'విశ్వరూపం' కు తొలగిన కష్టాలు...త్వరలో విడుదల
posted on Feb 3, 2013 10:29AM
మొత్తంగా నష్టం ఏ స్థాయి తేలుతుందో కానీ ఈ సినిమా తమిళనాడు విడుదల కు సంబంధించి చర్చలు సఫలం అయ్యాయి. ఈ సినిమా విడుదల తేదీని త్వరలోనే ప్రకటిస్తానని కమల్ తెలిపాడు. ప్రస్తుతానికి ఈ సినిమా విడుదలకు ఉన్న అడ్డంకులన్నీ తొలగిపోయినట్టేనని అంటున్నారు. ముస్లిం సంఘాలు, కమల్ హాసన్ మధ్య శనివారం జరిగిన చర్చలు సఫలమయ్యాయి. అయితే కొన్ని సీన్ల కోతలతో ఈ సినిమా విడుదల అయ్యే అవకాశాలు కనిపిస్తున్నాయి. మొత్తం ఏడు వివాదస్పద దృశ్యాలు తొలగించేందుకు కమల్ అంగీకరించారు. మరో ఎనిమిది డైలాగుల వద్ద ‘సైలెంట్’ టోన్ పెట్టనున్నారట. చర్చలు సామరస్యంగా జరిగేందుకు సహకరించిన ప్రభుత్వానికి కృతజ్ఞతలు అని కమల్ అన్నారు. ప్రభుత్వానికి వ్యతిరేకంగా వేసిన దావాను ఉపసంహరించుకుంటామని చెప్పారు.