తెలంగాణ రాష్ట్రంలో వచ్చే ఆర్థిక సంవత్సరానికి బడ్జెట్ ను ప్రవేశపెట్టనుంది ప్రభుత్వం. మార్చి 8వతేదీన అసెంబ్లీలో బడ్జెట్ ప్రవేశపెట్టనుంది. అంతకంటే రెండు రోజుల ముందు అంటే 6వ తేదీ నుంచి శాసన సభ బడ్జెట్ సమావేశాలు ప్రారంభం కానున్నాయి. ఈ మేరకు సీఎం కేసీఆర్ సోమవారం నిర్ణయం తీసుకున్నారు. ఇందుకు సంబంధించి గవర్నర్ కార్యాలయానికి కూడా సమాచారం అందించారని తెలిసింది.
బడ్జెట్ సమావేశాలు కావటంతో తొలి రోజు 6 న శాసన సభ, శాసన మండలి, ఉభయ సభల సంయుక్త సమావేశాన్ని ఉద్దేశించి గవర్నర్ తమిళి సై సౌందర రాజన్ ప్రసంగించనున్నారు. గవర్నర్ గా ఆమె పదవీ బాధ్యతలు చేపట్టాక మొదటిసారిగా ఉభయ సభలను ఉద్దేశించి ప్రసంగించబోతున్నారు. 6 న ఆమె ప్రసంగం మినహా సభ కార్యక్రమాలు ఏమీ ఉండవు. మరుసటి రోజుకు సభ వాయిదా పడుతుంది. 7 న తిరిగి ఇటు అసెంబ్లీ అటు శాసన మండలి సమావేశాలు విడివిడిగా జరగనున్నాయి. 8 న తొలుత శాసన సభలో తర్వాత మండలిలో ప్రభుత్వం వార్షిక బడ్జెట్ ను ప్రవేశ పెడుతోంది. 6 న సభ వాయిదా పడ్డాక అసెంబ్లీ స్పీకర్ మండలి చైర్మన్ అధ్యక్షతన సభా వ్యవహారాల సలహా సంఘం సమావేశాలు వేరు వేరుగా జరగనున్నాయి.
.webp)
.webp)
.webp)
.webp)