తెలంగాణలో ప్రభుత్వం ఏర్పాటు దిశగా టీఆర్ఎస్

తెలంగాణలో ప్రభుత్వం ఏర్పాటు చేయడానికి అవసరమైన మెజారిటీ సాధించే దిశగా దూసుకు వెళ్తోంది. టీఆర్ఎస్‌కి 60 శాసనసభ స్థానాలు దాటి వచ్చే అవకాశాలు కనిపిస్తున్నాయి. ఫలితాలను చూస్తే తెలంగాణ ఉద్యమాన్ని నడిపిన టీఆర్ఎస్‌కే తెలంగాణ ప్రజలు పట్టం కట్టారు. తెలంగాణ ఇచ్చేదీ కాంగ్రెసే, తెచ్చేదీ కాంగ్రెసే అన్న కాంగ్రెస్ పార్టీ తన రాజకీయ ప్రయోజనాల కోసం తెలంగాణ ఇచ్చింది. అయితే ఇప్పుడు చివరికి తెలంగాణలో చచ్చింది కూడా కాంగ్రెస్ పార్టీయే అయింది. తెలంగాణలో ప్రధాన ప్రతిపక్షం స్థానాన్ని కూడా కాంగ్రెస్ పార్టీ పొందే అవకాశాలు కనిపించడం లేదు. తెలుగుదేశం పార్టీ ప్రధాన ప్రతిపక్షం హోదాని పొందే అవకాశాలు కనిపిస్తున్నాయి. టీఆర్ఎస్ అధ్యక్షుడు కేసీఆర్ ముఖ్యమంత్రిగా ప్రమాణ స్వీకారం చేసేందుకు ఏర్పాట్లు చేసుకుంటున్నారు.