ట్విట్టర్ ఉద్యోగులకు బెదిరింపులు

 

ట్విట్టర్లో వున్న ఇస్లామిక్ స్టేట్ ఉగ్రవాదుల ఖాతాలు తొలగించినందుకు తమ ఉద్యోగులను చంపుతామని ఐఎస్ ఉగ్రవాదుల నుంచి బెదిరింపు కాల్స్ వచ్చాయని ట్విట్టర్ సి.ఇ.ఓ. డిక్ కోస్టలో వెల్లడించారు. శాన్‌ఫ్రాన్సిస్కోలో జరిగిన ఒక సదస్సులో ఆయన మాట్లాడుతూ, ‘‘ఇస్లామిక్ స్టేట్ ఉగ్రవాదుల ఖాతాలను మేం తొలగించడం ప్రారంభించగానే ట్విట్టర్ ఉద్యోగులకు బెదిరింపు కాల్స్ రావడం ప్రారంభమైంది’’ అని చెప్పారు. ఉగ్రవాదులు తమ సందేశాలను పంపుకోవడానికి ట్విట్టర్ని ఉపయోగిస్తూ వుండటంతో, ఇది తమ నిబంధనలకు వ్యతిరేకం కాబట్టి వారి ఖాతాలను తొలగించామని ఆయన తెలిపారు.