టీడీయల్పీ నేతగా ఎన్నికయిన చంద్రబాబు

 

తిరుపతి యస్వీ యూనివర్సిటీలో సమావేశమయిన తెదేపా శాసనసభ్యులు పార్టీ అధ్యక్షుడు చంద్రబాబును తమ శాసనసభాపక్ష నాయకుడిగా ఏకగ్రీవంగా ఎన్నుకొన్నారు. చంద్రబాబు పేరును తెదేపా సీనియర్ నేత కే.ఈ. కృష్ణమూర్తి సరిగ్గా 8.31 నిమిషాలకు ప్రతిపాదించగా, దానిని సభ్యులందరూ కరతాళ ధ్వనులతో ఏకగ్రీవంగా ఆమోదించారు. తెదేపా నేతలు తమ ఈ తీర్మానాన్నిరేపు గవర్నర్ నరసింహన్ కు అందజేసిన తరువాత గవర్నర్ చంద్రబాబును ప్రభుత్వం ఏర్పాటు చేయమని ఆహ్వానిస్తారు. చంద్రబాబు జూన్ 8న రాత్రి 7.41 గంటలకు ముఖ్యమంత్రిగా గుంటూరు సమీపంలో గల నాగార్జున విశ్వవిద్యాలయంలో ప్రమాణ స్వీకారం చేయబోతున్నారు. అదేరోజు నుండి ఆంధ్రప్రదేశ్ రాష్ట్రానికి ‘ప్రత్యేక హోదా’ ఏర్పడబోతోంది.