ఘాటైన విమర్శలతో చంద్రబాబు పాదయాత్ర

వస్తున్నా మీకోసం పాదయాత్ర తూర్పుగోదావరి జిల్లా రాజమండ్రిలో రెండోరోజు పాదయాత్ర సందర్భంగా టి.ఎన్.ఎస్.ఎఫ్. ఆధ్వర్యంలో ఏర్పాటు చేసిన సమావేశంలో యువతను ఉద్దేశించి ప్రసంగిస్తూ తమ్ముళ్ళూ లక్షకోట్ల రూపాయల అవినీతి సొమ్మును సంపాదించినవారు, చంచల్ గూడ జైలుకి వెళ్ళిన నాయకులు మీకు ఆదర్శం కాకూడదు. ఎన్టీఆర్, అల్లూరి వంటి నాయకులను ఆదర్శంగా తీసుకోండి. మీ తెలివితేటలను, శ్రమను నమ్ముకుని పైకెదగండి అని పిలుపునిచ్చారు. కోరుకొండ రోడ్డులో టి.ఎన్.ఎస్.ఎఫ్. ఆధ్వర్యంలో ఏర్పాటుచేసిన యువజనుల సమావేశంలో ఆయన మాట్లాడుతూ ... కిరికిరి ముఖ్యమంత్రి కిరణ్ కుమార్ రెడ్డి మాటలే కానీ చేతల్లేవు, రాజీవ్ యువకిరాణాలు అంటూ పదిహేను లక్షల ఉద్యోగాలిస్తానని వాగ్దానం చేసి ఇప్పటి వరకు ఎన్ని ఉద్యోగాలిచ్చాడో మీ అందరికీ తెలుసు అంటూ రాష్ట్ర ముఖ్యమంత్రి కిరణ్ కుమార్ రెడ్డి పై తీవ్ర విమర్శలు గుప్పించారు.