చిందేశాడు.. సస్పెండ్ అయ్యాడు..

సినిమా హీరో డ్యాన్స్ చేసినా ఇంత రెస్పాన్స్ వస్తుందో లేదో తెలియదు కానీ.. ఈయన డ్యాన్స్ కు మాత్రం సోషల్ మీడియాలో హల్ చల్ చేస్తుంది. అయితే ఆశ్చర్యం ఏంటంటే.. హీరో డ్యాన్స్ చేస్తే విజిల్స్ వస్తాయి..కానీ ఇక్కడ అతను డ్యాన్స్ చేసినందుకు ఉద్యోగం పోయింది. ఇంతకీ ఆ అతను ఎవరనుకుంటున్నారా..వివరాలు.. ఆనందంతో చిందేసి ఉన్న ఉద్యోగాన్ని పోగొట్టుకున్నాడు ఓ జైలర్. తమిళనాడులోని సేలం జిల్లా.. అత్తూరులో ఈ విచిత్రమైన ఘటన చోటుచేసుకుంది. అత్తూరు సబ్ జైలు డిప్యూటీ జైలర్ శంకర్ రిపబ్లిక్ డే రోజు పరేడ్స్ లో పాల్గొన్న ఆయన తన సహోద్యోగి రూంలో డ్యాన్సే చేశాడు. తాను డ్యాన్స్ చేస్తూ పక్క వారిని కూడా సంతోషపరిచాడు. అంతా బానే ఉన్నా.. ఈలోపు అతను చేసిన డ్యాన్స్ ను వీడియో తీసిన వారు దానికి సోషల్ మీడియాలో పాస్టే చేశారు. అంతే అది అలా అలా పాకి ఆఖరికి ఉన్నతాధికారుల వకరూ వెళ్లింది. దీంతో ఆయనను కోయంబత్తూరుకు బదిలీ చేసి విచారణ జరిపి సస్పెండ్ చేశారు.