మిచెల్ కు ఆఫర్ ఇచ్చిన హిల్లరీ క్లింటన్..

అమెరికా అధ్యక్ష ఎన్నికలు ఈనెలలో జరగనున్న సంగతి తెలిసిందే. అయితే ఈ ఎన్నికల్లో ఎవరు గెలుస్తారో తెలియదు కానీ.. అప్పుడే ఈ ఎన్నికల బరిలో ఉన్న హిల్లరీ క్లింటన్ మాత్రం అప్పుడే  ప్రస్తుత అధ్యక్షుడు బరాక్ ఒబామా సతీమణి మిచెల్ కు ఆఫర్ ఇచ్చేశారు. ఇంతకీ ఆ ఆఫర్ ఏంటనుకుంటున్నారా..? అమెరికా అధ్యక్ష ఎన్నికల్లో తాను విజయం సాధిస్తే, తనను క్యాబినెట్ లోకి ఆహ్వానిస్తానని.. హిల్లరీ క్లింటన్ స్పష్టం చేశారు. ఆమె ప్రభుత్వంలో భాగం కావాలని భావిస్తే, తనకో ఉత్తమ భాగస్వామి లభించినట్లని ఆమె అన్నారు. అమెరికా తొలి మహిళగా గడచిన ఆరేళ్లలో ఆమె దేశానికి ఎంతో సేవ చేశారని.. ప్రపంచవ్యాప్తంగా బాలికా విద్యపై అవగాహన పెంచేందుకు ఆమె ఎంతో కృషి చేశారని, తాము కలిసిన ప్రతిసారీ ఈ విషయంలో చర్చించుకునే వాళ్లమని అన్నారు.