అప్పులకుప్ప ఐక్యరాజ్యసమితి

మనం ఐక్యరాజ్య సమితి గురించి గొప్పగా చెప్పుకుంటాం గానీ, ప్రస్తుతం ఐక్యరాజ్య సమితి పీకల్లోతు అప్పుల్లో కూరుకుపోయి వుంది. నెత్తిన బోలెడంత అప్పు వున్న మన ఇండియాకే ఐక్యరాజ్య సమితి 671 కోట్ల రూపాయల అప్పు వుందంటే పరిస్థితి ఎలా వుందో అర్థం చేసుకోవచ్చు. అడుక్కు తినేవాడి దగ్గర గీక్కు తినేవాడు అంటారే.. అలా వుంది ఐక్యరాజ్య సమితి పరిస్థితి. ఐక్యరాజ్య సమితి తాజాగా ఒక ప్రకటన విడుదల చేసింది. ‘‘మేం నిర్వహించే శాంతి పరిరక్షక కార్యక్రమాల్లో ఇండియా చాలా చురుగ్గా పాల్గొంటోంది. మా సూచన మేరకు వివిధ దేశాలకు శాంతి పరిరక్షక దళాలను పంపి, అనేక ఇతర సహాయాలు చేసినందుకు ఐక్యరాజ్య సమితి ఇండియాకి 671 కోట్ల రూపాయలు చెల్లించాల్సి వుంది. రెండు రోజుల్లో ఈ డబ్బును చెల్లించాలని అనుకుంటున్నాం’’ అనేది ఈ ప్రకటన సారాంశం. పోనీలెండి.. అప్పు తీసుకున్నా తిరిగి ఇచ్చే ఉద్దేశం వున్నందుకు ఐక్యరాజ్యసమితిని అభినందించాల్సిందే. అన్నట్టు ఐక్యరాజ్య సమితి కేవలం ఇండియాకి మాత్రమే కాదు.. ఇథియోపియా, బంగ్లాదేశ్, పాకిస్థాన్‌లాంటి దరిద్రపు గొట్టు దేశాలకు కూడా బాకీ ఉంది.