశాక కళ్లలో ఎరుపుదనం కనిపిస్తే ఏం చేయాలి?... ఇలాంటి సమస్యలెన్నో మనకి ఎదురుపడుతుంటాయి. ఇలాంటి సవాలక్ష సమస్యలకి ఫోన్లో ప్రత్యేకమైన ఆప్షన్లు ఉంటాయి. ఉదాహరణకు పనోరమా అనే ఆప్షన్ను ఎంచుకోవడం ద్వారా పక్కపక్కనే ఉన్న దృశ్యాలను ఫోటో తీసి ఒక్కే ఫోటో కిందకి మార్చవచ్చు. ‘రెడ్‌ ఐ రిమూవల్‌’ అనే ఆప్షన్ వాడి కళ్లలో ఎరుపుదనం తొలగించవచ్చు. మన ఫోన్లో ఇలాంటి సౌకర్యాలు ఏమేం ఉన్నాయో ఒకసారి వరుసపెట్టి చూసుకోవడం మంచిది. ఫొటోగ్రఫీ అంటే ఆసక్తి ఉన్నవారికి వేలాది యాప్స్ కూడా అందుబాటులో ఉన్నాయి.   వెనక్కి తగ్గేది లేదు ఇప్పుడు మన ఫోన్లలో కావల్సినంత మెమరీ ఉంటోంది. అవసరం అనుకుంటే ఎప్పటికప్పుడు దాన్ని ఖాళీ చేయవచ్చు కూడా! కాబట్టి మంచి ఫొటో రావాలి అనుకున్నప్పుడు ఏమాత్రం సందేహించకుండా వరసపెట్టి ఫోటోలు తీసేయడమే! ముఖ్యంగా పిల్లల్ని సహజంగా ఫొటో తీయాలన్నా, కదిలే వస్తువులని బంధించాలన్నా వెంటవెంటనే ఫోటోలు తీస్తుండాలి. ఇందుకోసం షట్టర్ స్పీడ్‌ ఎక్కువగా కెమెరాలను ఎంచుకుంటే దృశ్యాన్ని త్వరగా బంధించే అవకాశం ఉంటుంది.   జూమ్‌ వద్దు కాస్త దూరంగా ఉండే దృశ్యాన్ని బంధించేందుకు జూమ్‌ ఆప్షన్‌ వాడుతుంటాం. నిజానికి మొబైల్‌ ఫోన్లలో ఎక్కువగా ‘డిజిటల్‌ జూమ్‌’ మాత్రమే ఉంటుంది. అంటే మీరు జూమ్‌ చేయాలనుకున్న దృశ్యం కాస్త దగ్గరగా కనిపిస్తుందే కానీ, కెమెరాలోని లెన్స్‌లో ఏమాత్రం తేడా రాదు. దీని వలన ఫొటోలోని రిజల్యూషన్ తగ్గిపోయి జూమ్‌ చేసిన వస్తువు మసకగా కనిపిస్తుంది. దీనికంటే మంచి రెజల్యూషన్‌తో ఫొటో తీసి కావల్సినంత మేర ఎన్‌లార్జ్ చేసుకోవడమే ఎక్కువ ఉపయోగంగా ఉంటుంది.   చీకటి వెలుగులు ఫొటోగ్రఫీ అంటేనే చీకటివెలుగులతో గీసే చిత్రం. పైగా మొబైల్‌ ఫోన్లలో ఉండే ఫ్లాష్‌ ప్రభావం పెద్దగా ఉండదు. కాబట్టి మంచి ఫొటో రావాలంటే ఎంత వెలుతురు ఉండాలో గ్రహించడం అవసరం. తరచూ ఫొటోలు తీస్తూ ఉంటే ఈ నేర్పు వచ్చేస్తుంది. సూర్యరశ్మి మరీ ఎక్కువగానూ, మరీ తక్కువగానూ లేని సమయంలో తీసే ఫొటోలు సహజంగా కనిపిస్తాయి. ఫ్లాష్‌ లేదా ఇతరత్రా కృత్రిమమైన వెలుగుతో తీసిన ఫొటోల కంటే సహజమైన వెలుతురులో దిగిన ఫొటోలు అద్భుతంగా వస్తాయి.   