వెలిగిపోతున్న "వంద"

నిన్న, మొన్నటి వరకు పర్సులో బరువుగా ఉంటుందనో..సులభంగా వేరేచోటికి తీసుకెళ్లలేమనో మనం భావించి చిన్నచూపు చూసిన వంద రూపాయల నోటు తన గొప్పతనమేంటో చూపిస్తోంది. రూ.500, రూ.1000 నోట్లను రద్దు చేస్తున్నట్టు ప్రధాని నరేంద్రమోడీ నిన్న రాత్రి ప్రకటించారు. వాటిని డిసెంబర్ 31లోగా బ్యాంకుల్లోనూ..పోస్టాఫిసుల్లోనూ మార్చుకోవాలని తెలిపారు. రూ.500, రూ.1000 నోట్ల చెలామణి రద్దు కావడంతో వ్యాపారస్తులు ఆ నోట్లను అంగీకరించడం లేదు. 100 రూపాయల నోటు ఉంటేనే షాపుకి రండి లేకపోతే లేదు అని తెగేసి చెప్పడంతో సామాన్యుడు దిక్కుతోచని స్థితిలోకి పడిపోయాడు. దీంతో పాల ప్యాకెట్ నుంచి పెట్రోల్ వరకు ఎలా కొనుక్కోవాలో తెలియక తల్లడిల్లిపోతున్నారు జనం. ఇప్పుడు జేబులో రూ.500 ఉన్న వ్యక్తికన్నా..వందనోటు జేబులో ఉన్నోడే హీరో.