లెజెండ్ కు "బోరు" కొట్టింది

బోయపాటి శ్రీను దర్శకత్వంలో బాలయ్య నటించిన లెజెండ్ సినిమా పేరుకు తగ్గట్టే మంచి విజయాన్ని సాధించిందని సినీ ట్రేడ్ వర్గాలు అంచనా వేస్తున్నాయి. సింహా తరువాత ఆ స్థాయి విజయాన్ని సాధించిన నటసింహం కెరీర్ లో మరో బ్లాక్ బస్టర్ అవుతుందని అంచనాలు వేస్తున్నారు క్రిటిక్స్. లెజెండ్ విక్టరీని ఎంజాయ్ చేస్తున్న బాలయ్యకు షేక్ పెట్ ఎమ్మార్వో చిన్న షాక్ ఇచ్చారు. అనుమతి లేకుండా బోర్ వేసినందుకు బాలకృష్ణకు రెవెన్యూ అధికారులు శనివారం రూ.10 వేల జరిమానా విధించారు. బంజారాహిల్స్ రోడ్డు నెంబర్ 2లోని బాలకృష్ణ ఇటీవల బోర్ వేయించారు. అనుమతి లేకుండా హీరో బాలకృష్ణ బోర్ వేయించినట్లు స్థానికులు కొంతమంది ఫిర్యాదు చేయడంతో రెవెన్యూ అధికారులు విచారణ జరిపారు. అనుమతి లేకుండా బోర్ వేయించినట్లు తేలడంతో బాలకృష్ణకు అధికారులు రూ. 10 వేల జరిమానా విధించారు.