తెలంగాణాలో ఎన్నికల కోడ్..అమెరికాలో ట్రంప్ మిస్

తెలంగాణాలో ఎన్నికల కోడ్ ఏంటి?అమెరికాలో ట్రంప్ మిస్ అవ్వటం ఏంటి?.. ఈ రెండింటితో ఓ వ్యక్తికి లింక్ ఉంది.ఆయనే రాచకొండ సీపీ మహేష్‌ భగవత్‌.ఏటా అమెరికా ప్రభుత్వం అందించే ప్రతిష్టాత్మకమైన ఐఏసీపీ అవార్డుకు మన దేశం తరపున మహేష్‌ భగవత్‌ ఎంపికయ్యారు.ఒడిశా రాష్ట్రం నుంచి వచ్చి ఇటుక బట్టీల్లో పనిచేస్తున్న వలస కార్మికుల పిల్లలకు వెట్టి చాకిరీ నుంచి విముక్తి కల్పించి,పిల్లల విద్యాభివృద్ధికి కృషి చేసినందుకు మహేష్‌ భగవత్‌ను అమెరికా ప్రభుత్వం ఈ అరుదైన అవార్డుకు ఎంపిక చేసింది.అవార్డు ప్రధానోత్సవ కార్యక్రమానికి అమెరికాకు రావాల్సిందిగా సీపీకి ఆహ్వానం పంపింది.అయితే రాష్ట్రంలో త్వరలో జరగబోయే ముందస్తు ఎన్నికలు, పనుల ఒత్తిడి, కోడ్‌ ఆఫ్‌ కాండక్టు అమల్లో ఉండటంతో అమెరికా ప్రయాణాన్ని సీపీ రద్దు చేసుకున్నారు.అమెరికాలోని ఓర్‌లాండోలో జరిగిన ఈ అవార్డుల ప్రధానోత్సవానికి అమెరికా అధ్యక్షుడు డోనాల్డ్‌ ట్రంప్‌ ముఖ్య అతిథిగా హాజరయ్యారు.దీంతో ట్రంప్‌ను కలిసి, ఆయన చేతుల మీదుగా అవార్డు అందుకునే అవకాశాన్ని ఆయన మిస్సయ్యారు.అమెరికా రాలేకపోయిన సీపీకీ అవార్డును పోస్టులో పంపిస్తామని ఐఏసీపీ స్పష్టం చేసింది.