టిడిపికి ప్రచారం చేయడానికి సిద్ధమవుతున్న జూనియర్ ఎన్.టి.ఆర్.

Publish Date:Apr 23, 2014

 

 

 

తెలుగుదేశం పార్టీకి సినీ నటుడు, జనసేన పార్టీ అధినేత పవన్‌కళ్యాణ్‌ మద్దతు పలికిన వెంటనే జూనియర్ ఎన్టీఆర్ కూడా ప్రచారం చేయడానికి రంగంలోకి దిగితున్నట్లు సమాచారం. ప్రచారానికి సంబంధించి రూట్ మ్యాప్ ఇప్పటికే సిద్ధం చేసినట్లు తెలుస్తోంది. ఇప్పటికే బాలకృష్ణ, నారా లోకేష్ టిడిపికి ప్రచారం చేస్తుండగా...ప్రిన్స్ మహేష్ బాబు కూడా తన బావ టిడిపి గుంటూరు లోక్‌సభకు అభ్యర్ధి గల్లా జయదేవ్‌కు మద్దతుగా ఆన్ లైన్ ప్రచారం మొదలుపెట్టారు. టాలీవుడ్ పెద్ద హీరోలంతా టిడిపికే మద్దతు తెలుపుతుండడంతో..తాను మాత్రమే పార్టీకి దూరంగా వుంటే నందమూరి అభిమానుల్లో రాంగ్ మెస్సేజ్ వెళ్లే ప్రమాదం వుందని భావించిన ఎన్టీఆర్ ప్రచారానికి సిద్దమవుతున్నట్లు సమాచారం. తెలుగుదేశం పార్టీ తరఫున ఏయే నియోజక వర్గాల్లో ప్రచారం చేస్తారు... రూట్ మ్యాప్ ఏ విధంగా ఉండాలన్న అంశంపై రేపే అధికారికంగా ప్రకటించే అవకాశం ఉంది.

By
en-us Political News