తెల్లగడ్డం.. పిల్లిగడ్డం.. నల్లగడ్డం!

మీ ఓట్లు మాకే వేయండి అని ఓటర్లను గడ్డం పట్టుకుని బతిమాలడానికి మూడు రకాల గడ్డాలు ఒకే వేదిక మీదకి రాబోతున్నాయి. ఆ మూడు గడ్డాలు ఏవంటే... తెల్లగడ్డం, పిల్లిగడ్డం, నల్లగడ్డం. ఈపాటికి అందరికీ అర్థమైపోయే వుంటుంది. తెల్లగడ్డం అంటే నరేంద్రమోడీ, పిల్లిగడ్డం అంటే చంద్రబాబు నాయుడు, నల్లగడ్డం అంటే పవన్ కళ్యాణ్. ఈ ముగ్గురూ కలసి పాల్గొనే బహిరంగ సభలను ఏర్పాటు చేయడానికి సన్నాహాలు జరుగుతున్నాయి. సీమాంధ్ర, తెలంగాణల్లో జరిగే బహిరంగ సభల్లో ఈ ముగ్గురూ ఒకే వేదిక మీద నుంచి ప్రజల్ని ఉద్దేశించి మాట్లాడతారని తెలుస్తోంది. ఈ బహిరంగ సభలకు సంబంధించిన తేదీలను అధికారికంగా ప్రకటించాల్సి వుంది. తమ గడ్డాలు పట్టుకుని బతిమాలడానికి ఒకేసారి వస్తున్న మూడు రకాల గడ్డాలను ఒకే వేదిక మీద చూడటానికి తెలుగు ఓటర్లు గడ్డాలు నిమురుకుంటూ ఎదురుచూస్తున్నారు.