హస్తానికి చెయ్యిచ్చిన నందీశ్వర్?
posted on Mar 15, 2014 2:17PM
కాంగ్రెస్ శాసనసభ్యుడు నందీశ్వర్గౌడ్ కాంగ్రెస్ పార్టీకి ‘చెయ్యి‘ ఇచ్చి, తెలంగాణ రాష్ట్ర సమితి (టీఆర్ఎస్)లో చేరేందుకు రంగం సిద్ధం చేసుకుంటున్నారు. ఈ మేరకు టీఆర్ఎస్ అధినేత కేసీఆర్తో సంప్రదింపులు జరుపుతున్నట్లు సమాచారం. పటాన్చెరు ఎమ్మెల్యే నందీశ్వర్గౌడ్ పీసీసీ మాజీ అధ్యక్షుడు డి.శ్రీనివాస్కు ప్రధాన అనుచరుడు. స్థానికంగా కాంగ్రెస్ పరిస్థితి బాగోలేదని, పార్టీ తరఫున పోటీ చేస్తే గెలిచే అవకాశాల్లేవనే ఉద్దేశంతోనే ఆయన టీఆర్ఎస్ వైపు వెళ్లేందుకు సిద్ధమవుతున్నట్లు ఆయన సన్నిహితులు చెబుతున్నారు. ఈ సమాచారం తెలిసి డీఎస్ ఆయనతో మాట్లాడేందుకు ప్రయత్నించినా అందుబాటులోకి రాలేదని తెలుస్తోంది. డీఎస్ స్వయంగా ఫోన్ చేసినా రెండ్రోజుల నుంచి స్పందించడం లేదని సమాచారం.