టెన్షన్ క్రియేట్ చేస్తున్న అమెరికా ఎన్నికలు... మ్యాజిక్ ఫిగర్ కు దగ్గరగా ట్రంప్..

అమెరికా అధ్యక్ష ఎన్నికల ఫలితాలు క్షణ క్షణం ఉత్కంఠతను రేపుతున్నాయి. రిపబ్లికన్ పార్టీ తరపున డొనాల్డ్ ట్రంప్, డెమొక్రెటిక్ పార్టీ తరపున హిల్లరీ క్లింటన్ బరిలో ఉండగా ఎన్నికల ఫలితాలపై మాత్రం ప్రపంచ మొత్తం ఆసక్తిగా ఎదురుచూస్తుంది. గంట గంటకూ చేతులు మారుతున్న ఆధిక్యం టెన్షన్ క్రియేట్ చేస్తోంది. ఎన్నికల ఫలితాల్లో మొదట ట్రంప్ ఆధిక్యంతో నిలవగా... కాసేపటి తర్వాత హిల్లరీ ముందంజలో నిలిచారు. ఆ తర్వాత దూసుకుపోయిన ట్రంప్... ఒకానొక సమయంలో ఏకంగా 57 ఓట్ల ఆధిక్యతను సాధించారు. కాలిఫోర్నియా రాష్ట్రం ఎన్నికల ఫలితాలు వెలువడిన తర్వాత ఆధిక్యంలోకి దూసుకుపోయిన హిల్లరీ... ఆ తర్వాత అదే ఊపును కొనసాగించలేకపోయారు. ఇప్పటివరకు 40 రాష్ర్టాల ఫలితాలు వెల్లడికాగా 23 రాష్ర్టాల్లో ట్రంప్, 17 రాష్ర్టాల్లో హిల్లరీ విజయం సాధించారు. మొత్తంమీద ట్రంప్ 244 స్థానాల్లో ఆధిక్యంలో కొనసాగుతుండగా హిల్లరీ 209 స్థానాల్లో ఆధిక్యంలో ఉన్నారు. అధికార కైవసానికి మొత్తం 538 స్థానాలకు గాను మ్యాజిక్ ఫిగర్ 270 ఎలక్ట్రోరల్ సీట్లను గెలుపొందాలి. ఈ క్రమంలో, మ్యాజిక్ ఫిగర్ కు చేరువలోకి రిపబ్లికన్ అభ్యర్థి ట్రంప్ వచ్చారు.