మమత ఫెడరల్ ఫ్రంట్ లోకి టిడిపి

పచ్చిమ బెంగాల్ ముఖ్యమంత్రి మమత బెనర్జీ తలపెట్టిన ఫెడరల్ ఫ్రంట్ లో మేము కూడా ఒక భాగంగా ఉంటామని టి.డి.పి. అధినేత చంద్రబాబు నాయుడు అన్నారు. ఫెడరల్ ఫ్రంట్ లో చేరే విషయంపై చంద్రబాబు మాట్లాడుతూ... మమత బెనర్జీ ఎప్పటికప్పుడు తనతో మాట్లాడుతున్నారని, అదే విధంగా ఇతర ప్రాంతీయ పార్టీలు కూడా తనతో టచ్ లో ఉంటున్నారని, త్వరలోనే ఫెడరల్ ఫ్రంట్ లో చేరుతామని చంద్రబాబు అన్నారు. బి.జె.పి. నేతృత్వంలోని ఎన్.డి.ఎ. సరిగ్గా నిలబడట్లేదని, కాంగ్రెస్ పార్టీ ఆధ్వర్యంలోని యు.పి.ఎ. ప్రజల మద్దతు కోల్పోయిందని, కేవలం ప్రాంతీయ పార్టీలే కీలక పాత్ర పోషిస్తున్నాయని అన్నారు. ఇదిలా ఉంటే... ఫెడరల్ ఫ్రంట్ పై వ్యతిరేకతను చూపుతున్న సి.పి.ఎం.కు, మమతకు ఉప్పు-నిప్పుగా ఉంది పరిస్థితి. మరి చంద్రబాబు ఇక్కడి వామపక్ష పార్టీలతో సంబంధాలు తెంచుకోవడానికే ప్రయత్నిస్తున్నట్లుగా అనిపిస్తుంది.