వెనుకబడిన ప్రాంతాలకు కేంద్రం నిధులు..
posted on Nov 4, 2016 11:08AM
తెలంగాణ రాష్ట్రంలో వెనుకబడిన జిల్లాలకు కేంద్రం నిధులు విడుదల చేసింది. హైదరాబాద్ మినహా మిగిలిన తొమ్మిది జిల్లాల్లో వెనుకబడిన ప్రాంతాల అభివృద్ధికి రూ.450 కోట్లు కేంద్రం విడుదల చేసింది. 2015-16 ఆర్థిక సంవత్సరానికి విడుదల చేసిన నిధులను రూ.382.34 కోట్లు వినియోగించుకున్నట్టు కేంద్రానికి రాష్ట్రం ఇటీవల నివేదిక సమర్పించి.. దీంతో పాటు రెండో విడుత నిధులు విడుదల చేయాలని కోరింది. దీనికి గాను కేంద్రం 2016-17 ఆర్థిక సంవత్సరానికి స్పెషల్ డెవలప్మెంట్ ప్యాకేజిగా రెండో విడుతగా ఈ నిధులను విడుదల చేసింది. పాత జిల్లాలను ప్రాతిపదికగా తీసుకొని తెలంగాణలో ఒక్కోజిల్లాకు రూ.50 కోట్ల చొప్పున మొత్తం తొమ్మిది జిల్లాలకు కలిపి రూ.450 కోట్లు విడుదల చేసింది.