హైదరాబాద్ నగరంలో సాఫ్ట్వేర్ ఇంజనీర్‌గా పనిచేస్తున్న భవ్యశ్రీ అనే యువతి మిస్సింగ్ మిస్టరీ సంచలనం సృష్టిస్తోంది. భవ్యశ్రీ వివాహిత. కార్తీక్ అనే యువకుడిని ప్రేమించి వివాహం చేసుకుంది. గురువారం నాడు విధులకు వెళ్లిన భవ్యశ్రీ తిరిగి రాకపోవడంతో ఆమె భర్త కార్తీక్ పోలీసులకు ఫిర్యాదు చేశారు. కేపీహెచ్‌ బీ 7వ ఫేస్‌లో కార్తిక్‌ చైతన్య, భవ్యశ్రీ చరిత దంపతులు నివాసం వుంటున్నారు. భవ్య మాదాపూర్‌లోని ఓ ప్రముఖ సాఫ్ట్వేర్ కంపెనీలో ఉద్యోగం చేస్తున్నారు. గురువారం నాడు ఆఫీసు వెహికల్ రాకపోవడంతో భవ్య ప్రైవేటు క్యాబ్‌ ఎక్కారు. తాను కాబ్‌ ఎక్కానని ఉదయం 8:30 గంటలకు భర్తకు మెసేజ్‌ చేశారు. సాయంత్రం వరకు భవ్య ఫోన్‌ అవుట్‌ ఆఫ్‌ కవరేజీలో ఉంది. అయితే రాత్రి ఇంటికి రావాల్సిన భార్య ఎంతకీ రాకపోవడంతో భర్త ఆఫీస్‌కు ఫోన్‌ చేయగా అసలు భవ్య విధులకు హాజరుకాలేదని సంస్థ ఉద్యోగులు తెలిపారు. దీంతో ఆందోళన చెందిన భర్త కార్తీక్ గత అర్ధరాత్రి పోలీసులకు ఫిర్యాదు చేశారు. భవ్య చరిత గత కొన్ని రోజులుగా విధులకు హాజరు కావడం లేదని తెలుస్తోంది. ఆమెను ఎవరైనా కిడ్నాప్ చేశారా.. లేక ఆమే ఎటైనా వెళ్ళిపోయిందా అనే కోణంలో పోలీసులు దర్యాప్తు చేస్తున్నారు.
.webp)
.webp)
.webp)
.webp)
.jpg)
.webp)
