పొట్లూరి ప్రసాద్‌ని ఓదార్చిన పవన్ కళ్యాణ్

కర్నాటకలో ఎన్నికల ప్రచారం పూర్తి చేసుకుని హైదరాబాద్‌కి వచ్చిన పవన్ కళ్యాణ్‌తో విజయవాడ పార్లమెంట్ స్థానం నుంచి తెలుగుదేశం టిక్కెట్ ఆశించి భంగపడిన పొట్లూరి ప్రసాద్ సమావేశమయ్యారు. టిక్కెట్ వచ్చినట్టే వచ్చి మిస్ కావడం పట్ల పొట్లూరి ప్రసాద్ పవన్ కళ్యాణ్ దగ్గర తన ఆవేదనని వ్యక్తం చేయగా, పవన్ కళ్యాణ్ అతని ఓదార్చినట్టు తెలుస్తోంది. ఈ టిక్కెట్ విషయంలో చంద్రబాబు తన చాణక్య నీతిని ప్రదర్శించారని, తాను ఎవరికి టిక్కెట్ ఇవ్వదలుచుకున్నారో అతనికే ఇచ్చారని పొట్లూరి ప్రసాద్ పవన్‌తో అనగా, మనకీ అవకాశం వస్తుందని, అప్పుడు మన పవర్ చూపిద్దాం అని పవన్ అన్నట్టు సమాచారం. నామినేషన్లకు ఇంకా సమయం వుంది కాబట్టి చివరి నిమిషం వరకూ ఆశలు కోల్పోవద్దని పవన్ కళ్యాణ్ పొట్లూరి ప్రసాద్‌కి చెప్పినట్టు తెలుస్తోంది.