సోనమ్ కపూర్ కి స్వైన్ ఫ్లూ తగ్గింది

అందాలతార బాలీవుడ్ హీరోయిన్ సోనమ్ కపూర్ కు స్వైన్ ఫ్లూ వచ్చిందన్న విషయం అందరికీ తెలిసిందే. ముంబైలోని ఓ ఆస్పత్రిలో చికిత్స పొందుతున్న సోనమ్ కపూర్ కి స్వైన్ ఫ్లూ తగ్గి ఆరోగ్యం మెరుగుపడటంతో ఈ రోజు ఆమెను డిస్చార్జ్ చేశారు. ఆసుపత్రి నుండి ఇంటికి చేరుకున్నాను. హోం స్వీట్ హోం అని తానే స్వయంగా ట్విట్టర్ లో తెలిపింది. రాజ్‌కోట్ సమీపంలో సోనమ్ సల్మాన్ ఖాన్ సరసన నటిస్తున్న ‘ప్రేమ్ రతన్ ధన్ పాయో’ సినిమా షూటింగ్ జరుగుతున్న సందర్భంగా గత శుక్రవారం నాడు ఆమె అస్వస్థతకు గురైంది. దాంతో ఆమెను స్థానికంగా వున్న ఆస్పత్రిలో చేర్పించారు. ఆ తరువాత ముంబై ఆస్పత్రికి తరలించారు. ఆమెకు ఫ్లూ జ్వరం వచ్చిందని మొదట భావించారు. అయితే వైద్య పరీక్షలు నిర్వహించిన అనంతరం ఆమెకు స్వైన్ ఫ్లూ వచ్చినట్టు డాక్టర్లు నిర్ధారించారు.