ఎడిటింగ్ చేతిలో ఫోన్‌ ఉంది కదా అని చకచకా ఫొటోలు తీసేయడమో, ఫొటోలు తీశాం కదా అని సోషల్ మీడియాలో పంచేసుకోవడమో చేస్తుంటాం. కానీ ఫొటోని ఎడిటింగ్ చేయడం కూడా గొప్ప కళే అని మర్చిపోతుంటాం. ఫొటోలోని సహజత్వం ఏమాత్రం చెడకుండా అందులోని చిన్నచిన్న లోపాలను సవరించగలిగితే జీవితాంతం మిగిలిపోయే జ్ఞాపకంగా ఓ ఫొటో మారిపోతుంది. అందుకోసం ‘ఫొటోషాప్’ వంటి అప్లికేషన్లు ఎలాగూ మనకి అందుబాటులో ఉన్నాయి.   ఇవే కాదు! ఫొటోని ల్యాండ్‌స్కేప్‌లో తీయాలా పోర్ట్రెయిట్‌లో తీయాలా; కెమెరా లెన్స్‌ శుభ్రంగా ఉందా లేదా; బ్రైట్‌నెస ఎంత ఉండాలి.. ఇలా ఫొటోలకి సంబంధించి ఒకో ఎంపికతోనూ ప్రయోగాలు చేస్తూ పోతే ఒక సాధారణ మొబైల్‌ ఫోన్‌తో కూడా అద్భుతమైన ఫొటోలు తీయవచ్చు.   - నిర్జర.
  ఇంట్లో మనతో కలిసి ఉండేవారి పేరుని మర్చిపోలేకపోవచ్చు. మనతో పాటు ఆఫీసులో పనిచేసేవారి పేరూ మర్చిపోకపోవచ్చు. అదే పేరు పదేపదే తల్చుకోవడం వల్ల ఇలా మనకి దగ్గరగా ఉండేవారి పేరు నాలుక మీదే ఆడుతూ ఉంటుంది. కానీ అకస్మాత్తుగా రోడ్డు మీద పాత పరిచయస్తుడు కనిపిస్తే! ఫలానా కథలో ప్రధాన పాత్ర ఎవరు అన్న ప్రశ్న వినిపిస్తే! చాలా సందర్భాలలో మనం పేర్లని మర్చిపోవడానికి బోలెడు కారణాలున్నాయట... పొంతన ఉండదు చాలా సందర్భాలలో పేరుకీ మనిషికీ అసలు పొంతనే ఉండదు. పండు అన్న మనిషి కాయలాగా ఉండవచ్చు. రామారావు అన్న పేరు కల్గినవాడు పరమ దుర్మార్గుడై ఉండవచ్చు. ఫలితంగా మనకి అతని పట్ల ఉండే అభిప్రాయానికీ, అతని పేరుకీ పొంతన లేకపోవడం వల్ల చటుక్కున పేరు గుర్తుకువచ్చే అవకాశం ఉండదు.   అయోమయం రాముడు, సుగ్రీవుని ఎలా చంపాడు అంటే ‘చెట్టు చాటు నుంచి’ అంటూ చటుక్కున జవాబు చెబుతాము. కానీ రాముడు చంపింది సుగ్రీవుని కాదనీ, అతని సోదరుడు వాలిని అని చెప్పడానికి కాస్త సమయం పడుతుంది. ఎందుకంటే వాలి, సుగ్రీవులు ఇద్దరూ వానరులే. ఇద్దరూ రామునితో సంబంధం ఉన్నవారే! కాబట్టి ఇద్దరి పేర్లూ మెదడులో కలిసిపోయే ప్రమాదం ఎక్కువ.   ఒకటే పాత్ర – రెండు పేర్లు ఆఫీసులో వెంకట్రాయుడు, వెంకట్రావు అన్న పేర్లు ఉన్న ఇద్దరు ఉద్యోగులు ఉంటే ఇద్దరిలో ఎవరి పేరు ఏమిటో పోల్చుకోవడం కష్టమే! ఆ ఇద్దరూ చేసే పని ఒకటే అయినప్పుడు వారి పేర్లు మరింత అయోమయానికి గురిచేస్తాయి. సినిమానటులు, రాజకీయవేత్తల గురించి మాట్లాడుకునేటప్పుడు మనం తరచూ ఇలాంటి అయోమయానికి గురయ్యే ప్రమాదం లేకపోలేదు.   