తవ్వకాల్లో దొరికిన 450 కిలోల బాంబు!
posted on Apr 19, 2014 4:26PM
ఒకటి కాదు.. రెండు కాదు.. 450 కిలోల బాంబు పశ్చిమ బెంగాల్లోని కలైకుండా ఎయిర్‌బేస్ ప్రాంతంలో వున్న మౌలిషూల్ గ్రామం దగ్గర జరిపిన తవ్వకంలో దొరికింది. ఒక స్ట్రీట్ లైట్ పాతడానికి చిన్న గుంట తవ్వుతూ వుండగా బయటపడిన ఈ భారీ బాంబుని చూసి ఎయిర్‌ఫోర్స్ అధికారులే నోళ్ళు తెరిచారు. ఈ బాంబు నాలుగు అడుగుల పొడవు, రెండు అడుగుల వెడల్పుతో వుంది. భూమిలో మూడడుగుల గుంట తవ్వగానే బయటపడింది. 1939లో తయారైన ఈ బాంబు రెండో ప్రపంచ యుద్ధంలో పేలకుండా మిగిలిపోయిన భారీ బాంబుగా అధికారులు గుర్తించారు. ఈ బాంబు ఇప్పటికీ పేలే స్థితిలోనే వుందని అధికారులు చెబుతున్నారు. ఈ భారీ బాంబుని త్వరలో దూరంగా వున్న అరణ్య ప్రాంతంలోకి తీసుకెళ్ళి డిఫ్యూజ్ చేయనున్నట్టు ఎయిర్ బేస్ అధికారులు వెల్లడించారు.
.jpg)
.webp)
.webp)
.webp)
.webp)