కాంగ్రెస్ లో చేరిన గజల్ శ్రీనివాస్

Publish Date:May 12, 2013

 

 

Ghazal srinivas to join congress, Ghazal srinivas congress, congress Ghazal srinivas

 

 

ప్రముఖ గజల్ గాయకుడు శ్రీనివాస్ కాంగ్రెస్ పార్టీ తీర్థం పుచ్చుకున్నారు. ఆయన పీసీసీ మాజీ అధ్యక్షుడు డి శ్రీనివాస్ సమక్షంలో పార్టీ సభ్యత్వం తీసుకున్నారు. ఈ కార్యక్రమంలో విజయవాడ ఎంపీ లగడపాటి రాజగోపాల్, పార్టీ ఇతర నేతలు పాల్గొన్నారు. తన తాత, తల్లి స్ఫూర్తితోనే కాంగ్రెస్ పార్టీ చేరినట్లు గజల్ శ్రీనివాస్ తెలిపారు. లగడపాటి రాజగోపాల్ కు సన్నిహితుడు అయిన గజల్ శ్రీనివాస్ తెలంగాణ – సమైక్యాంధ్ర ఉద్యమ నేపథ్యంలో లగడపాటి నిరహారదీక్ష చేస్తున్నప్పుడు ప్రత్యేకంగా ఓ గీతం రచించాడు. దానిని లగడపాటి అన్ని ఛానళ్లలో ప్రత్యేకంగా ఉపయోగించుకున్నాడు. విజయవాడలో లగడపాటి సన్నిహితుడు మాజీ ఎమ్మెల్యే అడుసుమిల్లి జయప్రకాష్ పార్టీని వీడి జగన్ పార్టీలో చేరడంతో ఆ లోటును భర్తీ చేసేందుకు గజల్ ను పార్టీలోకి తీసుకు వచ్చినట్లు తెలుస్తోంది.