పవన్ కళ్యాణ్ కొత్త పార్టీ పేరు జనసేన?
posted on Mar 12, 2014 3:09PM
పవర్ స్టార్ పవన్ కళ్యాణ్ స్థాపించబోయే కొత్త పార్టీ పేరు ‘జన సేన’ అని తాజా వార్త. ఆయన ఈమధ్యనే ఎన్నికల కమీషన్ వద్ద ఈ పేరుతో పార్టీని రిజిస్ట్రేషన్ చేయించుకోవడానికి దరఖాస్తు చేసుకొన్నారు. అయితే, ప్రస్తుతం ఎన్నికల కోడ్ అమల్లో ఉన్నందున కొత్త పార్టీకి ఎన్నికల కమీషన్ అంగీకరిస్తుందా లేదా అనే సంగతి తేలవలసి ఉంది. లేకుంటే ఆయన తన అనుచరులతో కలిసి స్వతంత్ర అభ్యర్ధులుగా బరిలోకి దిగవచ్చును. ఎల్లుండి హైదరాబాదులోని మాదాపూర్ వద్ద ఉన్న హైటేక్స్ లో పవన్ కళ్యాణ్ కొత్త పార్టీ స్థాపనకు చురుకుగా పనులు జరుగుతున్నాయి. ప్రముఖ నిర్మాత పొట్లూరి వరప్రసాద్ ఈ పనులను పర్యవేక్షిస్తున్నారు.ఆరోజు పవన్ కళ్యాణ్ తన పార్టీ పేరు, లోగో, జెండా, అజెండా వగైరాలు ప్రకటిస్తారు.