కేసీఆర్ అసెంబ్లీ రద్దు చేసి ముందస్తుకి సిద్ధం అయినప్పటి నుండి.. తెలంగాణలో ఎన్నికలు ఎప్పుడు జరుగుతాయా అని అందరిలో ఆసక్తి మొదలైంది. త్వరలో జరగనున్న నాలుగు రాష్ట్రాల అసెంబ్లీ ఎన్నికలతో పాటు తెలంగాణలో ఎన్నికలు జరుగుతాయి అంటూ చర్చలు జరుగుతున్నాయి. అయితే దీని గురించి ఈరోజు స్పష్టత వచ్చే అవకాశాలు ఉన్నట్టు తెలుస్తోంది. కేంద్ర ఎన్నికల సంఘం ఈరోజు మీడియా సమావేశాన్ని నిర్వహించనుంది. ఐదు రాష్ట్రాల ఎన్నికల షెడ్యూల్‌ విడుదల చేసే అవకాశం ఉన్నట్లు తెలుస్తోంది. మధ్యప్రదేశ్‌, రాజస్థాన్‌, ఛత్తీస్‌గఢ్‌, మిజోరం‌లతోపాటు తెలంగాణ ఎన్నికల షెడ్యూల్‌ను కూడా విడుదల చేసే అవకాశం ఉన్నట్లు సమాచారం. అన్ని రాష్ట్రల ఎన్నికల అధికారులతో రెండ్రోజులుగా కేంద్ర ఎన్నికల సంఘం అధికారులు సమావేశమవుతున్నారు. ఇవాళ తెలంగాణకు సీఈసీ సాంకేతిక నిపుణులు రానున్నారు. తెలంగాణలో ఓటర్ల జాబితా రూపొందించే విషయంలో సాంకేతిక సమస్యలను పరిశీలించనున్నారు. ఈ నెల 8న ఓటర్ల తుది జాబితా విడుదల చేసేందుకు ఎన్నికల సంఘం సిద్ధమైంది. అయితే ప్రస్తుతం సాంకేతిక సమస్యలు వస్తున్నందున సాంకేతిక నిపుణులను సీఈసీ పంపిస్తోంది.
.webp)
.webp)
.webp)
.webp)
