పవన్ కి 24గంటలు గడువు: హరీష్ రావు
posted on Apr 27, 2014 1:36PM
ఇంతకాలం సినీ రంగానికే పరిమితమయిన పవన్ కళ్యాణ్ కొంచెం ఆవేశపరుడనే సంగతి కొందరికే తెలుసు. అయితే ఆయన రాజకీయాలలో ప్రవేశించడంతో ఆవిషయం అందరికీ తెలుస్తోందిపుడు. ఆయన నిన్న తన ప్రసంగంలో కేసీఆర్, హరీష్ రావులపై చేసిన విమర్శలకు, హెచ్చరికలకు అప్పుడే అటునుండి ధీటుగానే జవాబు వచ్చింది. పవన్ కళ్యాణ్ ఇప్పుడు మాట్లాడుతున్న మాటలకు తగిన విధంగా బుద్ది చెపుతామని, అందుకు ఆయన మూల్యం చెల్లించుకోక తప్పదని హెచ్చరించారు కూడా. ఆంధ్రావాడయిన బొత్ససత్యనారాయణతో తెరాస నేత హరీష్ రావుకి వ్యాపారలావాదేవీలున్నాయని పవన్ చేసిన ఆరోపణను ఆయన ఖండించడమే కాకుండా 24గంటలలోగా పవన్ తన ఆరోపణలు నిరూపించడమో లేకపోతే తప్పుఒప్పుకొని క్షమాపణలు చెప్పాలని లేకుంటే ఆయనపై పరువు నష్టం దావా వేస్తానని హరీష్ రావు హెచ్చరించారు. మరొక మూడు రోజుల్లో తెలంగాణాలో ఎన్నికలుముగుస్తాయి గనుక ఈ వ్యవహారం ఇక్కడితో ముగుస్తుందో లేక కొత్త మలుపులు తిరుగుతుందో త్వరలోనే తేలిపోతుంది.