ఆసక్తి లేకపోవడం ఒకో మనిషికీ ఒకో రంగం మీద ఆసక్తి ఉంటుంది. అందులో ప్రతి మనిషి గురించీ టకటకా పొల్లు పోకుండా చెప్పేస్తారు. కొందరికి అసలు దేనిమీదా ఆసక్తి ఉండదు. అసలు చుట్టుపక్కల మనుషులనే పట్టించుకోరు. ఇలాంటివారు తాము వార్తల్లో వినే పేర్లనీ, రోజూ కలిసే వ్యక్తుల పేర్లనీ ఆ నిముషంలోనే మర్చిపోయే అవకాశం ఉంది.   ఒకే రూపు స్నేహా ఉల్లాల్‌, ఐశ్వర్యా రాయ్‌ ఒకేలా ఉంటారు. ఇద్దరూ మనకి తెర మీద పరిచయమే కాబట్టి ఏ ఫొటో ఎవరిదో పోల్చుకోగలం. కానీ మన పాత స్నేహితులలో ఇద్దరు ఒకే రూపుతో ఉంటే! దశాబ్దాల తరువాత వారి ఫొటోలు మన కంటపడిదే? ఎవరెవరో పోల్చుకోవడం కష్టం కదా! మనుషుల రూపురేఖలకీ, వారి పేర్లకీ మధ్య మెదడు లంకె వేసుకుంటుంది. కానీ ఆ రూపురేఖలు ఒకేలా ఉంటే మనసు కూడా అయోమయానికి గురవుతుంది. పేరుని గుర్తుచేసుకోవడం అనేది ఓ సంక్లిష్టమైన ప్రక్రియ.  లిప్తమాత్ర కాలంలో మెదడు లోలోపలి పొరల్లో నిక్షిప్తమై ఉన్న వింత శబ్దాలని గుర్తుచేసుకోవడం నిజంగా కష్టమే కదా! అవి అర్థవంతంగా లేకపోతేనో, మరో పాత్రతో కలిసిపోయి అయోమయం కలిగిస్తుంటేనో... పాపం మెదడు ఎంత కష్టపడుతుందో కదా. కాబట్టి అకస్మాత్తుగా ఏదన్నా పేరు గుర్తుకురాకపోతే కంగారుపడకుండా, అది సహజమే అని సరిపెట్టుకోవాలి. కానీ గుర్తుండాల్సిన సందర్భంలోనూ కూడా పేర్లని మర్చిపోతుంటే మాత్రం... అందుకోసం కొన్ని చిట్కాలను ప్రయోగించమంటున్నారు. ఆ చిట్కాలు మరోసారి చెప్పుకొందాం.   - నిర్జర.
  కాంగ్రెస్ చేపట్టిన ప్రత్యేకహోదా భరోసా బస్సు యాత్రను.. నెల్లూరు జిల్లాలో వైసీపీ నేతలు, కార్యకర్తలు అడ్డుకొని నిరసన తెలిపిన విషయం తెలిసిందే. అయితే ఈ ఘటనపై స్పందించిన కాంగ్రెస్ నేతలు వైసీపీ మీద తీవ్రస్థాయిలో విమర్శలు గుప్పించారు. ఏపీసీసీ అధ్యక్షుడు రఘువీరా రెడ్డి మాట్లాడుతూ.. తమ భరోసా యాత్రను అడ్డుకునేందుకు వైసీపీ నేత ఆనం రామనారాయణ రెడ్డి రౌడీలను పంపించారని ఆరోపించారు. జగన్ రౌడీ పార్టీని  స్థాపించారని ధ్వజమెత్తారు. పదేళ్లు కాంగ్రెస్ లో ఉండి పందికొక్కుల్లా దోచుకున్న వారు మా యాత్రను అడ్డుకోవడం సరికాదని హితవు పలికారు. పీసీసీ అధికార ప్రతినిధి కొలనుకొండ శివాజీ మాట్లాడుతూ.. ఏ ఎండకు ఆ గొడుగు పట్టే ఆనం రామనారాయణరెడ్డికి పదవి లేనిదే నిద్రపట్టదని విమర్శించారు. కాంగ్రెస్‌ పార్టీలో అనేక ఉన్నత పదవులు అనుభవించి, పార్టీ కష్టకాలంలో ఉన్నప్పుడు పారిపోయిన ఆనంకు నైతిక విలువలు లేవని అన్నారు. మొన్నటిదాకా టీడీపీలో ఉన్నారని, ఇప్పుడు వైసీపీలో కొనసాగుతున్నారని, రేపు