ఆత్మహత్యలకు టీఆర్ఎస్సే కారణం: జైరాం రమేష్

 

 

 

టీఆర్ఎస్ మీద కొంతకాలంగా విరుచుకుపడుతున్న జైరాం రమేష్ సంచలన ప్రకటన చేశారు. టీఆర్ఎస్‌ని నమ్ముకుని దగ్గరుండి తెలంగాణ క్రతువు జరిపించిన జైరాం రమేష్ కేసీఆర్ పార్టీని కాంగ్రెస్‌లో విలీనం చేయకుండా ప్లేటు ఫిరాయించడంతో బాగా హర్టయ్యాడు. తెలంగాణలో టీఆర్ఎస్‌కి ఎంత ఎక్కువ డ్యామేజ్ చేయగలిగితే అంత మంచిదన్న అభిప్రాయంలో ఆయన వున్నట్టున్నారు. అందుకే టీఆర్ఎస్ మీద సోమవారం భారీ కామెంట్ చేశారు. తెలంగాణలో యువకుల ఆత్మహత్యలకు టీఆర్ఎస్సే కారణమని జైరాం రమేష్ ఆరోపించారు. యువకులు ఆత్మహత్యలు చేసుకునేలా టీఆర్ఎస్ నాయకులు ప్రేరేపించారని ఆయన ఆరోపించారు. ఈ ఆరోపణల మీద స్పందించడానికి టీఆర్ఎస్‌కి అవకాశం కూడా లేదు. ఎందుకంటే ఎన్నికల ప్రచారం చేయడానికి, ఎదుటి పార్టీలని తిట్టడానికి టీఆర్ఎస్‌కి టైమైపోయింది.