రామ్‌దేవ్ మీద ఇ.సి. నిషేధం: కేసీఆర్ తిట్లపై వుండదా?

ఎన్నికల కమిషన్ కూడా చాలా విచిత్రంగా ప్రవర్తిస్తూ వుంటుంది. కొంతమంది మీద చిన్న చిన్న పాయింట్లను కూడా పట్టించుకుని కొరడా ఝుళిపిస్తుంది. మరికొంతమంది ఏం చేసినా అసలు ఎంతమాత్రం పట్టించుకోకుండా ఊరుకుంటుంది. ఈమధ్య కాలంలో ఇద్దరు ముగ్గురు బీజేపీ నాయకులు, నిన్నగాక మొన్న రామ్ దేవ్ బాబా కాస్తంత నోరు జారి మాట్లాడినందుకు వాళ్ళు ఎక్కడా, ఏ ఎన్నికల మీటింగ్‌లో మాట్లాడకూడదని నిషేధం విధించింది. నరేంద్రమోడీ, రాహుల్ గాంధీలకు కూడా ఎక్కువగా మట్లాడొద్దని వార్నింగ్స్ ఇచ్చింది. అయితే కేసీఆర్ ఎవర్ని ఎన్ని రకాలుగా తిట్టినా, ప్రాంతీయ విభేదాలు పెరిగేలా ఎంత మాట్లాడినా, ఇతర పార్టీలవాళ్ళని సన్నాసులు, దద్దమ్మలు అన్నా, పవన్ కళ్యాణ్‌ని ‘వాడు’ అన్నా ఎన్నికల సంఘానికి వినిపించలేదు. కేసీఆర్ ఎన్నో రకాలుగా అదృష్టవంతుడని నిరూపణ అయింది. ఇప్పుడు ఎన్నికల సంఘం వైపు నుంచి కూడా ఆయనకి అదృష్టం కలిసొస్తుందని అనుకోవాలా?