వివాహాలకు 2.5 లక్షలు డ్రా చేసుకోవచ్చు..

పెద్ద నోట్ల రద్దుతో సామాన్య ప్రజలు పడుతున్న కష్టాలు దేవుడికే ఎరుక. పాత నోట్ల మార్పిడి కోసం ప్రజలు బ్యాంకుల వద్ద బారులు తీస్తున్నారు. నోట్లు రద్దు చేసి దాదాపు పదిరోజులు కావస్తున్నా మొదటి రోజు ఎలా ఉందో ఇప్పటికీ అదే పరిస్థితి నెలకొంది. ఇక నోట్ల రద్దుతో విహహాలు సైతం ఆగిపోతున్నాయి. ఈ నేపథ్యంలో కేంద్రం ఓ ఊరట కలిగించే ప్రకటన చేసింది. అదేంటంటే.. ఆధారాలు చూపిస్తే వివాహాలకు బ్యాంకుల నుంచి రెండున్నర లక్షలు విత్ డ్రా చేసుకోవచ్చని తెలిపారు. ఆర్థికశాఖ కార్యదర్శి శక్తికాంత్ దాస్ మాట్లాడుతూ... ఆధారాలు చూపిస్తే వివాహాలకు బ్యాంకుల నుంచి రెండున్నర లక్షలు విత్ డ్రా చేసుకోవచ్చని.. పెళ్లి కోసమే డబ్బులు తీసుకుంటున్నట్టు సెల్ఫ్ డిక్లరేషన్ ఇవ్వాలన్నారు. ఏపీఎంసీ ట్రేడర్లు వారానికి రూ.50 వేలు తీసుకోవచ్చని వెల్లడించారు. వ్యాపారులు వారానికి రూ.50 వేలు విత్ డ్రా చేసుకోవచ్చని.. రైతులు వారానికి రూ.25 వేలు విత్ డ్రా చేసుకోవచ్చని.. రేపటి నుంచి బ్యాంకుల కౌంటర్లలో నోట్ల మార్పిడి రూ.4.500 నుంచి రూ.2 వేలకు తగ్గించామని తెలిపారు.