దగ్గుబాటి..మీ భార్యను చూసి నేర్చుకో
posted on May 30, 2013 2:20PM
కాంగ్రెస్ పార్టీలో విశాఖపట్నం లోక్ సభ టికెట్ వివాదం అప్పుడే ముదురుతోంది. ఎన్నికల ఏడాది ముందే ఎలాగయినా ఈ స్థానం పోటీ చేయాలన్న ఆశతో సుబ్బరామిరెడ్డి దీని కోసం చేయని ప్రయత్నం లేకుండా పోయింది. పనిలేని నటులతో బిరుదులు ఇప్పించుకునే సుబ్బరామిరెడ్డి అని దగ్గుబాటి అనడంతో సుబ్బరామిరెడ్డి ఆగ్రహించారు. అక్కినేని నాగేశ్వర రావు, మోహన్ బాబు, బ్రహ్మానందం పనిలేని నటులా అని ఆయన ప్రశ్నించారు. దగ్గుబాటి వ్యాఖ్యలు అర్ధరహితమని, పురంధేశ్వరిని చూసి సంయమనం పాటించడం నేర్చుకోవాలని, ఆయన మతిభ్రమించి మాట్లాడుతున్నారని అన్నారు. నర్సారావుపేట, లేదా ఒంగోలు నుంచి పోటీ చేయాలని పురంధేశ్వరికి తానే సూచించానని, ఇప్పుడు విశాఖపట్నం స్థానం నుండి తాను అయితేనే గెలుస్తానని, పురంధేశ్వరి ఓడిపోతుందని అన్నారు. విశాఖపట్నానికి తూర్పు పడమర తెలియన దగ్గుబాటి వెంకటేశ్వరరావు విశాఖ గురించి మాట్లాడటం ఏంటని ప్రశ్నించారు. ఇక దగ్గుబాటి చేసిన అవినీతి ఆరోపణలను సుబ్బరామిరెడ్డి ఖండించారు. తాను ఎలాంటి అవినీతికి పాల్పడలేదని, దగ్గుబాటి జాగ్రత్తగా మాట్లాడాలని హెచ్చరించారు.