టాటా ఛైర్మన్ పదవి పోరులో మరో పేరు..
posted on Nov 3, 2016 6:01PM
టాటా ఛైర్మన్ పదవి నుండి సైరస్ మిస్త్రీని తొలగించిన సంగతి తెలిసిందే. ప్రస్తుతం రతన్ టాటా బాధ్యతుల స్వీకరించారు. ఛైర్మన్ ఎంపికకు దాదాపు నాలుగు నెలలు సమయం పడుతుందని ఆయన తెలిపారు. ఇప్పటికే ఈ ఛైర్మన్ పదవికి పలువురి పేర్లు వినిపిస్తుండగా..ఇప్పుడు మరో పేరు వినిపిస్తుంది. ఆయనే టాటా కన్సల్టెన్సీ సర్వీసెస్ సీఈవో ఎన్.చంద్రశేఖరన్. టాటా కన్సల్టెన్సీ సర్వీసెస్ సీఈవో ఎన్.చంద్రశేఖరన్ పేరు కూడా బలంగా వినిపిస్తోంది. అయితే ఆయన ఎంపిక మాత్రం కొంత సంక్లిష్టంగా ఉండే అవకాశం ఉన్నట్లు వ్యాపార వర్గాలు అంచనా వేస్తున్నాయి. ఎందుకంటే టాటా గ్రూప్లోని విలువైన కంపెనీలకు ఆయన హెడ్గా ఉన్నారు. కీలక బాధ్యతలు నిర్వర్తిస్తున్న ఆయనను టాటా ఛైర్మన్గా ఎంపిక చేస్తే ఆ స్థానాన్ని భర్తీ చేయగల మరొకరిని అన్వేషించాల్సిన పరిస్థితి ఏర్పడుతుంది. కాగా ఇప్పటికే .. ఎస్.రామదొరై పేరు బలంగా వినిపిస్తుండగా, పెప్సీ సీఈవో ఇంద్రనూయి, వోడాఫోన్ మాజీ హెడ్ అరుణ్ సైరిన్, టాటా రీటైల్ యూనిట్ ట్రెంట్ ఛైర్మన్ నోయల్ టాటాలు ఈ జాబితాలో ఉన్నారు. ఇందులో ఎన్ఎస్డీఏ, ఎన్ఎస్డీసీలకు రామదొరై రాజీనామా చేశారు. మరి ఎవరికి ఆపదవి దక్కుతుందో చూడాలి.