ఎక్కడుంటారో ఆయనకే తెలియదని ఎద్దేవా చేశారు. పాలు తాగి తల్లి రొమ్ము గుద్దిన మాదిరి కాంగ్రెస్ పార్టీపైనే విమర్శలు చేస్తున్నారని మండిపడ్డారు. ఏపీ భవిష్యత్తు కోసం కాంగ్రెస్ పార్టీ పోరాడుతోందని.. ఇదే సమయంలో జగన్, ప్రధాని మోదీ కాళ్ల వద్ద రాష్ట్రాన్ని తాకట్టు పెట్టారని విమర్శించారు. రాష్ట్రంలో ఎవరు అధికారంలోకి వచ్చినా.. కేంద్రంలో కాంగ్రెస్ అధికారంలోకి వచ్చిన వెంటనే రాష్ట్రానికి ప్రత్యేక హోదాను ఇస్తామని స్పష్టం చేసారు. వైసీపీ సహా అన్ని పార్టీల అంగీకారంతోనే ఆంధ్రప్రదేశ్ ను కాంగ్రెస్ పార్టీ విభజించిందని గుర్తుచేశారు. ప్రస్తుతం ఏపీలో కాంగ్రెస్ పార్టీ గణనీయంగా బలపడిందని చెప్పారు. వైసీపీ ఓటర్లందరూ కాంగ్రెస్ మద్దతుదారులే అనే విషయాన్ని గుర్తుంచుకోవాలని అన్నారు. ఏ ఫొటోతో మీరు ఓట్లను అడుక్కుంటున్నారో.. ఆ ఫొటోలోని వైయస్ రాజశేఖరరెడ్డి కూడా కాంగ్రెస్ వ్యక్తేననే విషయాన్ని గ్రహించాలని అన్నారు.
  తెలంగాణ అసెంబ్లీలో ఓటాన్‌ అకౌంట్‌ బడ్జెట్‌పై చర్చ సందర్భంగా కాంగ్రెస్‌ ఎమ్మెల్యే దుద్దిళ్ల శ్రీధర్‌బాబు పలు అంశాలపై ప్రభుత్వాన్ని నిలదీశారు. శ్రీధర్‌ బాబు మాట్లాడుతూ.. రాష్ట్రంలో పూర్తిస్థాయి బడ్జెట్‌ ప్రవేశపెడితే చాలా బాగుండేదని అభిప్రాయపడ్డారు. ఆర్థిక సర్వేను సభలో ప్రవేశపెట్టలేకపోయారని విమర్శించారు. మన ఆర్థిక పరిస్థితులు రాష్ట్ర ప్రజలకు అర్థమయ్యేలా చెప్పే దిక్సూచి ఆర్థిక సర్వే అని చెప్పారు. కేంద్రం నుంచి రాష్ట్రానికి రావాల్సిన నిధులు తీసుకురాలేకపోయారని విమర్శించారు. హామీలను సాధించలేకపోయారన్నారు. నాలుగేళ్లలో రూ.90వేల కోట్లు అప్పులు చేశారని, రాష్ట్రంలో ఉన్న విద్యుత్‌ ఉత్పత్తి కేంద్రాలన్నీ కాంగ్రెస్‌ హయాంలో ప్రారంభించినవేనని పేర్కొన్నారు. విద్యుదుత్పత్తికి రాష్ట్ర ప్రభుత్వం చేపట్టిన చర్యలు ఇంకా ఆచరణలోకి రాలేదన్నారు. 14వ ఆర్థిక సంఘం నుంచి పంచాయతీలకు నిధులు వస్తే.. విద్యుత్‌ బకాయిలకు తిరిగి తీసుకున్నారని ఆరోపించారు. రైతులకు నాలుగు దఫాలుగా రుణమాఫీ చేశారని.. ఎర్రజొన్న, పసుపు రైతులు ఆందోళన చేస్తున్నారని అన్నారు. రైతు బంధు పథకాన్ని కౌలు రైతులకు అమలు చేయాలని కోరారు. ఉద్యోగులకు ఐఆర్‌ ఇవ్వలేదని విమర్శించారు. దీనిపై స్పందించిన సీఎం కేసీఆర్‌ శ్రీధర్ బాబుపై ఆగ్రహాన్ని వ్యక్తం చేశారు. పంచాయతీల నుంచి ఎలాంటి