చిరు కామెడీ స్టార్: కిరణ్ సెటైర్
posted on Mar 22, 2014 3:37PM
విజయవాడలో జరిగిన మీడియా సమావేశంలో మాజీ ముఖ్యమంత్రి కిరణ్ కుమార్ రెడ్డి కేంద్రమంత్రి చిరంజీవి పైన సెటైర్లు వేశారు. చిరంజీవి తెరపైన మంచి నటుడే కాని రాజకీయాలలో కామెడీ స్టార్ గా మారిపోయారని అన్నారు. చిరంజీవి ఏం మాట్లాడుతున్నారో ఆయనకే అర్ధం కావడం లేదన్నారు. రాజకీయాలు తెలిసిన వారు విమర్శలు చేస్తే సమాధానం చెప్పవచ్చని వ్యాఖ్యానించారు. చిరంజీవి మాటలను బట్టి రాజకీయ పరిజ్ఝానం ఎంత ఉందో అర్థమవుతోందని ఆయన అన్నారు. విభజనకు తాను కారణమంటే వారి జ్ఝానానికి వదిలేస్తున్నానని ఆయన చెప్పారు. రాష్ట్ర విభజనకు అనుకూలంగా తాను కాంగ్రెసు అధిష్టానం వద్ద ఏనాడూ వ్యవహరించలేదని, తాను విభజనకు వ్యతిరేకమని ముఖ్యమంత్రిని కావడానికి ముందు కూడా చెప్పానని ఆయన అన్నారు.