తక్కువ స్కోరు ... అయినా తప్పని టెన్షన్

ఐపిఎల్-6 లీగ్ దశ మ్యాచ్ లో ఢిల్లీ డేర్ డెవిల్స్ మరోసారి తడబడింది. శుక్రవారం జరిగిన ఐపిఎల్- 6 లీగ్ మ్యాచ్ లలో భాగంగా ఢిల్లీ డేర్ డెవిల్స్ X సన్ రైజర్స్ హైదరాబాద్ మధ్య జరిగిన మ్యాచ్ లో ఢిల్లీ డేర్ డెవిల్స్ బ్యాట్స్ మెన్ ఘోరంగా విఫలమయ్యారు. గత రెండు మ్యాచ్ లకు దూరంగా ఉన్న ఢిల్లీ డేర్ డెవిల్స్ డ్యాషింగ్ బ్యాట్స్ మెన్ వీరేంద్ర సెహవాగ్ మరోసారి విఫలమయ్యాడు. టాస్ గెలిచి బ్యాంటింగ్ ని ఎంచుకున్న ఢిల్లీ డేర్ డెవిల్స్ కెప్టెన్ మహేళా జయవర్థనే బ్యాంటింగ్ ఎంచుకున్నాడు. ఢిల్లీ బ్యాట్స్ మెన్ వార్నర్ (0) మొదటి ఓవర్ నాలుగో బంతికే మిడాన్ లో స్టెయిన్ బౌలింగ్ లో రాజన్ క్యాచ్ పట్టడంతో తమ మొదటి వికెట్ ను కోల్పోయింది. వీరేంద్ర సెహవాగ్ (12)కు తోడుగా వచ్చిన జయవర్థనే (12) లను ఇషాంత్ శర్మ వరుసబంతులలో అవుట్ చేయడంతో ఢిల్లీ డేర్ డెవిల్స్ పతనం ప్రారంభమైంది. బోథా (9), జునేజా (15) వికెట్లను కూడా కోల్పోయి కష్టాలలో వున్న డేర్ డెవిల్స్ ఇన్నింగ్స్ ను ఆఖరి ఓవర్లలో ఇర్ఫాన్ పఠాన్ (23), కేదార్ జాదవ్ (30) చెలరేగడంతో ఢిల్లీ డేర్ డెవిల్స్ తమ నిర్ణీత 20 ఓవర్లలో 8 వికెట్ల నష్టానికి 114 పరుగులు చేయగలిగింది. స్టెయిన్ రెండు వికెట్లు, ఇషాంత్ రెండు వికెట్లు, పెరెరా రెండు వికెట్లు, అమిత్ శర్మకు ఒక వికెట్ దక్కింది. సునాయాసమైన రెండో ఇన్నింగ్స్ ప్రారంభించిన సన్ రైజర్స్ హైదరాబాద్ ఒడిదుడుకులతో ప్రారంభమైంది. అక్షిత్ రెడ్డి రనౌట్ అవడంతో సన్ రైజర్స్ కెప్టెన్ సంగక్కర, పార్థివ్ పటేల్ ఇన్నింగ్స్ నిర్మించే పనిని చేపట్టి కావాల్సిన రన్ రేట్ తగ్గకుండా ఆడుతుండటంతో సన్ రైజర్స్ విజయం చాలా తేలిక అనుకుంటున్న సమయంలో పార్థివ్ పటేల్ ను నదీమ్ తన బౌలింగ్ లో నే క్యాచ్ పట్టి అవుట్ చేసాడు. తరువాత బ్యాటింగ్ కు దిగిన బ్యాట్స్ మెన్ సంగక్కర (28), బోథా (17), కెమరూన్ వైట్ (4) వికెట్లను వెంట వెంటనే కోల్పోవడంతో కష్టాలలో పడింది. చివర్లో ఆశీష్ రెడ్డి (16), అమిత్ మిశ్రా (16) నాటౌట్, స్టెయిన్ (9) నాటౌట్ గా నిలిచి రెండు బంతులు మిగిలి ఉండగానే అతి కష్టం మీద 7 వికెట్లు కోల్పోయి 115 పరుగులు చేసి విజయం సాధించింది. అమిత్ మిశ్రాకు మ్యాన్ ఆఫ్ ది మ్యాచ్ అవార్డు దక్కింది. మోర్కెల్ రెండు వికెట్లు, నదీమ్ రెండు వికెట్లు, ఇర్ఫాన్ ఒక వికెట్, బోథా ఒక వికెట్ తీశారు. ఢిల్లీ డేర్ డెవిల్స్ కు ఈ సీజన్ లో వరుసగా ఇది నాలుగో పరాజయం.