ప్రధాని మన్మోహన్సింగ్కి జెల్లకొట్టిన తమ్ముడు దల్జీత్ సింగ్
posted on Apr 26, 2014 12:21PM
ప్రధాని మన్మోహన్సింగ్కి తమ్ముడి వరసయ్యే దల్జీత్సింగ్ కోహ్లీ అనే సర్దార్జీ నిన్నటి వరకూ కాంగ్రెస్ పార్టీలో వుంటూ అన్నగారికి తగ్గ తమ్మడిలా సోనియా కుటుంబానికి విధేయుడిగా వుండేవాడు. ఇప్పుడాయన ఎంచక్కా కాంగ్రెస్ పార్టీకి రామ్ రామ్ చెప్పేసి బీజేపీలో జాయినైపోయాడు. అమృత్సర్లో శుక్రవారం బీజేపీ ఒక భారీ ర్యాలీ నిర్వహించింది. ఇందులో బీజేపీ ప్రధాని అభ్యర్థి నరేంద్రమోడీ కూడా పాల్గొన్నాడు. ఈ ర్యాలీలోనే మన్మోహన్ సోదరుడు దల్జీత్సింగ్ బీజేపీలో చేరాడు. దల్జీత్సింగ్కి మోడీ బీజేపీలోకి సాదర స్వాగతం పలికారు. దేశంలో మోడీ హవాలాంటిదేమీ లేదని మన్మోహన్ సింగ్ ప్రకటించిన మర్నాడే ఆయన తమ్ముడు బీజేపీలో చేరడం కాంగ్రెస్ పార్టీకి, మన్మోహన్ సింగ్కి షాక్ ఇచ్చింది. ఈ సంఘటన మన్మోహన్కి షాక్ ఇచ్చిందని ఒప్పుకుంటున్న ప్రధాని కార్యాలయ వర్గాలు మళ్ళీ తమాయించుకుని దల్జీత్సింగ్ మన్మోహన్కి సొంత తమ్ముడేమీ కాదు.. చాలాకాలంగా మన్మోహన్తో ఆయనకి సంబంధాలు లేవు అని కవర్ చేసుకునే ప్రయత్నాలు మొదలుపెట్టింది.