నిధులు తీసుకోలేదని స్పష్టం చేశారు. స్థానిక సంస్థలను అద్భుతంగా, కీలకంగా తీర్చిదిద్దే బాధ్యత తమదేనన్నారు. కాంగ్రెస్‌ హయాంలో రాష్ట్రంలో సౌర విద్యుత్‌ ఉందా? అని ప్రశ్నించారు. ప్రస్తుతం రాష్ట్రంలో 3600 మెగావాట్ల సౌరవిద్యుత్‌ ఉత్పాదన జరుగుతోందని వెల్లడించారు. తలసరి విద్యుత్‌ వినియోగంలో దేశంలోనే తెలంగాణ ప్రథమస్థానంలో ఉందని గుర్తు చేశారు. స్థానిక సంస్థల బకాయిలు కాంగ్రెస్‌ హయాంలోనివేనని, వాటిని కూడా త్వరలో తీర్చేస్తామని చెప్పారు. శ్రీధర్‌బాబు సభను తప్పుదోవ పట్టిస్తున్నారని మండిపడ్డారు. గతంలో కొనసాగిన అరాచకాల్ని వందకు వంద శాతం కొనసాగించబోమని చెప్పారు.
  ప్రస్తుతం టీడీపీ, బీజేపీల మధ్య మాటల యుద్ధం జరుగుతున్న విషయం తెలిసిందే. ఏపీకి ప్రత్యేకహోదా, విభజన హామీల విషయంలో బీజేపీ మాటతప్పి మోసం చేసిందని టీడీపీ విమర్శిస్తుంటే.. మేం ఏపీకి ఏపీకి చాలా చేసాం, టీడీపీనే యూటర్న్ తీసుకుందని బీజేపీ అంటుంది. అయితే సార్వత్రిక ఎన్నికలు సమీపిస్తున్న వేళ బీజేపీ తన స్వహస్తాలతో టీడీపీకి ఆయుధాన్ని ఇచ్చి మరీ ఇరుకున పడింది. ఎవరు ఒప్పుకున్నా ఒప్పుకోకపోయినా తిరుపతి వెంకన్న సాక్షిగా ఏపీకి ప్రత్యేకహోదా ఇస్తామని మోదీ మాట ఇవ్వడమూ నిజం. ప్రధాని అయ్యాక ఏవేవో కారణాలు చెప్పి మాట తప్పడమూ నిజం. ఏపీ విషయంలో మాట తప్పిన బీజేపీ.. లోక్ సభ ఎన్నికల నేపథ్యంలో గోవాకి ప్రత్యేకహోదా ఇస్తామని హామీ ఇచ్చింది. తాజాగా బీజేపీ జాతీయ ఉపాధ్యక్షుడు వినయ్ సహస్రబుద్ధే.. బీజేపీ ఎన్నికల మేనిఫెస్టోలో గోవాకి ప్రత్యేకహోదా ఉంటుందని ప్రకటించారు. ఇదే ఇప్పుడు టీడీపీకి ఆయుధంగా మారింది. ఈ అంశాన్ని ప్రజల్లోకి తీసుకెళ్లాలని టీడీపీ అధినేత చంద్రబాబు పార్టీ శ్రేణులకు సూచించారట. ఏపీకి హోదా ఇస్తానని మాట తప్పిన బీజేపీ.. ఇప్పుడు గోవాలోనూ అదే హామీనిచ్చి ప్రజలను మోసం చేస్తోందని బీజేపీని ఎండగట్టాలని బాబు కోరారట. ఎన్నికలు వస్తున్నాయని ఓట్ల కోసం బీజేపీ గోవాలో హోదా రాజకీయం మొదలుపెట్టింది. అందుకే మేనిఫెస్టోలో గోవాకి హోదా అంటుంది. మరి ఏపీకి ఎందుకు ఇవ్వదు? అని దేశవ్యాప్తంగా తెలిసేలా నిలదీయడానికి చంద్రబాబు వ్యూహాలు రచిస్తున్నారట. మరి ఏపీకి హోదా విషయంలో వెనకడుగు వేసిన బీజేపీ గోవా అంశాన్ని ఎలా సమర్ధించుకుంటుందో చూడాలి.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.